八一蕃巴蜀烤魚店 (鱟地坊)

Open Now

Now Closed

約埋屋企人喺荃灣搵食，今天的是荃灣火鍋新體驗，位於鱟地坊鐵皮屋後邊嘅八一蕃巴蜀烤魚店。酸菜烤魚好入味，秘製鉗魚鮮嫩唔多骨，先試一下BB辣，大人小孩都食到！酸菜夠多好好味。最開心係可以同時睇住世界盃，飲住啤酒，邊食邊傾邊睇波，嘻嘻哈哈又一餐！由於條魚好大條，食完已經半飽，只可以叫多幾樣火鍋料。其他火鍋配料細細碟，每碟都只是三四十元，質素都唔錯！炸芋片好好食，外脆內軟，就咁食都得，放入鍋中滾一陣，吸曬d湯汁好正！ 平日七點半，但店內已經坐滿客人，仲有𣎴少年青男女及家庭聚餐，睇見好多枱都係熟客仔，証明餐廳唔錯先有回頭客。

天氣咁熱但依然好多人仍然會打邊爐，但今次試下新野！「巴蜀烤魚」其實都傳入香港一段時間了，但一直無咩機會去食，所以今日一於同朋友係地鐵站附近搵到一間入去食啦😜環境寬闊，一啲都唔逼，而且冷氣又夠，唔會食到好熱，抵贊👍睇下👀幾多配料比你揀，價錢同份量都合理，唔會太細份👏👏👏👏👏同朋友兩個人，點左一份中辣「細邊」，份量岩岩好！調味好夠，魚肉夠滑👍點左一份「羊肉片」，肉身夠厚，食落唔錯唔錯👍魚皮餃，正常👍米線，都大碟，夠兩個人食👍不得不說尼個「共廚家作」，有四款飲品選擇，全部自家製，無添加，我點左一樽「生津李乾蘋果茶」，味道好清甜！

荃灣餐廳臨立，周圍都有好西食。今日就嚟呢間都開左一段時間嘅烤魚店啦！餐廳坐位有好多，而且都幾寬闊嘅，店員亦好有禮貌招待客人。先點烤魚，點了香辣烤魚。細邊是指只有一邊不連尾骨。而香辣烤魚是鯇魚來的，魚肉比較有咬口，比較滑。魚骨雖然是幼細，不過都好清楚的。所以唔識食魚嘅朋友都可以輕鬆食到。加上香辣烤魚味道好濃，唔係好辣不過就非常香。拆開入面看看，骨雖然幼，但都係好清楚的，見到魚肉非常滑，挑開骨後就可以啖啖肉咁食啦！食完烤魚就可以點埋配料食火鍋，款式唔係好多，不過勝在夠大份嫁！點了一份羊肉片，份量較好多。而且每片羊肉都好新鮮，唔會非常蘇。烤魚食到咁上下就加了湯做火鍋了，但加水不能加太多，因為味道會沖淡了。而羊片斯亦好快熟，灼幾灼就已經食得啦。由於湯底味道好濃，所以除左羊肉味，仲有香辣味道。除左羊肉片外，魚皮餃一樣都好正。餃不嬲都係吸到汁的，濃濃嘅香辣味道被魚皮餃吸晒精華，真心正呀！最後當然要點一份米線填肚啦！米線吸晒所有香辣味道的精華，夠辣夠淋，絕對正呀！

原本想帶姐姐和媽媽試食烤魚，因為食過覺得ok, 結果今次好失望、亦好樣衰，因為個泡椒好咸好難食，服務員態度不太好，如果2:30pm後不想做生意，可直接關門，但你又招呼我地入黎坐，結果一路點菜一路黑面，主菜已唔好食，叫攞盒攞碗又攞漏，係一次好失望嘅late lunch. 另外叫左碗魚湯烏冬，有啲咸麻辣涼皮，得個辣字，唔香燒羊肉串，因為我唔食臊味，所以ok燒牛舌，ok總括來說，荃灣應該有更多更好嘅野食。唔想做，請掛「休息」牌，我們便不會打擾。

突然唔想煮, 想食烤魚, 便來了屋企附近的八一蕃來個烤魚晚餐, 好耐冇嚟食, 19:00 嚟到, 地鋪己座無虛席, 服務員安排我地上二樓坐。二樓冇乜裝修可言, 座位尚算闊落, 坐得舒服, 冷氣也夠凍, 佢地唔會主動比水客人, 要飲水可叫向伙記取, 夠環保之前食過佢哋嘅麻辣烤魚, 味道不錯, 今次叫了近期大多數網友推介的酸菜味烤魚。酸味烤魚 ($188/細邊)1/2 原條鯇魚, 不過就冇咗中間嗰條魚骨, 鯇魚先煎香後才放湯上檯。魚煱的配料有酸菜、京蔥、鮮薑、芫茜、蔥洋蔥、紅椒及泡椒, 呷一口魚湯.....酸酸辣辣、鹹鹹香香, 非常惹味, 辣味不是來自辣椒的單一辣, 而是來自泡椒的酸辣, 加上鹹酸菜的酸, 酸度也富層次, 京蔥、芫茜及洋蔥主要任務是提香味。最愛吃那層鯇魚皮, 又香又滑, 鯇魚肉吸收了酸辣湯才吃, 個人比較中意酸辣湯底, 冇麻辣湯底咁油, 正, 真係啖啖肉.....竹蔗甘荀海底椰（$12）食酸且辣的烤魚……下火良飲出街食, 最好莫過於食完拍拍籮柚.....埋單走人, 唔使執台洗碗, 又唔使事前做餐懵。

荃灣二坡坊、鱟地坊等地都有不同的烤魚店及雞煲店。今日本來是想去另一間店舖，可惜該舖無位，機緣巧合行過幾間舖頭就見到八一蕃巴蜀烤魚店，立刻有位，就嘗試這間店舖。店內環境一般，坐得不太舒適，但也可接受。我們叫了酸菜味烤魚小辣(大邊)及特式雞煲王麻辣味(1隻)。酸菜味烤魚小辣(大邊)內有少許菇類，皮的魚鱗已處理乾淨，皮烤得香脆，魚亦無草腥味兼且滑溜，酸菜湯亦香濃。吃完魚後，加點了薯粉，薯粉吸了味後，變得不同凡享。因為我們想試多款不同食物，所以也叫了特式雞煲王麻辣味(1隻)，湯底異常地咸，雞尚算滑溜。但店名不竟是烤魚店，我建議大家也不要逆天而行，好好享受烤魚滋味。

我們倆小口子好耐冇去荃灣食飯喇，今晚同老婆去睇下荃灣食咩先，行行下見到有間食烤魚既舖頭，諗諗下我地都好耐冇食過烤魚，老婆好就我，叫我不如入去試下啦，之後就入去試下先。一入到去都見有好多不同味道既烤魚選擇，今次我地選酸菜試下，而家開始唔食得太辣既野，我地叫左細邊烤魚 $188 兩個人食岩岩好，仲叫左微辣。店員幾好人，他會介紹邊兩款魚係多唔多骨，魽魚會冇咁多骨，同冇分大細邊，係原條上。【酸菜烤魚】烤魚來了，其實條魚真係好大條下，兩個人食細邊都十分足夠，魚肉好滑, 個魚皮好香口，浸著酸酸甜甜的濃湯，令人感到好開胃。【口水雞】個辣度岩岩好，而且有花生碎係上面，皮滑，肉質都非常嫩滑，配合得好好。【火鍋配料】全份內裡有(大豆芽、金針菇、唐芹、秀珍菇)，但因為我地唔食唐芹，店員真係好好人，他們會幫我地走唐芹，將其他加返多少少份量給我們，一來到份量都算多。

無意中搵到一間好好食嘅烤魚餐廳，地方唔算難搵，未到晚市已經有好多人等位，裡面雖然唔算大，但都俾食客坐得好舒服！呢間餐廳有好多小食，亦有好多不同種類嘅串燒，全部都係即叫即整，好新鮮架！呢個就係我地今晚嘅主菜，揀左酸辣湯底，非常野味，而且仲愈食愈開胃，裡面嘅配菜十分豐富，有酸菜、香辣焦、白蘿蔔同薯粉等，價錢唔貴，都好正架！份量都唔錯，大大份！而且魚可以揀全隻或一半添！呢碟係口水雞，雞肉入口嫩滑，味道香濃，唔太油膩！涼伴青瓜！好味

呢排無咩胃口想搵啲開胃野食下，老公提議去食酸辣野，突然諗起上次家姐提過的巴蜀烤魚餐廳，於是決定去試試。門口不算太起眼，但竟然未到7點已經坐滿了人。餐牌選擇不算太多，我們先選了半份酸菜烤魚，配料之後再選。半份（細邊）份量都算大，而且仲可以選擇加唔加辣，我地最後加咗少辣，魚肉肉質結實，酸菜入口酸酸甜甜好開胃。炸魚皮沾上少少湯汁，又香口又酥脆薯粉加入薯粉入鍋慢慢吸收湯汁，薯粉非常入味又滑喉，健康又好味下次如果想食酸辣野又多咗一個好選擇

荃灣 有一間四川菜館 ( 八一蕃巴蜀烤魚店)。適逢 晚飯時間， 所以我們 就在這餐廳 吃晚飯。我們先 order咗酸味 烤魚 ，$188 我選大， 中， 小 辣味。 而我們揀左小辣。等了 一會兒 ，酸辣味 烤魚出場 ，雖然是細邊， 但份量十足， 酸 菜很多 而且有很多紅辣椒， 酸酸辣辣 啲湯底， 熱辣辣香噴撲鼻 ， 未食之前 ，已經聞到酸菜的味，非常開胃。烤魚肉質嫩滑 ，唔算多骨， 浸在 濃味 的湯底内， 吸盡湯底的酸辣味， 非常醒胃， 我們很快就 把烤魚掃光了。湯底還可以 作火鍋湯底， 加入 薄切 的 肥牛 ，新鮮 的 生菜、 巧手 美味的 雲吞等。 食火鍋點可以冇啤酒呢 ， 朋友order咗一支藍妹啤酒 。 還有一碟小食 ， 涼拌青瓜 $28 青瓜口感爽脆 ， 調較味道剛剛好。今晚的晚餐已經非常豐富 ，十分滿意。

最近聽朋友說，荃灣有一間店吃烤魚很有名。店內環境很舒服，雖然空間不太寬闊，但都令人感覺滿意，不會太侷促。牆上掛著不同的食物相片和廚師推介的食物。我和朋友選擇了一個酸菜烤魚，烤魚完整上，淡淡都是肉，肉質軟滑，軟綿綿的，浸著酸甜的濃湯，令人感到很開胃。真是真材實料，好豐富材料。吃完烤魚後，這裡有不同種類的火鍋配料選擇。價錢也不會太貴，份量也是適中。我選擇了響鈴和生菜。因為湯底實在太好吃， 浸著湯底一齊吃，令人十分滿意。

荃灣 鱟地坊 有一間 八一番 ，食烤魚很有口碑 ，我和朋友 也嚐試 這間餐廳 的烤魚， 餐廳位置只是在戴麟趾後面， 非常容易找到。餐廳內裝修普通， 但光線充足。 服務員態度殷勤招待、 有禮貌地遞上餐牌。我們先 點了一碟 小食， 雞絲粉皮， 口水雞。口水雞肉 皮薄。 脂肪少， 不算太辣 ，味道 鮮美， 肉質嫩滑。酸菜烤魚 需是細份 ，但有一大盤 ，裏面有酸菜' ，洋蔥 ，紅椒， 材料 豐富 ，湯底非常惹味。 烤魚肉質嫩滑 ，沒有腥味。配上餐廳自製 李乾蘋果茶， 既生津、又解渴， 可以放心食 辣，唔驚 熱氣。 吃完魚， 還可以 將湯底作火鍋任食。

今日（初四）行左城門水塘，之後搭左小巴返荃灣，初四有d鋪頭仲未開市，唔知食乜好，唯有試下呢間辣魚有冇開真係好彩，今日第一日啟市一向好鍾意食酸菜魚既我地今次order去酸菜魽魚加全份配菜（少辣，店員提議唔辣唔好食）一上菜見大大條魚被配菜包圍，仲有好多西芹，老公仔最愛，仲食得好滋味酸菜加少辣配合得好好，魽魚又唔算多骨，魚肉鮮甜好味，仲開埋邊等客人容易夾，真好，我地都食得好！一條魽魚加配菜，我地兩口子食，都好足夠了，冇再加其他配料！真係好夠食！服務唔錯，店員都好樂意效勞，不過可能人多，有時都miss左飲料order，落左單之後十分鐘提多次先係雪櫃拎支野飲比我地

講左又經過左好多次既烤魚店，今次終於嚟食喇，好彩喺星期日既7點幾都未洗排隊住。回想幾年前食黃埔食巴蜀烤魚，屙到我。。。。😩今次決定再俾多一次機會依樣食物烤魚有幾種，食得辣既朋友們of course need to try try 香辣版。。由於本人有上此屙左3日既經歷，今次決定左食無咁重口味既豆豉味烤魚除左烤魚，店內仲有5小選擇。食住烤魚，可以加湯喺魚旁打邊爐今次叫左大邊，豆豉好香，加埋脆卜卜魚皮，好味，今次望落去同食落去都無咁多油，令到我放膽食多左鐘意食芽菜，菇既人要加38元先有配料哦滾到咁上下，再加湯落蘿白，粉皮同牛柏葉，蘿白索哂d魚精華，豆豉，正！粉皮又索哂d汁，好味食完係無屙同肚痛嫁今次，可喜可賀下次有機會再try try 蕃茄味先

見好耐無同朋友出街，睇完戲，當然順便一齊食個飯，呢一間「八一蕃巴蜀烤魚店」，店鋪寬敞得泥又坐得舒服！首先我哋分別點左兩咋飲品，分別係冰鎮酸梅湯同埋生津李乾蘋果茶。自家製嘅飲品，清清地又夠凍，一解我哋乾渴嘅口嚨。首先點左一碟小食同兩條串燒。第一次食夫妻肺片，味道十分似去國內旅行時食到嘅冷盆頭菜，入口爽且帶麻，夠哂醒胃。另外輕嘗咗少少白鱔串燒，燒得幾香，比想像中肥美同有鱔肉味。話明烤魚店，我地除咗食烤魚之外都試左店員推介嘅特色雞煲皇，雞煲比較先到，驟眼雞件十分多，滾兩滾，煲內個陣香辣味愈來愈濃，馬上開筷，雞肉味好濃且十分嫩，配埋蔥同菇一齊食，大滿足啊！唔好以為一個雞煲就完啊，主角終於到喇！「香辣味巴蜀烤魽魚」，呢種魚未聽過唔緊要，店員為我地介紹，呢種魚肉多，骨少。十分適合我呢種口殘食家啊！睇見面頭個堆辣椒仔就知，好足料，果然香辣啊。至於魽魚，正如店員所講，魚肉多但唔會好老，配埋湯底愈食愈開胃，於是我地仲柯打加餸。個湯咁濃，最岩叫多啲唔同嘅食材，慢慢加落去，慢慢食！最後個人覺得，呢到真係好適合同朋友聚下，邊食邊飲，員工服務幾好，令到我地都覺得好輕鬆好滿足。