Futago HK大阪燒肉

Open Now

Now Closed

今日我同同事去左公司附近嘅e一間大阪燒肉店食飯，我見上星期我地又去左牛角食燒肉，所以我決定今日唔食燒肉set，於是我就叫左佢個燒肉丼 lunch set。佢每個 lunch set 都每包左幾種前菜，有 salads，韓式野菜，泡菜，紫菜，湯同埋一品。今日好肚餓，好彩個侍應上左d前菜比我地食住先，一路食一路等個丼飯。等左二十分鐘度就有得食喇！碗丼估唔到咁細碗，只係有一碗仔白飯。但d燒肉嘅調味好夠，食一啖飯配上香濃嘅蛋黃，再配上蔥花同埋燒肉，好好味。但係，我覺得如果佢個飯，改用好d嘅珍珠米同埋唔好煮得咁林，有返d咬口，就會再好d

平安夜因為要上班，沒有想到去那裡晚餐，下班和男友找餐廳晚飯因為我很喜歡食燒肉，馬上想起這家開了不太久的大阪燒肉店，但我們沒有book，於是去碰碰運氣，怎料真的有位置，非常開心!最驚喜是牛舌跟大量的蔥一起燒，超正!和大阪食到既燒肉店一樣!非常高質!食完非常滿足!高興!食物，服務都很好，一定會再來!留意想來的朋友一定要book喔，經常都很多人的!

第一次知道呢間餐廳係東京🇯🇵佢塊超大的牛肉一直都令我好難忘知道香港開左分店一段時間，有日經過就即慶話去試下。鎮店好大塊的牛原來要book先有得食，但可惜個日係walk in所以同佢無緣，但都仲有好多選擇。兩個人叫左一個set,包括牛舌，牛扒，同一塊豚肉扒，件件都好大塊，好香油脂，整個set只係四百幾，我覺得超值店員仲好細心幫我地燒，特別調製的醬汁同肉好夾。我本身以為佢細細份，所以仲叫左一份牛肋肉，甲羅燒，薯仔沙律同石鍋飯。我地差點食唔完，非常非常滿足香港的燒肉店以呢個價錢我暫時諗唔到有另一間比佢好下次我一定提早book食好大塊的牛！

一路都好想試呢間燒肉，終於可以一嚐所願，早了很多星期才訂到餐廳。但是原來他是分時段的，第一個時段是六點至八點， 第二個時段是八點後。我們最終選擇了第一個時段，但是我們七點才去到， 吃了一個鐘頭就走了。他的燒肉真的不錯，值得一試！我們是了五種不同的燒肉。第一款是叫了第一款是叫了赤身盛，雖然不是最好的那一款，但還挺不錯的！之後我們叫了上等牛肩肉，簡直回味無窮，放入口的那一瞬間簡直就是入口即溶。但是他的紫菜飯就差一點點了， 咸度可以控制好一點整體來說都不錯！

今日同媽味去食大阪午市套餐日本燒肉嚟講，確實勁好味叫左雞牛肉燒烤肉，再有飯，同仲有野飲啲肉都幾新鮮，醃得幾入味,雞肉好滑。比其他性價比算係高。lunch time 一早去攞定位值得encore

星期六叫左雞牛豬mix嘅加大版午市套餐。呢個餐可滿足你樣樣都想試嘅慾望，有好多肉：雞，牛脷，牛肋，豬腩肉，豬頸肉，等等。肉類嘅醃料唔會太over, 肉質唔係拿到林嗰啲。 呢個價錢黎講算高質。另外仲有嘢飲，128蚊都幾抵食!😊😊

趕得切係三點last order之前食佢嘅set lunch， set lunch有一杯嘢飲、一份燒肉、飯、沙律、玉子蛋、同埋一個湯。叫咗特級牛肋肉加熱嘅蜂蜜紅棗水加埋一，一百五十蚊到。佢葉到d牛肉甜甜地，有七至八塊，其中一兩舊比較多脂肪，性價比正常。美中不足係成餐飯不斷畀隻烏蠅嬲住。

第一次嚟吃午餐，唔算多人，幾好，清靜D🤣肉同配菜都好味，兩款肉，覺得厚身嘅好味D飯偏多水，乾身少少嘅話口感更好。沙律菜新鮮，醬好味。牛舌燒一燒，熱吃更好味👍🏻

一想食日本燒肉就會去不二之選。價錢中等，食材合格合理推介佢個冷面，真係堅日本風味。 想試既朋友，請預先訂位，因為呢間真係日日都full 咁際。仲有佢地準時收鋪10:30，last order 9:30。正😋😋😋

If you’re a meat lover like me, then Yakiniku Futago is the place for you! But you must remember to book a table because the place is usually quite full. They provide a range of vegetables and beef from different positions on the cow and I must say the quality is HIGH. Everything taste absolutely delicious but also not too oily. The grilled corn with butter is really good as well. Would prefer it if the waiters are more attentive but in general it was a great dining experience.

一開張到而家都食過幾次大阪燒肉 今次依舊叫大盛lunch set， $128加一！食物水準仍然keep到呢基本上叫開呢個set會一直叫落去，因為佢一次過有腩肉，豬頸肉，雞肉，牛肉，牛舌！腩肉好多油花，厚度剛好，，用黎開爐就最岩！點埋佢地秘制有少少甜既醬汁黎夾飯同紫菜食，無得輸。個人覺得豬頸肉同牛舌最出色，呢兩個係點燒都唔會韌，不過要注意唔好咁貼近爐既兩邊燒 ， 如果唔係好快會變焦！雞肉不過不失，如果牛肉可以切片會比較容易燒， 口感亦會比一大舊咁切好食。食食下覺得太多肉，又可以飲下set 湯同食個沙律中和一下，仲有芽菜泡菜等等既小食。如果加多5蚊，就可以叫到杯啤酒咁既凍烏龍茶，食呢個烤肉set飲凍烏龍就大快人心！一班人lunch食呢間會充滿能量，呢個價錢既份量亦都好足料！如果燒到一半仲可以叫店員換一塊鐵板，咁你既食物就唔會痴住黑色個d焦, 雖然個爐細細，但都燒得幾過癮架！最好就早一兩日book位，基本上lunch 同dinner 即時入座既機會較微。

之前幫襯過一次，覺得好好食！但後來想再去嘅時候，發覺原來佢已經結業！勁失望！最近從朋友口中得知，佢響新地址再開店嘅時候，我超級開心，一直計劃幾時可以去食！今天我終於搵到機會啦！新店地址有少少難搵，我要問利園嘅客戶服務部先搵到！不過為咗食好嘢，再難搵都唔緊要啦！我叫咗特上牛肋肉同埋黑毛和牛特上牛肋肉嘅lunch sets！黑毛和牛入口即溶，好好味，一碟有8塊 ，呢個價錢，呢個質素，絕對抵食！但係其實最好食嘅係牛舌，超級爽，好好味呀！如果唔係因為已經飽的話，超級想叫多一碟！呢度嘅lunch set唔算貴，但都會提供高水準嘅肉，超級抵食，值得推介！

我敢講呢間係全香港最好食💯嘅日式燒肉店，沒有之一😍😍！之前喺銅鑼灣舊舖已經食過幾次，每一次都冇令我失望。但佢搬咗新舖之後一直都未有機會食，朋友同我慶祝生日竟然問我想唔想食，我當然舉腳贊成🙋‍♀️🙋‍♀️🙋‍♀️。但記住一定要book枱啊，weekday即日book多數都未必有，如果weekend就要更早。新舖其實同舊舖位置好近🤣，我仲行咗個大圈先搵到🙈，新舖環境闊過以前，亦都好似多枱啲。而且抽風好似好咗，食咗3個鐘個身都無燒肉味。👍🏻👍🏻講返嘢食，我哋2個女仔都叫咗唔少嘢食，前菜叫咗1️⃣Futago特製薯仔沙律🥔🥗($38)，份量雖然唔多，但真係好好食好開胃，啲醬好好食仲配咗啲薯片好脆，令到成個口感昇華咗🤩。2️⃣鹽燒黑豚腩燒($58)🥓，呢個第一碟上，唔記得影相，因為已經太肚餓了，鹽燒好好味啊，食到個油脂好香。但得5片，如果多啲就好喇。👉🏻👈🏻3️⃣大得驚人牛小排(鹽燒)🥩($188)，呢個真係永遠嘅王牌，成個燒爐咁大塊，而且會有專人幫你燒埋。燒之前仲要嗌句口號先哈哈，又拍哂手好high🥳🤪。塊肉唔厚，所以好快都熟，但有高手幫手燒，所以完全無燒到過熟，食落超Juicy好好食有少少入口溶化嘅感覺，真係

.我要食燒肉！究竟邊度有高質嘅日式燒肉呢？上網做咗好耐research，發現唔同餐廳嘅價錢係有天淵之別，最後揀咗依間「Futago大阪燒肉」。.入到餐廳，聽到有客人同職員一齊叫口號，原來係叫咗一個要提早預留嘅「大得驚人牛小排」，冇預留嘅我哋最後都食到，真係好好彩！.大得驚人牛小排 ($178) • 落燒肉之前個職員會叫「準備 じゅんび」，之後我哋就要嗌「用意 ようい」！之後職員就會將肉放落去燒，再向我哋講解小排嘅四個部位。燒肉絕對可以被評為高質！牛味夠濃夠油香，入口無筋夠嫩滑，仲會配適當嘅醬汁，例如芥末去提升鮮味。順帶一提，我哋仲叫埋佢嘅海鮮拼盤，價錢唔貴兼且非常新鮮，比得上出面主打海鮮嘅餐廳，值得嗌埋！.最尾嚟個小總結：食物質素同服務態度都相當唔錯，係會令人食過番尋味嘅餐廳！.餐名: 大得驚人牛小排價錢: 人均$650評分: 9/10餐廳: Futago HK大阪燒肉 (銅鑼灣)地址: 銅鑼灣恩平道28號利園二期地下LG01號舖#HKFPcwb #HKFPjapanese.IG : hkfoodpoint

銅記燒肉平價之選啊！間野開左我估都有半年多，一直都想試，但望個樣似係超級貴，所以一直都無去。咁我呢排想試試燒肉，就上網睇下邊到有，廢事去尼去去都係某角。原來呢間野都唔係貴，牛肉、雞肉都幾新鮮，d汁都幾入味，我地仲追加左牛舌，好正爆！我地燒得幾脆，所以好好味。大家想試燒肉可以試下呢間，位置係利園二期果頭，有少少唔方便。不過有d熱氣啊，我食完第二日就生暗瘡，唔知大家食完燒肉後會唔會飲返杯涼茶既呢？？？