盈記四季養生麵館

Open Now

Now Closed

📍盈記四季養生麵館 (灣仔)📍灣仔軒尼詩道69號華美樓地舖🟡藥膳農場醉雞養生湯米線$64🟡奶茶紅豆冰（少冰）跟餐$12今日去灣仔是在一間米線，覺得真係值得分享吓，認真覺得好好食！餐廳環境乾淨整潔，氣氛寧靜舒適，比人一種舒適和溫馨的感覺。叫咗碗藥膳農場醉雞養生湯米線，成個湯底都有我最鍾意嘅醉雞味，加入了藥膳成分，成個湯底味道恰到好處。入面有雞髀和雞胸肉，就算係雞胸，都做得好滑嫩。個米線完全可以吸入晒啲湯汁，又保留到彈性口感。另外叫咗杯奶茶紅豆冰，奶茶好香濃，非常適合搭配餐食。紅豆綿綿的，叫咗微甜，甜度適中。下次再嚟灣仔真係會再食！

話說向香港去到9點咁上下都冇野食咁滯，仲要向灣仔呢d商業區。今次衝著佢收10點半呢點去食。叫咗個一人套餐$78，有碗麵，有小食同熱飲 (凍飲要加3蚊）。今次叫咗個藥膳農場雞厚身花菇米粉，花菇又真心好厚同埋入味。 雞有三件，少肥唔錯。 湯底不外乎係紅棗、雲耳，藥膳味幾正啱啱好，而且帶有d甜甜地。縱使知係肥都忍唔住飲咗一大半。小食叫咗上湯時菜，今次係生菜，球上咁但係煮得比較生，去到中間開始已經feel到。 熱飲叫咗檸茶，正常質素。 覺得如果唔係為咗小食，唔叫餐就抵d嘅。 湯底真心好味，野飲可以唔洗叫都得。

最喜歡吃米線，這間性價高的養生湯米線，我們就經常下班來吃的～ 平日晚上見到客量比之前多了好多，米線的選擇也多了。我始終最愛藥膳湯😆我男友點了藥膳農埸雞麻油養生湯米線，見到雞的份量好多，有雞髀～ 而我就點了藥膳雜丸養生湯米線，雜丸是貢丸和墨魚丸各三粒，六粒都好大粒，而且咬落有口感，好彈牙有味道，不是很粉的那些丸👍🏻不錯！另外點了一小食是藥膳雞腳，十分軟嫩入味！唯一缺點是雞腳有點小，不是太多肉🙈🙈

性價比高，$145二人餐，有兩碗粉，一個小食，兩杯飲品。湯底好濃味，飲晒。飲完唔口渴。多款選擇。小食選擇了雞腳，以為唔會好多，但有起碼6隻。會再幫襯試醉雞湯底。

由香港仔水塘行山落到灣仔, 就在軒尼詩道這間養生麵館吃晚餐.這裏有多款藥膳農場雞湯及麵食, 還可選米粉、米線或薯粉, 也有麻辣、酸辣及喇沙口味.  另外亦有蕃茄湯底.我們點了藥膳農場雞山藥養生湯🍜 $64農場雞肉質鮮嫩又夠入味, 藥膳養生湯底足料好味, 有紅棗、杞子及雲耳等, 好味到連湯也喝清了😋據餐牌介紹, 原來是選用了肥美三黃雞, 配以多種藥材, 熬製四小時而成藥膳農場雞日本花菇養生湯🍜 $68大大隻又厚身的花菇, 味道非常香濃😋藥膳濃湯浸生菜🥬 $26藥膳濃湯令生菜也浸得很入味👍飲品方面選了熱檸蜜☕ 跟餐價$7柚子蜜🍹 跟餐價$9性價比非常高的麵店👍

1點左右經過灣仔，搵野食，經過條街，見面前面係半島，後面就係盈記四季，笑左😂見間舖坐滿人，仲有人排隊，就試試你間四季！😂灣仔區，一碗米線五十幾六十？？？邊度搵？一人餐78蚊，有埋小食野飲！老實講，係偏淡，但食落好養生，個湯飲到藥材味😋😋😋飲完一啲都唔口渴，正👍🏻題外話，有個大隻仔店員，手臂粗過我大髀🥶🥶🥶

邊個話出街食飯？一定唔健康㗎？「米線」唔一定只得酸辣湯底咁單一呢間主打健康養生嘅湯底配上雞肉及其他養生食材製作出唔同口味同配搭嘅湯粉麵✨藥膳農場雞桃膠養生湯鮮嫩嘅雞肉，足料好有份量湯底清甜，而且唔油膩桃膠唔一定用喺甜品配上米線原來都好夾軟彈嘅口感．養顏嘅最佳選擇✨古法炆蘿蔔第一次食到咁清甜嘅蘿蔔連湯底都會想飲埋加入紅棗炆得好入味✨熱奶茶奶茶嘅茶底好香濃．口感幼滑以後Lunch又多個健康養生嘅選擇唔怕油膩唔怕肥啦

最近好興藥膳湯/雞湯米線，今次嚟到灣仔呢間試吓，見評價都唔錯，價錢都適中。12點嚟到，唔洗等，店內1/3滿，全部都要搭枱，唔可以1個/2個坐成張，因為好快12點半都已經滿座了。一人餐$78，米線+小食+熱飲，2人餐$140，2碗米線+1小食+2熱飲，2個人食嘅話，等於平咗$16食少個小食，因為佢啲小食都唔算太吸引。小食有蘿蔔、時菜、木耳、青瓜揀熱飲都多選擇，除咗奶茶檸茶之外仲有檸蜜菜蜜朱古力柚子蜜都唔洗加錢，凍飲+$3，仲有啲半價加嘅嘢飲。蘿蔔幾大塊，不過比較多渣同筋熱檸蜜，幾夠味凍柚子蜜都幾多柚子幾濃番茄雜丸米粉貢丸同花枝丸有各3粒，都算多貢丸豬肉味好香，爽口唔係勁淋花枝丸都爽口米粉唔會太淋，番茄湯唔會太淡我理解呢碗應該係有農場雞+醉雞但食每舊雞都冇醉雞味，只係普通，反而個湯勁醉雞味，唔通意思係醉雞湯味嘅農場雞但湯底好香，唔會太濃醉雞味飲唔到，亦唔會太油

lunch又苦惱食咩好，同事介紹左呢間四季養生麵館🐥湯底真系全都系養生系列😍仲好多配搭tim，有花膠、蟲草花、冬菇etc⋯我諗大家都知桃膠系對女仔身體好好，滋補又養顏，煮糖水就見得多，估吾到連麵類都會見到，真系好特別😂我就嗌左呢款藥膳農場雞桃膠養生湯🍜呢間餐廳嘅湯底系比較清，飲落一D油膩感都無👍🏻d雞件都好滑好新鮮，有成幾大舊🐥我仲嗌左杯益力多爆爆珠🍹真系幾好飲，一咬D爆爆珠系有D果汁味，有趣有趣😝

近年愛上了養生湯底粉麵，而港島區灣仔的一間盈記四季養生麵館係我必食之選😍美食推介：💛藥膳農場雞桃膠養生湯：每喝一口湯底都能感受到非常清甜、非常滋潤，而且米線非常彈牙，配上桃膠十分養生👍🏻雞件嫩滑💛藥膳農場雞蟲草花養生湯：湯底一樣清甜滋潤，配上蟲草花，大大提升營養價值👍🏻材料十足，勁正，配上嫩滑雞件及米線，非常滿足💛藥膳上湯自家製水餃：水餃湯底是用藥膳湯，而且水餃每咬一口淡淡肉汁，餡料足夠👍🏻好食👍🏻再配上兩杯餐飲，整個晚餐非常滿足🤭🤩*食物質素好👍🏻👍🏻👍🏻👍🏻

今日和媽咪來了灣仔辦証件，順道去盈記四季養生麵館吃午餐。之前在灣仔上班時，常常都來吃養生麵啊！我們叫了藥膳農場雞山藥養生湯紅薯粉、藥膳農場雞日本花菇養生湯紅薯粉，及小食叫了藥膳浸雞腳。這裡叫一碗粉，可免費跟一杯熱飲，我們叫了熱朱古力，及熱柚子蜜。～ 藥膳農場雞山藥養生湯紅薯粉：藥膳湯底，滋補養生，濃濃的紅棗味，加有杞子，補血明目。山藥健脾除濕，常吃有益。農場雞大大件，雞肉細滑啖啖肉。紅薯粉亦有很多益處，紅薯有抗氧化作用，對心臟亦有益。～ 藥膳農場雞日本花菇養生湯紅薯粉：同樣是藥膳湯底農埸雞，這個紅薯粉配日本花菇。這裡的日本花菇不單大大隻厚肉，菇味濃郁，用料上乘。～ 藥膳浸雞腳：這個藥膳湯底除了有紅棗杞子外，亦有當歸，補身益氣。雞腳浸得入味，炆得很稔，媽咪很喜歡。～ 飲品：跟餐有熱飲，有多款選擇，我們叫了熱朱古力，及熱柚子蜜。整體來說，這裡的藥膳養生麵補身有益，用料上乘，加上招呼親切，下次會再來試試其他款式。

好耐冇食過呢間喇，呢間嘅藥膳雞湯底真係好正，野菌叻沙湯 - $72朋友揀咗野菌叻沙湯薯粉，叻沙味道香濃，不會很辣，薯粉非常彈牙，朋友食得好開心，藥膳農場雞花膠米線 - $88我就當然揀番藥膳農場雞花膠米線啦，一如以往，雞肉超嫰滑，雞皮頗薄，無乜肥膏，好大塊花膠呀！好厚身，好長好大塊，性價比超高，分咗一塊俾朋友食，朋友都覺得好正，朋友飲咗我個湯底幾啖，都覺得呢個藥膳雞湯好真材實料，飲品就係凍柚子蜜同熱檸水，凍柚子蜜大大杯，好抵飲，而且不會過甜。

在灣仔見完客放工打算食一個簡單的晚餐，然後發現了這間養生麵館。見到養生二字，二話不說就進去了！這裡的湯底以養生為主題，食得健康為出發點👍🏻🔸藥膳農場雞冬瓜米線：香濃的藥膳和新鮮雞煮出來的因為加了冬瓜和粟米帶出了鮮甜的味道，雞肉嫩滑。🔸藥膳農場雞麻油養生湯：同樣以新鮮農場雞和紅棗杞子木耳一起煮出來的還加了麻油，作為一個滋補嘅湯，既香濃又好味🤤，是真正可以連湯一起喝的湯麵！🔸藥膳湯雙拼丸（花枝丸和貢丸）：花枝丸和貢丸都不錯，可以連湯一起喝的！🔸益力多爆爆珠飲品：酸酸甜甜，內裏有很多爆爆珠，大人小朋友都很喜歡！

我好鐘意食米粉米線，但酸辣麻辣都唔系我杯茶。鐘意食啲養生啲清淡啲，所以喜歡去灣仔食盈記四季米線佢呢度嘅米線嘅主打雞湯，咁當然雞肉都系首選可以配唔同嘅配料。今次朋友就淨系揀咗雞肉，我就配咗厚身嘅冬菇首先講嚇雞肉，每件都夠滑，而且有雞味。湯底先甜潤喉而我揀嘅冬菇厚肉嘅程度，系要分幾啖先食得完，而且仲炆得好入味。湯底飲落真系好順喉舒服追加咗鮑汁鳳爪，鳳爪細細只炆得非常入味，但又唔會好鬆散，仲有少少咬口，味道亦唔過咸，幾好油菜系用米粉嘅湯浸住上，咁樣菜就更加清甜，而且呢度有套餐可以加配嘢飲，我揀咗烏龍茶朋友揀咗檸檬茶，套餐都系60幾蚊好抵

在office冷氣吹太久真的要吃點熱呼呼的食物補充下能量，在公司附近看到這家養生藥膳麵館，收工後就來試一下。🔸藥膳農場雞厚身花菇養生湯米線藥材熬製的湯底，藥材味不算太濃可以接受，據說熬製了四個小時。雞肉大塊厚實，肉質鮮嫩。🍜麵裡還有花菇、紅棗，木耳等材料，真的很滋補！🔸肥牛叻沙湯米線湯底濃郁有回香，肥牛是新鮮牛肉，很有嚼勁，材料還有豆腐泡和豆芽，很有泰式風味🇹🇭米線筋道爽滑😋店開在灣仔軒尼詩道，晚餐時段來幫襯的客人還蠻多！