港澳義順牛奶公司 (Closed)

好耐冇嚟義順食嘢，今晚去開廟街食煲仔飯，所以再嚟試試。1. 燉蛋 ($28)，唔掂，冇蛋香，得個甜字！2. 薑汁撞奶 ($37)，相比燉蛋好啲，起碼薑味好濃。服務就預咗冇㗎喇，不過收呢個價錢俾呢個味道，應該都冇下次架喇⋯⋯

因為趕時間，我喺對面馬路打電話去諗住預先叫定外賣。點知聽電話個亞姐一聽到話係外賣自己攞，就話：你嚟都至落單啦，我都未嚟得切反應，跟住佢已經收我缐！大姐呀，你其實係咪可以有禮貌啲同我講聲：唔好意思，我哋唔接受電話叫外賣，請你直接嚟到店舖買啦。（應有的態度，我依家係幫襯你）無諗過打去叫定外賣會俾人cut線。如果唔係因為買俾個病人食，我絕對唔會幫襯佢。所以去到店舖我都有質問佢點解要 cut 我線。嗰位亞姐當然話冇啦！你有冇禮貌同 cut 人線相方係聽得出。況且依家疫情關係市道差，有冇人咁得閒打去整蠱你，叫完外賣又唔過嚟攞！

——————————————————-一進餐廳無店員主動協助量体温，收銀坐係到，待應棟係到，當時全餐廳只得兩個客人坐係到。————————————————!!!!!!!!店員有些自己玩手機睇片，有些播難聽的粵曲，非常得閒。—————————————————-?????用餐完畢，店員見我帶了口罩，!!!!!!高速過來收拾碗碟，連茶都拎走，速度急急，感覺趕客！非常無禮！————————————————————-

呢次尋味之旅係因為天氣實在太熱🤣想搵個有冷氣地方舒服下，而女朋友經過又知我未食過雙皮奶，所有就去左呢間義順抖下。我地叫左一個凍雙皮奶同埋凍木瓜牛奶。咁雙皮奶因為未食過，都對佢有所期待，黎到即刻食啖，首先發覺既係唔夠凍，不過面頭浸牛奶衣帶埋軟軟滑滑既牛奶都幾好食，不會太甜。跟住就係木瓜牛奶，因為去親台灣都幾喜歡飲呢類野，所以呢次都帶叫黎試下，都係同一個問題，唔夠凍之外，木瓜顆粒偏大，木瓜味不足，同埋飲到尾有太多既渣。總結黎講，未試過的話都可以一試既，味道尚可，不過當係一個抖抖涼既地方都不錯啦！完。

人生第一次食嘢食到真係好嬲，嬲到要特登下載OpenRice，極度劣評這間舖頭肺炎期間，門口寫有優惠，好開心咁叫一個係燉蛋一個係燉奶。坐低左就同佢講，佢話要外賣先有這個優惠，好吧咁外賣，然後佢話有客人嚟，叫我哋唔好佔據佢張枱，要出去等，咁出去等吧，廢事阻住你做生意都係正常嘅然後佢就俾咗外賣我，行兩步就發現，怎麼是凍的，返去舖頭同佢講返，佢就話，離開咗舖頭嘅外賣不設退換，又係你叫我喺外面等的，咁你送出嚟的外賣，我當然係企喺外面㗎啦，正常係餐廳食，沒有指明都會給你熱的，仲要老闆娘態度極差，一副西口西面，簡直係貼錢買難受😣香港地有啲咁嘅舖頭，真係丟

今日下晝路過見到呢間牛奶公司，咁啱又好肚餓，所以就去咗食佢個雙皮奶諗住試試佢🙈🙈🙈 入到去叫咗個咖啡燉奶，我個朋友就叫咗個雙皮奶冇幾耐就嚟咗啦👍🏻 等左都唔夠2分鐘😍望落去咖啡燉奶都唔錯，不過識落就有少少溶溶地囉。又唔會話係差嘅，不過好似可以凍返少少。之後我都有試埋我個朋友個雙皮奶，個雙皮奶都還可以㗎，就唔會好似個咖啡燉蛋咁唔夠凍，都幾滑，而且奶味都十足。🤤 雖然總體來講冇澳洲牛奶公司做得咁好味，不過都值得一試㗎☺️

一向也十分喜歡吃甜品，今天經過油麻地的時候，看到鼎鼎有名的義順牛奶公司，便忍不住走進去吃。一坐下來，侍應便立刻走過來幫我們下單，服務非常殷勤，他們一開口便推介熱的雙皮奶，他說熱的比冷的更香更滑，那好吧，我們便叫了一個熱的雙皮奶，他們果真沒有介紹錯，熱的雙皮奶入口即溶，奶的香酥味在我口中溶化，好像是從來沒有吃過的奶味，而且燉奶的質感真的十分幼滑他們還有其他口味，例如朱古力燉奶，還有燉蛋，真的很想一日嚐過他們的所有口味！

在油麻地路過想食早餐，見到義順入左去，以前間中都會食燉奶，呢度的燉奶好食過澳牛。叫左個通粉餐：牛肉通粉、餐肉雙蛋、凍奶茶通粉浸到淋晒，冇牙都食到，牛肉用梳打粉餣到冇晒味，個湯白色但冇鮮味仲要好鹹餐肉雙蛋：餐肉好似冇煎過咁，雙蛋都係求其煎，冇燶邊奶茶：冇茶味，好甜總結：以後唔會再入義順食茶餐，遲啲有機會再試下燉奶，睇下有冇差左管理：間間義順都由內地大媽負責營運，講野大聲冇禮貌，佢地唔會明白香港人需要啲咩，點會煮到我地鍾意食嘅野呢

義順牛奶公司就起油麻地地鐵站附近，要佢其實都好就腳。今日同朋友放咗工，大家又唔係話十分之肚餓，又想食少少甜食同埋小食，所以就嚟咗義順。我哋分別叫咗義順馳名雙皮燉奶同埋巧手薑汁撞鮮奶。我個人食過咁多間有雙皮奶嘅餐廳，覺得義順嘅雙皮奶係最滑嘅，而且奶味十分之濃郁熱嘅雙皮奶就更加好食。至於薑汁撞奶鮮奶都十分之唔錯，佢嘅薑味十足而且奶味都好重，最重要嘅係夠晒滑，我同朋友都食得津津有味。最後我哋再叫咗一份炸雞翼，唔使10分鐘就已經送到枱面，炸得亦都好夠脆，不過就略嫌細隻咗少少

早2日同朋友3個係旺角附近行完街，就慢慢散步過尖沙咀順便可以撘渡海小輪過灣仔。經過見到義順記，我朋友就立即拉我入去食燉奶，順便休息下。首先我地叫左碗凍薑汁燉奶，燉奶口感幼滑，薑味濃郁，入口有少少辣薑味，燉奶唔會太老，凍食亦不奇怪。另一位朋友叫左碗凍朱古力燉奶，同薑汁燉奶不同，餐廳會用玻璃碗裝，望到朱古力色嘅燉奶，已經流晒口水。果然如我哋所料，燉奶質感柔滑，入口有淡淡朱古力甜味，但唔會太甜所以食落亦都唔會好快唔想食。我就叫咗碗凍咖啡燉奶，因為自己鍾意飲奶茶咖啡，所以見到餐牌上有咖啡燉奶，就即刻忍唔住叫一碗嚟試吓。同朱古力燉奶一樣，餐廳會用玻璃碗裝起，顏色上會比朱古力燉奶淡，聞落有淡淡咖啡味，食落嘅咖啡味都濃郁，朋友話有啲苦，但飲開咖啡奶茶嘅我就覺得味道十分之濃郁，鍾意飲咖啡嘅人士必定一試！

一入餐廳有D似返左幾廿年前香港，佢哋裝修幾十年如一，味道如是，餐牌都係冇變過，可能就係甘樣先有佢自己特色，好多人去E度都係食双皮奶，但我就鐘情佢地豬扒通粉豬扒軟軟，通粉好吃，種有菠蘿冰真有童年回憶，夠晒冰凍

係油麻地行街經過呢間舖好多空位就入去試下睇睇～炒蛋太熟無味、餐肉太乾..奶茶又唔滑名過於實.....冇下次喇.....價錢都唔平....其他茶餐廳做的比呢間好得多

嚟到義順一定要食雙皮奶！原味係必食，我嗌呢個係凍嘅，夏天行到熱辣辣，坐低休息下食個凍雙皮奶就最好不過。個面有一層皮，下面好滑好香奶味。個人本身唔鍾意牛奶味，但係呢個有奶味得嚟又唔係好重。另外嗌咗個朱古力味試下，雖然賣相麻麻，但味道都唔錯。食落好似食緊凝固嘅朱古力奶（雖然佢真係😂），略嫌甜咗啲，冇咁甜就好啦。

呢間義順，喺我細細個果時已經喺度屹立不倒。讀書果陣間唔中都嚟食，以前已經覺得好好味😋雙皮奶🤤🤤🤤奶味好濃，而且整得好滑👍🏽👍🏽👍🏽入口唔會過甜，啱啱好🤩🤩不過如果比較，感覺上好似以前好食啲🤔

講到送燉奶燉蛋......雙皮奶，佢認第一，真的無人咁認第二，我當然講緊這個燉奶界的王姐⋯⋯義順啦！🥚🥛🍮個燉蛋，淨係個樣已經贏左成條街，色彩金黃有光彩，不會太稀或太厚，甜味甘香爽口，不會太溜，不愧為皇者一姐至於個雙皮奶，鬼佬都勁 like, 無他嘅，撞得好滑，用頂級牛奶，上等糖，用心去做，店會咁正呀！👏✌️💯香港人有這樣出色的世界級desert, 真是很有face, 所以每次有外國 friends 來，一定要帶他們去試，每次都眾望所歸🉐️