柳氏家 (Closed)

上次黎食都覺得幾好 今次試簡直不知所謂！最大問題出於無煙區 炒好出黎勁難食 完全無味 就算半價都唔會再黎 #拉麵：淋到好似公仔麵底係一攤水 越煮越淋#柳氏雞：唔夠味 同上次差好多 #蒜味牛油炒雞：新款但係食唔到咩味#芝士：無煙區芝士係額外一鍋煮 個火成日熄 煮唔軟#牛肉豬肉：質素低下 可以唔洗加 有腥味#炸雞：一般般 柳氏味好食啲總括而言 可一不可再 就算半價都係伏 以前小菜都有好多款 炸雞都係任食 依家好似改左無曬 成餐最正就係杯蘋果汁

平日晏就3點幾係新城市廣場睇戲之前搵d野依肚，試左一間一直都好想試既柳氏家，黎到唔洗等位超正，揀左鐵板雞加韓國拉麵，要讚下d炒拉麵夠晒入味，食唔停口， 2人份量岩岩好，我地再添加d雞、配料如年糕芝士、拉麵，份量真係同第一轉一樣咁多，真係超抵食，值得返食😋 食完唔打邊爐，因為打邊爐就一定趕唔切去睇戲，所以我地叫左任食炸雞、雞翼，醬汁就揀左蜜糖同味噌，個人鐘意蜜糖，因為甜甜地同炸雞非常夾，但最後有少少食唔晒因爲之前鐵板雞已經食得太飽，所以建議唔好咁早揀定太多份量😅

今日終於黎到柳氏家食炒雞，之前一直想試好耐，可惜一直都冇時間黎😪午餐時段相當之多人 幾乎座無虛席，等左一陣先入座。呢度一共有幾個套餐可以選擇。開始炒雞啦👍🏻👍🏻🤩我嗌左蜜糖炒雞，味道比想像中無咁濃，雞件有微甜既蜜糖味，甜度適中，唔會話好膩。另外年糕非常好食，口感軟稔又煙un，仲有紫薯味。而份量真係非常驚人，我地幾乎食唔曬呀😭加左蛋，口感更豐富。除左雞肉，當然唔少得牛肉啦！可選麵抑或炒飯，個人覺得炒飯更好食。另外我極推薦呢個蜜桃汽酒，十分香甜，好岩女仔飲！

行開沙田發現七樓，發現一系列嘅日本野旁邊有間柳氏家。韓燒大家就食得多，又鐵板又打邊爐仲要係semi放題又真係幾新鮮。去到係要揀好麵底定年糕底先，之後可以揀肉類同辣度，好快就黎左一個大鐵板食物，店員細心炒好之後，仲提我地可以出去拎沙律。我發現仲有任針嘅飲品同前菜，同埋女士至愛嘅甜品。好香熱辣辣鐵板已經好適合寒冷嘅冬天。點知好戲在後頭，仲有火鍋。好Crossover! 係另一邊原來仲有任拎火鍋料，雖然蔬菜居多，但好夠食又夠款揀！真係好味又夠飽，攬住個肚返屋企。

2018年11月21日 二點多 因為有半價優惠活動，所以一行三人到柳氏家食炒雞➕火鍋兩食，限時75分鐘，我們選擇了蒜味牛油雞、BBQ雞、牛肉，旦，有公仔麵同芝士可添加（由於限定時間有點趕沒有添加，建議兩食➕點錢，食耐一點，因為火煱配料、沙律🥗、飲料🥤、雪糕🍦都是免費自取）值得一讚的是因為需要DIY店員也很有耐性講解，還不時替我們煮。首先一開始我們就走出去沙律吧取沙律🥗，蔬菜🥦新鮮非常爽脆，再埋位食BBQ惹味炒雞，少許辣可接受到，蒜味牛油雞比下去了。再加上公仔麵及芝士炒，其味無窮。DIY手不停，口不停，添加了不少樂趣，我們要趕快換上另一火鍋，火鍋料不能盡數，當中不乏海鮮（但是我們後來才發現）友人說好抵食，3人埋單了3佰幾蚊，喺新城市廣場無乜邊間做到。

柳氏家是韓國的過江龍，雖然我在韓國沒吃過，但常在韓國街頭路過及在電視劇中看到，是有名的辣炒雞扒連鎖店。這家最近常常在打折，宵夜時間更有半價，讓人不禁懷疑是否快撐不下去了。食物：3/5我們是宵夜時段九點後去，這裡有火鍋或鐵板炒雞供選擇，我們選了後者。每次都是一大個鐵板裡面已集合所有食材，先選好口味（辣、bbq醬等), 之後可以仼點的包括雞、牛、豚肉、年糕條、拉麵、米飯等，芝士不包括。另有幾款炸雞翼可另上。整體而言，就像先前看過的評論，”來吃家中都可以煮到的雞扒炒公仔麵”，很普通。而且葱的份量佔最多。服務:2/5門口接待的女服務員態度散漫，講解不清。性價比:3/5半價人均一百左右還可接受，正價就不要來了。

今日係朋友生日既生日子🎂當然要食餐好架啦係精挑細選之下佢鍾情於韓國菜🇰🇷今次揀既而間有炒雞又有火鍋🍲岩哂我地 hahaha 係邊等緊炒雞既時候~我哋係出面拎左d沙律🥗 呢度啲飲品，火鍋配料，前菜，乳酪雪糕都係自己出去仼拎㗎呢間野係自己動手整佢哋有張餐牌教你點整又有得食又有得玩添啊當然你唔識整店員都會嚟教你 首先我哋叫咗炒雞先仲叫咗啲肉類同八爪魚寶寶🐙 細八爪魚好爽口 放埋啲肉落去炒 好豐富呀之後仲可以落埋啲芝士喺邊邊~好好味啊一定要試下！！之後仲可以加埋飯落去炒個人覺得加咗飯之後更加更加好味 食完之後，仲可以轉返個爐去打邊爐！！ 火爐材料係出面仼拎不過最重要係全得哂食好拎啊我哋因爲食炒雞食到半飽就唔敢拎太多啦 朋友仔相當滿意今次嘅生日慶祝good good good

同朋友閒日4-5點黎到沙田一直都知道柳氏家係有做開呢個抵食既任食SET既果到附近其他餐廳呢個時候都係落緊場柳氏家都係比較冷清所以一入就有位 係唔洗點等我地叫左柳氏家辣雞炒麵唔係講笑 真係會越食越辣呢個SET炒雞麵就唔係任食既入面會有年糕有啲年糕係會有芝士餡係入面有驚喜! 韓式辣醬同芝士真係好夾叫完個炒麵 可以揀任食雞或者打邊爐我地就決定係叫個雞食其實都只係炸完D雞淋D唔同既醬汁上去除左雞翼 另一款係去埋骨 啖啖肉既口感好好醬汁叫左蜜糖芥末同蒜汁兩個既味道都濃郁 最後仲整左杯雪糕食配料都係任落!!$88既價錢黎講 任食雞肉同2埋出面熟食BAR可以再戰

星期六訂了6位食午餐1點鐘，芝士炒雞加火鍋，我們6人選100分鐘，進場開始計時，所以填食什麼時要快手啲，任食的有韓式前菜吧，沙律吧，火鍋吧，飲品，雪糕任食。先食完個炒雞，再加個白飯食埋個炒飯，再換個鍋打邊爐，食埋雪糕就剛好通知要埋單了，如果食75分鐘應該會好趕下。雞肉有得選辣或唔辛辣，但我食得辣會覺得有辣會惹味好多。

滿足3個欲望，有菜，有肉，有芝士2018/10/14係沙田新城市食嘢好似去邊食都好貴，但貴同唔貴係睇你覺得個餐值唔值，因為自己住沙田，其實好少出街食，但間唔中，假日會想懶下，食餐好嘅，近來我同屋企人成日會係周末黎依間店食個brunch。柳氏家係中午會比晚餐平，60mins任食，$98一位，要加一，店內有沙律吧，火鍋吧，同醃菜吧，飲品同雪糕自助式供應。因為係任食，吧嘅食物可以自己拎，雞肉同豬肉佢會按人頭供應，芝士都係加錢部分。坐低會有點餐紙填，選自己想要嘅口味，有三種，蜂蜜牛油味or蜜糖味噌味仲有個口味我忘記了，可免費加年糕分量，可選飯or麵，家人偏向中意食飯。如果點飯建議+芝士（+$20）炒出黎嘅飯好食啲。我同屋企人連續兩星期嘅周末都有黎食雞，試咗蜂蜜牛油味同蜜糖味噌味，個人覺得蜜糖味噌濃味啲但都好食啲，平日係屋企食得清淡不好濃味，但都係覺得蜂蜜牛油味淡味得令食物冇咁吸引。交咗點餐紙，等幾分鐘就會有員工拎住一個新鍋內有雞肉同豬肉係中間，菜同年糕圍在周邊，枱上有細漏斗比你計時4mins,肉會全熟，肉每邊煎2mins,肉熟哂可以叫店員黎你炒埋個飯。煎肉時枱面會有張流程指示圖教你炒肉。爐頂有

之前和三個朋友一起打算試試這間的炒雞，但餐牌比較難懂，要花些時間去理解。最後選擇了炒雞配火鍋，炒雞味道不錯，份量很多。火鍋只是把水加進炒雞的鍋裡，與想像有很大岀入。整體而言不過不失，配炸雞應該會比較好。

想打個平平地又多元化啲既邊爐相信柳氏家會係一個吾錯既選擇首先講下價錢同時間60分鐘$14875分鐘$17890分鐘$208以上價錢加一另計75分鐘其實只係多15分鐘，根本食吾到啲咩如果我揀90分鐘，呢個價錢會有更好既選擇所以最後揀左最平既60分鐘如果你係平日時間去，冇人係出面等緊，雖然佢會last order，姐係冇得加雞牛，但係都吾會吹你走。今次揀左鐵板雞加邊爐既配搭，一入到去揀好雞之後，因為上菜需時，所以我會出去攞野食野飲，攞埋一陣打邊爐上食既野，攞好之後就吾會再出去。如果你係想打邊爐食多啲，記得落單個陣講定鐵板雞少飯或者走飯，因為飯量都幾多下。係我攞完哂野食既時候已經上左鐵板雞，但係要自己炒熟啲雞，而飯可以叫職員幫手炒，所以我直接就將飯加埋落去叫職員幫手，炒緊既同時就食攞返黎既熟食同小食。炒好之後就將所有野放落一個碟到，直接叫佢換邊爐，甘就可係等緊換爐既同時食炒雞炒飯。個鍋黎到之後要將雞煎好再加湯，再直接將拎返黎既野放哂落去煮，湯少火力大既情況下好快就熟哂可以熄火。之後就可以慢慢食因爲食得好趕，所以影得好少相

第一次吃，給它大大隻鑊所吸引，縱使明知食評不太好亦想試試!果然，中伏到極點，從未吃過如此差勁嘅食品，收費亦不便宜!鑊裏無論炒飯，肉類和配菜，醃製的味道根本不能想像的差勁，賣相更加不用多講，提供的木製鑊鏟手柄竟是濕透，給客人使用連衛生都不顧但。。。無需要換，反正自己再炒都是毫無意思，毫無味道點的餐可加配炸雞，但送上枱全部都是凍的，一丁點微温都欠奉，雞件上滿是凝固了的獎汁，芝士炸雞更精彩，送你一舊舊""實淨""的芝士!三款炸雞都是凍的，更不要說什麼皮脆肉嫩，肉汁多，簡直不知所謂汽水機的汽水都是既淡又無汽，取軟雪糕即坐回位上已開始溶，咁都得!!!結果，這鑊炒飯只食了一半，但已盡力，整頓飯就時浪費時間浪費金錢。

今次係第2次黎第一次係新開果時大概一百蚊 有罐裝飲品 依家轉左汽水機之前有炸雞。魷魚圈薯條牛肉任食依家得番前菜 同埋火鍋料係唔叫火鍋2個男人 真係連食都食唔飽要飽 飲汽水 同埋食泡菜果d啦 勁伏仲要加左價貴左之前有人黎幫你炒 依家要自己動手侍應倒左啲生肉入去就我地睇住張野自己炒自己計時上次叫左炒飯 今次叫左拉面點知原來係公仔麵冇咩味 真係自己屋企煮都冇咁嬲但味道正常既 一般啦係價錢貴左d 每人150到啦總結 味道冇問題 但價錢上中哂伏

今次黎呢度揀咗個$158+1服務費嘅柳氏家辣炒雞仲送埋韓式炸雞放題(或韓式火鍋)，$158係60分鐘任食，$198係90分鐘，入面仲有一啲韓國小食:泡菜、芽菜、韓式炒粉絲等等，仲有吞拿魚螺絲粉沙律同埋一啲自制沙律都可以任食，最後仲有雪糕可以任食，不過我個晚雪糕機已經冇曬雪糕，所以佢地都俾咗杯裝雪糕我地食。其實食完啲小食之後已經有3分飽，再食埋佢地嘅特色炒雞再加埋炒飯(+$20仲有芝士)係一定唔會食得曬，個人認為柳氏家辣炒雞唔算太辣，都好有韓國特色嘅味道，但雞嘅份量就比較少，但最後店員都願意幫我地加翻小小雞，入面仲有豚肉同牛肉，最特別嘅係佢地有番薯年糕，有啲年糕入面仲有芝士，出面仲有生菜同埋韓式辣醬、蒜頭等任拎，可以用黎整生菜包。而炸雞有三款味道:蒜味牛油、韓式辣醬、黑椒蜜糖，仲可以揀雞翼或者雞腿，雞腿一啲骨都冇，真係啖啖肉架！而飲品就只有飲料機，冇罐裝飲品，但都有好多汽水同果汁揀架，而酒就需要額外加錢先可以任飲。