御和亭日本料理

Open Now

Now Closed

今日夜晚食左個粉，唔係好夠飽，口痕想食下串燒，於是唯有落樓下間居酒屋食啦。御和亭其實都食過好多次，亦介紹過唔少朋友去試，大家都係一致好評，大讚超值，性價比高嘅小店。不過朋友多數黎食壽司刺身，其實呢店爐端燒都做得好好，所以今次決定寫寫佢。今日叫左4樣串燒，分別係鹽燒牛舌、塩燒鮮雞睥肉串、汁燒牛肋骨肉同燒雞腎。先講鹽燒牛舌，呢個並非一般日式餐廳個d來貨牛舌，呢度嘅牛舌一d都唔硬，非常爽口，咬落軟軟口感，成口都沖滿油香，配合黃芥末醬食，微酸令牛味更平衡。再講塩燒鮮雞睥肉串，呢個係我每次黎都必食嘅，真係用新鮮雞脾肉整，遲黎有試過賣晒架。雞肉嫩滑絕不乾身，咬落juicy，配合旁邊小青檸嘅汁，令雞肉鮮味更突出，一試保證難忘。而且佢個蔥燒得好腍，唔會有渣，出面無幾多間肯咁慢火去燒。汁燒牛肋骨肉牛油味好重，一啖食落去已經成口油，好適合好牛人士。牛質亦算軟滑，唯獨燒得有少少未熟透，如果怕生嘅，記得同師傅講燒熟dd。燒雞腎就一般水平，細細粒都易咬，但唔算太有驚喜。下次去開御和亭，不彷試下串燒，真係做得唔錯。

其實n_cc一直以來都不吃生的 所以好少主動吃日本菜 不過話說回來n_cc又不抗拒吃日本菜 因為不吃生的也有熟食的啊 而且日本菜既熟食也蠻好食的嗯 呢間位於大埔既御和亭就是其中一間n_cc食完再食 再帶家人朋友一齊去食既日本餐廳 雖然地方細細不過認真唔簡單 由初開業至今短短幾年 由不用訂枱walk in也有枱到今時今日如果無訂枱就要等枱...仲要只係等BAR枱 也許是實在太多回頭客吧 包括n_cc也是其中之一吧(笑~) 由於不吃生 友人很遷就之下只點了熟食 牛油果乳酪沙拉 清新口感既沙拉配上牛油果已經是新鮮 估不到蠻有火花 加上乳酪之後更為驚人友人驚訝配合得宜 而且味道一絕 燒雞軟骨 也是必點之一 食用前淋點青檸汁 酸酸的 雞軟骨香口之餘也能減輕油膩感 燒牛舌 同樣是必點之一 香軟口感特別之餘配上特別醬汁一併食用又是另一番味道 軟殼蟹卷 同樣地也是必點之一 大概是因為喜歡牛油果也好喜歡軟殼蟹 這個正好滿足n_cc兩個必食 兩者併起來不但味道好而且也很融和 豚肉讚岐烏冬 味道清淡得宜 份量也頗多 配料十足 主角豚肉也不少而且不是薄身 兩個人食也足夠呢 炸櫻花蝦野菜餅 是

御和亭魚生丼 | $70 (包蒸蛋、湯、沙律)依個真係太和必食 👍 我成日都會心思思想食 不過都要去開學校果邊先會「順路」食到😂魚生丼好多料😍 有好大隻蝦 不同的角切魚生 如三文魚、立魚、油甘魚等...... 雖然唔係一片片 但都切得好大粒 好送到飯 又滿足到食唔同魚既願望！😎 蒸蛋都好正呢 蒸得好滑～ 仲有沙律係有兩片火龍果😍 可以當飯後果😂👍 我由佢$68食到依家$70 但都覺得可以接受既 都係吸引 😃 個人覺得佢魚生既質素較德X好 👀 除左御和亭魚生丼 佢仲有個極上丼都好正 有吞拿魚蓉、魚籽、帶子、海膽等😊如果想食就記得book位啦 午市都好full~ 

我敢說這店的$88午市壽司定食，絕對是價廉物美的典範，難怪每天十二時開店前已有人在外排隊等候，品質見證；我也差不多每月光顧數次。定食除了八件壽司（由於廚師選擇的關係，每次的壽司也會有點不同）和加州卷外，也包括沙拉、麵豉湯和蒸蛋，水準佳、份量夠。這店的海虎刺身丼（$108）也是物有所值，燒物如鰻魚飯定食、燒牛舌定食、燒三文魚頭定食也做得不俗，不吃壽司的人也不妨試試。這店的師傅雖然忙個不停，但也會跟壽司吧的客人打招呼，輕談數句，很友善。當然如果你可以負擔十至四十倍的價錢到一些高級壽司店用膳，你絕對會有更高的享受，但會否有十至四十倍的滿足，就見仁見智了！

由於老闆住大埔，所以會向大埔試好多餐廳，御和亭絶對係區內top 5推介👍🏾！老闆話上當初係阿媽介紹來食，潮媽😂。星期六放假來食lunch，老闆叫左燒牛仔骨定食，我就叫左個御和亭丼。基本上所有餐都送前菜、沙律🥗、蒸蛋同miso soup👍🏾。個沙律一D都唔hea，番茄好好食😋，個蒸蛋都好足料🍥。以食lunch來講，牛仔骨定食個價錢高左小小，不過質素彌補到荷包上面的損失😬，我偷左老闆兩塊來食😝御和亭丼裡面有唔同的魚生+一隻蝦，我唔肯定佢係咪魚生邊，因為佢D魚生好大粒又好正正方方，加埋隻蝦$70算抵食啦吓嘛！一點也不馬虎的👍🏾。

御和亭 今晚一行五人來御和亭食日本料理，這家一向是出名大排長龍的食堂，我們也提早出門排隊，6時進入。我們點了燒牛舌、燒帶子6隻、明太子雞翼、魚喜之切、石鍋鰻魚飯、豚肉鍋、海葡萄、蝦天婦羅。燒牛舌、燒帶子6隻這個很美味，很鮮，咬下去還很彈牙，汁液在口裡爆發的。yummy明太子雞翼釀得好吃，微辣惹味，但只有兩隻不夠分。魚喜之切 180新鮮直送的魚，是日推介，魚是煎得夠脆，肉嫩但我覺得没什麼味....不值溫泉蛋慢魚飯中規中矩，一半都是比比吃的豚肉鍋味道不錯，足料，但没有九州某123的鮮甜好吃，没有用日本蔥也覺得差一點點，推薦。海葡萄、蝦天婦羅海草味，海水味.... 喜不喜歡就見仁見智，我還是可以的，但比比就會噴。天婦羅我不好，但友人說還不錯。其實能在大埔吃到較日式環境和烹調的日本料理算是不錯，會再來。

今日我同女朋友跑完步，就去咗食刺身飯，我就提議左去御和亭食，我哋就排咗15分鐘隊，等左5分鐘就終於可以食午飯了。我哋多數都係會叫御和亭丼，前菜就係有沙律同埋燉蛋，我女朋友最最鍾意食燉蛋，燉蛋裏面嘅材料其實都幾豐富， 有日式魚蛋、蟹柳同埋粉絲，味道一流！我同女朋友嘅丼一到，我哋就不停食食食，但係唔知點解好似食唔番以前果種味道咁，以前真係好好食，而家好似差左，少咗三文魚同埋多咗唔知乜嘢奇怪魚仲要連皮嘅，我自己就一般，我仲同女朋友講，我哋可以唔使再去住

1）電話打唔通，打左2次無人聽（如果無台訂或怎樣都應該有人接聽），去到攞飛2）訂台未黎，無逾時等候，有張台由12:57至1:20個客都未到（應該通知客人逾時等候最多5-10min，安排會更流暢）3）唔注意客人安全，酒櫃門打開了無關，比其他客人撞返埋去，差啲夾到人，後期先有人關返度門4）服務員服務態度好差，問野十問九唔應（話有位叫你）5）等左4個字以上，吧台有4個位唔叫人，自己入埋去都唔安排即刻入坐，服務員就沖出去叫剛到嘅入去，即時問點解等咁耐未入得，佢先叫入6）用膳期間：服務員兩個圍住傾計，另外，壽司製作員有一位在嘻戲**我本身食左幾次呢間店覺得好食先再黎食，但佢地服務態度直接影響我食慾同我對佢間鋪形象。我本身好鍾意周圍食，但我從來唔寫食評，亦唔係做飲食，好希望你地吸取經驗積極改善。**

午餐時份，御和亭一定係排哂長龍傢，所以要黎就一定要早D走過黎等位。睇番佢餐牌，其實都有幾多選擇。今次我地就叫左個御和亭魚生丼御膳，$70就有前菜、沙律、蒸蛋、麵豉湯同埋魚生飯。個沙律有D胡麻醬，幾開胃。至於個蒸蛋都幾好，因為味道同配料都足夠，所以都幾好味。仲有麵豉湯添。唔太咸，好飲。重頭戲當然係呢個魚生飯，刺身蝦相當大隻，又有好多舊三文魚刺身同埋八爪魚刺身。d魚生都幾新鮮，唔怕會食到肚痛。當然，係度會食到非常飽呀。

今次叫咗我每一次都會要嘅海膽刺身、牡丹蝦刺身同埋三文魚腩刺身。餐廳非常體貼，佢哋會俾埋紫菜我哋包住海膽嚟食，今次我叫左加拿大海膽，佢比北海道海膽差少少，但係由於我成日食北海道海膽，所以今次試嚇加拿大個味道，佢冇北海道海膽咁甜但係都好食，唔會有臭味。另外三文魚腩刺身一盒四片，完全係腩位，入口非常好口感。

榮登食堂既御和亭無論刺生熱食都好高分 通常係lunch 時間都排長龍，建議大家打定電話book 枱會好d 小弟通常都係食lunch 姐介紹番先lunch price range 就六十幾至一百頭啦💙平既例如壽喜牛喜鍋呀 滑蛋雞呀 聽佢個名好似普通咁。錯哂 ! 真係有水準！ 💙刺生黎講88有海老碎金鎗魚飯（大大隻海老係幸福既 蝦頭都好好味）， 刺生set 就貴少少不過係飽既～ 💙西京燒銀雪魚！ 貴d 但食完好幸福～ 留意番入到餐廳場上面有掛住d黑板，寫住d是日menu, 係有驚喜架～ ✨有次見到極上魚生（井中間加一點）， 128 有碎海老， 三文魚腩，xxx魚， 再加海膽， 果斷點左哈哈哈btw lunch time 呢 係包埋前菜既 有沙律啦 好好味既蛋 同miso 湯 飯如果唔夠呢 可以麻煩職員加飯btw 有bar 堂可以坐架～ 2 個人咁坐都幾有氣氛

如果要黎御和亭日本料理食dinner，咁book定位就實唔洗等。唔洗問呀貴又係睇左餐牌先啦。咁都唔少野選擇，而最後我地一行四人叫左和風剌身沙律、雜錦魚生太卷、牛肉壽喜燒、黑豚肉稻亭烏冬、牛油果軟殼蟹卷、黑松露鵝肝炒飯同埋汁燒黑牛玉子飯。和風剌身沙律D刺身又多，又大舊，超抵食。而且味道唔差。雜錦魚生太卷一上台，我地望到都O哂咀，因為D魚生真係大大舊傢，好有幸福嘅感覺。牛肉壽喜燒味道都唔錯，而且價錢唔係好貴但有好多餸，都值得叫黎食。黑豚肉稻亭烏冬好大碟。牛油果軟殼蟹卷竟然有8舊，而且係即叫即炸傢。黑松露鵝肝炒飯好香口，雖然鵝肝係呈粒狀，但個味都非常正。汁燒黑牛玉子飯係估唔到咁好食，因為D牛肉煮得剛剛好，真係好好食。

夜晚同班朋友gathering朋友介紹下黎食日本野。等左20分鐘有位，我見有人book位食的。下次我都book位唔洗等了前菜食左個刺身salad，驚喜既係都幾多刺身我有朋友唔食生野要食熟野，所以就食個鰻魚飯，鰻魚飯就普普通通，不過不失啦！多男士既關係叫多個黑松露鮮帶子炒飯，我幾鐘意食呢個，個人喜歡食黑松露👅👅黎到食日本野，就緊係要叫壽司啦。叫左個壽司拼盤，刺身無腥味幾fresh朋友再叫多個軟殼蟹天婦羅小食，好大隻軟殻蟹，又夠脆呢朋友真好叫左好多我鐘意食既野🙂

這間日本料理已經成了老公和同事的飯堂，他們一星期來一次。老公上次帶我們自己一家人來，今次帶妹妹一家人由荃灣來。我一向是吞拿魚的粉絲，這家和食大份夾新鮮，惟環境嚴迫了點，但仍開車帶妹妹一家來食以慰思念日本之情。每個餐基本上大約$68至$100左右。個餐有火龍果和生菜沙拉作前菜，一碗一般般的麵豉湯和一碗好多料的蒸水蛋。一百元一個和食餐不加一，在官塘樓上舖也食不到。除了呑拿魚，要多讚就是他們的鰻魚，因為新鮮所以一D也不會鯹。

黎呢間餐廳之前，都知道好多人黎食，仲要有好多好評添，所以就黎試下。建議預早D黎，唔係就要等位。咁基本上D lunch set都起碼$60起，而我地叫左御和亭魚生丼御膳同埋胡麻冷烏冬。咁主菜黎之前，竟然有前菜食下，包括蒸蛋、沙律、味噌湯，非常多野食，而且質素幾好。個蒸蛋都整得好有heart，唔係馬馬虎虎傢。御和亭魚生丼御膳有好多好多魚生，包括三文魚、八爪魚等等，仲有成條上嘅蝦，非常滿足。因為真係無諗過D魚生多成咁，而且都算幾新鮮，非常抵食。而胡麻冷烏冬上面有隻半熟蛋，加埋D其他配料，例如青瓜絲、蟹柳絲等等，好開胃。係咁熱嘅天氣食呢個係透心涼。總括黎講，食物質素好好，雖然等位就耐D，但係好食都唔緊要啦。