余地

Open Now

Now Closed

由主食，嘢飲再到甜品都處處透露住健康。喺餐廳食嘢嘅時候都要輕聲細語，感受當下寧靜嘅氣氛同埋環境，享受全素食嘅菜式～🥢Dandelion Oat Milk蒲公英燕麥奶 5/10 $58 飲得落口其實冇話又好香嘅花香味，更加似係帶有淡淡嘅咖啡味，整體上都幾得意同幾創新，但係就唔覺得特別出色，適合一啲飲唔到咖啡嘅人去嘗試。（因為係用燕麥奶，所以都好啱一啲乳糖不耐嘅人）🥢Ice Black Coffee 黑咖啡 6/10 $58 飲落口幾清爽，唔會飲到覺得好苦澀，酸度都叫適中，但係以black coffee嚟講略嫌咖啡香氣唔夠出，係夏天嚟講呢杯ice black coffee 真係唔錯～🥢Basque Cheesecake 巴斯克蛋糕 5.5/10 $巴斯克蛋糕嘅味道會定時轉，今次就揀中咗班蘭味，整體上都唔會話好甜，有啲紅豆喺蛋糕入邊做點綴，增加咗口感，成件事都幾夾，可惜個蛋糕偏硬身，並沒有想像中嘅棉密(´･_･`)💸avg spending per headl: $環境：🫶🏻🫶🏻🫶🏻🫶🏻服務：🫶🏻🫶🏻🫶🏻成個環境都好靜，係一個好啱去讀書，放鬆自己嘅地方，價錢都唔會太貴，唔係繁忙時間嘅話，一杯

已經嚟過余地食嘢好幾次，每次都好好食，無論蛋糕、刈包、星期一晚靜坐後嘅簡餐；今日唔太餓，想食啲細份啲嘅食物，不如去余地食呢個刈包，呢個素倆口刈包係余地限定我：「唔該要個 X包 」店員已經明白了～～～但其實…個刈字點讀？提提大家星期六，會比較旺場等耐啲啲但值得嘅，好好坐，又有好書睇，X包到手，暖笠笠，乾淨好味道靚靚包裝～滿滿的3舊口感似魚蛋，好彈牙 滷得入味唔鹹其他調味都是剛剛好的Delightful 的一個午餐～

踏入店內，氣氛與別不同，時間走得慢啲、步伐放慢一些、有一種安寧的氣氛，播著輕鬆的音樂, 店內亦提醒要輕聲說話。今日點了鹹班戟、vegan 抹茶cheese cake。鹹班戟做得出色，一盤味道、口感皆非常多元化之作。班戟雖不夠熱，但軟熟，以純素來講，無蛋，這個是高質之作。腰果醬粟子蓉好好味，好香、好滑，有少許蜜餞洛神花來畫龍點睛、個人最喜歡是炸芋絲，唔油膩，而且有少少鹹香。黑豆正常發揮。日本柿份量不多，配搭剛好。但奇怪是椰菜花，吃下去像是raw的，帶有草腥味，爽的，是涼的。與班戟不太夾。感受到廚師的創意。可改進的地方係鹹班戟溫度不夠熱，因不是raw food, 我 expect 是熱的。而椰菜花是raw 的，可以在餐牌上說明。因為我吃raw food 腸胃是有點不適。跟餐的minini rockit 令人好開心。而加點的蛋糕是是好食，上面紅豆蓉配綠茶，食完好滿足！

想黎食好耐，因為係素食餐廳，始終唔係好多人鍾意食素，口裡說得，身體卻很誠實，所以拖咗好耐都唔敢開口，終於有日，唔知點解，因緣際會，開口約了朋友陪同事前有向餐廳備註，本人最近發現自己有麩質敏感，感謝餐廳特意為我安排無麩質菜式🙏🏻紅蘿蔔薯仔湯 - 好有「肉」味，相信係味噌or菇菌類嘅功勞，因為本人亦係pescatarian將近十年，好耐無飲過咁有「肉」味嘅湯了😱有點驚為天人(可能係我太大驚小怪😅)芒果沙律 - 芒果微甜無酸味，沙律醬應該係自家製的，有蒜味，刻意製作成白醬嗰種杰身的質地牛油果藜麥飯 - 牛油果新鮮而熟成度剛剛好，需知道開到一個靚嘅牛油果嘅成熟度，係要經驗昆布蘿蔔漬物 - 醬汁好味，似海蜇小食的味道(唔sure係咪腐皮?，所以食落口感真係好似海蜇)，另外有少量泡菜? 因為份量太少，朋友直頭感覺唔到有泡菜，如果多啲泡菜就更好了因為餐廳建議盡量輕聲細語，用饍嘅時候大家都下意識少用電話，專注純粹享受食物，味蕾感觀自然放大，簡潔的與朋友純粹的交流，感受純粹當下，我認為依餐係好舒服好舒服的晚餐p.s. 用饍前，參加咗逢星期一嘅純粹靜坐（非宗教儀式)，本身有間唔時🧘🏻‍♀️但未試過坐到一個鐘

本來被我稱為最好飲嘅燕麥咖啡嚟大南街睇展覽都會幫襯同介紹俾朋友但今次都係要寫一寫希望餐廳可以保持質素今次係外賣咗一杯Latte（$58）1 唔足杯2 唔熱3 飲落唔對路，打開蓋睇係好 failed 嘅一杯擺咗好耐、泡都無埋嘅Latte 如果問返當日（10月19日）沖咖啡果位應該自己會知講緊咩事希望你下次沖fail 咗，閂蓋前都諗一諗係咪咁樣都要出俾個外賣客？又，如果係堂食客你會唔會都過到自己果關，照上餐俾個客？下次已經未必會再想幫襯了，因為keep唔到食物水平，呢位員工對自己嘅出品要求不足，令食客失望。覺得自己俾咗$58買咗便利店$15杯果種咖啡嘅質素。失望～

環境舒適，可以日式坐地下或有枱椅位，有播放音樂，很輕鬆的感覺。亦有少量飾物及有香薰及handcream買。 食物質素好，即時煮，新鮮好味，混合果汁好味。值得再去。

用餐區以木傢俬配以榻榻米設計聽到頌鉢嘅音樂嚟到呢度會自然地放輕腳步、調低聲量好好感受呢個環境余地提供全素食菜式，甚至有全Raw生機餐突破素食嘅刻板印象肉食者如我，喺呢度好似發現新大陸咁呢度所用嘅蔬果都係根據節氣從本地農場搜購，不時不食所以每次黎個set嘅配搭都唔同大概一兩星期就會轉一次嚟咗三次，三次都有驚喜原來素食可以咁豐富咁多變先食個鹽麴羊栖菜漬青瓜，清清味蕾然後係「西瓜腰果凍湯」？ What唔試唔知，原來咁清甜咁好味！主食係用翠玉瓜整成嘅冷麵配上火龍果堅果醬同埋青木瓜雪蓮雜菜沙律，好refreshing芒果牛油果藜麥塔，三樣我鍾意嘅食材加埋一齊，原來咁夾朋友仔第一次嚟，揀咗純素餐蕃茄焗三米杯、茄乾芥末籽醬秋葵都好好食！第一次試佢嘅甜品黑芝麻紅豆cake，冇用奶冇用芝士原來都可以整到好似芝士蛋糕咁嘅質感最後嗌埋接骨木檸檬梳打 & 蒲公英燕麥奶喺度自在放空，沉澱一下

下午茶時間 諗住食個輕食 就黎左呢間cafe 入到去 環境好寧靜 店主播住少少雀仔聲感覺好relax 一d都唔似香港既cafe …好似去左台灣旅行咁 檸檬接骨木梳打 …清新感覺 檸檬味比較出 但唔係好飲到接骨木味 荔枝玫瑰raw cake好正 荔枝味好香 又有少少玫瑰花味 但唯獨真係細𡚒左d 唔係好夠喉簡單面 係冷面黎的 面質感好好 爽彈配上新鮮雜菜 好食的豆腐刈包 呢個有驚喜 佢個豆腐魯得好好味 有少少薑味咁 口感係彈牙的 入面仲夾左花生碎同酸菜碎 好夾 如果再多d芫茜就好喇整體食物質素好好 感覺係用心制作 值得回頭再支持

說實話食物不錯，能看見食物選材很用心，不過服務態度實在不能接受。 店內沒有收取加一，亦明白當日人手不足，未能顧及所有需要，不過亦應保持應有的服務態度。 先不說當日只有兩位服務員仍然接收滿座客人，候餐時間長，餐具不夠用，但在用餐過程中其中一隻玻璃杯自行爆裂，通知店員後沒有即時處理，並回應「而家唔得閒處理住」，不故食客安全。本來滿心期待光臨，不過經過這次體驗應該只是一次希望貴店往後能妥善安排人手和改善店員的服務態度。

今天初次與朋友到店用餐，覺得店舖裝飾佳。惟未熟悉店舖守則，後期感到氣氛不對的時候，亦有多加留意。我們絕對理解今天店內人手不足，較忙碌。但希望不要將煩躁的心情轉嫁給客人，態度欠禮貌，希望他下次能用友善的態度提點或對待其他顧客。 整體氣氛有壓力並不寫意，與店舖理念不符……………………………….……………………………….……………………………….……………………………….……………………………….……………………………….

由太子行過去沿途已經有一種新舊交融嘅氛圍，陶瓷工作室，布料訂製，手工咖啡店，復刻barber shop，文青味濃。余地大部分係榻榻米地台，都驚好睇唔好坐，好彩葡團坐墊夠厚，都算舒服；食物選擇唔多，但好精選，我同朋友分別叫了當天兩個Set, 都十分滿意，本地食材，加上烹調得宜，調味適中，令平常嘅家常料理都變得好驚喜，有種熟悉但又好似未食過嘅味道，食得出係好尊重食材有理念嘅純素Vegan 餐廳，每周有冥想靜坐，同soundbath，難怪用上榻榻米，仲有分享素食嘅讀書會，真係好有心推廣素食同身心健康呢個主題。有機會都想體驗吓～

太好食太好飲 地方又寧靜好自然非常conscious 咁食食食，到中間先記得影相😂🥰幫襯過唔少次 食物飲品質素有保證喜歡主食簡單麵、焗薯、蛋糕、曲奇、豆腐刈包都好好味Vegan raw cake 好多人喜歡，不過我自己就一般raw cake 放返一直以嚟嘅相先🥰🙏🏻純素餐廳香港唔多，新鮮食材，加埋咁有心的setting 寧靜讓食客可mindful 細味食物 非常難得由之前到宜家見到你哋每段時間的不停改進，宜家有埋晚餐，覺得好有心經營，一定要加油🙏🏻有時可能唔少人會話純素or新鮮食材餐廳貴同細份，但其實食咗新鮮對身體好的食物落身體，真心係會改變心情、健康，冇咁多病毒壓力，其實d,洗費係返度另外係我哋的習慣，但其實係不少飲食、瑜伽perspective 裡，人係唔駛食到好肚空肚做瑜伽、冥想係更加清晰 有力🙏🏻打打下好多字 因為好想支持小店🙈

今日介紹深水埗大南街嘅「余地」，相信素食者，尤其純素嘅朋友，都唔會陌生。😉一入門口未見到餐牌，已經見到「請輕聲細語」嘅提示貼咗响度，就知道呢點係好重要（因為咁啱我琴日唔記得帶鎖匙出門口，我即晚都貼咗個提示响大門門柄提自己帶鎖匙）😂餐牌寫咗响收銀/廚房對面嘅黑板上，雖然我影咗比大家睇，但其實每日嘅餐牌都唔同，有時視乎有活動舉行，營業時間都有啲改動，所以最好係 follow 佢哋嘅 社交平台account 留意住最新嘅消息。👁️據廚師（應該係阿豫？）同我講，set lunch 並唔係日日有嘅，所以咁難得就叫嚟試下。今日嘅 set lunch 係：🍛 masala 黑豆糯米粟醬配印度香料長米飯 $108🍲 湯：姬松茸節瓜湯🥗 沙律：紅火龍果白桃沙律🥦 小食：紅胡椒氣炸福花🍆 漬：柚子醋茄子卷個印度香料飯感覺好正宗而且好好食。氣炸福花加咗胡椒食落非常惹味，茄子卷除咗賣相精緻，配合個飯食仲好開胃。阿豫問我覺得個湯係咪略為淡啲，講真係有少少淡，但個湯有姬松茸，節瓜同杞子，飲落覺得好健康好有能量。💪🏻早前嚟試咗呢個生素芝士沾醬天貝 $78，用嘅係本地製造,無基因改造有機黃豆@tempehola。生素芝

-一直都想拜訪這間在大南街的餐廳他們的午市套餐就是天天不同然後今天終於有機會能到訪幸好沒什麼人 不需要排隊等候-料理相信是即叫即製所以也等了一段時間很佩服及感謝廚師的用心製作和配搭想必要設計天天不同的菜式是不容易是日的套餐包括了姬松茸節瓜湯本來是配上湯飯但由於我想吃天貝 不想吃飯就膽粗粗問店員可否更換最後成功把湯飯轉換成天貝天貝應該是生焗的 不是油炸感覺就能好好品嘗天貝的原始味道但感覺它味道是比較淡沒有我平時吃的那麼濃黃豆味不過配上芝士沾醬就是剛好的平衡之後我問店員 芝士醬的製作材料就是由腰果跟營養酵母製成所以味道上跟芝士很相似但絕對沒有芝士的成份！節瓜湯是很濃厚的菇味整體清淡但菇味十分濃厚福花是氣炸 口感比較硬實沒有什麼調味 就是椰菜花本來的味道而漬物味道不錯 最好吃就是茄子超級軟綿綿的口感又入味！不過整體份量是比較少個人覺得這個價錢是有點少貴呢但坐在餐廳裏吃就感覺很平靜可能這就是余地的威力吧！

今天到訪純綷係誤打誤撞，被店外面寧靜的氛圍吸引，入左去。全店只有3個客，我是兩人一組，坐4人枱，被要求轉到2人枱。然后點餐，準備叫一個焗薯+一個沙拉，結果店員誤會是焗薯+沙拉餐（我不知道有餐也懶得更正），就付款。返埋位。然后被告知每人需要點一份餐點，我就澄清其實我想點兩個餐，但你店員誤會了。然后，佢攞個餐牌俾我睇。原來個沙拉係有薯蓉，所以產生誤會（雖然我覺得薯蓉和焗薯係好明顯不同的）。然后，我地就換枱，又再去俾錢點餐。然后，食物來了食物係好味，我都好少食野食到個碟乾淨嗮。但可能係新餐廳，員工不熟識菜單，應該要體諒包容的。整個體驗並不好，畢竟出街食野唔係只係食野。然后，不會再有然后了相片是拍朋友手機相片