御和亭日本料理

Open Now

Now Closed

美食係最好既心靈治療, 我今日就黎左呢度進行日式療程。😎😎😎太陽正盛🌞🌞既週末下午1點⛱, 猛烈既陽光令人完全感受到盛夏既狂熱🔥🔥🔥。夏天正好係吃冰涼食材既季節🎏🎏🎐,  這間位於大埔既御和亭, 午市定食有刺身, 熟食, 爐端燒⋯🍣🍱🍢可惜餐牌通通都沒有相, 所以如果完全沒有偏好既朋友仔, 只能靠文字想像點餐咯。 🈚️🉑🈶而對於我, 最愛一定係刺身, 所以即使這裡選擇頗多,  但我仍然二話不說點了個赤海蝦+5色刺身定食。 厚切刺身+肥美赤海蝦非常厚切既劍魚腩, 可惜筋比較多😅刺身定食有前菜、麵豉湯、蒸蛋、沙律🥗和白飯如果喜歡嘗新又怕中伏既朋友仔, 御和亭午市係一個較好既選擇, 因為這裡晚餐是沒有定食的，而且選擇少。午市定食則可以以較低價錢, 品嚐到多種款式既食物, 細味食物質素之餘，感受餐廳既環境服務,  以後才決定要不要回頭。唔好食既1次都嫌多🙅🏼🙅🏼🙅🏼🙅🏼🙅🏼🙅🏼🙅🏼而整體來說, 御和亭質素不錯, 留意返～午市仲免收加一添🚫🚫, 記得喇～～～👍🏻👍🏻👍🏻🤗🤗🤗

又到每星期同老公拍拖食飯的日子，呢個星期氣溫急升，好似仲係好幾年來最早發出酷熱警告的五月，天氣咁熱，老公問我想食咩菜時，好肯肯定揀日本菜啦！想起大埔太和難墟有間日本菜未試過，於是決定試試佢，果然無令我地失望呢間日本菜主要係a la carte, 魚生，壽司，煮物，基本嘅都有提供，好在都有兩個set dinner,由於第一次幫襯，小試牛刀叫左兩個set dinner, 一個主菜係一夜燒，另一個係吞拿魚茸魚生飯。前菜係芥辣墨魚仔，好食，酸酸地好醒胃，另一碟係大大舊三文魚同劍魚魚生，賣相一流可惜唔夠新鮮，再黎就係主菜一夜燒，份量剛剛好，夠juicy, 當然唔能夠比美盧覓雪介紹過的台灣燒烤店吳留手嘅出品，但呢個價錢有咁嘅質量我確實係有點意外另一個係吞拿魚茸魚生飯，新鮮，份量正常，吞拿魚茸係老公至愛系列之一，佢食左好多！後來跟餐送上兩個湯，賣相精緻，用個茶壺上？！打開茶壺見到有隻細細嘅元貝仔，加埋蟹柳等製成品，心諗都係得個樣靚，但咽一口湯又好味喎！總括成餐飯食得好愉快，坐位唔太迫，食物攞㫃見心思，侍應態度ok. 埋單人均先$200，性價比高。會有下次！

同朋友慶祝生日，朋友建議大埔有好多穩世美食，咁就去試下御和亭日本料理啦。因為朋友比較細食同鐘意清淡D，所以都叫得比較保守，但都叫左唔少款式。日本蕃薯天婦羅 - 天婦羅控必叫，油炸技術掌握得好好，外皮炸至金黃香脆，入面的日本蕃薯滲出淡淡地甜味，四個字:清甜爽脆。碎金鎗魚腩飯 - 將金鎗魚刺身最肥美的部分「啄」成茸，再係白飯灑上芝麻同蔥花， 令每啖飯都享受到金鎗魚的鮮香，都係推廌之選。鹽燒牛舌(2串) - 味道唔錯，唔會太咸同時保留牛舌的爽口，不過有D貴。日式炸豆腐 - 只可以話D度的炸物都相當唔錯，而豆腐都好滑。其實仲叫左個黑豚肉稻庭烏冬，但唔記得影相，只可以講味道都唔錯，可惜冇圖冇真相。整體而言，食物質素對得起個價錢，難怪都唔少人去食，如果想試可以book 左位先去~

自大埔越開越多野食, 而我工作既周圍都無咩特別好食.同事就發現左大埔有間抵食又吾駛加一又高質既日本料理!!依家每當HAPPY FRIDAY我地都會搭的士出去食~順便一提就係一定要訂位啦!!$68魚生丼, 大大件, 所有刺身都好厚用好有口感, 仲要包蒸蛋, 沙律, 湯同茶以下係menu~真係好好食.........由於依個好抵食, 所以食來食去我都係最鍾情依個!平時出去食甘既質素, 起碼過$100, 依家$68就食到真係好正~除左生冷食物, 仲有好多吾好既熟食~同事食過牛肉壽喜鍋同鯖魚飯都好好食, 鯖魚係有一大條~除左午餐, 晚餐都一樣甘抵食~

第一次食午餐，免加一，其實午餐加一真係好離譜。不過好多店舖都用免加一作selling point.揀咗汁燒牛舌溫泉玉子御膳$65 & 魚生丼御膳$68。點完餐，好快就上左前菜，好似好豐富細細份食完唔會頂住個肚！水果沙律菜，蕃茄係甜嘅！2舊唔知咩嚟蒸水蛋，入面有日本魚蛋、粉絲、蟹柳夠熱！朕覺得好好味啊！小朋友都會鐘意食！好咸~~~麵豉湯…..um….好難飲汁燒牛舌溫泉玉子御膳$65主菜嚟啦！點解叫牛舌？因為食過好食囉！不過唔係個個人都會食牛舌嘅！好誇張的勁厚啊！魚生丼御膳$68魚生都好誇張的勁厚！依個價錢食魚生飯又真係幾抵架衰鬼！如果三文魚多啲就好啦。

自從有呢一間日本料理之後，我就開始迷上佢啦。每一次有朋友嚟到大埔食日本野，我都會推介呢一間。係因為佢啲刺身非常新鮮而且熟食都非常好味。今次都叫咗我每一次都會要嘅海膽刺身、牡丹蝦刺身同埋三文魚腩刺身。餐廳非常體貼，佢哋會俾埋紫菜我哋包住海膽嚟食，今次我叫左加拿大海膽，佢比北海道海膽差少少，但係由於我成日食北海道海膽，所以今次試吓加拿大個味道，佢冇北海道海膽咁甜但係都好食，唔會有臭味。另外三文魚腩刺身一盒四片，完全係腩位，入口非常好口感。燒物方面，今次我哋叫咗明太子釀雞翼，其實都係我每次嚟到都會叫嘅菜式，佢新鮮燒，而且熱辣辣，雞翼入面仲有好多明太子，入口非常好咬口然後我地再叫一客黑松露鮑魚片炒飯，好大碟，不過我哋兩個大胃王就食得晒。今次叫得比較少野，下次會再食盡佢，兩個人埋單＄500

之前行過幾次都見到佢好多人，今日落雨人龍即刻唔見左，不過可以因爲隔離都開左間日本料理嘅關係，所以感覺上少人咗。午餐價錢大概$60-100左右，午餐會包沙律、麵豉湯&茶碗蒸蛋。我地2個人叫左一個熟食，一個魚生試試。前菜沙律有生果，個感覺幾清新。蒸蛋有層汁係面，層汁微鹹，蛋都算滑嘅。麵豉湯同一般嘅唔同，有微微嘅醋酸味，另外鹹味亦很突出。牛舌溫泉玉子飯牛舌係濕濕地嘅質感，有5塊，不過其中有2塊太硬，少啲牙力都食唔到。碗飯仲淋左個醬油汁，不過實在有點太鹹，雖然送飯幾好味，但味道太濃，要飲返幾杯茶先得。甜蝦碎金槍魚腩飯呢個飯size對男仔黎講細左少少，甜蝦有2隻，雖唔係好大隻，但睇落幾新鮮。碎金槍魚腩食落都算肥，而且唔係魚蓉，有少少粒粒咁嘅口感，都唔錯，不過新鮮程度就不及甜蝦。總括嚟講，呢間野食物偏鹹，坐位有少少迫，今次唔洗等位就ok，要等位就唔食lu~另外由於隔離開左另一日本餐廳，有對比之下有啲遜色。

大家無睇錯，我都無打錯！呢個賣相咁豐富嘅魚生丼只係賣$62🤣真係抵到拍爛手掌👏🏻👏🏻呢個魚生丼午餐限定，想食嘅朋友記得Lunch 時間去！每款刺身都好新鮮：三文魚夠肥、油甘金食落鮮甜、拖羅魚香豐富，特別係隻蝦，大大隻，而且鮮甜爽滑，真係點睇都唔止賣$62囉！🤣另外佢地用日本珍珠米，粒粒飽滿，夠黏糯，入口濕潤，醋味又恰到好處，配埋上面鮮甜嘅魚生一齊食，真係忍唔住一路食，一路係咁嗌「正」👍🏻

中午嗰餐多都會同同事嚟嚟間食，因為個lunch set真係好抵，不過想午餐食嚟間就最好book定位，如果唔係就真係有排等🙈嚟間日本料理嘅質素真係無得輸有8件壽司兩個卷物，件件都鮮甜嘩！嚟個刺身飯直頭無得輸，甜蝦大隻鮮甜，一啲都唔腥，仲有吞拿魚茸，入口即溶👍🏻由於我坐卡位，見到廚師超有心機去燒個三文魚頭，所以佢放係度時就影咗佢相🙈🙈🙈🙈Lunch set仲跟個湯，沙律同蒸蛋，樣樣都好好味嫁，而且價錢適中，所以超推嚟間比大家中午去食丫😋😋😋😋😋

今日公司團年，去食曰本菜，好好味！ 魚生井，大大片，又鮮味，睇相就明哂！仲跟salad 同蒸蛋，set set 黎咖！蒸蛋内有好多料，有百合，好有水準，lunch set$68-$88@, 真心抵食！

話說生日，朋友約左係呢到食晚餐，因為唔係大街，都要搵一搵先行到黎因為朋友一早就book左枱，所以唔洗等位就入得，等齊五位我地就開始點野食燒物至少要點五樣先可以，我地點呢五樣(牛舌，豬頸肉，雞軟骨，雞腎，粟米) 都好ok之後再點了飽肚的既牛肉鍋，豚肉烏冬(呢個唔錯，係用稻庭烏冬，煮得剛剛好，又唔會太淋，又彈牙，豚肉煮得唔老，幾好), 芝士年糕，芝士餅 (兩款芝士都係同一種，雖然唔夠咸香，但都好食)最後當然係切蛋糕啦！另收五十蚊切餅費，有幫我地將蛋糕另放係碟到，又點埋蠟燭送上黎，服務唔錯整體上真心好

打電話去 book 枱話full咗，最快可book 9點，但職員話可以walk in, walk in 有位…開6點，6點3去到，話要等到7點半，但入面有2張吉枱無人坐，唔知用咩去衡量7點半會有位，但等到7點半又未入得，仲要去到7點半，嗰2張枱依然係吉咗無人坐……有個職員態度差~

大埔其實真係好多好野食！呢間餐廳係一個「無飯煮婦」親戚介紹的，呢度簡直係佢地飯堂，無他的，因為真係平靚正！刺身的新鮮，燒物的香口，仲成日有不同的新鮮刺身推介！魚生丼（唔記得全名，仲有款魚生丼是切粒的，記得問清楚侍應）三文魚籽壽司，我至愛！好少食到啲咁新鮮既三文魚籽，真係粒料卜卜脆燒牛舌燒鯖魚紅酒鵝肝壽司

聽講御和亭嘅牛餐好抵食於是同男朋友去試下見到menu好快就決定咗叫我最愛嘅甫燒鰻魚飯同魚生丼午餐包前菜、沙律、蒸蛋、麵豉湯袖子汁蘋果配沙律菜餐前食個清新嘅沙律好開胃蒸蛋入面有日本魚蛋同其他配料，好味道！份量都唔細，食完已經飽咗三成莆燒鰻魚御膳鰻魚好厚肉，咬落juicy，油份鋪滿喺條利嘅感覺好滿足。鰻魚汁嘅濃度剛好，甜甜的撈埋啲珍珠米一齊食好味道魚生丼超多魚生！！！全部都好厚切同新鮮，啖啖肉對女仔嚟講有少少too much，不過真係好滿足。雖然魚生都係有啲頭頭尾尾，但呢個價錢的確超值

晚餐，7:30入坐，要求8:30交枱，不用等位。雞泡魚乾，燒得剛好又香口，$68三文魚腩有腥臭味，沒甜味呢$18平宜三文魚刺生不新鮮，沒有任何鮮甜味$38 很大片赤貝很新鮮，爽脆鮮甜 $128 兩隻蒸蛋，清淡，有兩隻爽口甜蝦，兩條蟹柳，其他配料$30 偏淡蒲燒鰻魚壽司 $38 兩件，很好吃很大件，不過平均$20元一件有點心疼😅最最最好食是燒牛生，$68兩串真心不貴，超好吃，酸醬料很惹味，又厚又彈牙北海道烏冬，$68 大大隻蝦很脆很好食，但烏冬味道普通，不過這個很抵，份量多兩人連加一總數$502，每人$250，有點貴。