琛仔小廚

Open Now

Now Closed

今日又係大埔搵食，友人又話要食扒。大埔要食扒，雖然唔多選擇，但其實質素都唔錯。市區大部份餐廳食扒，都落左好多粉，搞到啲肉好鬆。但今次呢間唔同，我地第一次去日，就知道實會返兜。我地一人叫左一份牛柳，要5成，跟餐。首先上左個餐湯，南瓜湯。本身我就唔太好南瓜湯，因為太甜。但出乎意料之外，呢間南瓜湯偏向咸，就好合我心意。到個扒上黎，我叫左跟飯，個飯好大，個扒都唔細。切開，真係5成，好少可叫完扒餐要5成熟，個扒又真係得5成。個扒好多肉汁，好好味。如果唔係有個飯，個扒係唔需要汁黎調味。真係好好食。大埔冇咩野食，呢間真係要bookmark低。

一個人在大埔墟搵食，其實好多選擇，但我都好似好耐無食過扒啦，呢間曾經bookmarked, 所以就試下。兩點幾，過了午餐時間，一心唸住人不多，點知一入到去，每張枱都有人，只好搭枱，店內好細，只容納20人左右。午餐點了捷克豬扒，熱檸水。熱檸水好快就有，之後等了5分鐘左右，就有得食，飯的份量好小，可能我食量比較大吧，食完都唔算飽。豬扒有兩塊，煎得都幾脆口，可能因為咁，油就偏多了一點，整體來說，不錯的。只是份量較少吧。

琛仔小廚環境：👣👣食物：😋😋態度：😊😊😊性價比：👍👍👍套餐：99蚊環境方面，好窄，好逼，然後平時都見夜晚有幾個人等位，我估應該唔差吧。食物：南瓜湯（😋😋）：d顏色好夠，飲落去有少少忌廉既香味，然後𡁻到條竹籤咁既野唔需要驚，那是南瓜🎃，只係老到一個點以為係竹筷子d絲又或者再嘔心d既野（我食左三，四條都忍唔住吐返出黎證實下係咪南瓜絲），飲得出南瓜唔夠多令湯好稀同時，會懷疑佢係咪揀錯南瓜。牛扒（😖）：那是鹽田藏寶圖，沿岸都係豐厚既鹽田，但𠱸好以為沿岸先有，内陸都有唔同大細既鹽田等您發掘，唔好為左一兩個小鎮無而失望。另外，牛扒好大塊，好多筋，好襟𡁻！薯蓉（😋😋😋😋）：呢個好正常，少許調味，帶出薯仔既香甜，而且佢個薯蓉充滿薯粒，好有口感，好食。沙律🥗（😋😋）：有落醋拌匀，菜唔苦。奶茶（😑）：其實好難又無奶味，又無茶味，但係又有色，我大膽假設係用一個茶包沖一升水，然後加少少奶，每半杯奶茶就溝半杯水而沖成。當然，我相信世界無咁點暗既，可能只係牛扒太鹹姐。態度，一般啦，無乜特別。

平時冇去開大埔都唔知食乜好，呢個area就有好多餐廳，但最後唔知點解就入咗呢間食比較西式野嘅餐廳佢個Menu好似日日都唔同，當日我哋就叫咗個軟殼蟹意粉配檸檬汁同埋羊架配忌廉汁飯，呢個套餐就另外包沙律，我哋再加先要左碗羅宋湯同埋一人一杯野飲🦀個軟殼蟹就比較油同埋炸粉都多嘅，點左檸檬汁會比較清新，個檸檬真係酸酸甜甜適中，而個軟殼蟹份量都大嘅。但係個意粉就冇汁，原來係suppose用嗰個檸檬汁。我覺得配檸檬汁好寡，於是就用佢比我嘅羅宋湯浸意粉食🐑朋友就係食羊架嗰個餐，羊假都煎得好香口，同埋肉質唔錯，呢個價錢來講係性價比高！忌廉汁撈飯就正正常常可以推介比學生哥食，因為價錢都唔會太貴，份量都足夠，而且食物款式唔係平時嘅飯堂菜式，係一啲要用心煮嘅材料❤️

琛仔小廚已經做左好耐，而餐牌都有幾多野可以揀。又有肉丸、雞扒、牛仔骨、羊架等等嘅野揀，揀到要揀一排先揀到。最後我地選擇左酥炸原隻軟殻蟹同埋雞扒飯，晚餐跟set就有湯同埋飲品添。餐湯就係羅宋湯，味道不錯，有好多蔬菜係湯入面，好健康。而雞扒飯都幾抵食，因為咁樣都有2塊雞扒，而且煎得非常香，好好食。配埋d乳酪汁，好開胃。原隻軟殻蟹飯都幾好食，即叫即炸，仲要真係原隻上台。有d檸檬汁配隻軟殻蟹可以提升到食落嘅味道。

餐廳內部燈光比較昏暗，環境與懷舊格調為主，好有舊香港風味。價格上就真係非常之親民，一個牛扒套餐大約一百蚊左右，最重要嘅係質素都非常之高，比起外面嘅貴價西餐廳一啲都唔輸蝕，肉眼扒大大塊，大概手指公厚度，肉質中等偏上勝，脂肪分佈比例式中，牛筋唔多，牛味濃郁，高質。最令人驚喜嘅係個扒汁，似乎係結合咗黑椒汁同蒜蓉汁，惹味得嚟又帶點香辣，非常喜歡。其實我哋一家都經常嚟食，但今次美中不足嘅係牛扒嘅成數差好遠，我就叫咗肉眼扒五成熟，但上到臺塊肉眼幾乎熟曬，反而我媽媽後尾叫嘅七成熟仲生過五成熟，後來同餐廳反映反問題，餐廳竟然話正中間切開有少少粉紅色有少少血水就叫做五成熟，食咁多年西餐都係第一次聽。雖然有少少問題，但佢性價比都真係好高，會繼續幫襯。

這間餐廳果然旺，如果在午市12時許、1時來到，很有可能需要等位，吾等坐門口位，既可接收外邊的太陽，又可看着街景🖼，享受美食，一流。秘製瑞典肉丸配薯餅，端來時仍然極熱，👍🏿直噴出煙，底下像白汁又像菌汁，但不太有磨菇味，不錯。肉丸不能說「好瑞典，好正宗」，因該地的非常大顆，但這兒的也非常有趣，細細粒，肉質不算極之結實，但香，面後煎到香脆。配合薯餅，以為有什麼特別的薯餅，原來有一般買回來那種三角形薯餅，但幸好講煎得夠熱，點些汁，配合來吃，味道也不錯。所謂一熱遮三醜，而這間店舖的食品本來也不太差，如溫度又夠熱的話，當然一絕。還在奇怪，明明是吃西餐，其他人在吃肉丸，或是什麼扒，但竟然有水牛芝士肉餅這個選項🤔？水牛芝士肉餅，原來像牛肉漢堡那一種，亦都是底面都煎香，有點兒香脆，內裏有有些荵，芝士，非常之香口，挺特別的一道。凍檸茶，味道也不錯，茶濃，都不算太澀口，有茶餐廳的風格

大埔區一向出名美食~~平！這次再次推介平價又好味，性價比超高的西餐！ 琛仔小廚從門面看似是一間普通小店，如果說環境，實在不高級，不過很有內涵~~哈哈午餐50元內有找~~如果見到成品，50元一定是覺得平！ 朋友叫的雞扒意粉，比目魚意粉~~還有我叫的炸軟殼蟹意粉！問了朋友的意見，雞扒意粉整體不錯，唯有個汁不太配合。 我的炸軟殼蟹意粉！配上青檸汁，好好味~~ 軟殼蟹好大隻~~而且很香脆！加青檸汁好易入口！正！超推介！ 好少咁講，但順便一提，咖啡好滑~~哈哈！ 魚柳朋友話好好味~~ 平民價錢的高級質素~~正！！

又出大埔搵食，南盛街真係特別多嘢食，上次食完韓國菜及餃子後，今日來試下西餐。餐廳面積唔算大，但多人時可以上閣樓，今日差唔多兩點黎到，可以坐樓下。午餐都係四十零蚊左右送熱飲，加5蚊有湯，都算抵食。今日叫咗炸軟殼蟹午餐，由於唔係太肚餓，所以揀咗配薯菜。等咗大約十分鐘左右，食物就到喇。軟殼蟹都幾大隻，即叫即炸熱辣辣，配上青檸汁，酸酸地非常開胃，薯菜亦炸得香脆。值得一讚嘅係廚師為防止客人感覺太油膩，伴碟有少量沙律，食完咁豐富嘅午餐後，食返少少沙律，感覺好清新。

有次去大埔探朋友後, 佢地帶我黎呢個食飯, 自此之後,呢間餐廳真係黎過一次就會上癮, 食完會念念不忘..久唔久入大埔都會心思思想去試~因為好味又抵食.份量十足!!!而且, 如果你係薯仔愛好者, 你一定會中意呢度.. 配菜既薯仔,..乜野玩法都得得你揀...好開心家, 有選擇困難既真係好大鑊!!! XDDDD牛柳配煎薯.薯仔沙律~ 正呀!!!! 雖然只叫個SET 都好夠, 但見到有薯仔沙律又好忍唔住走去叫..呢個係我既, 牛扒+ 薯餅....雞扒配煎薯.整體黎講呢個價錢真係好抵食.同埋呢間店好細, 我幾次黎都要坐上閣樓, 而去閣樓就要經過佢地既廚房.咁呢. 都好乾淨企理, 唔會濕淋淋..有客會見到個廚房, 都幾大壓力, 因為感覺上要整得乾淨D 見人. 唔好嚇親人.而呢度就冇呢個問題喇, 睇完都可放心食!!!

其實之前黎過一次架啦今日決定再黎因為覺得真係好抵食！呢間餐廳就算平日都幾full，唔算多枱，不過等左陣就入得我朋友叫左個牛扒配黑椒紅酒汁！78蚊咋個set,有餐湯野飲！我就叫左個意大利乾酪雞扒配薯蓉餐湯今日係羅宋湯牛扒配黑椒紅酒汁(唔辣，可選辣)牛排真係好大塊好抵食！叫左8成熟都好juicy,個汁都好好味意大利乾酪影得遠左d不過其實都好大塊唔會好油！個乾酪汁好好味，原來配雞扒係咁match! 個薯蓉更加唔使講！好幻滑！！回味無窮，will come again

每當食飯繁忙時間，都會見到呢間琛仔小廚有唔少人輪候等位，只因佢係一間平民價据扒歐陸西餐。雞扒豬扒羊架牛仔骨西冷任君選擇，午市價錢便宜，由11am至5pm，一個set只係$40幾至$60，西餐來說非常便宜。配菜方面除飯/意粉，薯菜可選蒸薯/煎薯/焗薯/薯條/薯蓉/薯格！第一次見西餐既薯菜可以咁多選擇呢。捷克豬扒配煎薯 $46豬扒的口感軟硬適中，配上白汁忌廉，味道不錯。煎薯食落好淋亦都比較香口。秘製肉丸配薯蓉 $46肉丸配的白汁是沒有選擇的，個人覺得肉丸口感有點奇怪，宜家家私的肉丸和醬汁好食多了。不過薯蓉蠻好食，沙律菜也是新鮮的。兩個餐的份量正常，這樣的平民價歐陸菜確算是少有！難怪這麼多人光顧。

早前聽大埔d人講，此店是小本經營，食物質素同價錢都吾錯，見今個星期六得一個人，就走去試試。一坐下，問待應有無午餐既餐牌，佢話牆上已有黑板寫住，由於我坐既位置有少少反光，再加上本人有d近視，所以跟本睇吾到個黑板，我再問一次請問有無餐牌呀，個待應叫我拎部電話俾佢，佢幫我影底……😨最後點了白酒牛油蟹肉意粉，及加了一個餐湯，個磨菇湯好似水咁，再加一d磨菇肉，吾知仲以為飲緊嘔吐物個意粉無乜味，同埋話明白酒牛油，但吾知點解多咗好多芝士碎，天呀我吾食芝士架

這是我在大埔吃過不錯的西菜餐廳，一直以來都想介紹這店給好友，可惜早前晚上來休息（原來逢星期一休息...），之後又一直沒有時間，今天終於可讓朋友一試了！今次是我第一次到新店，地方較舊店大了不少。我看見入門後有扶手欄杆，欄杆旁有兩張兩人檯。我們坐較外的那張，但因怕碰撞鄰桌都感到有點難入座，正想旁邊那張在店角，又有欄杆攔著的兩人檯怎樣入座時，便看見一對叔叔嬸嬸在扶手欄杆下彎身入來，我瞬間呆了……餐廳每款午餐都很吸引，我選了法式紅酒炆牛尾配煎薯仔，好友則點了水牛芝士肉餅配薯條。我很欣賞餐廳有不同的薯仔煮法給顧客選擇，那我就不需每次吃西餐都點薯條，對身體都有所交代呢！下單後不用等候太久便上菜。我試吃了一小口，水牛芝士味淡淡，配合煎香的肉餅，我覺得不錯；但好友卻認為沒有想像中每口都是濃烈的芝土味，感到有點失望。我只能說你想太多了少年！哈哈哈！今次是我第一次吃紅酒炆牛尾。起初怕有濃烈的紅酒味，但吃下第一口卻沒有。牛尾有點黐牙，沒有想像中入口即熔（可能我想太多？）。雖然我吃不出紅酒，那個汁我又感覺像羅宋湯的樣子，但配牛尾來吃都不俗，而好友覺得牛尾好吃過水牛芝士肉餅呢！她應該是隔壁飯菜香的代表吧！我覺得

我哋喺炎熱嘅天氣下等左10分鐘先至有位，我都唔明點解會咁多人等，我係佢未搬大鋪之前我都一直食開嘅。喺舊舖嗰時呢，啲價錢都係好合理嘅，一搬咗去大鋪呢，嘩貴到媽媽聲，係每一樣野貴左＄10至＄15不等，雖然之前細舖佢係唔包嘢飲而家就包野飲，但我覺得都唔需要每個餐加幾成咁樣囉，佢又加價幅度實在太大。你話佢嘅選擇非常多同埋好好食就話姐，都唔係。佢嘅餐牌由舊舖都新鋪，都係冇咩大變化，來來去去都係果幾樣，完全冇新意。仲有，之前喺舊舖食過佢啲牛扒，堅韌到刀都切唔到，所以妮到新鋪同我一樣都唔夠膽嗌。我地試過咁多樣之後，我哋通常都叫乾酪雞扒同埋青檸汁軟殼蟹，我哋覺得係最好食嘅。但我哋每次叫親都要等10分鐘，我哋就懷疑等嘅原因唔係佢精心製作囉，等嘅原因係因為有其他客嗌同我地同一樣嘅餐，佢就兩個餐一齊整，因為每次出餐都係兩份或者以上一齊出。我都明白兩份一齊做係比較有效率比較方便，但都冇理由叫個客等咁耐掛。兩個人埋單叫凍飲，98蚊，又唔覺得佢咁好食，但因為佢位置方便，所以就成日揀佢。