羲和小館 (Renamed) View

招牌孖寶招牌孖寶係一個唔可以錯過嘅美味組合。首先，有羲和的馳名烤鴨，半隻鴨就已經讓人眼前一亮。外皮金黃酥脆，咬下去時發出清脆的聲音，令人期待。肉質鮮嫩多汁，搭配上特製的甜醬和葱絲，每一口都能感受到鴨肉的香氣，實在令人陶醉。而八寶盒裡的配料，像是脆的、爆炸糖、青瓜絲、醬料等，無疑是為整體的風味增添了層次，吃起來更是有趣。🍗另外，孖寶仲有磚爐吊烤煙燻叉燒皇，這道叉燒皇真係一絕。叉燒經過精心腌製，燒烤後的焦香味彌漫係空氣之中。每片叉燒切得厚薄適中，肉質軟嫩，帶著微微的煙燻味道。咬下去時，肉汁在口中四溢，實在令人心滿意足。🍖黑松露蠔仔煎蛋再來試試黑松露蠔仔煎蛋，煎蛋的外層金黃酥脆，裡面卻依然保持著蛋的嫩滑。每一口都能感受到蠔仔的鮮美，搭配黑松露的香氣，實在讓人難以忘懷。🥚黃金蝦球最後要介紹的是黃金蝦球，蝦球外層裹著一層金黃的脆皮，炸至酥脆，每一口都能感受到蝦肉的鮮甜，裡面的蝦肉彈牙有勁，口感十足。🍤

而家改咗名叫羲和雅苑東涌分店,改咗名嘅分店未有 OpenRice,只好喺度寫,會話想試嘅人可以唔使去,其他舖頭更稱心首先,服務態度非常差,漏單情況嚴重,加單嘅嘢完全 冇上到,夠膽死坐咗咁耐追咗兩次單之後先再加返,都話如 果冇落就唔使再落單,夾硬同我落返,唔知我哋呢枱,其他枱都聽到其他客話冇人跟,然後cancel咗張單其次,不得不講嘅係鴨肉,不愧係馳名難食,鴨肉非常之老, 好似咬緊橡筋咁樣,配料仲要冇得refill,同一個價 位,我相信大部份片皮鴨餐廳呢啲服務都會提供到,而且水 準更高分量更加之多最後,究竟憑乜嘢收服務費?侍應完全唔理客人嘅需求,避 而不見嘅樣,水都唔加,然後收我茶芥再加一,呢個係一次 非常失望嘅用餐體驗,一定唔會再嚟,俾錢買難受,想試嘅 人都可以唔使試,值得擁有更好, 同埋明明有現金券佢都唔俾我用, 硬係要同我坳成15分鐘, 講埋啲歪理, 明明其他同事都話用得, 個收銀係都要同客人坳, 千祈唔好買佢啲現金券, 正價食品都唔會用到P.S 懷疑其他讚嘅人全部都係手打, 第一次寫食評就奉獻咗俾呢間咁差嘅餐廳

XIHE Bistro offers a delightful culinary adventure, showcasing the nice of Asian flavors. The XIHE signature Peking duck is with its crisp skin and succulent meat. The crispy rice with wild rice in broth provides a comforting and textural delight. The interplay of the crisp, nutty grains and the soothing, aromatic broth creates a harmonious balance that warms the soul.In contrast, the Indian lettuce pot delivers a refreshing and vibrant experience. The crunchy greens, aromatic spices, and zesty

今晚喺東薈城行完街之後，想食中菜，就嚟咗呢間裝修高雅嘅餐廳見佢個餐牌有好多特色嘢食，叫咗：張氏炒肉絲、濃湯水餃、羲和小肉餅、鮑魚雞粒炆飯、黑松露蠔仔煎蛋羲和小肉餅好出色，上面有支細細地嘅飲管，唧啲醋入去個肉卷入面，小肉卷食落好似鍋貼咁，濃厚嘅肉味，造型同食法以及味道都好出色至於黑松露蠔仔煎蛋，煎得好香脆可口，蠔仔份量非常之慷慨，令人食得津津有味鮑魚雞粒炆飯入面有大量嘅鮑魚同嫩滑嘅雞腿肉，而且炒飯炒得粒粒分明，夾雜着香脆嘅飯焦，令唔係經常食飯嘅我都食咗好多，欲罷不能呢間餐廳除咗裝修有特色之外，食物味道同份量都好高質，而且價錢相宜，性價比十足，值得推薦#羲和雅苑

之前係到食過tea覺得唔錯，難得朋友今日出尼東涌搵我 所以我又揀左依間食dinner，好多野都好吸引，好想叫 不過依到好似要試片皮鴨我地最後叫左半隻片皮鴨，幾個餸，好飽……馳名烤鴨半隻原本以為只係普通的片皮鴨，點知有食嘅次序，先要食鴨胸皮，再食鴨胸肉，最後先鴨腿肉包皮食唔同的部位都有唔同的醬點，有藍莓醬，爆炸糖，黃芥末，好講究 味道都幾特別鴨肉唔算好肥，唔太油膩小肉卷依個我同朋友都麻麻地，佢味道唔差，一層類似酥皮的包住啲肉，肉都好香，但太膩了，好滯，同埋味道有啲濃沙律芥末蝦球依個上菜仲熱的，芥末沙律同蝦球又幾夾，比平時就咁點沙律醬豐富得多，炸粉略嫌有啲多，不過外層的脆片增加左口感炒肉絲有4個夾包包住啲肉絲，肉絲有啲濃，不過夾住包食個包吸左啲汁感覺好啲

去完昂坪360返落嚟，喺東薈城行過圈搵嘢食朋友見到這間有烤鴨食，又唔使等位，就入去試一試半隻烤鴨$268覺得都幾抵食茶冇得揀，淨係得鐵觀音，但係味道都夠香食到最尾覺得非常消滯叫半隻烤鴨配料全部都包曬，唔使另外叫一籠薄餅有12塊👍如果覺得唔夠先至另外畀錢追加兩個人叫半隻鴨再叫多個飯剛剛好烤鴨有師傅即刻切出嚟， 分開三碟鍾意食皮嘅朋友可以多吃皮，喜歡吃肉的朋友又可以吃多點肉👍仲可以睇住佢切可以搭配自己喜歡的配料同埋醬汁淨係食烤鴨又想配多個飯籠仔櫻花蝦海味蒸飯， 炒飯底， 配埋烤鴨食好正其實都幾大籠， 兩個人都夠食

#ftf_東涌華麗古典風 調皮北京鴨羲和馳名烤鴨連八寶盒（半隻鴨） $268⭐️⭐️⭐️傳統古典片皮鴨配上新式食法，新穎得來又夠玩味！味道正常發揮，略嫌烤鴨有啲乾，但酥香既鴨胸皮蘸上藍莓醬、再蘸爆炸糖，放入口中兩至三秒，爆炸糖在口中跳動，感覺就好似100隻烤鴨喺你口腔入邊跳舞咁有趣！冰梅小肉排 $118⭐️⭐️⭐️⭐️⭐️酸酸甜甜嘅冰梅醬配上香酥嘅炸排骨，開胃得來完全冇膩味，醬汁配上炸薯，就好似蜜餞薯仔咁，夠晒惹味！義和小肉餅（4件） $58⭐️⭐️⭐️⭐️造型夠晒特別，睇得又食得！肉餅口感紮實，香味濃郁，配上一支支試管造型嘅醋汁，肉味更加突出，鮮味更能提升！鮑魚雞粒燜飯 $158⭐️⭐️⭐️⭐️睇佢平平無奇，點知入邊有炸脆米，口感濕潤得來又帶啲脆卜卜，豐富有層次，味道都好香口，雞粒都好多！🍴 羲和小館 (東涌)📍東涌達東路20號東薈城名店倉4樓417號舖回頭率🤡🤡🤡性價比🤰🏻🤰🏻🤰🏻🤰🏻#feedtiffood #吃吧孩子 #吃到懷孕

東涌羲和小館 - 出色既片皮鴨今日去東涌行街經過羲和小館,諗起我地都好耐冇食片皮鴨。而羲和小館係唔同地方都有分店, 正正就係間出名食片皮鴨既中菜廳。首先上檯嘅係片皮鴨，佢好細緻咁分左鴨胸皮、鴨胸肉同鴨腿肉。酥脆嘅鴨皮配上八寶盒,擺到成枱都係,視覺效果滿分！食片皮鴨其實最重要係食鴨既皮脆同油香, 而佢整得相當唔錯, 有足夠油香之餘都唔會太膩。令人驚喜嘅係,佢係有三款醬料可選, 包括食開嘅甜麵醬、芥末醬,同埋藍莓醬。我個人覺得芥末醬效果都幾夾, 值得試下。之後黎既係石鍋海皇野米貴妃泡飯。石鍋既濃湯裏面有冬瓜同海鮮, 軟糯嘅米粒索哂咗湯,食落都幾滿足。另外上碟既脆米更加增加咗呢個泡飯既口感。食完咁多肉都要食下菜既,最後一道係啫啫A菜煲。呢度煲仔菜都相當唔錯, 上菜咋咋聲之餘個味道都好惹味。呢度既餸菜份量適中, 我地兩個人食三道菜就岩岩好, 叫多個應該會食唔哂, 佢既片皮鴨絕對黎到係必食, 幾乎枱枱都會叫, 其他菜式都有一定水準喎, 下次如果想再食片皮鴨都可以考慮再黎幫襯。

突然間想食中菜，所以今次就試咗位於東涌嘅羲和小館。鋪面都算幾大，座位全部都幾闊落。比起普通中式嘅餐廳，羲和小館行一個比較現代化啲嘅風格，但仍然不乏中式情調，環境令人幾舒服。食物方面，當然嗌咗呢度嘅招牌菜片皮鴨。師傅會喺現場喺成隻鴨即刻切肉，然後由店員上菜，望住即場製作嘅烤鴨肉，令依味菜式生色不少。 佢有三款唔同嘅鴨肉部位，配搭唔同嘅推薦食法。有傳統配甜醬，同埋大蔥、青瓜一齊食，亦都有配爆炸糖新鮮食法。唔識嘅話佢有張卡仔教你點配搭，當然亦都可以因應自己口味配搭唔同食法，真係雖然一道菜式但有多重享受，真係食得幾好玩！另外都嗌咗個櫻花蝦海味蒸飯都比想像中好食。個蒸飯嘅飯煮得相當入味，每一啖都充滿住海味嘅鮮味，而且又唔會好似炒飯咁油膩，飯亦都保持到嚼勁、濕潤，可以話令我感到相當驚艷。海味本身亦都幾足料。最後嗌咗嘅香辣蝦都相當唔錯，鍾意食香口/辣嘅朋友應該會幾鍾意呢款菜式。總結下，羲和小館價錢嚟講唔算平，但食物同環境質素絕對值得呢個價錢，可以話係我近年來食過最值得再去嘅中菜餐廳之一。如果想食中菜，比起飲茶大家不妨嚟試吓佢。

去東涌行完outlet，諗住搵地方食飯行到4樓見到個裝修古色古香又有片皮鴨食 就入左去.🦆片皮鴨 原來每隻烤鴨係用攝氏二百幾度高溫紅外網磚爐即場烤而且師傅即場切開隻鴨分成三碟鴨胸皮、鴨胸肉同鴨腿肉配有多款醬汁選擇藍莓醬、爆炸糖、芥末醬、甜麵醬.再配合傳統捲餅食法：餅皮+鴨腿肉＋甜麵醬＋京蔥絲＋洋蔥絲＋青瓜條。再加上獨特嘅山楂條和藍莓醬🫐更豐富了味覺的層次.🥟小籠包熱辣辣嘅小籠包 皮薄多汁 一咬落去 啲汁多到爆出黎！.🦐籠仔櫻花蝦海味蒸飯認真有驚喜 海鮮加炒飯再配搭荷葉底蒸出黎 鮮味十足有蛋香同荷葉味道再加埋櫻花蝦海鮮口感味道都好豐富.最後叫咗個薑汁紅棗小桃膠薑汁味好濃郁飯後再加甜品 成餐飯簡直錦上添花

我都算係一個片皮鴨fans，估唔到呢間中菜館嘅片皮鴨都幾impress 到我。我地4人點咗半隻片皮鴨。鴨肉片用發熱碟上，咁就唔驚凍咗影響肉質同味道，見到餐廳嘅細心。鴨肉方面，分咗三個唔同部位，三種唔同食法，點唔同嘅醬汁同配料。分別可以點甜醬、配青瓜、白蔥包起，或可以點爆炸糖、藍莓醬、山楂餅，仲可以配自家製芥末。除咗佢嘅烤鴨之外，呢度嘅點心同其他小炒都好唔錯。小籠包皮薄多湯汁，熱辣辣食好過癮。另外櫻花蝦蒸飯都好有風味，食落每啖都有淡淡的蝦香味，推介。冰梅骨脆卜卜，甜酸甜酸咁好開胃。另外叫咗酸菜魚，大大碟只係$268好抵食。佢嘅魚肉紮實，湯底係金湯可配上粉麵食。總括嚟講，幾個朋友嚟食上海菜都係一個唔錯嘅選擇。價錢尚算合理，座位舒適，會再回購。

喺東涌outlet行到攰，於是就搵吓有啲乜嘢餐廳可以試吓。見到呢間裝修幾典雅嘅中菜館，於是就決定入去解決晚餐。餐廳比我想像中大，我哋一行四人就被安排坐喺卡位，都闊落同坐得都舒服。我哋見餐牌都有好多選擇，我哋於是就嗌咗幾款去試吓。我哋首先嗌咗一個半套嘅義和馳名烤鴨。一上枱，份量都幾大同埋可以有三食，而侍應都好用心講解每一part嘅食法從而令到味道昇華。其中最特別嘅係可以點爆炸糖去食，好有創意。烤鴨嘅外皮烤得好乾脆，唔會太大油膩感，而肉質亦都保持juicy。最值得讚就係佢哋嘅烤鴨係仍然有一個保溫爐烘住，唔會驚佢哋變凍晒。而另外我哋都嗌咗小籠包、酸菜魚、鮑魚雞粒炆飯、櫻花蝦海味蒸飯同埋埋個冰梅骨。其中嗰兩個飯一上枱嘅時候，已經聞到好香，而且份量都頗大，味道亦都好香口，食落好滿足。而酸菜魚嘅酸味做得啱啱好，唔會太濃，而魚片嫩滑，入邊有啲粉絲，索埋個湯食幾正。而冰梅骨一上到嚟熱辣辣，炸到脆卜卜，酸酸甜甜，好開胃。整體嚟講，無論服務定係成個環境，都可以俾到我同朋友好舒服咁樣喺度傾偈，而食物嘅質素亦都實屬不錯，成個用餐體驗都好滿足。

係東涌瘋狂購物完，就梗係要搵地方醫肚。 行過呢間門口，見到片皮鴨同埋酸菜魚做緊特價，女人一見到特價就忍唔住會入去食。 同埋我哋幾個女人都好鍾意食中菜，因為可以傾偈高談闊論，唔使咁拘謹～小籠包多肉多汁，唔會好鹹片皮鴨兩食有師傅喺隔籬現場切開隻鴨，同埋片皮好新鮮！ 兩食揀左薑蔥爆炒，調味好惹味，會忍唔住食咗好多薑蔥鮑魚雞煲呢個正喎啲雞好嫩滑，鮑魚都唔少，唔係得幾粒仔咁酸菜魚佢裏面有啲粉絲，仲有萵筍，啲肉連啖湯一齊食好正最後覺得有少少唔係好夠喉，嗌多咗個冰梅骨，應該一乍起就上碟，好熱好脆，少少甜甜地，酸酸地，正！

今日同朋友去咗東薈城行街，行完見到呢一間片皮鴨做緊特價，上網見到片皮鴨有好多特色配料。所以就入咗去。馳名烤鴨 必叫佢同傳統嘅片皮鴨有啲唔同，除咗有甜醬，青瓜，白蔥之外佢仲有爆炸糖，藍莓醬，山楂餅，自家製芥末。肉質幾林，而且咬落去多汁。塊皮都好薄，師傅分咗唔同部位放啲片皮鴨。所以有啲咬落去油香好重，一咬啲油標晒出嚟。有啲就係薄薄地嘅鴨皮下面有一大塊鴨肉，配合啲特色醬汁，好滿足。京式小籠包四個包子裡面裝滿熱騰騰嘅湯汁同肉餡，一口咬落去，湯汁爆曬出黎，皮薄餡多，正！冰梅小肉排 特色係一個好特色嘅菜，小肉排外脆內嫩，配上酸酸甜甜嘅冰梅醬汁，味道清新開胃，而且佢上面有少少脆皮黃心番薯，非常特色！櫻花蝦海皇炒飯炒飯有鑊氣，櫻花蝦鮮甜多汁火候啱啱好唔會太乾櫻花蝦唔會太硬，而且啲飯粒粒分明。 紅棗雪耳羮女性恩物，我估佢嘅湯底係少少薑汁所以食落去小小辛口，不過紅棗中和左所以整體淡淡嘅甜味，幾健康！ 整體價錢性價比高，服務都唔錯，值得一試。

喺東薈城行咗陣街，嚟羲和小館食晏叉電，準備再買過冰梅小肉排($118) - 豬扒軟腍，切咗件掛到更多酸甜嘅梅醬，好開胃好好食，伴碟用咗甜薯，味道好夾籠仔櫻花蝦海味蒸飯($118) - 好驚喜，飯係炒過先蒸，有蛋香，荷葉味亦好香口，加埋櫻花蝦同海鮮，口感同味道都好豐富蒜香雞翼($68) - 皮脆肉嫩，熱辣辣，加埋炸蒜好香口宮廷紅豆糕($38) - 凍冰冰好清涼，口感特別，紅豆味香濃，甜度剛剛好，清新之選茶芥$12/位，鐵觀音好香，用小火爐熱住好貼心，醃青瓜醋酸味好開胃裝修古典風格，應該優雅，座位乾淨闊落，坐得好舒服套餐同單點嘅選擇都多，圖文並茂好吸引，亦有唔同嘅優惠，服務亦唔錯，值得一試