羲和小館 (Closed)

🦆 羲和馳名烤鴨 (半套) $268烤鴨分左3個唔同部位比我地既, 半套既份量都多因為套餐有連個八寶盒, 配料除左平時食開果幾款, 仲多左幾款特別既配料最為特別既係爆炸糖, 意想唔到既係意外地夾🦆 鴨架二食 (椒鹽) $108平時淨係食片皮鴨會覺得好浪費淨底既鴨架, 因為仲有好多肉可以, 呢度可以做埋二食, 椒鹽整完出黎好香口, 夠晒🦆 欖菜乾煸四季豆 $108🦆 羲和小肉餅 (4件) $48🌟 強力推薦大家叫烤鴨套餐, 包晒全配料, 配料中有一樣好得意既食材, 大家可以去試下🌟 烤同薄餅都有熱包墊底會KEEP保溫🌟 廚師仲會係大家面前表現切填鴨～～～～～～～～～～～～～～～～～～～～～～📍 羲和小館XIHE BISTRO地址:東涌達東路20號東薈城二期名店倉4樓417號舖※※※※※※※※※※※※※※※※※※※※※※※※※※※ 

公司lunch hour 12:00-13:0012:15 我地已經點晒餐 （lunch set $128一位）12:45 乾坐半個鐘 剩係上左一細碟白焯椰菜同餐飲12:50 催經理 (經理愛理不理)12:55 黎左三個飯 但已經無時間食 於是要求打包13:00 等極都等吾到第四個飯的情況下賣單收銀應要求下豁免左第四個餐 （多謝晒）(其他三個餐無上齊前菜甜品果d豪俾你)但賣單仍然要$466 只因茶介每位$10 （一啖都無飲過)另收加一 (叫極都無人理ge服務) 結果一個鐘咩都無食到 睇人面色仲要人均消費過百相信今日ge遭遇有好多人都遇過希望睇緊呢篇食評ge你吾好成為下一個

今日去同屋企人出去玩，撘完個360纜車8點幾就去揾間餐廳食飯，睇樓下嗰羲和小館張偏皮鴨好似好好食，上到去又見幾多人咁樣就打算去試下啦! 點知入左去叫左個鴨，青瓜，雞翼，羊架。羊架188 先得嗰3隻，我以為會好高級，點知...認真唔好食lo... 嗰龍仔櫻花蝦海味蒸飯同埋拆骨肉燉白菜都幾好，价錢成200我就相餐牌話嘅徐例牌份量，其實只不過係小食份量，但係都ok... 認真好多人叫左個鴨，但真係麻麻地，收我300蚊🤣認真除咗返同埋白菜其他都唔好食。如果你只係食裝修同埋食環境既話你哋咪去打下卡lo... 如果你去食貨就唔建議lo...sor🙁

趁住放假去東涌走一轉，由於仍然是公衆假期，門口企滿人群，都幾誇張，不過網上負評居多，都好驚中伏，看看今次有冇伏😂好早已經卜咗房，贪拒私隱度高些，嗌了6人套餐，選擇頗多，當然唔少得北京烤鴨，配上百寶盒內藏配料同醬汁，幾特別有別於其他烤鴨店，整體味道唔錯值得一試🥳小炒王有腰果韭菜花魷魚花生，菜甫炒埋一齊，好有鑊氣同幾好食👍籠仔櫻花蝦蒸飯，飯好乾身，香氣撲鼻，拍得住大酒樓🤩有D餸掛住食冇影到相、可惜😪佢啲甜品都好特別、比較特別系仙桃布丁、外形極靚、好似一個新鮮桃、粉紅色、原來用白朱古力造成外殼、揼穿白朱古力外殼、入面原來係牛奶布甸、超特別、呢個甜品推薦👍👍👍總結呢一餐飯都冇伏到、雖然網上负平多多、若果想試烤鴨不妨可以嚟試下。/

4人行👨‍👩‍👧‍👧 $1700左右叫咗個4人餐，包括：2份前菜、4碗湯羮、4份主菜、1隻扁平鴨、4份甜品、4罐汽水小食：黃金魚皮、巴蜀口水雞湯羮：松露海皇羮主菜：宮保蝦球、孜然羊架、辣子雞、白菜甜品：白朱古力牛奶凍、楊枝甘露最令人驚喜嘅係扁平鴨，稱為「會跳舞的烤鴨」，佢有10種配料可以配搭，例如傳統甜麵醬、青瓜、藍莓醬等，用烤鴨不同的部位配搭不同的口味。你令我對一般嘅片皮鴨有所唔同幾認識，原來仲可以咁樣食。😋整體上符合大眾口味，希望嘗試不同口味話想有新嘗試嘅人可以試吓羲和小館。期望大家都有一個愉快嘅美食之旅 ！🥰PS：掛住食，有啲相未能提供

想搵野食，行過門口見到set lunch $98幾抵，有前菜、小食、湯同甜品。主菜味道超出預期好味，最主要野食夠熱，好味過酒樓好多😋前菜秋葵我本身唔鍾意，所以味道唔係咁好😅服務方面，雖然問親姐姐佢都話唔太清楚，但佢都好有禮貌叫我地等等，跟住去問經理😊其他職員都好友善，每個傳菜員一過到黎都會講句「你好」先😅成個過程都食得開心滿足☺️餐廳環境都夠大闊落，14:30-16:00都唔多人。會有下次👍🏽

周末入東涌走走，因為聖誕食咗幾日西餐，今日想食中餐。經過羲和小館，睇完餐牌覺得嚟唔錯，就決定試下。職員安排入座後，落完單好快就有嘢食。點咗半隻烤鴨配八寶盒，有四種食法，幾特別，配搭出嚟嘅口味亦唔錯。 最特別係用咗一個發熱嘅裝置暖住啲鴨肉，唔會搞到凍冰冰。另外點咗個金銀蛋萵苣亦幾好味，唔會太咸，啱啱好。最後甜品係薑汁桃膠，有薑味得嚟唔會太辣，又唔會係勁甜嘅糖水，幾好食。整體嚟講，環境幾好，坐得好舒適，服務好好，下次再試下其他菜式。

東薈城行街時，發現了這家羲和小館，之前聽過羲和雅苑片皮鴨幾正宗又美味，所以決定入去食一次！餐館佈置精緻，坐位舒適，由於入坐約中午12點，所以食客不多，侍應亦有簡單介紹午餐及片皮鴨既特式！午餐餐點屬正常發揮，不作多談！北京填鴨就真心覺得幾美味又幾特別，侍應會先上配料及醬料，好似八寶盤一樣，色彩繽紛艶麗，打咭一流，爆炸糖同藍莓醬是羲和獨有的！師傅會在附近片鴨，填鴨分3小碟上枱，鴨皮、鴨肶及皮連肉！皮香脆，帶有油脂感，配上爆炸糖食感覺鴨在我口內跳舞！配藍苺醬及山楂條食又可中和肥膩感！

第一次見呢間鋪頭，裝潢不錯，座位都闊落但係叫了一碗白飯等咗15分鐘都未上🥲期間問咗兩次都未上，最後上咗嘅係一碗硬嘅凍飯🥲人生第一次食咗一碗凍飯🙂想知道一碗白飯有咁整咩。最好笑係聽到經理話：裝一碗白飯出嚟，唔通D飯太熱貼心地幫我攤凍先？最好笑係招牌義和肉餅嘅肉質好似食緊霉嘅肉，上到嚟又係唔熱嘅🤨所謂嘅擔擔麵好似麻油味出前一丁嘅即食麵，入面仲加埋椰菜。太過新奇以至於覺得不值得揀呢樣餸。全程都反思緊自己究竟係咪食緊剩飯剩餸。打死都唔會再去🙅🏻‍♂️

食物味道: 我估羲和小館散叫嘅菜式會比較出色，而午市嘅價錢走大眾化嘅路線，質素只係中規中矩，好難期望有貴菜平食嘅情況，今次嘅午餐我所選嘅「鮑汁雞粒炆飯」，出乎意料之外，味道及賣相十分討好，前菜「蜜汁脆芋絲」都好有水準。食物份量: 前菜好細碟，泡飯及炆飯份量還可，如果唔係特別大食，午餐都可以食得飽飽。價錢: 大眾化價錢，物有所值。環境: 羲和小館係屬於價錢比較親民嘅餐廳，裝修雖然唔算唐璜，但仍算整齊舒服。服務: 侍應態度普通啦，未算殷勤，最莫名其妙係有一位女侍應已經見到我哋張枱啱啱上咗好多前菜及飯，竟然走埋嚟問我哋要唔要上埋甜品？但其實落單之前另一位侍應已經話甜品唔會上住，等我哋食晒飯餸之後先會上！回頭指數(10分滿分): 6分

這是和媽咪的慶生飯，她是六月之星呢 :-)上次母親節飯由我打點，今次媽咪生日飯就由我大佬負責，由餐廳選擇到點菜買蛋糕埋單一手包辦，唔該晒！他挑了「羲和小館」，是尖沙咀「羲和雅苑」的副線，開業約三年，同樣主打是吃北京烤鴨，另有一些價錢比較相宜的菜式選擇。餐廳裝修見雅緻，座位不算闊落，卻有一排旁邊卡位有大型落地玻璃，相信在日間時可以「看午後太陽，曬一片金黃」看餐牌這裏也不盡是吃京菜，奇怪地又有粵菜、上海菜、西式影子的 crossover 菜都有，個人眼感不覺得選擇多籮籮，反而覺得菜單排序有些雜亂無章：基本上來到都會吃北京烤鴨，每枱都有點可是不容置疑吧，我們也先預留了半隻 (建議各位也先預留)。先由頭盤拉開生日飯的序幕，沙律「蝦乾冰草」$58冰菜加上日式沙律酸汁，上面放些鹹香炒過的蝦米乾，撈勻就這樣吃，算不算是中西日合璧？個人覺得味道挺匹配，作為冷盤幾醒胃：「芥末鴨掌」$78，我喜歡這個。賣這樣多的烤鴨，應該也剩下不少鴨掌吧 XD 問了侍應，它是利用沒味道的去骨鴨掌，經過繁複的程序，用芥末及麻香料醃足兩日，有點像硬一點的鵝掌，要吃就是它的爽脆度和芥末帶來的辛香：伴在旁邊的是醃漬白蘿蔔，片成薄

服務差.食物差.冇水又吾加水.叫服務員扮忙.冇反應.仲有空台又要人等位.有加一要客人行去收銀處埋單.肉丸唔熱.片皮鴨切得麻麻.餐廳環境都算ok 但服務.食物質素真係唔得.希望餐廳管理層要注意下

片皮鴨新食法👉🏼爆炸糖片皮鴨大家試過未呢？羲和小館出名食北京烤鴨佢地用咗創新食法🤪總共有3種食法 ：1️⃣鴨皮👉🏼點爆炸糖＋藍莓果醬我覺得怪怪的 似食甜品但烤得好脆～2️⃣鴨胸肉👉🏼點黃芥末醬汁呢個最正常 ，唔錯3️⃣鴨腿肉👉🏼用原始食法✅包皮+京蔥＋青瓜條+甜面醬✅包皮+紫洋蔥®+山渣條＋藍莓醬炒飯就味道一般❌湯都味道一般❌鐵觀音嘅茶都幾香👍🏽服務態度好👍🏽讚一讚鐘意新食法就來試試啦

服務態度真心十分差 晤明白員工有無培訓過。。片皮鴨只係賣噱頭 肉質乾曾曾配料晤新鮮 其他餸淡而無味飲品上枱就得半杯都晤知咩出品晚餐時間數埋得幾枱食物晤得服務晤得！真係點解可以有禁難食既餐廳。。。。。

難得去東涌行outlet,所以諗住食飽飽先行隨心揀咗呢間中菜來食,諗住坐得舒服D,再睇OP上面review好壞參半,好啦,咁睇吓佢會唔會令我改觀啦！🧐可能平日來,客人不算很多,唔洗點等位就有得坐.見到menu上面有個set lunch, $128 /位好似都幾豐富,而片皮鴨亦係店家嘅招牌菜,咁我地就叫咗兩個set lunch再加半份鴨,4個人夠哂食啦 😋羲和馳名烤鴨 🦆跟餐加$228 有半隻枱邊貼咗張紙介紹烤鴨嘅食法,而隻鴨上台果時都幾大堆頭,除咗有一個八醬拼盤之外,仲令外有一籠暖暖地嘅薄餅皮.侍應會介紹個鴨點樣食（即係咩醬配咩肉）師父將烤鴨分成3個部 1️⃣鴨胸皮 2️⃣鴨胸肉,3️⃣鴨腿肉,建議嘅食法係 🔮鴨胸皮：藍莓🫐醬加爆炸糖🍬,店家自創此食法,鴨肉連爆炸糖食,真係好得意,但連埋藍莓醬和鴨油香來食又出奇地夾,鴨皮烤到微脆再連埋爆炸糖入口噼哩啪啦好得意,所以呢味有一個別號”會跳舞的鴨”,又真係幾特別！ 🔮鴨胸肉：侍應建議就咁配店家秘製黃芥辣醬,齋試個醬唔覺有好重嘅芥辣味,反而有少少酸甜嘅味道,鴨胸肉比想像中嫩滑味濃,配上芥辣醬酸酸甜甜,又真係幾好食喎！ 🔮鴨腿肉：鴨腿肉較肥嫩,有兩種食法,一