野郎Stone (Closed)

食牛扒確是豐儉由人，平至茶記幾十元就有交易，貴至千元高價餐廳也高朋滿座。但邊個話平就無好野？今日就試下這間一百幾十就能「埋單」的石燒牛！這間石燒牛已有多間分店，今日就到尖沙咀分店一探究竟！門口有全自動點餐機供客人自助點餐，簡單易用。牛扒種類算多，肉眼、牛柳、西冷等部位當然唔少得啦，而且還有一些平常少見的部位可供選擇。今次就試下平常少見的「牛肋間隔模」，200g這個價錢真是很抵食。餐廳內煙霧彌漫散發出陣陣牛扒香，已令人垂涎三尺。點選的牛扒份量十足，外層已預先燒封鎖緊肉汁。生熟度就可以根據牆上的教學自行按熟度喜愛控制，雖然價錢便宜，但牛扒質素不差！肉有牛味，雪味不多。這個部位肉質偏軟，也沒有根，比較接近牛柳的口感。向來對牛扒有要求的我都覺得非常「收貨」！如果大家即興想食扒，推介這間有多間分店的石燒牛，大眾化價錢食出牛扒原汁原味！

呢間尖沙咀長龍石燒牛店應該唔駛多介紹啦！之前晚晚黎親都一定要排隊先品嚐到，今晚剛好晚左收工，同老婆一齊去搵食，見唔算多人，一於試下店員先叫我地係門外自助落單機落單等左大約10分鐘就有位店內位置不太多，遇上繁忙時間可能要等耐少少我叫左店員推介既隔膜位置，黎到既時候已閒到香噴噴我同老婆都升級左套餐，包麵豉湯、沙律、飯、飲品燒肉時有個poster建議逐件切出黎燒，因為石板好食，如果一次過切好晒黎燒，肉就好易過熟燒到5-7成熟就剛剛好肉味濃，口感比較爽配埋白飯食一流！

約咗朋友去尖沙咀行街，行到攰攰哋就去咗厚福街搵嘢食，行到街尾見到呢間野郎stone，主打石燒。門面幾吸引，好有日式風味。落單可以在門口先購票，餐牌一目了然，有各類牛，黑豚肉，羊架。部份肉類有分三個價錢，提供不同的重量給顧客選擇。加$30可轉套餐，有湯，沙律，飯/意粉/薯蓉及汽水一罐。餐廳內部乾淨整潔👍🏻我點了肩胛肉眼，廚師會先煮到一成熟然後立即上枱，食客可自行調校熟的程度，亦有一張廚房紙蓋上以防油花濺起，夠細心！超大塊肉眼，用黑椒和蒜片輕輕煎過，未食已經聞到好香侍應提醒我肉眼要盡快食，我趕快切開，內裏肉質呈粉紅色，油花分布亦均勻，牛味夠濃，個人覺得不需另加加調味料已經好味。我喜歡食五成熟的牛，就一次過切晒成塊牛，因為塊熱石真的好熱，如果不把牛拿出來，會好快熟透。所以記得因應個人喜好，把握好烹調的時間。肉眼肉質夠稔，五成熟夠嫩，外層鎖住肉汁，撈飯食一流！沙律是日式麻醬椰菜，夠清新及可以添加的。整體覺得價錢合理，食物質素不錯，下次會再來試其他。

喺尖沙咀嘅厚福街後面，有一間非常具日本風嘅石燒店，無論裝潢或者氣氛，都有一種置身喺日本裏面嘅感受餐牌可以先喺門口點菜，有自助售票機，有唔同牛嘅部份，亦都可以俾你揀食多食少，按重量收費。加多$30仲可以變埋套餐，可以揀飯，薯菜或意粉，仲有個味增湯，飲品同埋無限任食嘅沙律菜好似好多日式小店一樣，整個牆壁都塗上色彩繽紛嘅圖畫，介紹餐廳裏面嘅招牌菜，成隻牛嘅唔同部位，一目了然牛肋間隔膜上餐嘅時候好細心，先用一張只蓋着熱辣辣嘅熱石，以免有有油濺出。呢部份嘅牛，雖然脂肪較少，但是肉質軟淋，食入口就像是一件軟綿綿嘅牛腩，想食熟少少的話，可以切件係熱石上邊烹煮，締造個人化嘅生熟程度。我鍾意食生少少，略加海鹽已經好夠味食石燒牛我會比較鍾意揀配飯，呢個係正宗日本人嘅食法，當牛汁混和配上海苔嘅珍珠米，將白飯變得不平凡怕食牛食得多，唔使怕，因為仲有無限任食嘅沙律菜，切得幼細嘅椰菜絲，配上麻醬，健康感提升價錢唔貴，有正宗日本石燒風味，去開尖沙咀唔好錯過

疫情開始援和，終於可以約下朋友晚飯聚聚😊朋友帶我去左尖沙咀厚福街食石燒牛，岩晒我地兩個牛魔王😍先系店舖門外售賣機點餐，揀好自己想食既牛部位同重量，之後店員就安排座底等。加$30轉set仲包左沙律，薯蓉同生啤，飲住啤酒傾下計，燒牛10分鐘左右就上枱。炎炎夏日整返杯凍冰冰嘅生啤真係好鬼正我揀左從未試過既“牛肋間隔膜”(300g $148)，石夠熱，咋咋聲，已經聞到濃烈既牛味😍😍廚師烹調得生熟程度岩岩好，切開至燒到自己既7成熟 肉質彈牙有咬口，即使燒到10成熟唔會韌，牛味極濃，第1次品嚐就深深愛上❤️再點埋蒜蓉同埋佢地既自家製麵豉醬，簡直絕配😍😍沙律汁配埋菜絲，感覺好清爽，非常開胃。入口好滑溜的薯蓉， 軟綿綿，入口即化，出色店舖細細間，裝修及牆身充滿日本風情，有3張枱，好彩我地算早，所以可以即時入座。多謝好朋友介紹，呢餐真系食得好滿足，下次試埋其他牛先😍👍🏼

尖沙咀厚福街附近呢一間石燒牛平時成日都排晒長龍今日咁啱我哋晏收工，見到唔係好多人，就一於試吓餐廳點餐係喺門口呢部自助機度點嘅，收費都係電子收費唔收現金，如果大家下次你就要留意番呢一點啦😮牛嘅種類都有好多款，有分唔同部位🤔，第一次食唔係好清楚邊個部位適合自己，我哋就參考左店員嘅建議去揀😋另外佢都會有分到重量，可以按返自己嘅需要去決定要幾多我揀咗牛肩胛肉眼，老公就揀咗隔膜我哋兩個都揀咗200g, 仲配埋套餐可以無限添加飯/意粉/薯蓉、同埋沙律🥗牛肩胛肉眼嘅肉質比較林燒至五成熟就啱啱好啦老公揀嘅隔膜牛味就比較濃，口感比較爽口餐廳嘅醬汁係自助形式攞嘅，有燒肉汁同埋柚子汁，我比較喜歡燒肉汁，甜甜地，點肉食好夾，而柚子汁酸酸地，可以解油膩總括啲牛都好有質素，價錢合理我下次會再幫襯少少美中不足就係餐廳入邊嘅抽風唔係好夠，油煙味比較重，食完之後成身都好香😂

今日係尖沙咀見到有間食石燒扒，價錢不貴，好似幾抵食，便去試試。首先是在門外有部機可以點餐，等了一會有位便進去。我點了肉眼扒150g，加套餐，有沙律，飯及汽水。肉眼扒是整塊上，自己燒自己切，好有風味，而且有教你點煮，教你燒幾耐是幾成熟。。肉眼扒有兩塊，好足料。而牛味濃郁，燒至5成熟，肉質口感很很好。食到好飽。 飯上面也有調味料，令飯更入味。吃完扒及飯，仲有味噌湯。呢間野郎stone十分抵食，也吃得很飽。

今日晏晝好肚餓好想食啲heavy啲嘅嘢諗諗吓最後決定泥食牛扒😂😂😂😂😂餐廳有幾款不同嘅肉可以選擇諗咗一大輪最後決定食牛柳揀嘅係200g上枱先發現原來好大塊醬汁方面 有我最鍾意食嘅蒜蓉食牛扒點蒜蓉醬真係好好食!!!!!!!!夠晒惹味😙😙😙😙鐵板超級熱 食牛扒嘅時候要小心啲唔好燙親！呢度嘅牛肉味濃郁 而且冇乜筋位可以自己控制佢嘅生熟程度又可以自己動手切下一路食一路玩好得意😍😍😍😍

就係厚福街後巷，發現左e間小店專食石燒牛！成個感覺都好“日本“，係門外自己點餐，再安排入座。好在因為早左少少黎，唔洗等就入得！(我見好快出面就要排隊等位。。)今次點了牛板腱😍 $158 300g，成塊牛又香又厚，黎到冇耐已經忍唔住要食😂 由生生地，放放下開始熟d，食左唔同熟度ge牛，感覺幾得意。牛味好重又唔dry，配飯食一流！另外有個放調味料位置，方便客人自行隨喜好加上唔同調味料，例如味醬，黑胡椒等。。但我覺得已經好夠味，配原有ge炸蒜已經好好味。

同朋友一齊黎e間人氣石燒牛，係門外等，已經聞到香噴噴！鋪頭細細，都幾受歡迎☺️☺️係外面點完餐，再等位淨食牛都幾多選擇下，左諗右諗，今次一於食豪d，叫左人氣推介之一：牛肋間隔膜(300g $148) 一黎到，不得了，超香！有一片紙遮蓋住石燒牛，我偷望下，見到牛肉仲係生生地，加上又驚彈油，所以乖乖等佢燒多陣先開動😆😆自己控制熟度/燒幾耐就唔怕太生太熟～～我都幾鍾意依個方式👍🏼👍🏼我叫E個間隔膜牛味濃又夠淋，再配炸蒜，更加香口，正啊！另外配左薯蓉，上面有d味粉調味，望落份量唔多，但女仔黎講，會好飽😋😋下次再黎試下其他部位ge牛，比較一下肉質同味道ge分別😎

在這段非常時期，身為一名吃貨感受到好辛苦。沒得同朋友們一起享受美食，再好吃的都會有少少扣分。近排放工之後想吃下牛扒來獎勵自己，就book左一間西餐廳。一行進去餐廳氛圍不錯，但就是少左之前熱鬧的感覺。最後叫左一份3-5分熟的200g牛隔膜，這種牛排的熟度是最考廚師的功力的。等左差不多5分鐘牛排就上來了。有一個一個冷知識，牛排的烹飪時間是會較長，原因是因為一塊牛排煮多長時間，它就需要靜止一樣長的時間，這樣做可以借用牛排自身的溫度來讓內部達到想要的熟度。牛隔膜調味適中，黑胡椒同炸蒜。建議可以同服務員拿少少海鹽，吃的時候粘海鹽同炸蒜可以讓牛扒更有風味。本身以為200g會太多但其實份量剛剛好女仔的份量除左牛隔膜之外，配菜都非常豐富。加多小小錢就有汽水，湯同沙拉。仲有意粉，飯同薯溶選擇。最後，在這段時期出去的朋友們記得一定要帶口罩。

8:00嚟到都有少少要等位同朋友一行二人就揀咗牛板腱同埋間隔膜一上菜來係成個套餐咁上有包埋汽水之前食過第二啲類似嘅但係就塊熱石好快就唔熱但係依間就絕對冇咁嘅問題食到最尾都係熱辣辣嘅肉質都好好如果大食嘅朋友仔真係要點返300 gram 先夠食因為我冇乜點食飯之下就要食300 gran先夠食佢枱嘅旁邊仲有好多唔同嘅醬你自己揀成個餐就有一個沙律一碗麵豉湯，飯或者跟薯蓉，仲包汽水如果係要挑剔嘅話就係舖頭抽氣唔算太好朋友食食吓都話食到隻眼流眼水要食的話預咗一定係成身都係味道

今日同個牛魔王朋友嚟到野郎stone，店內好似日式居酒屋小店。菜單十分簡單，只需要選擇你想食嘅主菜，加$30 轉套餐有味噌湯、沙律、薯蓉/飯/意粉。朋友超讚個飯係日本米超煙韌，配牛扒一流。我點左西冷sirloin 200g $138，朋友選擇左牛柳tenderloin 200g $148。上菜時有紙巾蓋住，待30秒後就可以開動了。我嘅西冷大概有2cm 厚，切開剛好是我喜歡的medium 。如果喜歡medium rare嘅話，推介牛柳，好厚身有4cm 厚，十分juicy。旁邊有蒜蓉同埋曰式燒汁，沾少少醬風味更佳。二百蚊有找好抵食！

第二次去食了！舖頭位置比較少，因此等左一陣先入到去，坐低時亦比較逼。價格來講唔算貴，我選擇了較平的牛肋間隔膜，最少的份量記得之前好似200g，現在變了150g，但都夠女仔食。雖然係比較平的牛，但都好鮮嫩，肉汁豐富，唔點醬料，就落黑淑都好夠味。醬料都充足，味道都好夾，可以點牛肉或意粉。但相同價錢中，我比較中意友人食的肩胛肉🤣套餐中薯蓉或意粉或飯都是可以任添的，適合比較大食的男仔，但唔熱。但沙律今次食好似差左小小，比較咸。今次去可能比較夜，雖然出邊冇人等，但個姐姐不停出來幫我哋收碟，好chur，可能就快收工。

石燒牛首選😋之前喺旺角都食過呢間 石燒牛黎講CP值好高 所以約咗朋友再去尖沙咀呢間分店食👍👍餐廳嘅衛生做得好足 喺限聚令下 餐廳會block左部分台 每台客人都分得好開 可以放心享用晚餐☺️☺️餐廳點餐係係門口禁機點既 我點左其他餐廳比較少見嘅翼板 呢款肉質幾似和牛 油脂分佈十分平均 肉質唔怕好乾好硬 牛味亦相當濃 好多肉汁 逐小塊切 真係會有日式燒肉既感覺😛😛師傅會先將肉燒一燒 但唔會燒太耐 等我地可以根據自己嘅喜好 燒唔同熟度 餐廳會建議客人切一小塊 一小塊咁燒 避免一次過切曬會熟透 相當細心！