吉野家 (西九龍中心)

Open Now

Now Closed

今個月 已經月尾啦 就近糧尾嘅時候。當然要選擇啲 平..靚..正.. 又好味既餐廳啦 我今次就選擇咗 * 吉野家啦 * 吉野家平又抵食就係人都知嫁啦 我仲要咁啱係下午茶時間 20幾蚊 就有一個套餐啦 正我選擇咗 牛肉湯米粉 ！！牛肉嘅餐係最多人選擇既 因為吉野家嘅牛肉係最出名 牛肉唔會食落去好柴 加埋啲洋蔥吸晒牛肉汁嘅味 又夠淋 簡直一流 通常我叫米粉或麵 都會外賣多一小盒 牛肉汁方便返到公司可以倒落啲冇咩味嘅米粉或者麵入面食！！！ 簡直係糧尾既好幫手

就黎聖誕四周圍都好爆，西九龍既吉野家好彩都有一兩個空位，今次試左咖哩雞肉飯同和風牛肉飯，上菜速度好快！平時都係食開野菜雞肉飯既我覺得咖哩飯好特別，帶少少辣，有汁都無咁dry

晏晝行上去西九龍中心突然間有啲肚餓，就諗住食個下午茶，但係又費事食得太飽夜晚食唔落飯，但係又唔想去food court 食，就走咗入吉野家度食。中學時代嘅時候就成日食，到而家對上一次都唔記得咗係幾時，而家嘅下午茶$21都已經有一款，叫咗日式細牛飯，包一個熱茶＄23 ，呢個價錢來講都真係幾抵食架啦分量對正餐來講就真係唔夠飽，如果係下午茶來講都叫OK嘅。味道同以前食開嘅都一樣，好鍾意佢嘅牛肉汁，洋蔥煮得夠林，牛肉亦不會太乾身，米飯煮得剛好，係我喜歡嘅軟硬度。

無疑日本連鎖餐廳「吉野家」，在香港發展多年，已經在不同地區開了分店，有一定程度的規模。但是很多曾經去過日本，尤其是在東京旅行的人，或許都會知道，日本「吉野家」賣的餐點跟香港有很不同之處。香港和日本最簡單，最明顯的不同地方，就是日本「吉野家」是沒有「野菜煎雞飯」提供的。日本「吉野家」主要賣的丼飯，主要是「牛丼」、「豚丼」和「鰻魚丼」三種，這是我兩年前在東京旅行時，在東京「吉野家」發現的。當時我看到的日本「吉野家」，不單止沒有「野菜煎雞飯」，亦不會無端端，在下午茶時段，推出跟「吉野家」關係不大的下午茶茶餐。偏偏回到香港，我卻發現香港的「吉野家」，不單止有下午茶茶餐，而且「吉野家」賣的下午茶茶餐，食的東西可以是跟「吉野家」完全扯不上邊，風馬牛不相及的東西。例如「即食麵」、「烏冬」、「茶漬飯」，甚至烤吐司，我們都竟然可以在香港「吉野家」裡面找得到。例如我下午在深水埗，剛剛光顧過中式麵店「劉X記」，食完「鮮雲吞蝦子撈麵」和餐廳免費附送的招牌小食「酸蘿蔔」之後，我沿着路一路向走，直到「西九龍中心」，上到二樓的「吉野家」再食下午茶，順路看看能否為自己的電話「叉電」。期間我無意中發現，現在的「吉野家」

每次lunch諗唔到食咩，都會去吉野家。食咩？專一如我，每次都會叫牛肉飯。今次都唔例外。今日獎勵自己，加多左隻溫暖蛋俾自己。個人最愛食法，係將溫泉蛋搞爛，同一半飯撈混一齊食，混入左蛋後，不但增加左牛肉飯嘅香味，而且令飯嘅口感變得豐富。至於另外果一半飯，梗係倒入牛肉汁伴飯食。牛肉汁令肥牛味道更突出，飯變得甜甜地。自製一飯兩種味道。窮人嘅自製快樂，就係咁簡單。今次叫左奶茶，奶味茶味都輕手左咁。下次都係飲番綠茶match啲。

這兩星期工作開始排山倒海的，忙到踢曬腳，陪客到長沙灣政府合署辦完文件後，已經下午4點了，午餐都未食，餓到打曬鼓。一個人衝上西九龍搵食，見到吉野家，諗都唔諗，走入去，叫咗個下午茶既蟹籽三文魚飯，凍咖啡。唔知係咪太餓的關係，覺得碗飯好好味，料也很足，杯啡都唔差，25蚊有個飯，有凍飲，又唔難食，仲想點??吃飽後，順手買了兩個特盛玉子牛肉飯回家，今晚唔駛再煩食乜。最搞笑的係，我買外賣時話要凍檸茶。收銀姐姐問我: 檸檬茶，要唔要檸檬？我當堂呆咗,只傻傻地重覆她的話:檸檬茶要唔要檸檬??她應意會到，我唔明她的意思，收銀姐姐說:有款檸檬茶是我們自己製的，有加埋檸檬，加3蚊便可以。哦！原來係咁!原來有兩款檸檬茶的，朋友們去幫襯的，就要留意喇，不要像我，唔識比反應喇!😂😂😂

吉野家打邊爐已經好耐冇去，因為成日周圍四處去唔同既地方食晚飯反而忽略咗最基本最抵食既食品。呢間員工好少但係人流好多，我地坐低左等佢執野都等左一段時間，而且員工年紀比較大所以手腳比較慢。上既食物都令人幾失望，首先講肥牛，以前係用黑色既盒裝住份量比較大，但係依家用保鮮紙同埋普通腸碟裝住入面得3塊牛肉。牛肉亦都偏肥質素冇以前咁好，仲有個讚岐烏冬直情係俾一個包裝你，以前係用碗仔上既熟烏冬變咗凍冰冰既烏冬。入面既食物梗係完全冰凍，同以前有少少暖既湯係好唔同，整左好耐先有得食。不過入面既芝士竹崙，金菇和娃娃菜的味道都差不多，濃湯的味道比較濃而且有點甜味，粟米就比較細份。整體等候時間變得很長所以要慢慢吃才可以走，下一次我也選擇不要幫襯這一間店！

當一個人要諗食咩做晚餐既時候就會諗起獨個兒旅行既情境一個人無拘無束咁係異地遊逛 肚餓了 就隨隨的搵一家快餐店醫肚呢一刻 我又有呢種感覺不孤獨 反而更想一個獨處 不是要聽什麼又不是要跟自己內心談話 只是有點累 要靜一下香港沒有松屋 沒有其他地道快餐飯店不過仲有吉野家 未必係最好 但我又覺得唔差丫 咁既價錢夫復何求？！牛肉 近排都食左唔少 要停一停口雖然吉野家標榜牛肉蓋飯但其他飯為或者小食都有一定水準尤其係呢個只可以堂食唔可以外賣既蟹籽三文魚飯 為左保持佢個質素以及外觀 食客們只可以係堂食既時候品嚐 而服務員更加會細心問你 要唔要青芥茉粒因為每個食客都有不同的味感 未必可以100%做到日本人既細心一絲不苟 但已經係香港是不可多得的了蟹籽三文魚飯 粒粒蟹籽彈牙有力 三文魚碎方便混合一齊食 充滿omega 3之如又有足夠既碳水化合物 有時想清一清唔一定要食白粥 三文魚蟹籽都係一個好選擇而且日本珍珠米粒粒圓滿分明 入口有回彈力其實一餐簡單米飯 只要享受 皆是美食！關東煮 只係加12蚊就食到 日本的回憶回想到流漣於日本新宿街頭 車仔舖要邊樣揀邊樣 蘿蔔 魚蛋 冬菇 腐皮 燘到林一林 入晒味 需要

間唔中 朝頭早 都會會來吉野家食早餐。 通常都係嗌佢哋嘅海苔粟米煎雞飯。 而家加左價$17， 加埋熱咖啡都係19。 簡直係窮人恩物。 飯比較少， 只有一半多少少， 煎雞得三小件。 吉野家煎雞係幾好食， 咁嘅價錢無投訴。 希望佢keep住平啦。

跟女朋友仔逛到西九龍中心已經快9時了呢,又是隨隨便便的一餐,所以選了這裡,呵呵.我從來沒有吃過這裡的蟹籽三文魚飯,因為不能外賣啦.難得今天可以坐定定吃,便勇敢的試一下吧.為了保險,再點一客咖哩牛肉煎雞相拼飯好了,再點一客日式野菜,泡菜,應該足夠了呢.食物來了,先試一下期待已久的蟹籽三文魚飯吧.哇!中伏!很鹹啦!特別是蟹籽!那些是飛魚子來的啦!你呃人!送飯一起吃仍覺得鹹呢!三文魚像是塗麵包的罐頭貨耶!我寧願用肉鬆送飯啦!還加了山葵粉?給我檸檬茶!這樣的東西有人會喜歡吃嗎?我不喜歡就是了!離我遠一點啦!還是吃一點普通的泡菜吧,純辣無菜味無特別,麵豉湯幸好沒有過鹹,否則今餐便吃了很多鹽了,不錯.還有咖哩牛肉煎雞相拼飯呢,不要忘記它啦,呵呵.=v=先吃淨菜.可能是因為加上了玻璃芡的關係,青味比預期弱很多,小朋友也可以容易入口,好吃呢.而咖哩牛肉煎雞相拼飯也出色啦,咖哩跟飯混在一起很好吃,再多一點咖哩就好了,但不辣的,是甜咖哩,正合我口味.而牛肉有肉味,而且肥牛是吉野家特色啦,不錯.而煎雞雞皮也脆口呢,但有點煮過頭有嚼勁,總括來說也是有高分數啦.記憶中，我無講過我想吃這個三文魚飯.所以有時候平常

今日下午茶時段選擇到吉野家本來想食一碗牛肉烏冬,但係見到野菜牛肉飯更抵食,只要$15(堂食),所以就轉食野菜牛肉飯野菜牛肉飯$15：份量夠多,野菜爽口香甜,牛肉肥瘦各半,肉質較為乾身,但淋上牛肉汁後,令飯身豐腴的珍珠飯更加滋味牛肉汁就是精華所在,好吃與否,全賴它,撈飯簡直一流!不用$20就可以吃一個飽飽的下午茶,抵食!

承蒙朋友G給了我一張吉野家的免費餐券，可在任何一間吉野家換取一客溫泉玉子牛丼套餐（價值$36），在此先謝過G兄。所以，第一時間用了它。以免費餐券換了一份溫泉玉子牛丼套餐，再自費買了一份野菜煎雞飯餐（$31），拿回家與家人吃，今晚就躲一躲懶，不燒菜煮飯。溫泉玉子牛丼外賣時，溫泉蛋是原隻沒有剝殼的，回家要自行小心翼翼去剝殼，否則用力過度把蛋破開就未能擺出一隻完整的溫泉蛋了。套餐包汽水或麵豉湯，我揀來麵豉湯，可惜過鹹了。而溫泉蛋果真的做到「僅熟」，蛋白還帶有少許蛋白流液，內裡的蛋黃在搖搖晃晃，一破開蛋黃就如流心般湧出，將牛肉和蛋漿調勻，令牛肉吃起來感覺更滑嫩。野菜煎雞飯餐，野菜是一些椰菜花、西蘭花、甘筍，配以照燒汁煎雞扒，味道也不錯的，雞扒煎得不是太肥膩，倒有點肉嫩。不要見它的包裝上層是餸料，下層才是飯，好像不多，但吃起來珍珠米也不少，飯粒飽滿分明。

突然早上想吃吉野家,剛好媽媽出去順路買個野菜煎雞米粉給我做早餐。外賣回到家,米粉已把湯索得七七八八了,看上去湯底像清水,味道很淡野菜是指西蘭花,紅夢拔,豆角,份量很少煎雞十分乾身,配另上的雞汁,味道不錯,但口感差點熱咖啡是用優惠卷,故不用多加$2這份餐售$16.5(不計咖啡)雖然食物質素一般,但薑片任拎,雞汁牛汁可以另上這個價錢不能太多要求,不過下次吃吉野家還是要牛肉飯好了

在吉野家排隊準備食下午茶的時候, 剛巧排前面的男仕叫了新推出的番茄牛丼. 在好奇心的驅使下也跟著叫了一客一探究竟.番茄牛丼是在平日的牛丼面上加上了番茄汁, 當中由番茄粒和蘑菇組成, 另有少許芝士粉在面. 把番茄汁和牛肉飯撈混來吃, 有點似平時茄牛飯的味道. 番茄的酸味中和了牛肉的肥膩感, 整體的感覺還是不錯的.

之前食過一次牛肉飯, 有洗潔精味....但我, 居然重蹈覆徹...再黎呢間吉野家...今次食我最愛的三文魚蟹子飯d飯煮到一pat pat, 痴住晒help!!!好難食d味同其他分店完全唔同!!!不能形容的怪同樣的錯誤我不能犯第3次!