爺爺雞煲皇 (美景街) (Closed)

今日同屋企人嚟咗土瓜灣嘅呢間爺爺雞煲皇食雞煲✌️見到菜單都有好多唔同種類嘅選擇，我哋就先叫咗一個爺爺招牌雞煲，再每個種類嘅嘢食都叫啲🕶首先嚟到嘅就係招牌雞煲，雞煲一定最起碼要有少少辣先至夠惹味，雖然我哋有四個人，但係一隻雞嘅份量對我地來講都十分足夠，而且個雞煲得好入味，食到我哋流晒口水！不得不提嘅有呢個手切肥牛，佢有好重嘅牛味，就算係浸左入個咁濃味嘅雞煲度，都唔會比雞煲嘅味道蓋過佢，而且薄薄一片，仲有啲入口即溶嘅感覺食雞煲又點少得呢啲吸味一流嘅炸魚皮同埋響鈴？我哋喺個雞煲味加湯之前就已經清左差唔多一半！仲有好多唔同種類嘅丸！煮熟之後粒粒都好彈牙，特別鍾意食墨丸😍當年我哋仲叫咗好多其他食物啦，叫到成枱都係，望到都已經覺得好開心😃

今日約了朋友在土瓜灣聚餐，兩人都好想食雞煲，就去了爺爺雞煲皇火鍋吃，其他區都有分店。甚麼不用想就點了個爺爺招牌雞煲重中之重！成煲雞都係肉，無頭無尾。啖啖都是肉。雪花肥牛特選黑豚肉羊肉片食獸肉表示各式肉都要食。個人最愛當然是肥牛🤤雪花分佈不錯，完全無根，肉味亦夠重，無雪水，好肯定是新鮮牛。羊肉片超少肥膏，膻味唔算太重，肉質夠實口感十足。各式丸。一看就知道是即制的。牛丸彈到一個極點，蝦丸、鯪魚丸都好好吃。自家制鮮炸響鈴，咬落不像市面現成的，一咬就碎。

這間新開了不久的雞煲，雖然隱藏在土瓜灣區，但食物質素可媲美旺角區的火鍋店，質素有過而無不及。先點了一個花雕酒煮雞煲，雞煲約半隻雞份量，雞肉已經煮至變色，花雕酒味滲入雞內，雞肉嫩滑但都幾油膩，裏面有些洋葱及芫茜，香味更濃郁。羊肉片帶點騷味但肉色鮮艷，就算我不太喜歡食羊都可以接受。而手打四寶丸更是超級高質，全部都是手打起膠，墨丸及蝦丸彈牙，牛丸及鯪魚丸都是鮮手，係街買唔到的質素。另一個最高質的手切肥牛，油脂色澤均勻，每片都切得很平均，牛肉有點咬口但都腍滑，肉味濃郁。最後食埋冰豆腐、菜及稻庭烏冬等，非常滿足的一餐。

住土瓜灣既朋友介紹黎食呢間爺爺雞煲皇，咁今日就黎試下去到果陣已經9點幾，都仲有好多人見到牆上面貼住爺爺雞煲既4大皇牌，鮮蟹花甲鍋好吸引，可惜朋友唔食海鮮所以我哋最後叫咗雞煲，我哋叫咗半隻雞，份量好足，一放低已經聞到好香，仲有好多我最愛嘅紫洋蔥，雞肉好新鮮，再加埋惹味嘅醬汁好好食呢個手切肥牛十分出色，肥牛切得較厚身，食落去好有口感，牛味超香，而且十分抵食，咁大碟都係$138，係出面一定食唔到呢個手打四寶丸都好好食，其中最好食既係牛丸，咬落去有肉汁，牛味超濃，綾魚球一d都唔腥，蝦丸同墨魚丸咬落去仲有粒粒墨魚同蝦架羊肉都好新鮮，食落去唔會好羶黑豚肉又係十分好食，同一般既豬肉片唔同，好滑同肉味香好少地方有得食蜂巢豆腐，豆腐索左雞煲惹味醬汁做出黎既湯，勁香另外一樣要提既就係自家製炸響鈴，食落唔會好油，脆卜卜勁好味總括黎講爺爺雞煲皇性價比好高，野食好食又唔貴，店員服務好好，下次要搵食海鮮既朋友食花甲蟹鍋

前幾天，中學同學們出來相聚一吓。同學們提議吃火鍋，所以回到學校附近新開業的爺爺雞煲皇火鍋，因為可以一邊吃一邊詳談詳談。這間新開業的火鍋店，佔地估計大約三千餘尺，環境裝潢光鮮整潔，牆壁上貼滿火鍋鍋底的簡介。湯底方面，我們當然點都選了主打的爺爺招牌雞煲，是小辣的。雞煲給端上的時候，香辣味搶鼻而來，雞件嫩滑可口，越吃越想吃。吃過雞煲以後，我們點算了不少的火鍋配料，包括手切肥牛、新鮮肥鵝腸、雞子、炸魚皮、炸響鈴和萵筍。丸類點選了牛筋丸、豬肉丸、手打墨魚丸、手打鯪魚丸和蟹籽墨魚滑。水產類點選了桂花蚌和珊瑚蚌。主打創新的火鍋配料點選了墨釀油炸鬼和手打鮮蝦滑釀冬菇。大男孩聚舊，青島啤酒當然不可少。這間火鍋店雖然位於土瓜灣舊區的內街，不算容易尋找和到達，但是門口可以泊車，可讚的是環境和火鍋配料非常清潔衛生，實在值得推介。

今晚我請客, 因為表弟成功考入英國大學, 要賀一賀.  他住土瓜灣又最愛中式鍋, 所以我揀了, 爺爺雞煲皇.表弟最食得, 爺爺招牌雞煲最適合他.我們兩人安排坐圓檯, 店員知道我們吃雞煲 + 火鍋, 已立即送上醬料, 好迅速.看見飲品牌, 除了啤酒外, 還有汽水及清熱飲品. 我點竹蔗茅根, 表弟要 雪碧. 爺爺招牌雞煲, 餐牌上有三款:   爺爺進補米酒雞煲,  花彫酒煮雞煲, 川味魚煲鍋 , 味道由大, 中, 小, BB辣, 至 走辣 都得.表弟鍾意 : 爺爺進補米酒雞煲,   小辣,   雞半隻.  立即落單.店員向我介紹, 女仕必食的 手拍青瓜,  青瓜好爽口,  醃得入味, 酸酸辣辣,  真開胃.店員又 介紹火鍋配料.  表弟話要食多D, 準備去英國努力讀書, 我交他發辦.  他看了又看, 話!約 15 分鐘, 爺爺進補米酒雞煲 送到,  用大鐵鍋盛載, 打開蓋,  香辣味濃 , 份量大, 足半隻雞,  顏色氣味也好吸引.   店員立即啟動電磁爐, 迅即熱辣辣, 店員再炒炒, 香氣迫人！雞肉好稔滑, 少骨, 配洋蔥, 蒜子, 大蔥, 薑, 芫茜, 加上小辣醬汁, 真的好惹味,  

今日去開土瓜灣探朋友，去之前已經做定research 睇下附近有咩好食，最後俾我搵到呢間好多正評既爺爺雞煲皇火鍋，一於拉大隊去試試啦！聽聞爺爺雞煲皇火鍋係街坊既至愛，餐廳無咩花巧既裝飾，勝在地方光猛乾淨，座位闊落，員工態度又親切，格外有人情味！我地一坐低服務員已經直刻拎調味料俾我地自己DIY火鍋醬料，仲好熱情介紹呢到既皇牌美食，服務態度真係一百分！黎到戲肉啦，大力推薦招牌爺爺雞煲（半隻雞-小辣）因為有朋友唔食得辣，所以我地叫左小辣過下口癮。首先要讚雞肉嫩滑入味，咸道適中，雞肉索哂爆香左既配菜味道，好惹味！重點係份量好多，我地四個食肉獸都食唔哂！食得7788，店員就幫我地加入濃湯，我地就可以開始part 2 - 打邊爐啦！手切肥牛油脂分佈均勻，油花好靚，厚切加強左口感自家製響鈴同即炸魚皮打邊爐唔少得邪惡既炸野新鮮炸起好好食 索一索雞煲湯底簡直不得了海鮮方面點左蠔同海中蝦海蝦夠新鮮 肉身好爽蠔亦都夠哂大隻 好抵食另外仲點左手打四寶丸到少少蔬菜都唔錯整體黎講服務同食物質數都好好，呢個價錢真係物超所值！

今日和幾位朋友到了 爺爺雞煲皇，地方夠闊落，抽風設備也不錯，老友聚餐和聊天真不錯👍🏻。爺爺招牌雞煲一隻 $218首先送上香濃辣辣雞煲（小辣）爺爺秘製湯底+洋蔥、姜片、香蔥等多重惹味香料；主角雞件，滑滑入味軟熟，份糧十足！手切肥牛（大）充滿牛味，牛肉脂肪均勻分布，在爺爺秘製湯底內轉幾轉，不用再點醬油已覺好好味，鬆軟細緻。特選黑豚肉、羊肉片這些火鍋也是必食之選，最適合我們食肉獸一族。海鮮類：海中蝦、廣島𧐢、珊瑚蚌海中蝦和珊瑚蚌，新鮮美味，爽口鮮甜。肥美廣島𧐢。手打四寶丸、雜菜墨魚丸、貢丸、芝士魚丸、蟹籽包心丸各式肉丸新鮮彈牙，口感豐富。雜菜 - 火鍋最愛走不開的雜菜，多款菜式，吃多多也不會肥。😘炸魚皮、響鈴鮮炸魚皮熱辣辣，可即食用作座酒。響鈴我習慣維持下湯後3秒便可，爽口好吃。冰凍啤酒🍻 火鍋最佳伴侶。🤣一間值得推介朋友的火鍋餐廳

最近口痕想食雞煲，朋友家附近開了間雞煲店日日滿座，當然想去一試究竟。店鋪屬於餐廳型式，裝潢簡單但位置闊落。爺爺招牌雞煲（中辣半隻）雞煲醬汁多而雞入味，雞肉柔軟，並不會有粘底情況，微辣醬汁味道濃郁不淡口，香辣惹味。手切肥牛（細）手切牛肉顏色鮮嫩，肉質軟腍，脂肪平均分佈，入口油香十足，咬下彈牙富牛香。海中蝦每隻個頭不小，蝦肉新鮮晶瑩剔透，肉彈爽口彈牙，咬下鮮甜可口。特選黑豚肉&羊肉片無特別驚喜。手打四寶丸（墨魚丸、蝦丸、鯪魚球、牛丸）粒粒手打大大粒，各款丸也爽口彈牙。出前一丁麵質彈牙煙韌，燙後吸附雞煲湯底，直接吸收了各食材的湯頭作精華。爺爺冰豆腐冰豆腐主要材料是板豆腐，本身較實淨，重疊後不容易散爛，吸收醬汁後，質感綿軟，咬下滲出湯汁。

今晚去探舅父，之後就去了附近食飯，經過這間比較乾淨企理並以雞煲火鍋為主的餐廳，入去幫襯一下。爺爺花雕酒煮雞煲雞煲是即叫即做，所以等了一陣先上枱，可能是煮過的關係，酒味都揮發了大部份，只留下淡淡的酒香，而雞煲的醬汁就比較濃稠，味道亦很入味，雞件嫩滑但肉多骨少，旁邊還以薑葱芫茜作調料。手切肥牛得得得真係好得，肥牛色澤鮮紅，油脂分佈均勻，因為人手切，所以有一定厚度，牛肉味濃郁甘香，就算碌過火都不會鞋口，保持肉香，十分高質。特級黑豚肉豬肉雖不及牛肉香，但應該是用了梅頭部份，肉質較有咬口但都算腍。手打四寶丸又一高水準之作，全部人工打造，粒粒彈牙，尤其是蝦丸同墨丸，裏面還帶點粒粒肉。響鈴及炸魚皮前者浸一浸就食得，帶點脆口，後者更是香脆有魚香。其他食物就不過不失，但牛肉及手打丸確是必食之選。

雞煲，已經成為不少人聚會的好選擇，無論男女老少！雞煲的吃法是先吃惹味後加湯打邊爐，可謂「一雞兩味」土瓜灣，在我心中是發掘隱世美食的好地方。今次大夥兒就去試試這爺爺雞煲吧雞煲，要小辣，惹味得來大家都能吃。煲來了！不消一會，香味撲鼻，大家的筷子已經忍不住在搜掠了。醬汁鹹甜得宜，大家都像上了癮般。然後就是火鍋的部分了不能少的當然是肥牛了，這裡的牛肉雪花均勻，十分上乘。還點了海蝦，大隻又新鮮，爽口！蓮藕爽甜，冬瓜鮮淮山吸收了湯和雞煲的精華，認真滋味！和朋友，大口喝，大口食，就是暢快！

現在很多人食雞煲都會去任食店食，任食當然吸引了！但有時食下雞煲店又會有驚喜！這裡煲款有很多，唔止惹味皇牌雞煲，還有花雕雞、花甲蟹煲等，真係令人好難選擇。最後，都係食左皇牌惹味雞煲先啦！食開雞煲應該知，食雞煲，識食一定係食紫洋蔥。雞煲一黎，我就係等緊d洋蔥，紫洋蔥絕對係索曬d雞同汁的精華，好食！加左湯，梗係打邊爐啦。必叫響鈴同炸魚皮。食親任食，對d響鈴，我都不抱期望。呢間真係掂，上枱左一陣，d響鈴都仲係脆㗎，太正！之後叫左蜂巢豆腐，索曬湯d味，愈食愈想食仲有珊瑚蚌，大大舊，淥一陣，見佢縮就夾番上黎，爽脆！仲有其他食物都好新鮮呢間雞煲，認真唔錯！

多數人食雞煲，只着眼在雞煲，其實配料先緊要。諗下，食完雞煲就會放湯，打邊爐，配料唔掂，真係「無以為繼」！食過幾間雞煲，有任食也有非任食，有時雞煲正但配料唔得，真係有d唔夠盡興。先食d小食開開胃，準備大快朵頤。點了份雲耳，醬汁調得不錯，酸酸辣辣的，成個胃醒曬！今次食呢間，雞煲好正，醬汁濃郁唔在講，打邊爐配料認真無得輸。肥牛必點，油脂均匀，爽滑甜。各式丸同滑，都爽口，味道好。尤其係墨魚滑丸，真係超正。不得不提脆鰻腩，新鮮唔腥，爽甜！食飯求盡興，今次真係超滿足！

約兄弟出來啤一啤聚一聚，有建議今次唔食火鍋放題怕食到失左控同過飽，今次只食精啲嘅！有人提出試下哩間「爺爺雞煲皇火鍋] 喺土瓜灣美景街，我喺荃灣搭小巴去交通都算方便，不過最緊要係啲野靚同好食啫！幾遠我都會去！ 見間店好醒神，坐位又舒適。叫左個中辣爺爺招牌雞煲 （大）218元一上枱個個又係相機食先！即叫幾枝冰凍啤酒隊下先！好惹味又刺激嘅雞肉好入味啲肉質有咬口唔霉，雖然中辣都幾 勁下！餸啤酒一流！火鍋配料質素上乘！手切肥牛（大）218元眼見好靚入口仲靚！又嫩又滑肉味濃！真係唔錯！人人讚不絕口！羊肉片78元冇羶味！豬肉片78元嘩！炸魚皮同响鈴係數近期最好食嘅！薄薄入口鬆化有魚香！响鈴都 不遑多讓就咁食一囗咬落去即化開！仲係暖嘅！唔停得口，食完一碟又一碟！果然自家製係 零捨不同！啲桂花蚌同珊瑚蚌都係108元好大碟，好爽囗！蝦夠鮮味！滿意！有水準嘅火鍋店！

相約幾位為食友到土爪灣食雞煲，最近都愛上了不同風味的雞煲火鍋。 位於美景街的"爺爺雞煲皇火鍋"在我朋友群中好有口碑！土瓜灣區我比較 陌生，爺爺雞煲位於美景街頭也不算難找到，末到已見燈火通明的舖面，內進光潔明亮，環境舒服員工 招呼周到。 這店不單食雞煲火鍋還有其他出色小炒而雞煲風味和鍋底也有十款之多供選擇，火鍋配料也有過百種提供想到食什麼都有！價錢易好大衆化。去到朋友巳到齊，由於有朋友不太 嗜辣所以在四款;招牌雞煲，花彫酒煮雞煲，秘製川味魚煲鍋等裡面點選了小辣的……爺爺招牌雞煲 一隻/$ 218 / 一半隻$158雞煲一出！賣相好靚！滾起熱騰騰香氣衝入鼻腔，各人都食指大動！雞肉口感軟嫩而滑，非常惹味！濃濃湯底令火鍋配料不用沾醬汁也很夠味！每樣火鍋配料都好有水準！羊肉嫩而不羶，手打丸爽而鮮！海蝦爽口彈牙，蠔肥美飽滿！特選黑豚肉 /$ 78 機切得特別的薄， 略略一灼即可入口超嫩滑！手切肥牛 (大 ) $ 218非常鮮甜甘香軟滑！好掂！吃不停！桂花蚌和珊瑚蚌 / $ 108夠爽甜！蔬菜非常新鮮！真係有質素！朋友冇介紹錯！大家食得好開心！