御和亭日本料理

Open Now

Now Closed

大埔要搵高質日本餐廳真係唔多，哩間朋友極力推介，就來試下晚餐。6點walking就唔洗等位，不過因為地方唔大，有d檯都book咗位，所以要個半鐘交檯。食物質素有水準，服務同環境就一般啦，夜晚價錢比較貴，聽聞午餐會抵吃好多。

屋企人生日，但又唔想出到去港島區咁遠食，就決定嚟呢間食生日飯。又估佢唔到呢個價錢又食到好嘢喎！食左幾種唔同既菜色，以下係我覺得值得推介係以下食品👍🏻📍火炙三文魚腩壽司入口即溶，超好味❤️當場忍唔住食完立即再嗌🤣📍牛油果軟殼蟹卷軟殼蟹非常香脆，配上牛油果，口感變得多層化，很特別。📍饅魚飯細個食過一次唔好食，之後就無再食。今次決定再挑戰多一次，估唔到原來饅魚飯係幾好食，而且唔會腥，啲醬汁甜甜地幾易入口。

離開大埔多年，但仍有些朋友住大埔。今晚便一起去搵食！太和食店其實好多，各式各樣菜式都有。今晚光顧一間平時常常滿座的日本料理店。今晚比較人少，一來因為比較夜，另一方面黨鐵收十點間按令市面靜哂 很有mood去飯聚確實不是，但和朋友們做完正經事也是要醫肚的。人最基本需要就是要果腹，而今晚比果腹多少少：食餐好來善待自己。是晚點了：牛肉鍋：多牛+鮮嫩+熱辣辣。九件set壽司：件件都大件新鮮，當然無我朋友害怕的魚腥味啦！太好味！軟殼蟹天婦羅：脆+熱+多，真係不得了地好味！ 炸得新鮮剛剛好的感覺！ perfect芝麻雞翼：香口熱製，肉質鮮嫩和牛排：鮮嫩鮮味到不得之了！ 究竟我今篇分享用了多少個“鮮”字？實在太好味！ 用料足、食材新鮮、煮得留有鮮味又剛剛好 推薦推薦飽吃一頓，身心滿足

御和亭呢間日本定食都真係大件夾抵食! 佢平過隔離德美但係又要好食過隔離!真係好難得!今次黎食淨係影左前菜竟然完全唔記得左影主菜!!!!!!!!!!!!!!!!!------------------------------前菜既蒸蛋、沙律同埋湯~蒸蛋新鮮蒸出熱辣辣!!!!!!!!!!!!沙律新鮮爽口~湯就正正常常唔會太咸~------------------------------主菜既就叫左御和亭定食!仲有隻大大既蝦!!!!!!!!!! 其實魚生都係角切! 好新鮮又抵食!!!!!!!!!!!!!!!!!!!!!!!!!!!!!! 正!!!!

我全家都最喜歡幫襯佢，中午尤其抵食媽咪經常推介和牛套餐好似上左癮咁，個個禮拜都要去食。 可惜目前為止，本人都未曾試過，因為好難夾到時間。不過晚餐都唔失禮，雖然比午餐貴少少，但相比出面九龍港島， 性價比超高。 今晚再次光顧，叫左一客北寄貝壽司，同埋炙燒左口邊壽司， 激讚係後者，超香鮮味。 高度推介 黑松露帶子炒飯，份量足夠4位女士，極之抵食，只需88蚊，黑松露香噴噴，炒得乾身。 另外，每次去都必食鹽燒雞翼，色香味俱備， 一人都可以食三隻。因為掛住食，冇影到炒飯同壽司😅

成日經過呢間鋪頭，都發現呢間成日大排長龍，今日見我地晏左出黎，見到冇乜人等位，所以都試下呢間呢度有lunch set價錢由大約60-100左右不等，但每個set lunch都有豐富既野食跟：沙律🥗、前菜一小碟、麵豉湯🥣、蒸茶碗，都十分抵食。🌟蒸茶碗可能佢地都整定好多個，所以食落去唔夠熱，同埋唔夠滑溜，有代改善。😌🌟天婦羅餐🍤賣相、份量都算唔錯，有炸蝦🍤、1件茄子🍆、蕃薯🍠、秋葵、魚🐟，真係好豐富，炸粉都拿捏得相當好，唔會有太多炸漿。不過，不得不說的就係炸魚未能癖腥，食落去一陣腥味，如果癖腥功夫做得好，再加檸檬🍋配襯，我相信會更加好🌟牛舌餐我朋友仔就點左呢個，牛舌份量都好多，中間仲有一隻溫泉蛋，賣相唔錯。牛舌口感好好，唯就係飯裡面冇汁，食落去有點乾總結，呢間鋪頭係好抵食，因為價錢算相宜，份量又好足。不過，個人認為味道一般，只係覺得係抵食之選。

喺大埔搵食真係有好多地方可以揀，近期日本🇯🇵嘢都唔少選擇，呢間都算係比較平民化嘅居酒屋🏮，服務態度友善，而且食物總類都多，份量亦頗為大😌.🇯🇵蟹耔沙律🥗。一大碗沙律菜上面鋪滿青瓜蟹柳蟹耔好抵食😌.🇯🇵鹽燒雞翼串🐓。一碟有三隻，燒得夠乾身又脆口☺️.🇯🇵牛油果🥑軟殼蟹卷🦀。沒想到牛油果🥑竟然如此多，是反卷嘅效果，真係好重本🤭.🇯🇵壽司🍣拼盤。製作未算太凸出，味道一般水準，用料算是新鮮🤔.🇯🇵炸墨魚軟骨🐙。好少日本餐廳有得食，唔知係咪食材偏貴，炸得好透，熱辣辣佐酒一流呀☺️

有機會泥到大埔工作，經朋友介紹下，去左一間日本野食Lunch。 餐廳不算大，但午飯時間就一定會爆，所以最好去之前book 定位。如果你得兩三個人，都可嘗試walk in, 碰下運氣。Lunch set 餐牌有分熟食同魚生，而且價錢合理。每個lunch set 都有附上前菜，沙律，蒸蛋同湯。 特別要一提既係個蒸蛋，很滑很香。極上魚生丼御膳，飯不多，但魚生很多。 如果唔夠飯的話，可以同待應多飯or 加飯。價錢 HK$110特上什錦壽司御膳，由師傅發板。

話說今日來到大埔出job 同事fd介紹來食呢間。佢哋成日都話想食 但都就唔到時間 or 太多人排隊食唔到。今次咁啱齊曬腳 當然就要試下啦～前菜係熟蛋撈木耳～沙律居然有水果 平時食嘅日本餐都唔見有😂特別要提嘅係呢個蒸蛋 真心出色💕一開始fd以為蒸蛋改咗 居然尖叫。我地仲心諗 使唔使咁誇張 有冇咁好食呀🤣 但試咗之後 覺得 蒸蛋真係重點 入邊有居然蟹柳 同埋d蛋好嫩～😋 認真好味！估唔到呢個價錢嘅壽司🍣 係咁高質好味👍 d魚生好大件好新鮮。一啖都咬唔曬 分兩啖先得～ 而且先九十蚊冇加一 認真抵到爛～ 朋友係呢個餐 如果覺得太少 可以加魚生飯～

大埔人對呢間日本野一啲都唔陌生因為出名高質抵食所以放假就帶男朋友嚟試下佢啦星期日大概1點左右到 都要等4個字左右先可以座等位途中無野做 就睇下餐牌揀定食咩啦款式好多 筆者成日都好想試下啲熟食不過最後都係會受唔住魚生嘅誘惑hahaha✨前菜前菜就無咩特別 都係一般日本餐廳會提供嘅野啦✨赤海老什錦刺身御膳 $112一隻蝦加五款魚生 全部都厚切好吸引不過咁所有魚類都無乜鮮味 淨係得個厚字味道上係令人有啲失望嘅✨極上魚生丼御膳 $110呢個鮮味度比刺生御膳好 不過份量就少啲雖則比較上好 但鮮味度老實講都係不足埋單$222 以呢個份量嚟講其實真係抵不過抵還抵 都對個質素有要求如果魚生啲鮮味再強啲就好喇雖然有啲失望 但筆者下次都想試下佢啲熟食便當😉

今日天氣唔錯😚😚😚😚加上又放假可以去放鬆下😂😂😂😂所以即時諗到去食魚生丼，係御和亭食開，出到去真係食唔番咁既價錢有咁好既質素😋😋😋😋我差唔多次次都叫魚生丼食，今次亦都冇令我失望😁😁😁，每次我都叫多飯加上佢大大件既魚生，係出面呢個價錢，得d魚生碎俾你食，呢度就唔同喇😍😍😍師傅非常捨得，個飯都係值得介紹😜😜因為個重點係佢唔熱，同有芝麻係面，再加麻豉油同芥辣😏😏簡直係好食到停唔到口，再加埋好新鮮既魚生，真係一絕

御和亭係我大埔最愛餐廳之一 😍😍 ! 因為佢好食同性價比超高 !!午餐同晚餐都食過 , 午餐 Lunch set 係無得輸 ! (晚餐都唔差嫁 😊 , 價錢合理 !) 先講講排隊午市係無得訂位 , 只可以 walk-in / 拎飛 御和亭中午 12 點開門 , 每次星期六、日去 , ~ 11:30 am 就有人開始排隊 , 一開門就會坐滿 🤓如果唔想等咁耐或者想一開門就食 , 最好係 11:40 am 前去到排隊Lunch peak hour 大概要等 45 - 60 分鍾 ~ 餐牌 :午餐好多選擇 , 包括刺身 , 壽司 , 爐煓燒 , 和食名烏冬 , 一定揀到心水 ~除左刺物同壽司 , 都有好多人叫燒牛仔骨 ~御膳會有麵鼓湯 , 蒸蛋 , 沙律 , 仲有醃黃蘿蔔 , 不過我地唔食 所以無要到 , 廢時浪費食物 ~質素唔錯 , 足料 ! 呢度個蒸蛋會加埋鮮百合 ~ 😋😋赤海老什錦刺身御膳 ($112)d 刺身件件都係厚切 !! 海老亦超大隻 !! 全部都好新鮮 !!個飯可以免費轉壽司飯 , 落單時記住同店員講 ~女仔未必食得曬 , 男仔食完會好飽 ~ 真係好抵食 !!! 特上什錦壽司

同朋友去咗御和亭食lunch, 呢度中午多人，大概等咗10分鐘才有位。叫咗鰻魚飯set, 非常豐富。有沙律，麵豉湯，蒸蛋，同主角鰻魚飯。蒸蛋軟綿綿，入味。鰻魚飯好味道，兼份量十足，食完應該肥咗幾磅，哈哈

依間日本餐廳，係同閏蜜談心好地方，從來無好急趕限時，可以傾到佢收舖鹽燒牛舌 $68每次必點，好軟淋淋👍🏻👍🏻👍🏻黑松露鮮帶子沙律 $68佢自己調個沙律汁，好特別，值得試試海葡萄 ，有個柚子汁可以點，好爽口，好健康廣島生蠔 $100/3隻好creamy, 好鮮甜，100 蚊有三隻，好抵🤤豐盛海膽手卷 $80 ，啖啖海膽🤩加州手卷 $29，啲料都好足炸雞軟骨 $40，有粒青檸檬比你唧，好香口，好多粒，一路吹水一路食甜蝦壽司 $39 - 好肥好味帶子壽司 $50 - OK鵝肝壽司 $88 - 好香，燒到個表面脆脆地🤤

嚟開大埔，突然想食日本嘢，睇過吓食評之後，決定嚟呢間試下。睇完餐牌，好多嘢都想試，叫咗以下5樣。先嚟御和亭壽司8件，食材都好新鮮，值$140呢個價錢。蛋捲夠熱，味道唔鹹，好食。烏冬窩，好普通，冇乜特別。天婦羅，賣相唔錯，見到其他枱既人都有叫，所以試下，不過啲蝦無味。。。。燒牛脷，最好味係呢碟，夠熱，即燒，必叫。總括來說，食味既質素值呢個價錢，會再幫襯。服務方面，有位姐姐又唔用紙寫低我哋叫咩，覆單號嘅時候又覆錯，之後同一位姐姐又倒瀉啲嘢落個客度。