野郎Stone (Closed)

暑假即將接近尾聲，帶侄女落尖咀買開學用品，兩姑侄行到唔知時間，先記得漏左老公既飯盒，我地就食飽左，只好拿拿聲去附近野郎買個外賣比老公平時野郎可以食石板燒，但過左堂食時間，咁就買個蒜香牛肩胛肉眼配意粉比佢啦侍應哥哥話大約10分鐘就攪掂，對於一個趕時間既人黎講，都算快架勒外賣整好之後，侍應哥哥都比我望一望先包裝，其實望果陣，我已經聞到好香拎到返屋企，等埋老公放工返黎食飯，佢先食左件牛肩胛肉，佢讚不絕口，我都偷食左一件，真係好好食，牛肩胛肉好嫩呀，配上蒜香片，簡直完美配搭，而且意粉配上薯蓉，加上牛肉汁，原來外賣都食到好好味既石板燒

限聚令嘅關係 晚飯多數都係屋企自己煮 難得今日同老公齊齊放假 晏晝我哋決定出去鋸扒 在疫情之中享受二人世界野郎stone係一間食熱石牛扒嘅餐廳 真係好抵食 仲要係選用靚牛做食材 有多個唔同部位提供選擇進店時先量度體溫 然後到售賣機點餐並付款 把單據交給職員後 便會安排入座 除咗堂食之外亦有提供外賣服務 餐廳主要係食牛店舖雖小 但係都坐得算幾舒服 枱與枱之間隔有屏風 每位食客走咗之後職員馬上清潔和收拾 並進行消毒 衛生意識做得非常好牛肩扒 近住頸嘅膊頭部位 肉味比較濃 脂肪比較少 肉質口感度適中 比較有趙口 唔會太淋或者太韌 牛扒非常厚 本人就是愛吃厚切的 面煎香 裏面五成熟 非常多肉汁桌上有調味料提供 如:黑椒，海鹽亦有提供多款醬料 如:柚子沙拉汁 ，麵豉，自家製燒肉汁及蒜蓉沙律清新開胃 蔬菜爽脆清甜餐湯是麵豉湯 味道非常濃郁 材料非常豐富 食到有大大嚿牛肉 呢碗湯本人起碼飲咗三四碗 實在太好味

這間日本料理位於尖沙咀厚福街嘅地舖！店舖門面都唔錯！裹面都幾特別！店舖主打堂食燒烤！亦都可以外賣！肉類都係豬肉、牛肉、羊肉唔同部位！十分之吸引！試咗兩款:西班牙產黑豚美國上级牛小排.美國上级牛小排:牛小排食入口唔錯！肉質十分之新鮮！牛肉味好重又好腍身！食入口感覺牛肉肉汁豐富！味道超有水準！整個套餐相當之唔錯！又配咗D薯蓉！珍珠飯十分之唔錯！👍👍👍😋😋😋.西班牙產黑豚:賣相一樣冇得輸！黑豚肉肉質新鮮！味道一流！都係整個套餐都係唔錯！肉質十分之腍身味道超正！就算外買買返屋企食！凍咗一樣咁正！真係唔錯！👍👍👍😋😋😋.至於價錢方面！食物有質素！價錢一般！外賣另外有八折優惠！👍👍👍

最鍾意食石燒牛，近期比較少外出用餐。今日夜晚時候經過尖沙咀，就買外賣返屋企食。都有一排冇食石燒牛，揀咗牛隔膜。呢個部位肌肉會有少少爽口，肉質又夠嫩滑。鍾意幾多成熟都可以同店員講，或者佢亦都可以建議。呢度嘅外賣即叫即整，所以新鮮熱辣辣，保持溫度，亦保持味道。餐廳環境有少少日式風格，座位唔算太多，係小店一間。佢提供多款不同嘅肉類，選擇都幾多。牛嘅種類就相對地多，而且你可以按你嘅食量揀唔同嘅份量分100 g/150g/ 200g及300g。尚算多元化。外賣便當企理，飯夠多，牛又好食，外賣方便！

我位於尖沙咀厚福街小巷裏面，有間食扒嘅餐廳 中，有牛、有豬、有羊，任君選擇。呢度如果堂食係石燒，外賣就會幫你煮好。你可以選擇幾多成熟～～晚市有外賣供應。我揀咗牛板腱，肉質唔錯，幾厚，牛味都幾香。牛唔會太老，亦都唔會太多油脂，食落幾Juicy～～另外，有鹽、燒汁等配料調味。配埋飯食真係唔錯。啲牛外賣質素都保持水準～～依家牛真係有水準，好好味，配料仲有薯蓉及沙律～～牛嘅份量幾多，價錢合理，抵食！下次可以試下其他。

今日去開尖沙咀，專程去食街-厚福街睇吓有乜好食先，見到野狼stone一直都想食佢嘅熱石燒牛，雖然宜家冇得堂食，但用現金外賣有八折優惠，都好抵食！店舖小小，平時應該係用自動販賣機點餐的，不過因為今次係外賣＋現金付款，所以直接向店員落order就好了Menu有上各式各類嘅牛，好多選擇⋯⋯ 除了有牛柳、西冷這些想見的，還有牛翼板，牛肋骨隔膜、肩胛肉眼等等，也有分size 150g, 200g, 309g可選，由78元起至百多元，豐儉由人。最後我揀了肩胛肉眼，因為比較小見。店員也介紹話呢個部位好味，因為油花豐富，肉味比較突出。等了10分鐘左右，外賣已經到手。快快腳返屋企開餐先得一打開飯盒已經聞到好香嘅蒜香味。肩胛肉眼已經切好一塊塊，份量都好多飯旁仲有一大舊薯蓉添肩胛肉眼口感上較柔嫩，沒有過多嘅脂肪。煮得不會太老，加上蒜香燒汁，送飯吃簡直一流。

這次經過厚福街逛逛，期間經過這家店舖想起之前已經想吃，而且看到外賣有8折，所以就決定買來吃吃吧。💥西班牙產黑豚 HKD$118，預先切條吃起上來更方便😍。肉質很腍身還帶點油份在口腔散發出來，感覺很棒但不會感覺到太油膩。黑豚肉的口感好吃過一般的豬肉，所以看到有就會點來吃吃🤤。💥美國上級牛小扒 HKD$158，這個是以切片方式吃起來也很方便🤭，看到每一片都切到差不多大小。牛小扒的肉質煙韌口感不錯，堂食會更好🤭，下次要現場吃吃。隨便當會附上薯蓉和白飯，白飯面頭有飯素令到口感更豐富。我們點的是200g份量，可以因應食量而選擇份量，不會造成浪費☺。食物質素不錯，價錢一般可接受，會再回購的店舖💕。

在尖沙咀行街買嘢時，經過厚福街，聞到一陣香噴噴嘅味，原來係呢間野郎，因不可堂食關係，唯有買外賣回家食啦☺️店門外有部電子機，買左飛後再給待應哥哥煮😊。叫了一份牛肋間隔膜，雖然是買回家食，買相都靚啊，還仍keep到暖暖的，師傅又很貼心的切開一塊塊，首先食左椰菜同薯容沙律配菜，隔下油膩感先，牛間隔膜的肉好嫩，加了炸蒜片，食落很有牛味，唔韌冇渣，口感很好👍，飯上加了七味粉，唔會咁寡😋下次一定要早點去堂食，食番個熱辣辣嘅石燒牛😘

出面部機壞左，諗住入去問問店員。入到去黑蚊蚊，得一個呀叔係廚房做緊野。朋友好聲氣問佢有無堂食，佢已經好唔耐煩講左句：你地自己坐啦！然後朋友再問：出面部機壞左，可以點樣點餐？呀叔店員(勁無禮貌)：我都唔想架？一係你自己係度tick紙囉痴線，首先呢間野唔係平第二，明明好聲好氣問都咁既態度，免費都唔會食下次都係去番旺角東食唔該呢間鋪頭好好管理你地員工，唔想做可以叫佢辭職

黎到尖沙咀呢條橫街,就比好香既比好香既肉味吸引到腳步係呢個店面停落黎店舖入面唔算好大,容納到十個多啲既人重有教學可以按你鐘意既生熟度佐料自由配搭,你想點就點上碟一刻都嚇一嚇,原來300克 係咁大塊我話比店員知我鐘意食肉味比較重既部位，於是店員介紹我食間膜呢個部位塊扒紋理鮮明，油脂唔多就咁食已經好香肉味，再配埋炸香左既蒜片肉汁係無得輸之後再點另外三個醬汁燒汁令到佢肉味再一次提升整體感覺係，如果想比肉攻陷你味蕾咁就要食肉味重既翼位！

今日朋友帶我去食石燒牛，香港第一次食，牛扒可以自己選擇重量又有多重牛部位選擇，加$30可以意粉/飯，湯，沙律無限添加及汽水一罐。有一部機系門口可以自己落單，又有3種牛重量可以選擇，點左牛肋間隔膜300g加$30轉套餐。餐廳細細間但裝修又精緻。可以自己拎醬汁點。牛肋間隔膜，職員用廚房紙包住熱石燒防止油脂彈出，一陣拎開張紙自己可以控制牛肋間隔膜的生熟度。沙律是椰菜加芝麻醬椰菜好爽口配上芝麻醬更加美味，麵豉湯又濃郁。一邊切一邊燒牛肋間隔膜，肉質淋牛味濃郁，又不油膩配上蒜蓉片吃又好香，沾上牛肉汁又好入味。

呢排都冇咩心情食野, 諗住行下厚福街睇下有D咩野好野食就見到呢間食石燒既店出面有部自助落單機, 十足十日本咁有多款唔同部位嘅牛肉揀見到佢300G既牛翼板都係138, 真係抵仲可以添加飯, 意粉, 沙律, 湯. 飲品真係諗都唔諗, 一於試下有不同醬汁比你選擇朋友揀左牛味更重既間膜上檯了, 牛肉香味撲鼻肉味好濃, 肉質嫩加埋飯一齊食, 放工後一流享受總括黎講真係CP值超高!!!!!!!!! 價錢實惠, 味道又好食完飯仲可以係隔離再食過甜品!!

在尖沙咀厚福街有間野郎stone專門做鐵板石燒牛肉， 價錢唔貴所以入內一試！先係門口買ticket,好多款唔同部位既牛選擇，唔同重量唔同價錢，有一款幾吸引！我就揀咗個牛肋間隔膜，而且有埋飯，湯，沙律！店員建議逐件肉切出黎燒，就會更加容易控制牛既生熟程度！牛肋間隔膜上台時熱辣辣，我就逐片逐片切黎燒，按照自己喜愛既生熟程度去燒！肉質幾有彈性，而且牛肉味幾香又濃！再配上生蒜粒一齊混埋食！更加惹味，層次更多！用上日本珍珠米亦都係靈魂既所在，成件事好 match, 好好味架呢！！

今日經過附近做野，見網上有人讚過尼間就買飛試下！首先部機係出邊⋯一入到去⋯⋯咁熱既！ 係仲熱過出面⋯⋯係咁熱環境下我真係冇咩心機再食⋯⋯唔知佢地冷氣壞定冇開⋯⋯其他食客都覺得好熱！黎左可樂 擺多陣都冇咁凍⋯⋯等一陣就上左牛肩肉200g味道其實幾好⋯⋯可惜返石唔熱！係唔熱！ 不過我個人好熱⋯⋯是旦食完就走講埋個餐有椰菜 有湯 （不過面豉湯係冇料⋯咩都冇）唔飲都得成餐食得好急⋯⋯環境係大大影響食客既食慾同質素！可能冬天黎食會好d! 因為食完出返去仲涼！

自從疫情之後,都冇食過石板燒,今日同朋友突然間講起,心血來潮,就一於去食個石板燒先喺利是附近呢間人氣店, 揀選咗我心水嘅西冷 , 份量 重量唔同嘅, 價錢都唔同, 再配埋沙律飲品同埋一個湯, 買完飛, 跟住等左幾張枱就入去坐啦一陣間, 熱辣辣熱騰騰嘅煙霧出嚟, 我嘅西冷就到啦, 都幾大塊喎, 上面鋪咗少量嘅炸蒜片 , 我最鍾意食板燒, 係我自己可以控制嗰個軟熟度, 同埋熟嘅程度 , 我覺得我真係燒得幾好, HEHE, 個火喉控制得宜, 肉質有咬口, 肉味非常之香濃, 唔需要點任何醬汁已經非常之入味而個沙律菜有沙律醬之外, 仲鋪咗少少七味粉增加咗個口感, 一啖肉一啖菜, 百感交集 另外再飲埋啖熱辣辣嘅湯 , 呢個麵豉湯比較特別, 酸酸味味, 幾開胃