港澳義順牛奶公司

Open Now

Now Closed

啲朱古力凍燉奶同朱古力布甸冇分別難食到嘔，又貴我真係覺得自己係水魚，俾咗成一百幾蚊食埋啲隔離Donki一半價錢可以買到嘅甜品，仲要好食過佢多多聲仲要嗰度啲員工服務又串又差

好耐之前想同老公去食義順點知原來油麻地分店已經執咗笠後尾畀我老公發現原來銅鑼灣仲有分店所以今日食完拉麵就走咗去食甜品喺十年前曾經同我同事去過 全部都係阿姐講嘢粗聲粗氣有啲趕客不過可能呢啲係佢哋嘅餐廳文化加上香港飲食業十間有八間都係咁可能香港人已經習慣首先因為其實冇人招呼我哋所以我哋淨係諗住開部手機準備掃安心出行嘅時候入到去個位非常之窄踏入餐廳 一步已經有一張枱收銀位仲要有個人畀緊錢所以個位要大家讓一讓先行到 已經聽到有個阿姐勁大聲講量體溫呀 其實我第一次入嚟我又唔知個體溫計擺咗喺左手邊定右手邊其實唔需要咁惡啩可以客氣少少嗎 好啦佢哋嘅安心出行碼不是喺門前面喺每一張枱牆壁上面 我哋掃完安心出行之後我同我老公都揀咗燉奶我老公就揀咗朱古力燉奶我就揀咗原味燉奶我舉咗手成分鐘都冇人理我 後尾落完單食嘢之後我哋只係啱啱食完但估唔到侍應已經立刻過嚟收拾碗 我哋已經立刻埋單埋單嘅時候收銀員非常沒有禮貌地跟我說有沒有三蚊其實語氣可以客氣少少嗎現在你是請求我給你三蚊不是我欠你三蚊如果不是我老公想食燉奶我是永遠都不會過來這間店舖的燉奶是招牌當然好食老公嘅朱古力燉奶亦都非常之濃嘅朱古力味 價錢真係貴咗啲要36

銅鑼灣真係好多嘢食有陣時真係諗唔起食咩甜品好就鍾意加油香港澳門情懷嘅燉奶啦天氣開始轉動真係想入嚟食返碗雙皮燉奶呀 其實都有少少怪36蚊一碗都唔可以可以成日嚟㗎不過勝在夠港式地度呀入嚟坐低唔夠一秒點完啲嘢接完即刻上菜話真係好有效率呀 我袋都未放低已經 上菜啦 鍾意佢個陣奶奶咪好重唔係 太甜 仲好creamy添食一碗都唔會覺得好鬧真係好正呀 呢個款式都幾多嘅我都未試過曬所有其他所有嘢 加上地點方便近地鐵站都真係可以成日嚟呀

由細食到大既義順，一直以黎都好好食，好香奶味，薑味，亦都好滑，食落好有滿足感😋雖然對上一次食都己經有成年，今日經過梗係去食番碗回味一下啦，加到三十幾蚊一碗都唔緊要，只要好食就足夠叫左碗雙皮奶，大家睇到果塊奶有幾咁細塊😑更可惜既係我食左一啖就己經想放棄🙄完全冇奶味，怪怪咁，豆腐花果種口感，真係想講何得何能收我三十幾蚊碗😮得個名😪以後可以唔駛食喇，自己整都好過佢，好在佢間野仲有通粉食😅😅😅

食完蟹🦀️、刺身呢啲寒涼嘢一定要食返個薑汁燉奶暖暖胃選擇種類雖然唔多，但食物質素都好唔錯薑汁燉奶💰37薑味好濃郁，濃郁得黎又唔會辣，個奶非常之滑入口即化，好正

去得義順一定要食佢地出名既雙皮奶，之前間唔中會直接過澳門食，但自從疫情之後，好耐都冇去過，連喺香港都無食過，今日久違佢食一次😚-馳名雙皮燉奶（冷） 感覺冇以前咁重奶味，不過仍然好滑身，淡淡既奶味食落都唔錯，每次都最鍾意食雙皮奶上面層薄薄既皮🤤🤤-鮮牛油多士（加煉奶） 🧈🍞 同出面食嘅鮮牛油多士有啲唔同，佢哋唔係用厚身嘅牛油，雖然係博博嘅一層，但係加埋煉奶，永遠無得輸🥰😍😍多士亦都係新鮮烘起，夠熱夠脆👍🏻好可惜香港得返一間義順，希望疫情快啲完，可以去澳門食返當地既味道🥺🥺🥺

難得同姑拉們出城購物，行完一輪打算求其搵個地方食嘢抖抖。由SOGO 行去TIMES SQUARE 途中, 見到港澳義順牛奶, 初初大家都以為只係食甜品, 喺門口睇MENU, 先發現原來有咸食: 粉麵、豬扒飽、西多士、三文治等............咁我哋就一行4 人BANG BANG 聲入去啦。入去坐咗個卡位, 發現我哋坐果邊張椅原來同後面台客係同一張, 基本上後面客人一郁得大力, 都會搖到我哋。所以, 全程用餐都被搖黎搖去......... 有D 煩擾。西多士我掙扎咗好耐先決定食呢個咁邪惡嘅西多士, 一黎到見到咁大塊牛油, OMG! 邪惡!我將成塊牛油融化於西多士嘅表面同入面, 加埋糖漿, WOW! 熱辣辣咁, 超好味! 食完勁有罪惡感!姑奶叫咗豬扒包同餐旦治, 佢哋話都好好食。估唔到一間甜品出名嘅食店, 咸食都咁出色! SURPRISED! 

久唔久就想食一碗雙皮奶想喺街買到雙皮奶，其實都唔係特別易，香港唔係好多地方整。呢間餐廳唔算坐得好舒服，但係經過嘅時候，總係諗起佢嘅雙皮奶，就會入去食一碗😂尤其是係最近，幾乎冇遊客嘅香港，呢間舖頭就唔使排隊啦🤣🤣🤣一碗雙皮奶$36 ，有熱有凍。另外仲會有其他口味例如而加紅豆之類，其實都幾多選擇🥳薑汁撞奶都係另一個唔錯嘅選擇。我自己通常就係食碗熱嘅原味雙皮奶，貪佢美顏養生又好味。但唔知係咪而家年紀大咗，會覺得太甜☹️ 可能真係要發掘下其他地方搵啲冇咁甜嘅食了

同老婆行開CWB，又大熱天時經過就入去諗住整返碗雙皮奶順便坐下涼下冷氣，一坐低即刻Order兩碗凍既雙皮奶，黎到第一口係熱既，即時同落單位哥仔講黎錯喎，帶著口音既哥仔（ 我唔係歧視）完全冇唔好意思及一句 Sorry，並即時好高姿態話我倆屈佢，我當時好清晰同佢講係要凍既，重點係連坐我隔離位其他食客都聽到，跟住佢仲串串貢話我食咗一口只可換一碗，（如果佢一早嘅態度好啲有唔好意思，我都會算數，我亦明白打工仔嗰種辛酸，I'm a nice guy）咁既態度下我當然Say No必需要換兩碗凍既，佢話唔換得，我即時拍枱話「咁我唔食喇」，佢第二秒已經將枱上兩碗嘢光速掉落桶裡去，跟住我倆一肚火就離開，真係好嬲亦唔相信而家啲人質素咁差，永不幫襯。

話說自己未食過雙皮奶一直想試好耐呢間嘅雙皮奶好出名，次次經過都排長龍今次難得冇人就入咗去試吓本身想食熱嘅但由於天氣太熱嘅關係就叫咗凍食嘅佢份量適中，一個普通飯碗咁大上邊有一層薄薄嘅膜食落好重奶味，同埋都幾滑佢唔算好甜，但係又有忌廉香質感唔會好似豆腐花咁而係有少少軟綿綿嘅感覺口感幾正有機會會試埋佢其他嘢食

食完晚飯後就同男友一齊去搵吓有冇甜品，跟住心諗與其食西式嘅甜品，不如去下啲好耐冇食過嘅中式甜品！銅鑼灣呢間義順牛奶公司好多年前就已經喺度，每次經過都仲係大排長龍！但去到之後發覺有位就即刻入去啦！坐低之後，一定要叫佢哋馳名嘅雙皮奶啦！同埋因為口痕嘅關係，就叫咗一碟炸雞翼！雙皮奶一嚟到，我男友話真係好香好滑喎！但原來佢今次係第一次嚟呢間店食雙皮奶，但發覺真係好有驚喜！🍡馳名雙皮奶 HK$36有薄薄嘅一層衣喺雙皮奶嘅表面，篤穿後連埋雙皮奶放入口中，嗰種又滑又重牛奶味喺口腔中，只會驚嘆點解可以咁滑㗎 ！🍡炸雞翼 HK$37只有三個字可以形容，咸咗啲🤣🤣🤣

好味的通心粉  🌻奶醬多士好細個嘅時候幫襯過油麻地，眾所周知佢都係以雙皮奶係做主打上次同朋友有少少口痕所以入咗嚟食雙皮奶，同朋友一人一碗一碗凍嘅一碗熱嘅，我自己覺得熱嘅雙皮奶就比較再滑啲，但係凍嘅都有凍嘅好食😋但係天氣太熱所以有陣時都會叫凍嘅食～上次朋友叫咗通心粉之後我心諗食通心粉咁古怪？點知我試食幾啖之後我發現原來佢嘅通心粉好好食，唔單止湯底夠熱，湯底好飲，最重要係佢嘅通心粉係比較厚實唔係好薄嗰啲，今次我決定跟我朋友一齊叫午餐肉通心粉再加炒蛋，午餐肉通心粉$34.加7蚊炒蛋， 加埋就係$41，這間店沒有+1服務費，上次食咗佢個奶醬多我覺得非常好食而且叫佢多醬 真係多醬到好似d醬好似唔駛錢咁俾我🥰🥰🥰😋喺網上睇到有啲食評話佢啲職員態度好差或者唔俾客人坐太耐，我諗應該係因為亦情之前佢哋好多生意所以先至會比較忙，最近幾次去嘅話其實職員態度好正常 亦都冇特別黑面，有幾個阿姐都好友善添🌻🥰 我諗態度唔好應該係因為佢哋太忙所以有啲脾氣姐～總括來講食物係好味嘅～ 一定會再幫襯而且喺銅鑼灣呢個地區好難得搵到呢啲價位嘅食物加咗辣椒油更加好吃😋

炎熱既夏天響銅鑼灣行街有時都會覺得幾悶熱，時值3點幾最熱既時間，小編又唔想周圍買台式飲品去解渴。經過銅鑼灣後街範圍個陣，突然見到港澳義順牛奶公司，就即刻諗起細個響香港有較多分店﹑甚至經過澳門新馬路個陣，都會求屋企人帶自己入去享用甜品。諗下諗下，既然咁熱就不如入去稍為食少少野清暑吧。以前細個個陣，雙皮奶同燉蛋係義順牛奶既皇牌甜品，基本上除左奶類製品外，都唔會見到有其他食品提供。但可能時代唔同，而家都需要引入茶餐廳都有既簡單粉麵餐單黎迎合唔同種類既客人吧。對小編黎講，雙皮奶係不可或缺既甜品，既然以消暑目標而入黎既，就當然係食冰凍雙皮奶啦! 落單後唔駛15秒，雙皮奶就即刻響面前出現喇。雙皮奶其中最緊要既元素係表面既蛋皮，熱食既時候就成功鎖住入面蛋白既溫度，從未保持住熱辣辣既狀態而又唔會過熟或過老；而冰凍既版本蛋皮某程度上可以令口感增強。每次享用雙皮奶最令人深刻既係幼滑而濃郁既奶味：今次都唔例外! 潷起雙皮奶既時候，幼滑既質地即刻出哂黎，既唔係奶水既淡﹑亦唔係燉奶既濃，取其中就係滑滑既感覺。奶味保持濃郁，既然飲開脫脂奶既人可能會覺得全脂奶質地會過甜，但正正全脂整出黎既甜品先夠滑。綜觀黎講，呢碗

因為係cwb行到冇野行，咁岩見到呢間，又得呢間冇人，唯有入去坐。對上一次食義順，已經係係澳門，耐到😂黎到義順，就當然係叫佢地個招牌—凍雙皮奶。咁耐冇食，就會想睇下佢哋而家個味係點。個質地幾滑。不過味道上有d失望。印象中義順既雙皮奶係重奶味，但係今次完全係冇，真係好好好淡。雙皮個皮？（利申唔知佢叫咩）記得以前冇咁‘鞋’，今次就‘鞋’左少少。我朋友就食熱既，唔知係米因為熱，所以水份會比較多？總之佢碗野就好多水，同佢話好淡味。後來睇返OpenRice，見都幾多人食佢個朱古力燉奶，好後悔冇試。另外就係個態度。非常差，一入到去，menu都未睇，就有人行埋黎落單，同佢講等等，佢個樣就串到嘔，都未夠一分鐘，又行埋黎。咁趕為乜？ 之後我地食到咁上下，打算講多2句就走，都未走，就見到d侍應係後面啤住我哋。再過多左陣，就咁行埋黎，問仲要唔要，不過佢冇expect你答，因為佢講既同時已經收左你隻碗（重點個碗係有野）總之就是，睇你點睇。 但係都仲見到好多人食💙

馳名雙皮燉奶（$36）緊係要食佢既招牌雙皮燉奶！面頭動L動L咁好治癒🥰係面既果層皮好香，燉奶既質感好滑好滑，而且奶味好濃🤩建議嗌熱既食，同朋友一個嗌左凍既一個嗌左熱既，覺得熱既係滑啲同埋奶香味重啲。