XOXO Café Lab (Closed)

好耐冇去淘大行街啦，食飯時間其實個度都算多野食，今次就揀左xoxo cafe lab.呢間入到去就覺得好舒服，坐位都係sofa多，仲有cushion俾你i住坐！選左嫩牛肉芝士薄餡餅，呢個好好食丫！熱辣辣，個餅好脆，個餡就軟棉棉，仲有大量芝士，好正，仲要份量好多，食完都少少飽啦！另外嗌左個七味燒尤魚，燒得岩岩好，又吾會太un，加左七味粉，非常惹味，$50都吾洗，抵食！仲有芝麻烤牛肉肉汁飯，上碟好有驚喜，成座雪山咁，d泡泡同飯一齊食都幾特別，烤牛肉烤得吾錯，仲保持到牛嘅肉汁，都幾好！另外飲品都好正，嗌左芒果青蘋水果茶，好清涼，吾會太甜，岩晒我！

餐廳主色用左tiffany blue同白色 光線充足 地方算寬敵 睇落去幾靚～是日晚餐：蛋白泡泡飯 花茶首先上花茶 茶具好靚 好有barbie feel! 兩款花茶味道都清新同香蛋白炸雞肉泡泡飯 雞同飯係中央底部 再用一座山既蛋白泡泡包圍住賣相幾特別 但食落無咩味 泡泡蛋白無味 飯亦都無咩味

過去成日同友人喺淘大搵食，轉左喺九龍灣返工後相反少左行淘大，近日得悉淘大大番新，多左好多食店，即刻同友人黎試下。揀左食xoxo cafe，貪佢個名得意睇睇餐牌，似乎係輕食為主？！有點台式又有點韓式？咩都好叫幾樣野試下先。蒜香炸雞配奶酪蜂蜜薯片 ($68)本來叫普通版的鹽酥雞，但店員大力推介呢款，佢話啲雞係一樣的，多了薯片同個醬汁，更好食喎，咁一於又試下佢。雞炸得鬆脆香口，食落不油膩，蒜容醬ok，好香蒜味，不過雞本身已好正，醬料反而變得可有可無了。薯片本身已經係蜂蜜牛油味，再加了一層真蜂蜜，更香更甜，又幾正喎。鮮蚵仔泡菜蛋餅 ($62)好熱好熱，勁燙咀呀～蠔仔肥美，泡菜微辣，蛋餅好香，上層加了辣椒醬更惹味 泡豚片+煙肉三文治($52)賣相好得！見住啲蛋汁咁滴落黎好相一啖咬落去呀！多士香脆，泡菜豬肉辣辣地又有肉汁，煙肉鹹香，仲夾左生菜，蕃薯，生洋蔥等，口感豐富，有肉有菜味道好balance。頂層有泡泡同流緊嘅蛋漿，正正正。芝麻抱泡烤牛肉肉汁飯 ($118)抱泡似乎係呢度嘅招牌，點都叫一個試下。呢個係正常size，只有飯碗直徑，價錢好進取喎。厚厚嘅泡泡下係牛柳粒焗飯，肉汁甜美，除左牛柳粒，仲

去左九龍灣食飯行街，呢度係淘大三期上兩層，個度都幾多野食，今次試下呢間xoxo cafe lab.環境都幾靚，大部分都係sofa位，都幾舒服，嗌左二人餐，吾洗好耐就有野食！服務都好好！一個架放了三層食物，好吸引，有三文魚沙律，好大碟，而且菜都好新鮮，煙三文魚又吾會太咸，我覺得吾錯，幾好！另外仲有炸豆腐，加了調味，很香，而且好脆，但入面豆腐就好滑，熱辣辣都幾正！最上一層係炸雞，好大碟，好多，最喜歡係炸到外脆內嫩，入面仲有雞汁，仲有一d雞係有雞皮嘅，炸到脆卜卜，又吾會覺得油膩，都係即嗌即整，好味好味！main dish係泡泡牛肉海鮮飯，可以選加牛or豚肉，我選了牛肉，上面嘅泡泡好得意，一整下就會散，海鮮算多，有蝦，又有青口，尤魚等，飯有微微飯蕉，我朋友至愛，同埋係鐵板上碟，好熱咁食吾錯！整體感覺都好舒服，朋友傾下計好好，會再嚟！

早前在網上訂了蛋糕，今日要到九龍灣交收蛋糕，剛好可以吃點東西才去。淘大商場有間新開幕的餐廳，價錢合適所以就去吃些小食。餐牌頗是豐富。芒果菠蘿水果茶。香甜的水果茶，有陣陣濃香果味，菠蘿味道較為突出，剛好為冰涼夏日降點溫度。麻辣雞。件件炸雞炸粉薄薄，雞肉尚算嫩滑但肉汁不多，有數件比較乾身，味道較是淡口不夠香辣，雞肉炸得香炸不油膩，算是不錯的。

呢間餐廳好靚 佢一早已經佈置晒萬聖節 好有氣氛佢地方都好大 每到地方都整到好靚芝士豬䏠骨 佢有埋塊餅可以沾芝士食 好多好濃既芝士 d豬又夠林同好入味 每一啖都好邪惡韓國泡菜海鮮飯 重點緊係佢既泡泡啦 全部都係蛋白黎 好鬼正 好似食緊棉花咁 下面再有泡菜飯 小小辣既感覺同好多帶子 成個口感好好味藍橘荔枝水果茶 其實我都唔知咩黎 不過好香好好飲 好多新鮮生果係中間 好清甜 夠晒解渴同健康

本身係淘大商場地鋪到睇緊食咩好但見間間餐廳都要排隊，就走上去睇下有冇其他選擇XOXO CAFE LAB個名幾得意仲一早裝飾好萬聖節，幾有氣氛岩鹽紫菜韓風沙律岩鹽紫菜，其實係將紫菜炸過另一面係香口同帶咸香既炸粉令沙律多一種口感同味道而韓風沙律則混合左唔同既沙律菜食落卜卜脆，好新鮮菠菜白菌芝士薄餡餅芝士味道好濃郁，好出喜愛芝士人士一定會好鍾意太多芝士，感覺可能會膩但入面既菠菜、菌同外層酒上既醋汁成功減低芝士膩感實屬不錯

黑蜜炸雞炸得非常香脆，食得出沒有過量既人造調味。味道比較自然。比起出面普通既炸雞，呢間食得出新鮮好多，鬆脆香口外層加埋滑嫩雞肉，雞肉口感十足，配埋黑糖一齊食，味道好夾，香香甜甜咁。上枱時其實牛肉湯係分開上既， 比你食果陣先倒入去 咁就可以避免麵浸得耐會淋左啦 值得一讚係手打麵夠哂煙韌 ，而且牛肉已經炆到好淋同入哂味 加埋香濃既牛肉湯 (及得上出面啲專門食牛肉麵既鋪頭)咪睇佢個碗細細個 ，但其實肉同麵都好夠份量架飲品方面就點左顏色好吸引既水果茶 同餐牌圖一樣都係好多好多水果係入面 水果茶茶味唔算好濃，不過芒果味十分之濃郁又唔算好甜。飲哂成杯好似食左個甜品咁因為實在太多水果喇，好足料！！

老公要去九龍灣見大老細，問我下班後是否有興趣 join 佢一起到區內逛逛。翻查記錄，原來自從我調離九龍灣寫字樓後，已經有超過三年沒在這區出沒，就一於趁 Happy Friday，兩口子去「影藝」睇番場戲，順道到附近覓食。購完戲票後，見時間尚早，決定先去吃晚飯。在商場找到這間《XOXO Café Lab》，記得早排曾看過雜誌報導，介紹餐廳主打西韓台新派 Fusion 菜，店裡的食物，唔單止愛玩造型，連味道都好有驚喜。反正還未到晚市繁忙時間，不用排隊，就一於進店試吓。店內環境唔錯，地方雖然唔算好大，但佈置幾清新，以藍白色為主調，配上大量盆栽，令人感到舒適自然。安坐後趁食客不多，先在店內巡了一圈，原來用餐區劃分成幾個不同區域，而且每一區都擺咗唔同造型的椅桌和掛飾，再配襯休閑的沙發，更添幾分灑脫。翻開檯面餐牌，第一頁有解釋店名《XOXO》即代表親親抱抱的意思。至於食物選擇方面，除了有主打的 XOXO 抱泡鍋飯外，還有親味手拉麵、K-POP 炸雞、味覺年糕、個性餡餅、滋味蛋餅、All Day 三文治、Life 沙律、自由風小食、甜品和飲品等。筆者愛吃香口之物，決定先點兩客小食打開胃口，主菜就一於

很久沒有去九龍灣，原來淘大商場有好多小店逛，比德福較適合我，而且有不少食店喲～選擇了一間較舒服的cafe，裡面有不少應節裝飾。食物有台式、韓式及西式選擇，幾多元化。先點 Mocha，以可愛造型登場，韓風大賣，至於咖啡味就普通，造型取勝。韓燒牛肉+煙肉三文治套餐 $68一上檯賣相十分突出又吸引。最頂一層是蛋白焗成的梳乎里，中間是半熟蛋黃，質地好幼滑，多士既熱又脆，配多黃一起吃很滋味，至於中間是牛肉，但好似沒有燒過，似打邊爐的肥牛，加了洋蔥、沙律醬調味，最底層是煙肉，煎得未夠脆，有點美中不足。但以價錢上都幾經濟抵食。

睇戲之前咁岩十分肚餓所以周圍搵嘢食醫肚想到去戲院上面發現有呢間餐廳原來係主打台灣菜不過包裝到非常新潮同埋有少少mix咗韓風所以膽粗粗就試一下先首先叫咗個午餐紅燒排骨麵份量都唔少一碗排骨起碼有成七件大件排骨而且煮得非常之入味松化無比另外湯底都完全夠晒味但係就唔係用味精嗰啲化學調味品弄成湯底中隱約含有花椒八角味道而且面用上粗身的扁面面更可以索上適量的湯加左＄10轉左飲抹香珍珠奶茶抹香味到濃烈非常而且可能加入了小許綠茶粉令到成杯飲品有少少偏青蘋果綠色的唔單之後飲亦都十分之靚因為口痕關係叫多咗一份椒鹽豆腐外皮沾上了炸槳入面係滑嘟嘟嘅豆腐外脆內軟底下惹味非常而且外層係脆卜卜的炸蒜炸得非常之乾身而且豆腐我放左一陣先食都唔會出水令到個外皮軟化呢個椒鹽豆腐係一個驚喜嘅小食

下班時間在觀塘道堵車堵了四十五分鐘，終於到達九龍灣，在淘大商場地下已看到這個搶眼的淺藍色XOXO燈牌。餐廳以淺藍色為主調，門口已掛滿應節的萬聖節裝飾。環境寬敝整潔，桌椅簇新，應該開業不久？餐牌以韓國菜及台灣菜為主，款式不少，價錢算合理。二人套餐 $258我們三人點了一份二人套餐再加些小食。套餐包括韓國辣麵醬煙三文魚沙律、炸雞鹽酥豆腐小食拼盤 (小)、芝麻泡泡牛肉VS芝士海鮮鍋飯 (小)及兩杯飲品，挺豐富。想不到會以high tea形式端上，連碟子也是一抹澄明的湖水藍色。韓國辣麵醬煙三文魚沙律大大片煙三文魚，很足料，唯蔥絲略多，辣醬味道稍濃，跟沙律的清新不太配。炸雞鹽酥豆腐小食拼盤 (小)雖然是小拼盤，但份量也不少。鹽酥豆腐非常好吃！外皮鹹香，豆腐軟滑；炸雞也炸得蠻香，不會過乾，如果是鹽酥雞便更好。芝麻泡泡牛肉VS芝士海鮮鍋飯 (小)賣相很有趣，像一顆巨型爆谷。那堆泡泡應該是蛋白，是鹹版的火焰雪山，表面灑上芝士粉，挺香。泡泡內有啖啖牛肉粒，還有不少鮮蝦、大蜆、魷魚等海鮮，相當足料，唯味道稍啖，調味可豐富些。 海鮮泡菜蛋餅 $68新鮮熱辣，跟平常吃的泡菜煎餅相比，少了一份煙韌，多了一份香脆

香港好物巿集Pinkoi 2016選址在九龍灣零碳天地，已經預計到多人，但想不到的是多人到似迷你版年宵，只好放棄順便地行Mega Box，這邊也是人山人海，香港人真多。找了一間頗有特色的XOXO Cafe晚餐，藍綠色為主調，加上萬聖節裝飾，添上歡樂氣氛，這裡吃台式及韓式fusion菜，新鮮感十足，環境很有台灣文青的感覺。紅燒牛肉湯餃子$58餃子比我想像中的多，還有本菇作配料，及有少少菜，餃子皮略厚實，湯底好濃味，有點藥材味，幾香濃。韓燒肉汁牛肋骨$118牛肋骨肉偏肥，不會鞋口，邊位有少少脆口，燒烤味好香。可以用紫蘇葉包住食，加點辣醬，有韓式風味，底下的紅蘿蔔同薯仔好入味。洛神雪梨茶$48洛神花味好濃郁，雪梨茶不會好甜，飲到底仲有雪梨蓉，夠真材實料，這set茶壺同杯好美啊。食食下仲見到有live band，氣氛輕鬆寫意，令餐廳感覺更文青，但唱歌的聲音較細聲，可能音響關係。

以前去德福睇戲覺得商場好難搵食朋友就話我知淘大裝修完之後其實好多好嘢食今日直情轉場去淘大睇戲跟住去樓上個商場搵食門口光猛又有 Halloween 節日氣氛好輕鬆好relax一於坐低嘻哈dinner睇一睇Menu原來又有台式又有韓式我話晒都係一個韓粉點可以唔食年糕啊首先來一個LAB 味覺年糕泡菜汁鹵肉雲吞年糕 $75泡菜國嘅汁香辣適中年糕入口柔軟又唔會太硬大大隻雲吞皮薄涵靚要食飽個肚就叫咗個賣相靚又足料的五香抱泡滷肉溫泉蛋飯 $98抱泡感覺好得意外型同質感都絕對似疏乎厘其實係用蛋白打成然後再焗到面層有少少香脆打開泡泡之後就會見到五香滷肉同埋一隻QQ的溫泉蛋泡泡泡嘅鬆化同埋飯粒嘅結實好有神秘感之餘整體食落有層次非常有特色係我個人嘅特別推介最後我就喜歡嘆番一杯經典嘅Iced 芒果鳳梨水果茶 $48吸引嘅顏色好有台灣風味而且甜甜地非常開胃餐廳環境闊落空間感很舒服

行街見到呢個紫薯雪糕好吸引，即使唔係好肚餓，都坐入去食少少野。黑蜜炸雞$68-炸雞炸到乾身不油膩，雞肉保持軟嫩，附上一小碗黑蜜醬，黑糖像蜜糖的口味，香甜美味，薯片是某大牌子，淋上蜜糖依然脆口，個人喜好再添黑蜜。黑蜜紫薯雪糕$38-特價平左$20，個軟雪糕轉左好多圈，勁高，好滑有牛奶香，又有黑蜜提味，底下有真正的沖繩紫薯，香甜滋味，天然健康，又飽肚。原來光顧$258有得送多士爐，不過家中無位放，所以也沒特別湊夠數換禮品了。