爺爺雞煲皇 (美景街) (Closed)

2019年3月11日。晴。土瓜灣。3月突然變成寒冬，呢幾日凍到傻，緊係要食返下雞煲，補補身子～呢日就約咗朋友放工去土瓜灣食呢間爺爺雞煲皇～一坐低，姐姐就擺低成盤佐料先搞咗個沾醬先～～然後就睇下食啲咩啦～淨係鍋底選擇都花多眼亂，雞煲都有三種口味仲有魚煲鍋同埋其他較清淡嘅鍋底然後就再揀配菜～時間尚早，所以唔多人座位都闊落乾淨～餐廳嘅四大皇牌就係三款雞煲加魚鍋底～爺爺招牌雞煲（半隻），$158落咗單冇幾耐個雞煲就上枱啦～雞煲嘅用料都幾多，大量洋蔥、蒜、薑、芫茜、香芹啲雞肉喺上枱嘅時候已經七八成熟，等一兩分鐘就可以開餐啦～呵呵～雞肉鮮嫩，非常入味，但唔會死鹹，滋味無窮！手拍青瓜，$36打邊爐點都要食啲瓜菜嘅～呢個青瓜個汁係淨係得醋，酸酸甜甜咁，開胃得嚟又可以平衡下雞煲嘅濃味～食咗一陣就叫姐姐加湯～可以打邊爐啦～～手切肥牛（細），$138肥牛係新鮮牛肉，所以肉味較濃脂肪同肉嘅分布平均肉質滑溜唔嚡口，雖然嗌咗細份，但份量都唔少～手打四寶丸，$88四寶丸有蝦丸、墨魚丸、牛筋丸同鯪魚丸每種丸都各有特色，味道仲好好添！尤其欣賞鯪魚丸，因為喺其他餐廳比較少見將鯪魚丸擺落四寶丸度一齊賣呢個鯪魚丸完全無細骨，

土瓜灣既美景街係區內出名既美食街，想揾地方醫肚仔黎到呢到總有一間岩你心水今日適逢天氣涼涼地，帶媽媽黎食下煲一入餐廳，牆上面已經貼左呢到四大皇牌，有雞煲，蟹煲，魚銅同季節限定既羊腩煲侍應見我地揀左好耐唔知食咩好督就推介左佢地既招牌雞煲比我地落完單，就調配自己既蘸醬，呢到既配料唔多，但最基本既幾款就有齊我個雞煲上黎啦，兩個人揀半隻雞，望落都幾多香噴噴，洋蔥蒜頭加埋秘製既醬汁令雞煲好惹味，加上叫左小辣，未食都流口水雞肉唔係淋patpat 既，肉質有彈性，嫩滑，有驚喜喎辣辣地既汁唔會太鹹，岩岩好食完雞就可以叫侍應加高湯，準備打邊爐嚕打邊爐點會少左佢：手切肥牛，唔係薄切切，係有厚到，加埋顏色好鮮紅，脂肪分佈好平均，好新鮮特選黑豚肉大塊到成塊豬扒咁，不過薄切既，肥瘦適中，入口肉質都幾彈牙，同埋有油香，又唔會油膩，推介試下媽媽喜歡食羊，叫左羊肉片，不喜歡羊羶味既我居然食得比佢多，因為入口完全唔會羶，而且愈嚼愈香，有嚼口但唔會韌手打三寶丸，有鯪魚滑，墨魚滑同鮮蝦滑。手打既丸食落比現成既彈牙好多，我尤其推薦墨魚滑，因為食到彈彈既墨丸粒，口感有層次仲有好多野未試得晒，侍應話蟹煲都好正，但我地兩個人都已經飽

雖然三月已到，但近日寒流侵襲、氣溫急降，立即想打邊爐食雞煲暖身！剛巧這天探朋友路經土瓜灣，竟發現這家頗新淨的雞煲餐廳。這裡有幾招牌鍋底，我們選了進補米酒雞煲來順便補充一下元氣。在雞煲上場前店員會先給蒜蓉、蔥花、辣椒等調味料； 而這裡不是任食關係，我們各樣肉類、菜類、丸類都點些來試試他們的水準。爺爺進補米酒雞煲（半隻），材料有紅棗、杞子、木耳絲和薑絲等，酒香味適中易入口，加上雞肉嫩滑，吃過立刻感到寒氣消除。手切肥牛非常考刀工，但這裡切得厚度適中，不會太薄或太厚而影響口感。油花比例平均，色澤紅潤，紋路清晰可見。而牛味香濃得來肉質嫩滑，不會非常韌而要費勁咬開。特選黑豚肉，豚肉肉質鮮嫩多汁，十分滋味。羊肉片肉質柔軟，帶有少許微羶味。手打四寶丸，分別有牛肉丸、鯪魚丸、鮮蝦丸和墨魚丸，手打關係粒粒彈牙。自家製響鈴，上碟時已嗅到陣陣香氣，自家製關係非常新鮮，吸湯後極入味。打邊爐尾聲總不能缺少吃菜，這碟唐生菜亦非常新鮮。整體食物質素高質，座位亦非常寬敞舒適，最適合一班人聚會。

很久前，意外地在土瓜灣遇上的好朋友，原來當時剛住進這區不久。他相約大家聚會，而且還知道很特別的店子。店前都是各式各樣的雞煲，火鍋、食材的相片，看來非常吸引。枱上均準備碗筷，以及先進的電磁粒爐。店員送上簡單的數款調味品。大家也感到有點餓，要了飲品，也要了小食，雞煲送上之前，先來一點惹味。麻辣雲耳，麻辣味香濃，雲耳爽口，非常合適配合啤酒一起吃，酸辣青瓜，又爽又脆，酸度剛好，配合辣香，美味又醒胃。爺爺招牌雞煲，在小吃快要被大家搶購一空之時，剛好送上，雞煲的香味及色彩，即時吸引了大家的視線。除了份量豐富，雞肉嫩滑，醬汁與紫洋蔥的配合，令雞的味道更惹味，更濃郁，令大家忘記之前的小吃。除了爺爺招牌雞煲，我們還要了花甲蟹鍋，是店主推介，而且還只是上市不多於一個月，我們一夥也貪吃，也貪新鮮菜式，當然也要上一鍋。鮮橙色的湯底，熟透紅色的蟹，配上綠色的芫茜，已經令大家眼前一亮，貪吃的我們，還是首次見到這個色彩的火鍋湯底，令大家很驚訝。各人也拿起自己的碗，說要先品嚐這個特別的湯底是如何的美味。誰知鍋內除了蟹，還有花甲、蕃茄、什菌、西芹等。蕃茄的清新和蟹的鮮甜，先聲奪人，再喝之下，花甲、什菌、西芹等的鮮與香，

最近去左土瓜灣搵好友，佢帶我黎食雞煲＋打邊爐，一次過滿足我兩個願望～～今晚黎到爺爺雞煲皇，坐低之後好快就可以調味、混醬～我地先叫左個爺爺雞煲(小辣)~~ 食落雞肉嫩滑，鍋上既蔥花唔算好多，所以唔會蓋過哂D 雞味!食完就可以打邊爐~~我地點左好多野！！先黎一個手切肥牛，肥牛雪花分佈平均，非常新鮮～特選黑豚肉味道濃厚，入口爽脆，不過有d薄。羊肉片嫩滑，入口唔會好羶！手打丸，分別有牛肉，豬肉和鯪魚肉丸，大大粒，食落好彈牙！西生菜、翠肉瓜入口好脆，好嫩，好健康!overall 價錢唔貴，坐得又舒適，可以再黎～～

爺爺雞煲王之前係新蒲崗都見過，係土瓜灣開左分店。餐廳位於美景嘅橫巷內，唔上開飯網睇都未必知道，周六嘅晚上7點，食客唔算好多。呢度招牌有3個鍋底：爺爺招牌雞煲、進補米酒雞煲、秘製川味魚煲鍋我地受烤魚關係，就選擇左比較少有嘅秘製川味魚煲鍋魚鍋用左比較少骨嘅鯰魚，魚肉好嫩滑。底層有好多豆腐、金菇、秀珍菇等吸味食材。根住我地仲加配左吸味嘅蔬菜 冬瓜、蓮藕、翠肉瓜 各$28，份量都幾多。自家製響鈴 $38呢個幾驚喜，即炸上碟熱辣辣好多層次，吸湯惹味。手打四寶丸 $88 牛丸爆汁彈牙，墨魚丸食到墨魚味。手切肥牛 （細份）$138 牛肉好軟稔，肉味好濃，油脂感唔會好重。特選黑豚肉 $78 總共6塊，無豬肉嘅羶味。羊肉片 $78羊肉有羊味，唔會太羶。魚肉撕開唔散又幾滑。食魚比食雞煲無甘飽膩，好滿足。

今日公司要我放工前到土瓜灣巡舖，咁難得有機會，當然約定住附近的朋友到土瓜灣食晚餐，朋友二話不說話想去爺爺雞煲皇食雞煲，就一於咁決定。店舖設計得好明亮，感覺醒神，價錢仲好大眾化，朋友果然無介紹錯。這裏有幾款唔同雞煲（麻辣、花彫酒煮、進補米酒）選擇，仲有川味魚煲，同其他鍋底選擇，另外仲有很多不同的配料。朋友見到隔離枱條魚好豐富，就話不如食秘製川味魚煲，我就無所謂，雞煲魚煲都想食。於是就叫了秘製川味魚煲，一掀起蓋就香味四溢，帶有少量麻辣味。而魚煲好豐富一黎到已經放有金菇、豆卜等吸味的配菜，越滾越入味。而主角條魚就上枱前師傅已經煎香兩面加入上湯及配料，份量好大，魚味細膩，入口嫩滑，只得一條主骨，沒有草腥味，明乎其實大件夾抵食。手切肥牛雪花紋好靚，而且有濃郁的牛味，入口即溶，必食之選。特選黑豚肉味道濃厚，入口爽脆。羊肉片嫩滑，入口細膩。手打四寶丸有牛丸、蝦丸、鯪魚肉丸和墨魚，粒粒彈牙，入面還有粒粒肉粒，誠意之選。自家製響鈴是現炸的，上枱時仍有餘溫，放入魚煲肉微微吸味，脆中帶魚湯味。爺爺冰豆腐一開始就放入魚煲肉煲，好香豆味，好吸味，是魚煲的最佳配搭。皇帝菜、翠肉瓜入口好脆好嫩。

一班朋友約食開年飯，咁大班人最好就係去打邊爐！今次朋友話去試新野，土瓜灣的爺爺雞煲質素唔錯而且唔使點等位，一於又去試下！地方好大，夠闊落坐得舒服餐前叫返2個香口小食，椒鹽鮮魷，墨釀油炸鬼，新鮮熱辣炸起，超香超鬆脆！同埋仲點少得炸魚皮。打邊爐湯底點左個花甲蟹鍋，超多料，湯底好鮮甜，蟹大隻多肉，每人飲返一碗湯先開始打邊爐。叫多碟海蝦好新鮮！其他海鮮都好新鮮！放埋蜂巢豆腐落去滾，啲豆腐索哂個海鮮湯底，超鮮甜好食，豆腐仍是滑滑的！牛肉油脂花紋都好靚，好香牛味！啤酒都係10幾蚊一支，超抵！

新年前同另一班同事食團年飯，就埋佢哋喺土瓜灣食海鮮飯店，可惜海鮮飯店提早關門過年，我哋見附近有間門面幾靚既雞煲，就拉大隊去幫襯！呢度既雞煲唔係平時任飲任食，配料同飲品都要個別點，不過選擇幾多，海鮮都有！而且新裝修環境都唔錯！坐得幾舒服！調味料貴精唔貴多，簡簡單單，有蒜蓉，辣椒等等緊雞煲食既時間，我哋叫左幾款小食，有香脆唔油膩既魚皮，辣辣地幾爽口既雲耳，仲有爽口酸辣既青瓜都係幾好食！爺爺招牌雞煲都好快嚟到，打開蓋香噴噴既辣味同洋葱味噴晒出嚟！ 份量唔錯，大大個，賣相都幾吸引！雞肉都索得幾入味，少少辣！加上雞肉都幾嫩滑，幾惹味！ 不過我更加鍾意食d爽口既洋葱，吸晒d辣汁同雞汁既香味，諗起都流口水！除左雞煲外，仲有個滋味既海鮮蟹煲，同事話幾都鮮甜足料，因為我唔多食得蟹，所以我都唔敢試，費事一陣過年先嚟身痕就麻煩haha團年飯有老闆既加持，一於食豪d, 我哋叫左兩款牛食，打頭陣出場既係賣相一流既和牛片，脂肪均勻地滿佈，滾兩滾，醬汁都唔駛點，入口即溶，鮮味十足！跟住有手切牛，賣相同樣吸引，紅紅既血色就知非常新鮮！ 牛味十足，有咬口！ 味道甜美，同和牛片平分春色！同事叫左個炸油條，睇落以為無咩特別

前陣子，天氣稍涼，馬上相約朋友相聚打邊爐，朋友們推介之下來到爺爺雞煲皇，真係無介紹錯。首先點個餐前小吃，椒鹽魷魚鬚 $48。剛剛新鮮炸起熱辣辣，外層脆卜卜，魷魚鬚好爽口～招牌花甲蟹鍋，先飲湯再打邊爐，好鮮甜，蟹好新鮮，花甲好大隻，手切肥牛，油脂分佈好平均，肉質好鮮嫩，口感極佳，必食！珊瑚蚌、桂花蚌，好爽口雞子，好大粒，好新鮮，鍾意食雞子既朋友必點！手打鮮滑釀冬菇$58，冬菇釀上墨魚膠，唔錯既配搭。萵筍，爽口清甜，唔錯。爺爺冰豆腐，放入湯淥一段時間，索曬湯汁，蟹花甲湯既鮮甜吸收晒，超好味！雪花啤酒 $15，超抵飲

公司開年飯，同事揀左食爺爺雞煲皇，同事食過覺得不錯，而且大家都愛十下十下，就立即訂位啦！勁足料花甲蟹煲，好香番茄湯味，店長話係可以當湯飲，因為真係用老火番茄湯做湯底😂配料用上一大隻糕蟹，大量大蜆、雞髀菇，十分鮮甜！蟹結實厚肉，大蜆好厚肉，每人飲左兩大碗！桂花蚌、珊瑚蚌，好新鮮，爽口無雪味。手切本地牛頸脊，牛肉脂肪靚，淥幾秒就食得，正👍！魚皮都新鮮，送酒一流！白鱔片爽脆，份量足！厚切萵筍片，糖心萵筍片，爽口！手打蟹子墨魚滑，肉實足料！原來爺爺雞煲皇好多地方都有分店，食物質素都幾高，下次可以去其他分店試吓！

二零一九年一月最後一天，春節前團拜。晚上跟一群朋友進行新春前飯聚，新年大家都去外地出遊，在一個朋友建議下到土瓜灣吃雞煲火鍋。餐廳地方偌大，裡面整齊燈火通明，看來是新店。安頓之後先來小菜，手拍青瓜酸度適中，夠清甜爽口，非常開胃。爺爺招牌雞煲上桌，雞肉挺嫩，蔥花之類不會多到像外面有半鍋，而且味道不會過濃，能吃到雞味，雞件大一點點會更好。值得大讚的地方是雞煲不會一大鍋泛油，可以放心火鍋。雞煲吃到差不多，有手切肥牛跟日本和牛片日本和牛雪花滿佈，熟了以後入口即化個人比較喜歡手切肥牛，肥牛雪花分佈平均，相對和牛的即化較有咬口，兩者各有特色。這裡有新鮮的鵝腸，個人很愛吃鵝腸，現在很少是供應新鮮的，鮮鵝腸煮熟後微爽，不腥，沾點辣醬油更提鮮味。還有不得不提的脆肉鯇魚，在外面不多地方有脆肉鯇魚，而且肉質新鮮，魚肉吸收湯底更添鮮味。幾杯酒下肚，今晚每人都非常飽足，散散步好幫助消化。

爺爺雞煲喺土瓜灣開咗分店呀 好近我住嘅地方 唔係唔去食呀嘛進補米酒雞係呢度嘅招牌菜 之前喺其他分店都有食過 一試便愛上 香噴噴嘅米酒加咗清甜嘅紅棗，薑絲，杞子，木耳絲……仲有原隻雞 真係好鬼補 食完成個人暖笠笠 湯底個汁非常濃味 但又唔會蓋過左雞肉嘅鮮甜雞件多肉少骨 肉質嫩滑鮮甜的 有雞味 唔嚡口食完雞之後就開始加湯打邊爐 呢度嘅炸魚皮好得 浸一浸就食得 脆脆的 入口鬆化鮮蝦雲吞 稱得上皮薄餡靚 餡料有原隻大鮮蝦和豬肉碎 鮮甜又多汁 蝦肉彈牙非常打邊爐又點少得牛肉呢 呢碟手切肥牛質素相當高 油花均勻色澤紅潤 牛味好香好濃蔬菜類選擇都好多元化 而且份量多不在話下 最緊要 夠新鮮我最鍾意食牛柏葉嘅口感 吸收曬湯底嘅味道 軟熟又爽嘅口感 是我每次打邊爐都必點嘅食物炸雞軟骨 非常邪惡的小食 熱辣辣脆卜卜 讓人忍不住一口接一口 送酒一流香濃又進補嘅湯底 當然唔好浪費 要嚟淥烏冬就最好 麪質煙靭又彈牙 滑捋捋呢度除咗有雞煲食之外 原來仲有川味魚鍋 下次真係要試一試 我最鍾意食魚呢度嘅火鍋配料 選擇夠曬多夠曬豐富 最重要價錢親民份量多 而且款款新鮮爺爺雞煲皇火鍋 又開分店喇 真係恭喜曬 最緊要係食

平時真係好少會過黎土瓜灣，原來土瓜灣有好多好野食的(朋友不停向我sell土瓜灣有好多好食又抵食既餐廳🤣🤣, 想我多啲過黎搵佢)今晚佢帶左我黎呢間打邊爐無錯，又係打邊爐原本打算食雞煲的，不過見到牆上有張蟹煲既相好吸引就叫左黎食了花甲蟹鍋顏色已經好有吸引力仲有原隻蟹整鍋湯都好鮮甜飲多幾碗都唔嫌多而且花甲又夠大隻，數量仲要一啲都唔少朋友知道我唔食牛，所以就我叫脆鯇魚+鱔片呢兩樣都好新鮮，好味呀鵝腸+海蝦蜂巢豆腐吸湯力強，連埋湯既精華一齊食鮮淮山每次俾我見到有得供應的，我都唔會錯過我鐘意食爽口的唔可以煮得太耐蝦滑炸油炸鬼油炸鬼唔夠脆，口感硬左啲如果脆啲會更好食