御和亭日本料理

Open Now

Now Closed

雖然依間已經介紹過 不過以下依個餐我都係第一次食😋 赤海老什錦刺身御膳 | $108 午市免加一附蒸蛋、沙律、湯、飯刺身組合包括五款魚同一隻蝦～ 魚既款式係廚師決定的 所以下次可能又會唔同🧐 今次有兩款白身魚、三文魚、帶子、蝦... 最驚喜係有一片吞拿魚中脂🤤 而且舊舊都好厚切 又新鮮😍 啲餸既份量同飯係一比一咁滯 所以真係好足料✌🏻☺️ 不過個款式就冇另一個極上丼咁特別 有海膽、吞拿魚蓉、蝦膠等～ 不過點都好 依間餐廳係好值得推薦既🤗🤓🤓 價值合理 質素好好😋 而lunch就比較抵食 連附果個蒸蛋亦好高質😎 晚餐就會係單點 冇set 不過都唔係好貴的🙂

Since its opening back in 2015, it has always been my favourite Japanese restaurant in HK. Yes, I have tried much better sashimi and sushi in town, but the money I pay is probably 10 times more than here. The price, the plating and the taste make this Japanese restaurant being always on top of my list! Their lunch sets are very reasonably priced but they do not compromise with the quality! Its has a decor with traditional Japanese style with bar seats which you could chat with the friendly chef

同同事farewell，想食好d，揀左大埔翠和里嘅御和亭，要大枱雖然book左位都要等。一人叫一個餐食，我叫左個魚生飯Lunch set有個細細沙律，配芝麻醬，好味！仲有個茶碗蒸蛋，時間剛剛好夠滑好正我個魚生飯有帶子同三文魚，睇下幾厚！食落好肥美，非常滿足呀！

食完真係忍唔住要影番個吉碗，實在太好味，好令人回味嘅燒和牛丼牛肉油香滿溢，牛油肉汁流哂去啲飯到，完全係精華所在，我一定會再去囉，定食$118包沙律，漬物，麵豉湯同蒸蛋，值哂啦

想喺御和亭食lunch最好預早book位，因為次次想食嘅時候，門外都排哂隊，想食都無得食。今次幸運地book到枱食飯😋。之前已經嚟過幾次食魚生飯，質素都好高，但天氣凍凍地又想暖下肚，所以今次揀個熱食先！🔹海鹽燒鯖魚御膳 $68一個午市包埋前菜、沙律、蒸蛋、湯同飯。蒸蛋好滑，而且入面有蟹柳、鳴門卷、蘑菇，材料幾足。鯖魚燒得好靚，皮薄咬落去卜卜聲，魚肉好厚身，油脂分佈剛剛好，juicy得嚟唔會好肥膩！日本餐廳食鯖魚飯真係無得輸😋一啖魚肉一啖飯，正。📍御和亭日本料理大埔翠和里1號永發樓B座地下．．環境分數：8/10食物分數：8.5/10Encore分數：8.5/10

呢間餐廳聽聞係好多人食，難得有同事book左位，緊係要去試下啦！以Lunch黎講，佢都算有好多選擇！來定食，有丼，有烏冬而且佢既Lunch仲會有前菜，有沙律，蒸蛋同麵豉湯呀！真係就咁都已經好豐富！極上魚生丼御膳 (Lunch: $108)呢個魚生丼既魚生真係好吸引！有金鎗魚腩，碎甘海老，海膽，帶子，三文魚籽，呢D都係我至愛呀D魚生真係好新鮮，同埋份量都真係唔少呀今次食呢個真係食魚生食到飽，食哂D魚生都仲有D飯，真係好抵食呢個係同事既壽司set，賣相都好吸引一定要再去試佢其他set

四個女人一個墟，多數女人都鍾意食日本野，所以一早book左呢間好多好評既日本料理，四個女人都食得好開心好滿足。蟹籽沙律，正正常常，青瓜絲同沙律菜都新鮮爽脆。日本蕃薯天婦羅，整得唔錯，薄薄一層天婦羅粉漿好脆身唔會太油膩。鹽燒牛舌，大大件厚切，爽口彈牙，正。雞翼，燒到外皮脆，雞肉嫩滑，好香好味。燒鯖魚，燒到外皮脆，魚肉嫩滑厚身，好香好味。牛油果軟殼蟹卷，軟殼蟹熱辣辣即叫即炸，配埋牛油果好夾。油甘魚壽司同帶子壽司都好新鮮，魚生仲要厚切，食落口真係好豐富好滿足。炙燒左口魚壽司，左口魚本身都好重油脂，炙燒過既左口魚仲多左份油香味，好正。極尚魚生丼唔係普通既魚生飯，入面有蝦蓉、吞拿魚蓉、大大粒魚籽、帶子同海膽，份量足又鮮甜新鮮。總括黎講，餐廳環境都幾好，感覺好舒服，食物質素好好，好高質，食魚生最緊要係新鮮，雖然晚餐比較貴，但下次有機會都會再去食。

生日月份就係食生日飯既時間🎂可能我真係太耐無係大埔食飯原來自己屋企附近已經佈滿具質素既餐廳今日黎到一間日式小店相信對大埔人黎講都唔會陌生友人叫左一客汁燒黑牛玉子飯 $128和牛油脂分佈適中燒得剛剛熟食落油而不膩我就叫左一客一人樣刺身會席 $168前菜刺身主食樣樣齊刺身同金槍魚腩飯都算新鮮不得不提跟餐果個海鮮土瓶湯用上海蝦元貝等海鮮熬煮飲用時配上數滴青檸汁將個湯既鮮味提升大大加分非常滿意既一餐👍👍👍 御和亭日本料理地址: 大埔翠和里1號永發樓B座地下電話: 26825425小編介紹：我叫亞坤新手食評家鍾意煮好野 食好野如果你都係愛吃之人可以follow我既IG同Facebook會有更多既飲食資訊IG: marquezkitchenFacebook: Marquez Au Yeung 亞坤廚房

同事仔食過話好新鮮，食物質素不錯，即管同老公試試！溫室蕃茄沙律，都幾多份量，蕃茄都幾新鮮！時令原條秋刀魚，好正呀！好新鮮同好肥美！御八貫尋司，件件都正斗，仲有件拖羅添另叫一客燒雞皮同汁燒雞肝，雞皮好香脆，雞肝就...環境就其實唔算華麗，同埋繁忙時段座位都超迫，需要搭枱後來都頂唔順要求轉枱，因為大家都會叫好多野食整體今次晚餐都算好ok~唯獨個別嘅侍應喺我埋單時啲態度有啲奇怪之外（可以講係無乜禮貌），要保持心境開朗，唯有睇開啲食物方面都值得推介的

今次是第二次光顧這家日本料理，第一次我們四個人因為不知道什麼是該店的主打菜，所以每樣都點了一點：包括魚生，天婦羅，串燒及熟食！所有的食物都不錯，味道很好，但是可惜大家不熟悉菜單，只能很片面品嚐一下！今天是第二次再來，所以我們都點了心目中最想吃的菜：魚子沙律；大及中拖羅；秋刀魚（最合時）；生蠔；北極貝；牡丹蝦等，另外再加串燒雞軟骨及鰻魚炒飯。每樣食物都非常好吃，而且價錢也非常合理，值得推荐！另外店内所有的服務員（侍應）都非常專業介绍莱式及態度殷勤！晚餐無論食物品質及服務都很滿意！非常開心！一定會再去光顧。

同事由學電單車, 筆試, 再重考路試, 真的用左兩年時間準備及完成。 到今天佢考完, Passed 真的鬆了一口氣, 開心到飛起。 叫請食飯的, 一定唔會托手踭；一行幾人就去左食御品亭, 感覺自己近來,有食神駕到,好有食福而家食lunch, 真的不能再克制自己了, 要盡情地食的開心及寫意了。炒烏冬$70, 同事一口食的, 食完了, 話好好味什錦天婦羅湯烏冬 $75 : 本人覺得個粉漿一般, 所以口感好油, 味道就正常了, 不能說好好味。御和亭魚生丼御膳$70 : 買賞&味道跑出了。和風牛肉御膳$70 : 又係買賞及味道勝出了。什菜牛肉烏冬$70： 清湯底食得很健康。 總括而言，我們覺得下次會再來，想食日本菜的，是不錯的選擇。

每次同honey星期六日lunch 時段過黎，幾乎冇一次係唔洗排隊的...雖然未至於要等好耐，每次大約等15-45分鐘不等。難得honey 今日12點左右就黎到，一於碰碰運氣先。結果好好彩咁俾我地拎到最後一張枱😍。（明明御和亭12點先開，我都只係拎到最後一張枱，唔通d 人等佢開門既！？）一落好單，店員即送上跟餐前菜，沙律，蒸蛋，麵豉湯。沙律好新鮮，連隻碗都是凍的，雖然一定係雪櫃拎出黎既，但keep 得好好，客人一點完菜就即刻有野食。好貼心❤️蒸蛋都好好味。有層微鹹既sauce 係上面，同本來淡淡地既蒸蛋混和，味道特別得黎幾好食。蒸蛋入面仲有菇，瑤柱，日式魚旦，少量粉絲，好足料！我點左「御和亭魚生丼御膳」。一如既往，超多魚生！我個人覺得御和亭有一樣做得比其他日本餐廳好，就係處理隻蝦。廚師係會「劏」開隻蝦，比你見到佢已經幫你處理左條蝦腸，等你可以安心食。值得一讚魚生又新鮮又大舊，有三文魚，八爪魚，油甘魚，一大隻蝦。魚生份量比起鋪係下面既飯仲要多，食得好開心黎呢度食，先會有食晒飯而仲有魚生食既情況Honey 就點左「鰻蒲燒御膳」。鰻魚燒得好靚，皮層香脆，仲好大塊好多魚肉，絕對唔係一般係超市見到

呢日突然想食壽司就黎左太和呢度食御和亭~ 由於係突然想食, 係去緊既途中就打定電話訂位費事一陣冇位有排等~御和亭午市分左兩個主要時段, 分別係12-1點, 1點打後book 12:30 職員會話交枱時間係1:00, 想食既話呢度要留意既~每個餐都會配沙律,蒸蛋同麵豉湯~ 我地嗌左極尚魚生丼同埋御和亭御膳~御和亭御膳有各樣角切魚生, 包括三文魚同帶子~雖然話就話係角切, 但係每粒都勁大粒而且食得出好新鮮$70好抵食!至於極尚魚生丼入面有吞拿魚容同蝦容, 個蝦容都好有驚喜!前菜之一既蒸蛋亦都非常有蛋味, 食完之後都唔怪得知每次黎都咁多人等位所以一係早D到, 一係要book 枱, 因為間鋪既坐位唔多, 可以容納約20-30人~

話說，無論午市晚市，成日路過都見到呢間日本料理門口排哂長龍，作為大埔友，又點會唔去試下丫🤭終於，我同老公喺7日內試哂午餐同晚餐😆先講午餐，佢有d超值嘅set lunch，So sorry that我忘了影餐牌🤷🏻‍♀️我同老公叫了一樣的壽司定食😅前菜包呢d：個蒸蛋好香好滑！麵豉湯唔算太咸，無啦啦有兩舊火龍果，無唸過🤭到主菜喇，八大件壽司加二件卷物！每件片魚生都又厚又大件！$88 此set lunch唔洗加一堅超值👍🏻其實喺食呢個lunch set前幾日，我地已經去左初嘗晚餐😂不過晚餐就比較貴咯，埋單$7xx食呢d：超正嘅刺身拼盤😋每件都好鬼鮮甜～海膽軍艦🤤呢個係⋯⋯🤔鹽燒魚腩？好香脆好惹味的👍🏻蠳花蝦雜菜餅🤭一般，非太啱心水。黑松露帶子炒飯！好香好夠味👍🏻而且超大碟同午市一樣的壽司定食😅唯一唔同嘅係⋯⋯晚市食貴三倍🤦🏻‍♀️所以結論係，我地以後只會捨得黎食lunch🤣

禦和亭一直係我嘅至愛 我是不是都會去食特別係午餐 御和亭嘅午餐性價比超級高 我平時就食開圖中所見嘅三色魚生飯 呢碗色魚生飯雖然近來加咗價 但都只係七十蚊 魚生新鮮肥美鮮味足夠 而且分量超級多魚生嘅份量可以多到食曬啲飯 都未食完啲魚生 而且飯本身都有製過有味道 除咗魚生飯本身之外午餐中附送沙律前菜麵豉湯同埋燉蛋 絕對可以滿足大家各樣嘅需求不過禦和亭質素太高喇所以成日要等位如果大家都想食 的話就要預早嚟等位 又或者揀冇咁繁忙嘅時間先嚟食如果唔係會等好耐