吉野家 (奧海城一期)

Open Now

Now Closed

朝早去到奧海城做野趁時間仲早，去吉野家食個早餐試下用手機落單慢慢睇個menu發現原來佢哋有好多服務白飯多飯，凍飲走冰等等唔在講原來雞扒走皮都可以😳嘩就試吓點個雞飯試吓啦✨野菜煎雞飯（中）🍚🐔點咗走雞皮，真係有做叫多飯真係有多白飯都壓得好實雞扒斬件，都算大舊冇肥膏，啖啖肉✨炒蛋腸仔 （+$5）🍳🥓腸仔唔油膩炒蛋好滑，唔會炒得好硬✨細關東煮 （+$6）🍲獅子狗唔會煮到霉哂蘿蔔煮到好淋✨凍咖啡走甜走奶少冰（+3）🧋走甜少冰全部做齊咖啡仲好大杯飲完一肚水咁整體而言用餐經驗良好餐廳環境整潔套餐性價比高$43 一個早餐有咁多野食，性價比高🤟🏻會繼續幫襯🥳

今天晚上差不多9時在app點的外賣，一個牛肉煎雞雙拼丼（大）套餐，還真好意思加上「大」字，雖然沒有照片，但我數過只有四片薄肥牛和四件被切開的雞肉，超級少的！！！菜也是只有極少量，而且明明我在app裏是選了「多飯」的，結果打開來看飯量甚至比平時堂食更少，真過份！！！😤😤😤要知道最近港人北上消費已成風氣，吉野家若再給出這種水準的餐食，就不要怨為什麼客人越來越少了！！！☹️☹️

今天中午，我走了去吉野家午飯；因為有很多客人，我便買了牛肉飯外賣回家吃。洋蔥牛肉飯，好味濃郁。洋蔥炒香，牛肉嫩滑，入口香氣四溢。香噴噴的米飯與醬汁完美結合，讓人回味無窮。

今日lunch諗住去呢度買個外賣，等左半個鐘頭，到底佢廚房有無人？眼見等既人排晒隊，好心無人就咪學人開鋪啦，啲阿姐又串，叫佢比包薑好似殺左佢全家咁，無下次唔該。

星期日既下午兩點幾黎到，人多到不得之了，我哋今次一行三人，咁我當然一馬當先去搵位先啦，見有兩張卡枱睇落都食到八八九九，但可惜有個阿婆食飽之後仲要睇聖經，睇到我食飽佢都未睇完😴😴叫左兩個牛肉飯同一個牛肉烏冬加三串金菇肥牛卷牛肉飯既牛肉唔會好肥，加左牛肉汁同加左子薑，好食，個金菇牛肉卷配埋個汁都好食牛肉烏冬湯夠熱，烏冬又夠煙韌，唔錯唔錯👍🏻野飲方面，我哋三個都係叫鮮檸茶就知道好味啦，不二之選，佢又同平時茶餐廳唔同既，但總之就係好飲好清新既感覺🥰😋

吃到一半才想起拍照📷由於現在天氣實在太炎熱🥵根本不想跑到太遠的地方用餐所以在附近的屋苑範圍內的商場到處逛逛奧海城一期商場內有一間吉野家剛好是下午茶時段，兩點至六點是下午茶時段我到達的時候還有座位，我很久沒有吃了所以就試試看很久沒有吃過吉野家了一直都很喜歡吃烏冬的我每一次到吉野家總是叫他的牛肉烏冬他的烏冬 質地彈牙 湯底夠熱加上很多昆布和海帶 洋蔥🧅下午茶時段的價錢是$32 牛肉烏冬，這個價錢已經包括了熱茶，如果想轉圍飲百事可樂需要加兩蚊，以前吃的時候總覺得好像味道沒有太好吃，直至有一個同事教我，叫一碗牛汁，加上辣椒片再牛肉汁內，再把烏冬夾在小碗內進食，的確味道昇華很多，另外追加金菇菜牛肉小吃需要加$12，他的金菇菜牛肉卷的確很好吃一共有三舊，另外朋友就叫牛肉飯，$27元，轉為凍檸檬茶需要加$3加上牛肉汁之後味道也不錯， 個人認為如果吃野加不叫牛肉汁，根本就不夠好吃

疫情 之前 都幾鍾意食吉野家嘅返去平平都有一餐又係日本嘢不過呢間都真係幾多人 今日見到好多人好多位唔使等位呀有得坐呀 最鍾意可以攞去過牛肉汁撈飯其實30蚊有個飯不過兩片牛肉都唔係幾抵 要食鮑魚帶個大盛大碗牛肉飯先得 有啲轉烏冬都好食呀有個鰹魚汁湯底 先得不過好似麥當勞咁可以坐好耐囉

今日食早餐，去咗吉野家外賣左沙嗲牛肉湯米粉配炒蛋同埋熱奶茶，$33。一個碗就裝住沙嗲醬同埋湯米粉，另一個碗就裝住牛肉。D沙嗲醬比較少，同埋個湯本身唔係牛肉湯，似清湯，所以成個湯都比較淡味。相比之下，另一個碗裝住嘅牛肉就比較鹹。另外，個炒蛋都OK唔會好油膩，但就唔夠熱。杯熱奶茶都拍得住茶餐廳嘅水準，唔會太澀或者太苦。吉野家既早餐可以話係飽肚之選😀

想快快脆脆買個晏晝外賣黎食，於是就嚟咗吉野家。一黎貪佢夠快，二黎見到而家做緊優惠，只係$32就有一個野菜牛肉飯，梗係試試佢。其實連鎖餐廳嘅嘢食全部味道都做得差唔多，所以我覺得呢個野菜牛肉飯都冇啲乜嘢特別。都係一貫嘅肥牛洋蔥加埋一啲擺到明就係雪藏嘅野菜即係紅蘿蔔青豆同白色西蘭花。其實啲野菜就咁白烚，味道真係好一般，唔會有啲乜嘢特別。不過好彩佢都烚得幾稔，好容易入口如果唔係又硬又無冇味就真係好難食啦。不過佢呢個套餐包埋嘢飲而且確係窮人恩物，冇錢就唔好要求咁多啦。

叫左個特盛玉子牛肉飯配綠茶，拎外賣時我又冇睇清楚，拎左就走. 點知原來佢冇比到綠茶我，都算喇. 一返到屋企，打開我以為係裝住溫泉蛋嘅杯仔，點知係汁！嗰一刻嬲到我呀！😡😡😡比多左錢，就係要隻蛋，但比鬼錯我！原本打算行返去換返，但又唔舒服，所以廢時行. 下次買外賣真係要check 清楚！😡😡

吉野家在日本引入的牛肉飯專門店，估唔到已經淪為劣食的代表。呢間連鎖式快餐店在極度本土化之下已變為「拾下拾下」的打邊爐場所，而招牌的牛肉質素每況愈下，達到慘不忍睹的程度。事緣於今日獨自來個Quick lunch，在沒有太多選擇，也沒有抱著任何期望的情況下走進這家剛裝修過的吉野家，裝修過後坐位不見得比以前舒適，只是由原來「露天」的坐位增加了半個假天花板，令原來已很嘈的餐廳變得更加「應聲」。牛肉拼雞扒飯（$50.5）牛肉已經夠薄，卷埋一舊，而且份量少得可憐，極力掩飾之下僅僅可以遮蓋飯面。雞扒原來很大塊，被阿姐無情地斬去三分之一，個飯咁大根本唔夠餸，以後咪洗再幫襯！

今日 去奧海城 做野忙左一朝 終於食到野落肚因為一支公關係 只好拿走 排隊條人龍 好長 有25-30人當中不乏放學學生 銀行工作人員 因為係lunch hour係十分多人的我返到去 都已經無左30 mins今次order 左大玉子野菜牛肉飯果然for我啱啱好 可能太餓關係 好好味d野菜 牛肉都剛剛好good!

今日有事忙，下午四時還沒有吃午飯，於是去吉野家簡單吃點東西。餐廳易搵位，假日都沒有滿座，可能是下午茶時間啦，沒有太多人。有$20的下午茶餐，有迷你牛肉飯餐或迷你烏冬餐，都是$20。價錢十分吸引。我選了迷你烏冬餐，套餐配有奶油脆豬，胡麻豆腐及日本茶。烏冬口感不過不失，軟硬尚算適中，但湯嫌太淡味，豬骨味不夠濃郁，好彩粟米粒較多。奶油脆豬只有煉奶提供，沒有牛油。豆腐係凍食，醬汁夠多，幾好食。我想我下次還是選擇迷你牛肉飯餐，應會比烏冬餐好。

太耐無食吉野家邊爐，今日係奧海城行完街，咁岩經過見到，心血來潮就入去食了睇到menu 上得一款 芝士竹輪火鍋，可配肥牛或者雞，咁我當然揀左肥牛。另外可配白飯，烏冬，出前一丁。隱約記得呢度既芝士竹輪係勁好食，所以好期待，但整份成個火鍋配料既份量係少左，以為既芝士竹輪係有四粒，而家得返三粒。肥牛雪到勁硬，一塊塊冰咁，夾都夾唔到，要等好耐先溶雪，食落真係普通，千祈唔好有咁高要求。我額外再加午餐肉同埋響鈴，響鈴得咁細舊，好唔抵

吉野家牛肉飯一向係囡囡既 favorite ， 我自己就一般啦， 所以只會在weekend 或假期同佢地食。今日攞假同佢地去 super park 玩，中午黎到奧海城吉野家食 lunch ， 原來有學生餐， $29 一個細飯加野飲。加$4可轉大飯。款式除左日式牛肉，野菜煎雞飯，仲有咖哩牛肉，串燒都有。學生哥有口福啦！😉另外，吉野家而家都有 apps，成功 download 及登記，會有coupons。如細牛肉飯加汽水只需$19，好抵呀！👍