渝味曉宇重慶老火鍋 (聚賢逸居) (Closed)

呢幾年真係好中意打邊爐, 除左平時既港式火鍋, 香港身為美食之都最近都多左好多唔同類型既火鍋店, 有臭臭鍋, 雞煲, 麻辣鍋等等.不過我最近既新歡就係重慶火鍋! 聽朋友講西環開左間中國節目介紹過既重慶老火鍋店叫渝味曉宇, 午市火鍋仲有優惠. 雖然好熱, 但諗起辣椒既香味就去左食個lunch.同事唔係好食得辣, 所以叫左一邊菌湯比佢食. 撈下個湯見到好多辣椒, 聞到好辣好開胃. 我都有試下唔辣果個湯, 唔會比麻辣個湯遜色既.餐廳既裝修好簡潔, 環境都衛生, 食材新鮮, 乾淨. 價錢偏貴但值既!

今曰難得黎開堅尼地城就試吓渝味曉宇重慶老火鍋，佢主打九宮格麻辣大紅鍋湯底，但有朋友食唔到辣，所以叫鴛鴦鍋！！我地一坐低店員就每人比左左碗糖水，係紅棗雪耳糖水，幾清甜，仲要係暖既，好窩心~先講左個湯底，係每位計算既，如果人少少係幾化算我地揀咗大骨滋補同普通辣鍋大骨滋補鍋幾濃郁，鍋入面有個大豬骨，好足料啊，而且唔算太咸而普通辣鍋就適合鍾意食辣嘅朋友，湯底充滿乾辣椒同花椒八角，都幾辣下！火鍋配料既份量有半份同一份選擇，可以每樣試少少，依方面值得一讚美國安格斯優質肥牛，肉質鮮嫩，肥瘦均勻，建議戳5至10秒後食用，口感更好！稻田毛肚，又大塊又爽口鮮鵝腸，十分爽口，而且條條都好大條，建議戳1分鐘後食用幾好！牛骨髓，有啲骨髓係入面幾特別，但有少少失望既係唔係幾新鮮，都值得試下既！串鮮蝦，底下有冰坐住，令到啲蝦新鮮，值得一讚嘅係啲蝦既腸都挑哂出黎，幾用心，加上啲蝦嘅肉幾鮮甜，10分推介！手打蝦滑，蝦滑上面有蟹籽，令到口感層次幾豐富，又鮮味！手打三寶丸，有鮮墨丸，蝦滑同鮮牛丸，每款都不過不失，比較推介鮮牛丸，重牛味又彈牙

最近天氣又濕又熱又焗, 朋友話吃火鍋可以促進體內潮氣和濕氣的即使排出體外. 今日我地去左西環食個重慶火鍋, 出身汗去去濕氣先!呢間渝味曉宇都幾出名, 上過電視. 今日人唔算多, 好快有位.埋位服務員比左個糖水我地, 潤一潤先食辣野咁話.我地叫左大辣重慶辣湯拼特色香果鍋, 麻辣湯好惹味, 好香~而且見到有好多辣椒, 正!火鍋配料同平時食開既配料唔同, 幾新奇. 我最中意就係鮮黃喉, 黃喉係四川火鍋既送, 係豬/牛既心管, 平時好少食到架.

之前都已經食過一次渝味曉宇, 見到佢最近做緊8月午市火鍋八折優惠, 同D同事就lunch 去食下啦~ 我地叫左麻辣加豬骨湯底, 食菜既時候就唔洗吸哂D油啦我地叫左蒿荀, 佢有分薄片同厚切, 我個人鐘意食厚切多D, 夠爽口曉宇茗粉, 食麻辣必叫既, 好似薯粉咁脆晥魚片, 新鮮咁鮮味同爽口桶肥蠔, 隻隻都手掌咁大, 又新鮮安格斯肥牛, 質數OK不過份量就少左D紅糖慈杷, 口感好似年糕咁, 配埋紅糖食好正墨魚滑夠爽口彈牙整體質數不錯, 麻辣夠香麻, 會再黎食呀!! 

有朋友介紹一定要試下呢間渝味曉宇重慶火鍋，話係中國好出名，辣得好過癮，見係香港開左幾間分店，就試一試啦。一坐低店員就比左一人一碗糖水，雖然係免費，但都好足料，清甜潤喉。先講個湯底，佢地係每位計既，對於我地人少少真係非常好呀。我地揀左個鴛鴦鍋，一邊係豬骨鍋，另一邊係普通辣鍋。豬骨鍋都幾夠味，唔會咸。普通辣鍋都好辣呀，麻麻辣辣咁，好好食。一定要配埋佢d麻油去食，又香又解辣。另一個特別既地方係，呢度既火鍋份量可以選擇半份或全份，人少少可以叫多幾款，抵讚。安格斯肥牛肥瘦均勻，嫩滑有牛脂香鴨血麻辣火鍋必備，好快入味，爽口。萵筍擺碟擺得好靚，滾兩滾就吸曬d湯，好滑好爽。紅糖糍粑即叫即炸，配埋紅糖漿，口感煙韌，非常好食。美國桶蠔大隻夠新鮮，蠔味重。嫩牛肉口感軟嫩，脂肪比例適中，牛味重。臨走前見到原來午時火鍋有8折優惠，超抵，下次再食過。

今晚與朋友往堅尼地城的渝味曉宇嘗重慶老火鍋， 此店位於聚賢逸居1樓， 裝修雅緻，地方很大和座位闊落，是個與三五知己傾談相聚的好地方。 我與朋友都不是嗜辣的人, 所以沒有揀選此店著名的九宮格麻辣大紅鍋做鍋底。 我們要了大骨滋補和山珍菌湯鴛鴦鍋，兩款湯鍋一香濃一清淡，各有特色。 火鍋配料有一份和半份的選擇，我們想嘗試多些款式，決定要半份份量。 我喜歡手打三寶丸中的牛肉丸，它夾雜了少許陳皮在當中， 味道討好。 另外的蝦丸和墨魚丸都同樣新鮮彈牙。 脆鯇魚腩非常厚切和鮮甜。 紐西蘭羊肉卷的賣相有點像雪花肥牛， 另外黑豚腩肉也同樣是切得薄薄的，非常快熟和不用擔心滾得太老。 鮮蝦雲吞的味道也很出色，功夫萵筍片很脆口， 海帶頭每片的邊都修飾得很漂亮，厚身吃起上來很有咬口，與一般的海帶條感覺不同。 宇治苕粉未煮熟時是灰色的，熟了後帶透明和質地滑滑的，比起吃其他粉更有新鮮感。洛神花茶不會很甜而且帶有烏梅味道，令人十分開胃。紅糖冰粉，冰粉晶瑩透徹，與什乾果和果仁混在一起進食，一地一軟一硬十分有趣。 非常欣賞此店的餐牌，因為它把每款火鍋配料，都加入了建議烹調時間，十分窩心。 看到原來午市火鍋做緊優惠有八折，今

最近天氣又濕又焗，整個人都悶悶不樂，無晒胃口，香濃麻辣的重慶火鍋，正好刺激口水分泌，引人食慾，順道出一身汗去濕解暑！來自重慶的「渝味曉宇」，原本是重慶人張平跟妻子開設的一間麻辣火鍋小店，在當地是家庭式經營，獲得內地節目專訪及推薦後，短短幾年間，已在全國開設200多家分店，在香港有4家分店。在這裡吃火鍋會先送一碗冰糖雪耳糖水，應該是這家店的傳統，用意應該是減低麻辣火鍋對腸胃的刺激，很細心。我點了鴛鴦鍋配山珍菌湯鍋，可能太高估自己吃麻辣的能力了，對我來說辣了一點，不過還是很好吃。食材很新鮮不馬夫。

喺社交平台見到朋友放咗啲美食相之後問佢呢間嘢喺邊度嚟㗎佢就介紹咗我呢度啦!!!• 渝味曉宇重慶老火鍋• 西環堅尼地城卑路乍街163號聚賢逸居1樓佢呢度嘅點餐紙上面嘅食物有半份同全份選擇,可以隨心選擇多同少份量,啱曬鍾意樣樣試小小嘅人!!!同埋佢每樣食物下面都會括住要煮幾多分鐘既提示,好貼心!!!醬油費每位20蚊我整咗一個有蔥花芫茜辣椒粒蒜蓉蠔油麻油豉油既混醬... 耗兒魚,一定要食,好好味,魚肉結實一啲都唔腥好鮮甜,冇咩魚骨啖啖肉!!! 紫溝白淮山,其實紫淮山營養更加豐富同賣相更靚,既養顏又對腸道有益健康!!! 皇帝菜洗得乾淨,係打邊爐絕配!!! 魚鰾即係魚卜,其實佢本身就冇乜味嘅但係加入麻辣火鍋裏面,索曬辣味湯精華辣得過癮,既爽口又滑身!!!桶蠔,真係唔係講笑,一上枱好大陣蠔既鮮香味!!!大大隻,蠔身飽滿,味道鮮甜!!!金菇菜同樣係食麻辣火鍋一流既選擇,又係索盡曬辣汁湯嘅精華,辣得過癮!!!湯底每位38蚊今次揀咗鴛鴦鍋,一邊係重慶麻辣湯底一邊係山珍菌湯鍋,裏面有猴頭菇姬松菇秀珍菇,依幾種菇合拼埋令依個素湯味道已經好濃郁!!!手打三寶丸亦即牛丸墨魚丸蝦丸, 口感Q彈!! 食完仲有糖水送

今日同男朋友食晏先去再拍拖，最後決定去食重慶 Openrice見到呢間渝味曉宇，因為見午市底免費好抵就入左去。一開門就聞到好香麻辣味，就咁望個個叫鴛鴦鍋底中必有一款喺重慶麻辣鍋（大骨滋補鴛鴦鍋），食火鍋不外乎都係食下菇，食下菜，綠下肥牛食。一坐低，就好勤快咁倒茶比我地，仲有餐前紅棗雪耳。大骨湯足料，就咁飲會咸左少少，不過食火鍋既話就同Ｄ野食好夾。火鍋既配料同我地平時食開既有少少唔同，呢度好乾淨，而且有圍裙提供，唔怕整污糟件衫。而且檯有教Ｄ野食綠幾耐係最好，都細心。個湯底要麻有麻，要辣有辣，第一次食既可以叫鴛鴦鍋，因為都真係幾辣。

一直想試下嘅重慶火鍋，今日終於抽到時間嚟試下。入到嚟裝修格局好北方，座位係卡位嚟，好適合傾下計食下飯嘅聚會。呢度嘅湯底必定係要有辣嘅，因為朋友唔食得辣而冇試到信九宮格，嗌左個大骨濃湯拼普通辣。佢個大骨濃湯又真係有大大舊骨喺湯底度。而個普通辣唔算太辣，係淥下菜都仲絕對可以接受。而佢呢度好處係啲嘢食可以嗌半份，因為我地嚟到其實都夜，所以樣樣都嗌半份，所以啲食物嚟到都俾人好精緻嘅感覺。👉🏼牛肉我地嗌左兩款，一係肥牛，一隻係佢地自家醃嘅嫩牛肉，老實說，我覺得佢個嫩牛肉比肥牛好食，因為實係好滑，滾耐左都仲好軟腍。👉🏼三寶丸都好好食，佢係牛肉，蝦肉同墨魚，三隻都好彈。反而墨魚丸就冇啲丸咁彈牙，但都好食嘅。👉🏼佢個鴨血都唔錯，唔會好散，吸晒啲辣湯，冇得頂。而個鱔片都新鮮，唔錯。而佢有一個現炸豆皮，大大塊，佢係類似炸響鈴嘅嘢，都係浸一浸就食得。而飲品方面，我俾佢圖片嘅百香果吸引左而嗌左佢杯雞尾酒，如果百香果佔嘅比例係重啲，多返啲酸酸甜甜會好好多。另外嗌左佢個小食，重慶炸酥肉，佢係連埋花椒塊炸，食完個嘴麻晒好過癮。食完一堆又辣又炸嘅嘢，佢會送個雪耳糖水俾你清一清喉嚨，潤一潤先走。整體嚟講，食物都好新鮮，

老老實實非常普通 不過食得辣的話呢度啲嘢就真係辣嘅唔知係咪所有火鍋店都係中國人開嘅所有員工啲廣東話又係聽唔明嘅不過勝在態度好好唔知係咪因為間店係長型嘅所以入邊嗰啲客佢地照顧唔切。嘢食方面；食物夠新鮮但係冇驚喜，冇咩值得特別讚好食 而且所有嘢都偏鹹如果冇鴛鴦湯底洗一洗的話，我係會鹹到係食唔到嘅湯底普通不過鍾意辣的話佢真係夠辣 但係佢個價錢偏貴(啲啤酒唔知點解勁淡，可能係啲嘢食重口味)Overall it is okay but I would not visit it again. There aren’t any competitor around this neighbourhood but it is too expensive for a casual hotpot

🍲渝味曉宇重慶老火鍋🌶雞件係新鮮❤️😋沒有太大的雪藏味道秘製的麻油十分香只能食小辣的朋友們建議你可叫鴛鴦鍋最喜歡都係食萵筍片和四寶丸食材係新鮮的😳但性價比不太高

今晚一行三人去試下呢間麻辣火鍋，喺樓下見到有匯豐晚市九折，入到去問聲經理，佢話係呀九折，我再問佢係咪全部九折，佢先話套餐冇折。 落完單好快就上湯上食物，叫咗個骨湯+麻辣，食物有毛肚，嫩牛肉，黑豚腩肉，手打蝦滑 墨魚滑，雲吞，鮮腐竹，藕片，油麥菜，香菜，同羅漢果茶。老實講，冇乜邊樣我地覺得特別好食，全部都好普通。個骨湯勁咸，見到骨但除咗咸冇其他味，麻辣就幾夠味夠辣。 埋單7百幾，俾張匯豐卡佢，e? 9折點解減$55 唔係$7x? 再問佢先話茶同湯冇九折，得食物有9折。哦咁你講晒啦。 我地照俾錢，但以後冇下次。呢個價錢食可以有更好食物，以後都唔會幫襯！

正宗重慶火鍋，味道不摆老，花椒不夠，隨便加！菜品超新鮮，環境超乾淨，装修超有品味，關鍵是，服務貼心！血旺、鳝鱼、耗儿鱼…都很正，吃出了重庆味道。吃完后神清气爽，健脾除湿，感觉任督二脉都打通了…哈哈哈

第一次同唔食牛肉嘅朋友一齊麻辣火鍋, 估唔到原來食材都可以有好多選擇! 朋友介紹過黎食,係因為貪呢間枱與枱嘅距離唔太近, 方便傾密偈.  上到去先發現店內裝修都幾靚, 燈光柔和, 坐得都幾舒服.呢度以人頭計算鍋價錢, 有別於其他火鍋舖. 計落兩個人嘅鍋底醬料連茶水加埋都只係$116, 除返即係每人$58.真係好平!勁平!勁抵! (重要事情要講3次) 平時去開嘅火鍋店, 2人鍋底再加茶位醬料, 起碼都$200未上湯底, 侍應就每人免費送左碗冰糖雪耳糖水, 佢話可以滋潤腸胃.  呢碗糖水甜度唔太高, 啱哂我口味, 飲完真心覺得好潤由於朋友唔食牛肉, 所以今餐以蔬菜&豬肉為主我地點左個大骨滋補鍋, 裡面有一大件豬骨, 加埋粟米紅蘿白馬蹄等, 勁足料.之後我地仲點左苕粉, 五花腩肉, 蔬菜等. 睇得出用料都好新鮮.值得一讚就係佢地連$40嘅萵筍片都整到咁靚, 睇得出佢地真係落足心機.另外, 呢度D侍應都幾好, 時不時行過黎睇下我地有冇咩需要.  唔會煩住我地傾偈, 又唔會冇服務. 讚 !因為午市做緊8折, 埋單2位都只係$421翻食指數我會俾佢 "高" !