一冰廳

Open Now

Now Closed

吃早餐，是我人生養成的第１個好習慣，茶餐廳早餐更是吃了Ｎ年，仍然愛！Open Rice發現荔枝角有一冰廳，坐巴士經過無數次，今次終於來吃，早上未到９點到達，生意非常好，果然人氣暢旺！是日早餐，包括以下的：#餐肉炒蛋公仔麵：雞蛋可以選(太陽蛋、熟蛋、炒蛋)；公仔麵可以揀(軟、普通、硬)，人性化茶記；午餐肉煎得剛剛好，加了芝麻，要讚１個，整碗麵唯一不足是炒蛋不夠滑，可能點煎蛋會更好！#即磨咖啡：多奶走糖，我喜歡的味道！會再來吃早餐。

星期六中午來荔枝角等朋友下班，然後一起血拼購物。開始前先醫一醫肚！據說這個粟米忌廉湯通粉是「一冰廳」其中一樣名物。原條粟米拆粒粒，然後再以機器高速打成蓉，可以說是心機製作。忌廉湯質感偏杰身，甜甜地，粟米味非常濃郁。通粉軟硬度也okay，不會因為浸在忌廉湯中而過淋。原本是配午餐肉粒，怕胖的筆者則轉了做火腿絲。常餐另外跟有西煎雙蛋和厚多士。篤穿蛋黃，蛋漿欲滴的一刻非常吸引，配上烤好的厚多士一齊吃，甚為滋味。

下午茶經過一冰廳，就決定入去坐吓消暑，順便醫肚叫咗個公司三文治（ $44 ）味道簡直有一股震撼嘅感覺，好大堆頭炒蛋好厚，配埋佢個頂級厚餐肉同埋火腿，基本上一邊已經好豐富，而另外一邊就係健康之選，就有沙律醬、蕃茄、生菜同埋芝士食落一啲都唔Hea，每樣材料除咗充足之外，味道都好好，炒蛋唔會過熟，中間仲有啲流心，非常嫩滑，餐肉亦都唔會過鹹，煎完有少少趣邊，好食，至於其他配料就係正常嘅水準啦配埋個熱檸茶，要解一解飽嘅感覺

其實我份人都幾懶，食嘢除咗睇下想唔想食之外，都要睇下佢易唔易去😂 今次呢間茶記係d2 place附近，相當易搵，仲有兩間分店就睇下方唔方便大家喇🤔 💛激烈洋蔥煎豬扒飯（豉油汁）($49)OMG‼️飯如其名，真係好激烈😱 激多洋蔥🧅 洋蔥味好烈，姐係喺辣洋蔥❗️ 如果食唔到生洋蔥嘅話就建議大家試第二樣喇👍🏻豬扒有兩件，薄薄地，冇話好柴👌🏻 味道同普遍茶餐廳嘅煎豬扒味一樣🐷 豉油汁嘅份量同味道掌握得唔錯👍🏻 唔會搞到碟飯太鹹，不過呢間嘅飯本身係較少，我食完都唔算好飽，如果大食量啲嘅人就記得要加飯❗️💛滑蛋咖哩吉列豬扒飯 ($59)吉列豬扒炸得幾脆😍 但就薄咗少少🤏🏻 蛋好滑🥚 咖哩唔辣，連🐡都食到

喺荔枝角返工會喺附近搵好嘢食，呢間一冰廳係我平日食午餐嘅推介之選！間唔中都會同同事嚟呢度食，不過午飯時間好多人，坐得好密，我哋通常都係兩點後先至嚟食嘅，闊落啲坐得舒服啲。個人推介呢度嘅蛋包飯真係必食！良心食店，可以揀兩隻汁之餘，汁嘅份量又唔會好少，一定夠撈飯！（個人好怕啲汁唔夠撈⋯⋯😵）我最想食嘅係芝士咖喱汁炸雞蛋包飯😍，佢啲炸雞都幾大件，有4大舊，每次食完都好飽，如果男士唔夠食嘅話，佢哋仲可以叫加底多飯㗎！除咗個汁撈飯好正之外，啲炸雞嘅肉都唔乾身，重點個炒蛋每一次都炒得好好！👍🏻👍🏻👍🏻 仲有得Mee儲分，你懂的！💛良心小店，希望繼續保持水準！

重要既嘢一定要講三次，等大家記住！！！今朝去咗買早餐，個收銀職員態度非常差，收銀職員態度非常差，收銀職員態度非常差！！！自己掛住係度講私人電話，又落錯單唔認，仲不停發悔氣。叫佢改又唔肯，一直不停叫人等，叫左個包，成15分鐘都未有，叫凍檸茶多甜又冇多甜，話左三次凍檸茶，又問係唔係要熱嘅，熱嘅就唔叫凍檸茶啦！！！呢次之後，以後唔會幫襯呢啲垃圾餐廳，買一個早餐仲要搞到成肚氣，食左都背脊骨落，不知所謂。仲寫住咩有問題向小店反映，最大問題咪就係你餐廳啲人囉

🤔 小編如果喺荔枝角做開嘢，晏晝諗唔到食乜，就會去一冰廳！貪店舖地方寬敞同燈光充足！［ 亂闖試飲試食 ］🍽 日式咖哩野菜飯配牛肉 😋😋😋😋牛肉好滑溜，有唔少菜類喺當中，一定可以攝取到纖維！🍛 咖哩味濃郁，係日式鹹咖哩。飯量亦都有好多，女士食一定會十分飽！☺️ ☕️ 熱奶茶 😋😋😋😋不過不失，係水平嘅奶茶，茶奶比例適中。午餐 💵💵 約港幣$60/人 💁🏻‍♀️ 依間冰室嘅嘢食係幾唔錯，提供嘅食物都唔係一般坊間冰室做開嘅，有花過下心思。不過小編建議大家落單時，同店員覆一覆單，因為繁忙時間，小編發現有兩三次佢哋落錯單…… 😅🙆🏻‍♀️ 最後，喜歡嘅話，歡迎follow @foodirectory.hk ！

一直都好鐘意食一冰廳既常餐，其中一個原因係佢哋既選擇好flexible, 可以加$10把多士換成我最愛既奶油豬，重要烘到脆卜卜有大量煉奶，食完超滿足返公司繼續做野啦！職員全部都好helpful, 試過自己太眼訓落錯單，同職員講完佢哋都好幫手換返我想食既嘢勁有禮貌🥰

平時啲茶餐廳好多都差唔多水準，呢間一冰廳食完幾impress到我去食下午茶，揀咗輕量滑蛋蔥花叉燒飯，個蛋真係炒得好滑，個生熟程度恰到好處，仲有少少蛋汁，而叉燒雖然偏瘦，未去到燒味鋪質素，但都ok唔錯食完覺得唔夠喉呀，所以下次要食lunch set大份啲果個先得🤣

第一次寫食評～就係比左呢間茶記既早餐～可以話用$35既價錢黎講，好好味😋高cp～我order左 A餐 鮮粟米忌廉湯火腿通粉，可以選擇兩款餸，即係腸蛋、腿腸、餐蛋…飲品方面都有好多選擇，例如冷門既熱杏霜最重要既係‼️‼️‼️跟餐既麵包可以揀「奶油脆豬」@@ 仲要唔駛加錢tim ～首先，個通粉湯底已經驚艷到我 🤩 湯底好creamy, 濃濃既粟米味 💯 好多火腿～大大碗 比起其他既火腿通，呢間真係十分出色❗️奶油脆豬 熱辣辣 勁多煉奶+牛油 比足料～腸仔亦炸得好香口，略彈煎蛋過熟～我叫既熱朱古力都夠甜，唔會好似滾水咁～呢間位於荔枝角地鐵站 步行5分鐘到 😊地利位置十分方便 👍🏻👍🏻 早餐仲可以食到11:30唔怕遲起身 趕唔切食～下次試下沙嗲肥牛麵先

早前係網店買左一堆零食終於拎得，門市係香工，我真係咁大個人第一次踏足荔枝角e個站😆😆😆難得由港島區搭過去，當然搵下有咩好西食啦😆係openrice睇左好多間餐廳，好多間都好想食，最後揀左一間有好吸引滑蛋吉列豬扒飯，重點係配日式咖喱醬汁，於是就去試下喇👍🏻👍🏻坐低左係餐廳，睇到餐牌有一個常餐我都想試，但因為得我一條友又食唔到咁多野，最後堅持叫咖喱滑蛋吉列豬扒飯😆😆豬扒外脆內軟，咖喱唔太辣，味道剛好，不過滑蛋就細左啲，包唔晒個飯，個人認為可以多少少滑蛋蓋住個飯就good good 喇！整體都算幾好食😋有機會會再試下啲常餐先😆👍🏻

中午2點, 有得叫下午茶, 所以即管試下門面貼住既尼個招牌菜!!輕量滑蛋蔥花叉燒飯 – 上菜速度超快, 估計只用左3分鐘就送到餐, 其實見到個下係驚喜既, 因為賣相幾好(比想像中)。D蛋睇落炒得好滑身, 而且一D都吾會乾, 仲有丁點蛋漿, 滑蛋滿分!叉燒口感同樣吾會乾身, 只不過個人認為, 如果係蜜汁叉燒既話一定會再高分好多!豉油吾會死咸, 應該係甜豉油黎整體黎講!有驚喜!掂既!飯量好足夠, 講就講輕量, 但其實D飯都勁多, 我當午餐咁食都覺得夠, 再加上奶茶(好飲, 我鍾意茶味重D既奶茶)既加持, 又抵又滿足既!👍🏻🫶🏻

Lunch得一個鐘食茶記係最適合不過雖然係茶記，但餐牌都有好多選擇見依到蛋包飯係比較出名緊係嗌番個黎試試啦1. 芝士咖喱蛋包飯 配日式炸雞蛋超滑份量又多 炸雞好香脆 一啲雪藏味都冇咖喱辣度適中唔錯白飯煮得粒粒分明，唔會好濕2. 超級無敵出前一丁有香腸、火腿、午餐肉真係邪惡指數no.1😂😂配上韓國農心辛辣麵食落唔會好咸餐配熱飲唔洗加錢配凍飲就+$3值得一提，出餐快之餘擺盤唔會好hea食得快走得快唔洗等位等好耐

一冰廳 Yat cafe係荔枝角返工，附近有好多嘢食，最近發現咗呢間黃店，叉燒炒蛋好好食。呢度落單係用筆畫落張menu度，環保啲🤣—————————————————————  1. 滑蛋蔥花叉燒飯 💸$52叉燒唔算太瘦，個蛋炒多好滑，啱啱好唔會太熟，加埋叉燒啲油，好香好好食，呢度啲飯煮到好一粒粒，撈埋啲豉油同少少蛋汁，好正，不過覺得蔥花可以再多少少。餸同飯嘅份量都算多，包熱飲，抵食。總結，Lunch時間長期排隊，每日都坐滿，知佢咩料啦。—————————————————————  #一冰廳 Yat cafe📍荔枝角長沙灣道883-889號億利工業中心地下

今日約左朋友黎呢頭睇戲，平時就好少黎呢頭嘅，不過都食過其他地區嘅一冰廳，覺得質素都唔錯朝早我自己趕住出門口都未食野，個肚咕咕聲，但陣間睇完戲食第二間餐廳，所以黎左一冰廳一齊tea一tea我幾鐘意食茶餐廳，價錢親民，上菜又快，味道又好，又多選擇今次我揀左牛角包配炒蛋同火腿牛角包配炒蛋同火腿 炒蛋滑溜，蛋味香濃，牛角包鬆脆，層次分明，加埋煎香左嘅火腿真係人間美味食完呢個咁好味嘅茶餐之後叉左下電，夠energy睇埋場戲先再食野