柳氏家 (Closed)

今晚約左朋友去柳氏家食晚飯，大家都係慕名而來。我地叫了招牌鐵板雞加配韓國拉麵、另一款是升級海鮮加韓國拉麵。其實兩款味道差唔多、只是多了海鮮。味道不過不失。因為這間餐廳係類似buffet甘，所以可以任點炸雞、沙律吧、飲品。佢有4款炸雞、黑椒蜜糖炸雞，柳氏家辣炸雞、芥末蒜香牛油炸雞同埋佢期間限定口味。黑椒蜜糖炸雞 - 味道幾好、但冇咩黑椒味柳氏家辣炸雞 - 好辣芥末蒜香牛油炸雞 - 我食左一隻冇再食了期間限定口味最好食！ 其實係紫菜加鹽。 總括黎講我覺得佢名過於實. 價格都偏高。

這店的店員出錯還大聲語氣對客人，明明冇追加是店員入錯單還大聲語氣對客人，我要俾劣評，所以我不會再去這店食飯，我是熟客也這樣，即是在趕客，那店長大聲語氣對熟客，店員又有超晦氣說話對熟客😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡

之前看見很多朋友也吃過柳氏炒雞，但朋友大部分住及返工也在香港區。 今天朋友剛入來沙田，雖然食9:30夜咗一些，但為咗想試夜食一些也無妨。雞肉及配料炒由生炒至熟，炒過程也聞得好香孜然香味。 不過見到紅紅雞肉，令我以為一定係超辣，點知原來是甜甜辣辣，辣度適中，好香好好味，配上溶芝士，一下子已吃光光。太好味，忍不住要多一round ，今次炒熟雞後，把雞推在一旁，用半隻鑊炒飯。員工見到我炒得不好，即時來相助，好快手就炒成橙黃色飯粒。 雞肉仍然十分美味，今次加上流心芝士年糕，炒熱後帶流心，好正。 炒飯底帶少少焦香，香氣撲鼻吃至停不了口。 今round 吃完，先知吃得太多了，因為仍有鐵板烤肉想試啊！吃完炒雞及炒飯後，即可轉塊新鐵板烤肉烤海鮮。 雖然已經好飽，但看到新鮮海鮮美味醃肉，吸引力真的太強。 更可在沙律櫃取生菜丶蒜片及辣醬，用它來捲著美味烤肉，就算好飽也按不住又把它吃光光。

喺個鍋底墊住張紙，個爐又唔夠熱，放d肉入去燒，d肉出哂水，完全係水煮肉咁款，而且宜家全店d汽水唔再係以前咁一鑵鑵任攞，轉哂用汽水機，雪糕唔再係一盒盒，都轉埋用雪糕機，質素下降哂，中哂伏，唔會再嚟 !

炒雞有幾款味道選擇, 我哋揀烤肉味不過實係無乜味!最欣賞個紫色年糕, 裡面有軟心芝士! 員工見我哋唔知應該點做會主動過嚟幫忙 (隔離枱見有員工幫我炒, 即刻又要求增援)! 燒肉類反而幾多選擇, 味道亦比相像中好! 推介醃左以為好辣既肉類, 好味好多! 海鮮類有蝦, 帶子, 小蜆, 魷魚 (如果個胃無位可以全部 skip 晒佢) 好欣賞個厚切午餐肉! 超級厚, 平時我好少食加工食物, 既然係任食, 就放縱一次啦, 好彩都幾優質啫!

今日第一次黎柳氏家， 依家少左好多韓國野食， 但係韓風依然咁勁， 一定要食下韓國野既。本身以為依度淨係食炒辣雞，原來仲有任食韓燒。價錢都唔貴，同一般韓燒價錢差唔多。炒雞有幾款味揀， 我地揀左最普通辣雞。飲品，有汽水，果汁，咖啡同茶任飲。沙律都係任拎。一定有韓國最出名既泡菜啦。主角黎啦， 份量都幾多。炒左啲雞同八爪魚， 最尾先加埋個拉面。都要炒一陣， 店員都會幫我地炒， 好香， 味道好， 夠辣。好多配料揀， 任拎。食曬啲雞就轉個板再韓燒。啲肉都唔錯，比一般韓燒好。食飽仲有雪糕。 朱古力味好濃。 正。有張紙提大家珍惜食物， 好有心， 食唔曬真係唔好拎。好飽好滿足。

呢間野都算係抵食推介既其中一間如果平日lunch time食既話每人只係$88蚊除左有鐵板炒雞豬牛之外之有個迷你buffet雖然係迷你, 但D野食都見得下人架食韓國野當然唔小得有炸雞, 趁佢岩岩refill仲熱就出擊, 食食下主菜都未到就回本啦lol炸雞之外仲有魷魚,海帶湯,沙律,薯餅等等…仲有港女至愛既紫薯小cake…$88 黎講算係咁啦主食方面, 我果日揀左個蒜容蜜糖底既炒雞, 但成件事係比想像中輕口味, 聞落係有蒜容既香味,但食落就唔係好濃, 食完都唔口臭! 成碟野都幾多菜, 食完都唔驚太熱氣或者便秘啦同埋D侍應會幫你炒埋 自己唔洗落手, 望住佢又快又認真咁炒雞都幾過癮, 不過有D就炒到出哂界lol

中午一行人想嚐鮮，決定跟同事試試中午食韓燒～畢竟有幾個食肉獸中食自助食不怕沒人清場嘛哈哈～店鋪在7樓右手邊較盡頭的地方，幸好稍早到還有位置。我們坐下不久後就愈來愈多人入座。幾乎坐無虛席，晚點來怕是吃不到了。位置挺寬闊，坐得挺舒適。收費非常清晰，價值也挺地道，比想像中多選擇，看來中午又可多個選擇先來是個柳氏家辣雞，有挺多配菜。韓式辣醬炒雞肉，雞肉挺爽口彈牙，味道不會太辣蠻適合香港人口味。周邊會放芝士，可沾著燒軟的芝士夾著雞肉吃。芝士很快被清了大半，然後就可下炒麵，炒出來的麵不會太淋，且辣辣的又可夾芝士食很惹味。最後便是韓燒環節，燒烤的口味完全可按個人口味去自助挑選非常方便彈性。最後還有雪糕可任食，簡直是大滿足。

之前已經聽朋友講沙田新城市廣場有一間韓國燒烤好抵食，今日試完就真係知道，何止好抵，仲好玩又好味，冇得頂👍🏻好彩今日有備而來，早啲嚟霸翻個靚位，上面呢兩張圖，你睇吓如果唔早啲嚟，已經俾人坐滿晒，證明幾咁旺場，識食嘅香港人又點會執輸吖😬店員會好詳細介紹俾你聽，整個食法嘅流程，不同時段會有不同優惠，我哋今日就來試咗中午時段，百零蚊已經有交易！自助區有不同配料俾你選擇，總之你諗到嘅嘢都有，食物都擺放得好整齊，好企理，分類又清楚👍🏻我特別鍾意呢一個生菜包嘅配料區，食番啲蔬菜對腸胃都好有益，呢啲就係平衡之道😬第一round 炒雞，可以選擇很多不同配料，自己炒或者服務員幫你炒都得，如果自己好少煮嘢食，呢個真係難得嘅機會，我梗係要自己試吓囉，唔知點解自己煮嘅真係零舍好味👍🏻我哋食得開心又滿足！第二個round 都燒肉時段，已經飽咗七成嘅我，睇到啲咁靚嘅肉，馬上要開動第二個胃，自己拎左好多不同嘅肉類，而且店員會教你紅色嘅夾係要用你夾生肉，黑色嘅就用嚟嘅熟嘅食物，好細心嘅安排😍睇住啲肉類和食物又生變成熟，下面仲有一張吸油紙，等你食起上嚟冇咁油膩，真係好好嘅設計，而且呢度嘅抽風系統都做得好好，成間店舖都冇乜

今次叫左辣雞加芝士加麵，覺得好好玩😂有個職員來幫你炒雞，再加上配料調味。因為芝士易lone, 全程都好專注在芝士身上，Overal味道ok啦正常味但冇咩驚喜，重點係呢餐個過程好好玩😆但幾貴下，有自助餐加分，kimchi幾好食

情人節冇book枱去柳氏家，好多人等左好耐。。下次黎一定要book😂等左差唔多1個鐘。。等到佢叫左我地飛no. 之後，叫我地揀火鍋定炸雞，我地揀左炸雞，又再繼續等。。佢應該分開左火鍋zone同炸雞zone，火鍋ge客人好快入晒，拎住炸雞飛係出面等甘耐，有d不耐煩。。坐底已經好餓，9:00後入座有優惠! 前菜可以自己出去拎，都幾多選擇下。 😋(芽菜好食👍泡菜太鹹🤔青瓜冇咩味😂)另外有紙仔叫炸雞，冇限數量，有幾款，仲有新口味(紫菜)😋😋 不過食得晒先好叫。。唔浪費的話有優惠卡，可以再黎食就可以用! 👍炸雞方面，最好味係芥末蒜香牛油炸雞，又滑又juicy ，個汁好爽。👍 雞肉仲熱，唔係預先炸定。👍😍炒雞飯一黎到，已經炒好左，仲整左心型。😂😂 都幾細心下👍 不過味道就麻麻地，冇辣味，又唔夠入味。但配料有好多! 食極都仲有肉。份量都多，兩個人食都未必食得晒😂😂

情人節當日夜一夜先係中大放學，同朋友決定係沙田覓食，見到柳氏家有宵夜優惠，九點後入座食75分鐘既放題，可以減五十蚊，所以就攞飛等位，因為當晚好多情侶等位，所以等左半個鐘左右先入到去。因為朋友唔食得辣，所以就叫左個期間限定既牛油蒜香雞，料係好足，因為佢仲送埋兩碟肥牛，但味道就麻麻，比較淡，雞無點醃過，炒飯亦癡曬底。唯一覺得好掂既係紫薯年糕，個紫薯餡好清甜。食完個炒雞同炒飯其實已經好飽，但都想打邊爐淥小小菜食，點知轉個火鍋湯底又會比多幾舊雞我地，有少少浪費。打完邊爐又有雪糕可以食，其實以百幾蚊黎講既放題算係超抵，邊爐又有海鮮料，沙律bar同配料都任拎，雖然炒雞同火鍋湯底就無咩聞味，但以飽肚同多選擇黎講係贏曬。

星期六屋企人話一齊出去食lunch，咁有人就提議話不如去食炒雞，咁沙田新城市廣場就喺之前開咗間叫柳氏家嘅韓式炒雞，所以就成家人一齊去試吓啦，咁我哋就透過個apps攞位嘅，去到都係等10分鐘左右就叫到我哋個Number啦。佢入邊呢就有分打邊爐同埋炸雞，因為係入坐嗰陣時，佢會問你除咗炒雞之外，想食炸雞定係打邊爐，二選其一。咁我哋嗰份炒雞呢就揀咗個味噌蜜糖炒雞咁就係任食嘅，你可以選擇配個飯定係配麵。我的第一彎得就叫咗炒飯。咁我自己就覺得啦麻麻地其實，因為啲飯有啲淋同埋味道唔係好夠濃。同埋好快會凍，因為下面冇爐去heat住個炒鑊。係差唔多時間，仲叫左啲炸雞。咁炸雞都係任食嘅，可以揀三隻唔同味啦同埋有雞翼同雞髀肉揀。三隻味道呢分別係黑椒蜜糖炸雞，柳氏家辣炸雞同埋芥末蒜香牛油炸雞。咁呢上邊張相用筷子夾住咬咗一啖嘅係黑椒蜜糖炸雞髀咁呢我自己就覺得呢隻就甜咗啲唔係好夠辣同埋呢係只係微暖，唔夠熱。相比起，柳氏家辣炸雞就會辣啲同香啲比較好食。去到第二round, 我哋追加左多一份炒雞，不過就跟麵。跟麵就真係好麻麻，因為個麵好似浸發左咁，好鬼淋，好難食，之後又係因為冇爐heat住，凍得好快，變到更加唔好食。

難食到忍唔住開ac，我係食晚餐，3款炸雞食左2款都好難食。連隔離檯班人都一路食一路講，真係好難食，大家唔好晒錢去食！會後悔同埋佢d野飲係冇晒汽，勁難飲。🤮🤮🤮

星期六下午沙田新城市多人多到針都插唔入，間間餐廳到等成10張檯，終於上到7樓呢間柳氏家有位，以前係韓國食過，覺得好好味，唔知黎到香港會點呢～入去試下啦！午餐set, 百幾蚊可以食鐵板炒辣雞，再加任食炸雞或者任食韓式火鍋，最後因爲有朋友唔想食炸野就揀左火鍋。餐包飲品任飲同前菜任食，泡菜唔錯，其他可以試一兩件就夠啦開爐後，阿姐會幫你將雞同配菜倒晒落爐炒，視乎跟餐揀咩再加入飯或麵一齊炒。但可能人手唔夠，阿姐唔會幫你炒晒D野，落晒落去後，要自己動手炒下，唔係好易燶。食晒個炒雞，其實已經好飽，再加上火鍋料唔係特別吸引，所以都唔係食左好多。總結：味道同食法都同韓國唔同，可能因爲要配合香港人飲食文化，所以加左任食環節。雞唔入味，食到只係表面D醬油味，火鍋料好小，又無咩特別，唔個炸雞會唔會好D呢～溫暖提示：記得一路食要一路搞下個鍋，唔係好易痴底！