小王牛肉麵 (Closed)

我諗我食過小王牛肉麵都不下十次，但係我今日要推介既並唔係半筋半肉牛肉麵（雖然都好好味🤣）而係我最中意既大大塊既鹽酥雞排！雞排係即叫即炸，雖然要等既時間比較耐，不過絕對係值得等待！雞排直徑我諗有超過20cm，雖然係包住炸粉，但係口感唔會覺得粉醬多過肉，雞排好厚身，直頭比出面賣$30一塊既炸雞排更加香口同大塊！今次第一次試幼麵，覺得都係粗麵口感較好！不過值得留意既係，之前鹽酥雞排麵配既湯底係胡椒豬骨湯，最近改menu後就變咗普通豬骨湯，如果要轉湯底要加$8，變相加咗價🙈但係！留意到檯面上有胡椒粉供應，自己曬少少就同之前胡椒豬骨湯味道一樣！如果同我一樣中意重口味既可以試下落d！感覺好match！

其實幾年前我已經吃過一次小王牛肉麵了，可惜那次的印象只是麻麻，牛肉麵的味道十分一般不過，由於我媽媽未曾試過這間餐廳的牛肉麵，剛巧它又在屯門V-City開設分店，所以今天我便帶她來試了今天是星期四，在星期一至五的午餐時間，餐廳都設有午市套餐，不過其實並沒有太多的選擇，因為超過一半的種類都只是肉燥飯而已由於我們都對肉燥飯完全不感興趣，套餐中亦沒有純粹的牛肉麵，所以我們只好退而求其次地選了半筋半肉麵了而飲品的選擇便更少了，只有熱珍珠奶荼和熱檸茶而已，所以我們一致選擇了熱珍珠奶荼No.1【半筋半肉麵】 $56既然是半筋半肉麵，材料當然除了牛肉外，還包括了牛筋，而且它們的份量亦十分多，佈滿整整一大碗呢首先這份半筋半肉麵可以選擇幼麵/寬麵，我媽媽就選了幼麵，而我則選了寬麵由於我並沒有嚐過媽媽那碗麵，所以我只給大家看一下它的樣子便算了好了，現在便介紹我那碗半筋半肉麵(寬麵)了先說說牛肉麵的靈魂~湯底，湯底雖然看起來黑黝黝的，湯汁亦非常濃郁，可是味道卻好像不太正宗這碗半筋半肉麵的湯底竟然是濃郁醇厚的滷水汁，而且味道更十分咸，我只是嚐了一口湯水，便立即鹹得嗆喉，不斷刺激我的味蕾！介紹完牛肉麵的靈魂，現在

中午食lunch, 要等成半個鐘，估唔到屯門分店咁多人。每次黎一定必食，當然係招牌菜鹽酥雞扒真係好大塊有得配麵或者飯，飯餐有肉燥今次食麵，有d口乾，呢間有得揀麵軟硬度，要唔要伴菜同份量，有酸菜，芫茜，小白菜或者娃娃菜啱晒d唔食菜嘅人。唔知係咪多人，都要等15分鐘先有得食但塊雞扒真係好香好脆不過呢次，唔係塊塊都咁Juicy，有一兩有少少乾，碗麵值得一讚！麵軟硬完全合我口味，仲有微量芫茜襯托，仲有蔬菜解膩，正

從未食過一碗咁難食嘅台灣牛肉麵，話街邊車仔麵都好食過佢都簡直係抵委左車仔麵。元宵佳節~~搵個地方晚飯，行過見呢間嘢個名幾得意咁~又每張枱都有人坐，邊諗到會係咁伏伏伏伏伏x10?!!!坐低後自己寫單紙，見有得揀粗幼麵、芫茜、蔥，感覺幾細心咁，落完單之後，諗住上openrice睇吓有咩小食好食啦，點知唔睇尤自可，一睇就心知不妙，食評竟然得0個人話好食，而佢係開左超過1年嘅鋪頭。。。即管睇吓有幾難食。。半筋半肉麵來到喇，揀左牛骨湯底。哇，一睇個色，深啡色，食一啖麵，得麵粉味而冇索到d湯味；食一啖牛，好林但都係唔入味。。。其實冇味都唔緊要，但係個湯可唔可以唔好咁似豉油加水咁既味呢，我只可以講，清湯可能會仲好d。而佢收緊嘅係$50碗以上嘅價錢，食完之後成晚都勁口渴。。。。。。懷疑係味精水！更慘烈嘅係我睇完食評話d小食唔ok, 我仲比多個機會佢，落左碗$38嘅蚵仔羹，因為幾年冇去台灣真係有少少掛住個味道。。見餐牌英文有個"Thick"字，諗住唔會太差卦。點知，點知，嗱，頭先碗麵真係已經冇晒心機影，呢碗我唔影就對唔住自己，望個色已經知出事了，飲左一啖，識我嘅人都知我唔鍾意浪費食物，但我竟然飲左一啖，

每隔一排，不期然就想食台灣牛肉麵。《小王牛肉麵》喺一次無意中係九龍灣食過之後，有特登再去食既牛肉麵餐廳。屯門未有前，係荃灣、黃埔都有食過，屯門開左後，隨時想食就食。係屯門店湯底一直都保持到，不論原汁牛肉麵、半筋半肉麵係我既首選。原汁牛肉麵 - 粗麵、配小棠菜、正常份量酸菜友人同我既選擇都係一樣，不過佢就多左芫茜同蔥。我個人特別喜好台灣粗麵，有咬口，又吸到多d湯汁。都有試過幼麵，但覺得似食緊上海雲吞麵咁，同黎度既牛肉唔多夾。蚵仔煎第一次黎度食，完全同喺台北食既兩回事。表面上望落蚵仔幾多，但事實係少得可憐，仲係切到碎晒，好碎果隻，可能咁先望落有睇頭掛，又勁多蔥，完全唔使錢買番黎咁，成底都係蔥，如果唔食蔥既，真係唔好叫。而質感有d 似潮州菜既蠔仔煎，未到炸既地步，中間都有少少台式蚵仔煎果種透明啫喱狀QQ感，但已經唔係果回事。依家成底野完全變得香口左，但失晒台北蚵仔煎特色，個餸應該改名為宜蘭香蔥煎，宜蘭出名香蔥嘛，都係台灣地區，夾吖😅屯門分店有個幾大問題，我每次黎食，叫親小食，不論係同麵一齊落單，定係後追加，都一定漏單，次次都要追。今次蚵仔煎，你話要時間煎，ok 無問題；上次鹽酥雞，炸要時間，

未食過小王牛肉麵😳見唔洗排隊就去試下啦😂黎到「小王牛肉麵」大家都會叫番牛肉麵試下係咪？😂但我係第一時間睇下會唔會有雞扒因為真係太鍾意太鍾意食雞喇😋😋一睇餐牌💓正呀！有鹽酥雞扒麵🍜🍜即刻叫黎試下先😳一送到黎嚇親塊雞扒大過我隻手攤大😆即刻趁熱食啖先😋😋同平時嘅炸粉有啲唔同，咬落去硬少少不過炸粉唔算好厚雞扒嘅肉都仲有肉汁幾Juicy💧但個調味就略嫌較淡口唔夠「鹽酥雞」味😂似普通炸雞 🍗建議可以落重手少少☺️至於個麵嘅湯底係豬骨湯個人黎講覺得有啲淡味食落唔似豬骨湯比較似豬肉湯😳可能因為差咁啲骨膠原味（gel gel地口果啲）個麵我揀左粗麵個人覺得個口感唔錯☺️幾鍾意果種嚼勁🙈唔會好林或太爛.整體黎講，呢個麵餐味偏淡下次有機會會考慮試番佢嘅看家麵😂—牛肉麵

小王牛肉麵原汁牛肉麵(左)$52 涼拌茄子(右)$28又要分量都唔少架， 有成六至七嚿， 牛肉唔乾亦都唔難咬。呢度嘅配菜可以畀你自由揀落多定落少， 而配菜就有芫茜，酸菜，香蔥同埋時菜， 而我呢就揀咗所有配菜都係多嘅， 所以幾乎成碗牛肉麵有一半以上都係配菜嚟嘅。台灣手工嘅麵條同配菜一樣，佢可以比顧客有選擇， 唔單止可以揀麵條嘅粗幼，亦都可以麵條嘅韌度， 而我呢就揀咗大眾化嘅-正常湯底係原味嘅牛骨湯， 有少少甜亦都帶少少藥膳嘅味道， 同平時食開嘅台式牛肉麵湯底有啲唔同， 而佢呢度嘅湯底亦都可以轉胡椒白湯。茄子上面有肉碎同蒜， 而且茄子底係甜醋， 味道都幾香濃唔錯。整體嚟講呢度食物質素都可以， 價格正常。

夜晚9點幾來到，仲有殷勤的服務相待，周圍的餐廳都準備打洋。因為太肚餓，所以一坐低就即刻叫左野吃牛肉麵要怎樣配菜，粗/幼面，湯底都系可以揀牛肉麵餃子一來到就忍吾住咬左一半玫瑰柚子茶，普普通通呢個價錢，呢個質素，算不錯

是日紅色暴雨下，當然選擇在商場找吃的，看到開了一段時間的小王牛肉麵，之前在其他分店試過覺得不錯，就再試試啦店鋪小小的，感覺比較擠迫，用紅筆在 menu 寫下所需食品交店員，半筋半肉粗麵 ($56)期間看到隔離檯的半筋半肉麵只有兩小粒牛肉，問問店員才幫忙加回份量......我們這碗份量也偏少，不過味道不錯，但湯底味精有點重排骨湯幼麵 ($53)這碗的湯比較清，麵份量不多，排骨醃得有點 over，而且上面有不少黑椒，味道正正常常黑糖姜母茶 ($18 - $10)飲品有減$10，姜母茶內有兩大塊姜，味道也不錯整體來說，其他分店水準比較好及穩定

個湯底唔掂，味精勁。完全唔似食緊牛肉麵～～不知所謂，牛肉係冇味架！D麵又唔新鮮。未食過咁差既牛肉味～～完全係大伏 個皮旦豆付都係超難食～～皮旦碎到食唔到係皮旦，豆付都唔好食未食過咁差既台式食物。真係大開眼界D 侍應態十分麻麻～～請我都唔食  

-今日同朋友去v city行街,行到餓就去左食小王牛肉麵。-午市台式套餐，有飯有麵可選， 亦可以優惠價享用小食。-我點了最愛的半筯半肉麵，牛肉及牛筯各有兩至三件，牛肉夠淋，都算入味。湯底濃郁，有藥膳味，麵係粗麵，比起其它地方的台灣麵粗，好有𡁻口。-飲品叫了珍珠奶茶，少甜都好甜，珍珠硬，唔好食。-朋友叫台式炸醬麵，得一碗仔肉躁+青瓜絲，麵都係牛肉麵的粗麵，唔抵食，份量比較少，男性朋友唔夠食，我就覺得剛剛好。

星期五晚，約咗屯門之友食飯，見VCity開咗間小王，就去試吓佢個牛肉麵湯底。我叫咗牛三寶麵，朋友叫咗擔仔麵，加多個鹽酥雞同肉鬆皮蛋豆腐。餐單冇寫咩係牛三寶，唯有睇英文名，原來係牛𦟌，牛肚同牛根。湯底同喺台灣食嘅正宗牛肉麵比唔夠牛味，三寶就較腍，應該炆煮咗好耐。食到一半因爲太咸放棄咗！朋友嘅擔仔麵其實即係滷肉加麵，表面睇以為冇湯，食食下發現有少少湯喺底，味道尚可但份量就太少。鹽酥雞應該係最合符期望嘅小食，炸得唔油，亦夠脆。肉鬆皮蛋豆腐係最心灰嘅小食，因為。。。皮蛋唔係開邊上，係碎上！點解？仲要勁碎，食唔到有皮蛋味！咁樣食咗差不多二百蚊，未計態度麻麻嘅侍應，真係失望到爆！

進駐左V city咁耐嘅小王牛肉麵，今日都係第一次食啱啱開張嗰時，都好多人排隊。所以一路都未有機會試，到今日見冇乜人就一於試吓啦。對佢都好大期望，因為之前係台灣正宗嘅牛肉麵真係好好味，睇落去都好正宗。叫咗兩碗半根半腩麵，當然第一啖試吓佢個湯底先，失望😞沒有牛肉香味嘅湯底!牛筋腩都算淋，入味。但係都係果句，欠牛香味，應該行很濃很濃牛味先啱，但係真係唔係囉!面底還可以。另外叫咗一杯荔枝玉露，不過不失，香酥一口雞就炸得over左。唯一值得一讚，就係個落單紙，用膠片形式比較環保

V city 新開這間牛肉麵都是初嘗，剛開張都算旺，次次都等不到，今次11:30來到無乜人，就試下。點了半筋半肉牛肉麵，第一時間試下個湯底，有點失望，牛筋腩還可以，夠曬淋，不過不太香，麵底可以，再加杯珍珠奶茶，還是一般

本身唔係好鍾意食牛，但黎到都想試下招牌菜～所以叫左個半筋牛肉麵，點知驚喜在於個牛肉湯底！飲落有種藥膳既味道，可能我本身都幾鍾意藥材陣味（不正常人類😆），同埋d牛筋都幾入味，軟度岩岩好～易入口仲有佢d拌麵雖然款色唔多，但啲醬汁都幾豐富，拌麵成敗在於醬，所以呢個都算係成功既拌麵，唯一不足就係無咩配菜同餸～另外，佢啲小食就麻麻哋，叫咗個涼拌茄子，但細份之餘，味道都一般😭同埋大部份菜式都偏細份，唔夠飽肚～