湘蜀人家

Open Now

Now Closed

非常失望，因為灣仔返工，經常食開「湖南苑」同「湖南軒」，今日中午同同事過來尼間探新店。兩個人叫左2個lunch set 裡面（土匪豬肝，小炒肉），兩份味道基本類似，配料一模一樣，只不過將豬肝轉左豬肉。2份菜單裡面，（酸菜魚，筍）。細份酸菜魚，幾乎全部酸菜，幾少魚片，味道真係好失望。最特別地方，Lunch set 菜唔包米飯，額外一碗加10蚊。寧願你係總價加多10蚊，寫送米飯，先match 到set 嘅概念。四個出品味道非常之一般，質素同價錢有好大出入。下次都係首選湖南軒或者湖南苑。

呢間川菜同朋友食過第二次啦 第一次二人餐 第二次就單獨叫左餸～～ 不得不說出菜率好快 嗌左唔夠10分鐘就送到 👍首先食左酸菜魚 🐠味道還好 都幾多魚肉 有彈性既 兩個人食左好多都仲有 酸菜夠酸 有薯粉 份量好多 薯粉好好食 味道一流 所以酸菜魚係必叫既食物 其次叫左肉醬雞丁 比起宮煲雞丁 呢個更加好味 有北京既配合 送飯一流 雞丁有好多 又有彈性 質感唔錯 好味😋最後叫左花菜 🥦呢個又係不得不說既好味 淋得黎又好夾 加埋啲豬肉 真係好錯 呢個都係顧員極力推介 所以兩次黎都會嗌呢個 最後加埋炸饅頭 外脆內軟 點埋奶油 嘩 趁熱食超正 👍👍👍總括而言 呢間川菜 價錢算合理 份量適中 味道中上以上 所以值得一試👍😋

突然想食辣野，又去開灣仔，就試一試這間吧。一坐下，不知為何身上痴著一點點紙碎，應該是枱布上掉下來的。整理後，然後開始點餐，想試一些不常吃到的菜色。很有趣的小食，爽爽的口感，酸酸甜甜，很開胃。涼粉是必食吧，麻辣的感覺令人振奮，不會過辣，有麻香。很少機會吃到炒豬腰，雖然有少少味，但仍能接受，送飯一流！立志要食勻所有酸菜魚的我，當然不會錯過試這裡的酸菜魚，又有自家不一樣的風味👍🏻由於餐廳位於商業大廈內，所以晚市不會太多人，座位很寬敞，不嘈吵，容易去。

服務態度極差劣！！需要滿200元先可以用電子付款，付現金但又違法拒收5毫子，餐廳員工/經理不懂變通！！！！絕不再光顧並不推介給所有人！！食物也不見得有多好吃，不了！！！

禮拜五夜晚，同d同事飲完啤酒，之後自己想食辣嘢。有朋友推介同埋近，就揀咗呢間。利申:一個人前往，不過當時店鋪裡只有2～3檯客。初頭冇咩唔好的感覺，睇menu的時候個經理(?)跑過來問飲咩茶，因為啱啱飲完啤酒，就不想再飲嘢，只想簡單食個飯。於是就話唔飲茶，嗌咗一個餸加一個白飯，服務生應該係兼職，不知點落單，經理就教佢，之後冇拉拉加咗句"唔飲茶喔"，語氣輕飄畀人感覺好差。之後走過來畀我的落單，又係度評論我嗌的餸"xx餸,好啊～"，評論唔緊要，但係語氣又係咁。分量不多，一個人夠食。我都識做，快手快腳食完準備買單，打咗單出來我都未講嘢，佢又加咗句"冇收你茶介噶"，語氣又係畀人感覺唔舒服。加埋服務費，158。準備畀錢時，我事先並唔知道可不可以畀信用卡或者八達通，於是就攞出銀包準備攞卡。佢又開聲了，"唔該睇睇先啦"，一張紙上邊寫住消費200以上先收信用卡。評論: 間嘢中規中矩，唔係好出色但都唔算差，鐘意食麻辣的朋友可以試試，真係好麻好辣。不過都抵不過一個職員的服務態度，可能佢的性格就係咁，但我唔鐘意。我一定係飲醉酒，先去呢間餐廳食飯。算了，永不再幫襯。

其實本身不太懂什麼是湘菜或者川菜只知道這種好味的辣聽說可以排毒祛濕我本身很喜歡辣所以就算搞不懂有什麼分別總之就非常喜愛朋友想吃簡單的辣味午餐所以就選了這間裝修很別緻坐得很舒服的湘菜我們點了兩個小菜菜花炒肉片不太辣 但超級香而且菜花煮剛剛好又軟又脆又入味我非常欣賞朋友點了川椒回鍋肉可能我吃慣上海菜的回鍋肉這款沒有椰菜的腩肉又有花椒味 我覺得怪怪的不過椒香味很濃肉片也用油泡過所以很香很鮮味酸辣土豆絲真的好酸好辣 ok好味小菜不配白飯我們就點了嫩雞煨麵麵質太淋 沒嚼口也不是我的口味我喜歡上海口味的

灣仔用餐，在大有大廈用餐同客戶一起，所選擇環境優美地方。环境：擺设精緻，環境典雅。午市套餐不算貴，有設二人餐三人餐，不過我地三個人都是打算用散叫。小插曲，叫的原來是宮爆雞丁不是宮保雞丁，可惜自己無問清楚，見到雞丁就叫😊宮爆雞丁是花生，辣味，如果想試一試宮保雞丁可能返上海菜或者川菜，湘菜應該就不會有。農家小炒肉惹味，油偏少。花菜當是配搭的青菜，全部下飯菜。另外加多12元可以有猴頭菇燉湯呢個可以值得一試。可惜午市套餐並無飯配備要另加。

食左N次既湘菜局，好鍾意呢個外省既味道，好相信已經按南方人既味道而調節左個辣度，因為係經驗記憶中傳統既湘菜係辣到咀腫（我）。其實每次都係點同一堆餸菜，而每次都好想選擇其他未曾叫過既餸菜，但又諗，鍾意既點解要轉？係為轉而轉？定係貪新鮮？每次點同一堆餸菜而每次都會食得好開心。每次都放唔底必點既係川椒回鍋肉（$88）同小蔥醬油炒飯（$68），尤其係小蔥醬油炒飯，飯炒得香配埋個醬油係無得輸既一個炒飯，唔好睇好似好深色，深色只係醬油既顏色而已；紅油炒手六隻（$46），呢個又係唔叫唔心息，皮滑醬汁辣得黎又唔係死辣果隻，過癮。常德大盤茄子炆豆角（$80），個醬汁係靈魂，呢個餸無飯空口食好野味。韭菜鮮肉水餃六隻（$52）皮厚亦係我好喜歡既Style。當食咸野食飽左之後，好自然就會舉手Order埋豆沙窩餅（$48），好老實，就算我幾鍾意食豆沙鍋餅都好，真係唔係間間都好食，亦有啲真係好難食，但呢道係好食既，每次都會點，無得傾既。

A very humble restaurant with nice Sichuan food offering. I always order their fish, either chilli or soup spicy one. Feel free to add some extra pennies for better fish and you would not be disappointed. But the regular one is alright too. Don’t only look for the fish inside but the loads of sides hidden. You will be surprised that the bowl is like a blackhole that contains countless foods 😂Their Fried Cauliflower was one of my favourite too. Not spicy but authentically Sichuan that you would e

係灣仔尋食真係花多眼亂，今次誤打誤撞試呢間湘蜀人家。店員介紹呢枝花臉啤酒，男女都啱飲，的確唔錯🥰水煮魚不過不失，起碼無骨涼拌薰蹄有驚喜涼拌青瓜正常小炒肉係店員推介，唔係太乾身既質感幾特別。花菜係我真心鍾意，好好食👍👍👍👍👍花腰唔係度度有得食，特別叫，幾好食😍😍😍豆沙窩餅 算普通無驚喜紅糖糍粑幾好食👍👍👍整體水準唔錯👍👍👍又近地鐵站

呢幾日不斷都有啲驟雨，個人覺得濕氣好重。今日晏晝決定食啲辣野，驅一驅身上啲濕氣。經同事介紹吓，嚟到呢間位於灣仔大有商場入邊嘅四川餐廳。餐廳入邊裝修非常之古色古香，座位都十分寬敞，未食嘢，環境已經贏咗先。今日我哋嗌咗三樣餸，分別係麻婆豆腐、口水雞、同埋呢度嘅招牌菜之一水煮魚。　麻婆豆腐方面，食落去非常之香，唔會太辣，拎嚟送飯真係一流。麻婆豆腐入邊嘅肉粒份量都非常多，唔會偷工減料。口水雞方面，識落就骨多過肉，同埋個辣係死辣，完全唔香口，呢碟非常之失望。至於招牌嘅水煮魚，魚肉份量都好多，煲底都仲有其他配菜，例如芽菜、薯粉、青瓜麵筋等等，雖然係辣，但係辣得非常之香，應該係三碟入邊最好食嘅。另外一人嗌咗一杯豆漿，普普通通，冇乜特別。三個人，嗌左三樣嘢食，三杯豆漿，加埋三碗白飯，成為每人$120。呢個價錢係灣仔來講，屬於不過不失。

朋友推薦試了晚餐。點了水煮魚片，萵筍，涼菜拼盤（夫妻肺片，木耳同涼皮），一碗白飯（送了個花生小菜）。總體感覺一般，辣度okay不算太辣可以接受。涼菜質素okay (110HKD左右），除了涼皮口感有點奇怪，夫妻肺片味道okay，涼拌木耳中規中矩。萵筍也中規中矩。但水煮魚食材似乎不新鮮份量也不多（168HKD），另外飯好似昨日煮的。另外，餐具有小小蟲，後來都是自己用濕紙巾擦拭。服務態度還算能接受。最終花了400HKD，感覺跟一般。

星期五晚同friend來到呢度食晚餐。首先環境雖然唔大，但係D餐具好有特色。店員嘅服務態度也唔錯。我哋兩個人叫咗一個行政二人餐。前菜唔錯，江油大蝦好味，我最鍾意還是木耳！D汁好正，扮木耳一流！主菜之一係酸菜魚！魚肉嫩滑，酸湯味道濃郁可口，辣度適中。主菜之二宮保雞丁！好好食！個味道較到啱啱好！色澤亮麗，雞肉嫩滑，花生脆爽，真係食過翻尋問！最後係炒我筍絲，雖然睇起來濕濕D唔夠乾爽，食起來依然脆口，啱好食完之前較濃味嘅嘢食返D清爽嘅嘢！套餐還附送兩個豆漿和例湯，當日係蟲草花湯都好正！

成日去灣仔買蛋糕食 都唔知係個到食乜好🥱個次行勻成個圈都唔知食乜 就決定行入商場求其食算😅呢間湘蜀人家雖然話有午市套餐 但係其實淨係一個餸 +$6先會配白飯 我就覺得似單叫餸多啲啦🍗老重慶口水雞💰75口水雞同平時食開嘅好唔同！雞件唔會太凍 而佢嘅口味好明顯係偏酸 我諗應該擺左醋之類嘅調味料～當轉下新口味都好😻🍲大盤花菜💰63湖南菜嘅特點就係大盤+素菜都要有肉！應該係炒熟左肉片D油之後再dum花菜落去炒！令到成盤嘅口味非常入味 油味十足！🍲大盤粉條燉牛肉💰82講真呢個就同我想像中有出入啦😿本身以為係辣辣地嘅紅燒牛肉粒加小小嘅粗粉條 點知係一兜好高嘅清淡薄牛肉片同埋酸辣粉D粉條 個人就覺得牛肉好鞋同冇乜味 唔係咁推薦～反而相食清淡D嘅可以試下🍜四川擔擔麵 💰56呢碗擔擔麵唔係多芝麻醬 而係多辣油的！個人覺得麵口感可以～食落可以接受😋整體來講就唔係好明佢個套餐意義😂但係都算平價湘菜 同frd或者屋企人嗌幾個餸都好有滋味！

之前有一段時間都幾鍾意嚟食午餐，佢哋嘅麻婆豆腐，同埋回鍋肉都好唔錯，好惹味😊😊😊不過今次叫麻婆豆腐，味道好似同之前唔同左。好似少咗啲油，質地比較杰，同埋得個辣字，冇咁香🤔🤔因為真係好辣，好快就食晒成碗飯。另外，今次叫咗新野，薑蔥焗黑珍珠頭腩。其實我都唔知係乜嘢魚，冇乜肉，香係幾香，但係就唔係好好餸飯🤔🤔芫荽份量比較少，蔥都幾多，而且甜甜地。不過啲魚就越食越鹹。🤷🏻‍♀️🤷🏻‍♀️所以都係比較推介叫回鍋肉。