魚米家魚湯米線 (Moved) New Location

今朝同阿媽去食早餐 行到去奧海城 咁就同佢去左呢度食啦 我就食佢最出名既順德魚腐米線 咁呢個湯底都ok好食既 白雪雪 魚味好濃郁 但唔係太咸 反而係有少少甜 食得出唔係就咁落味精 不過個魚腐就keep唔到以前既水準 入口太過鬆散 但係價錢比之前貴左好多 食個米線都要成四十幾蚊

今次去奧海城, 發覺8點幾冇乜選擇, 本想去simplylife/愛吃家常便飯, openrice話就話開8:30, 但係2間都係冇開門, 結果走去魚米家.點了吉列魚柳+火腿奄列+牛油餐包+$3凍檸茶 凍檸茶 - 唔苦牛油餐包 - 我不落牛油, 但唔知點解餐包配一個冇湯的餐, 比較乾.火腿奄列 - 有落鹽, 味道反而好吃過魚柳.吉列魚柳 - 夠熱有d厚度但超油膩, 好似用咗幾次油來炸. 不好味. 食過第二款餐好d.環境: 不太多人, 可以坐多一陣子

今天在奧海城繳交寛頻費，已時屆五時半，倒不如早點吃晚飯，逛了一會，不經意地在一樓找到了這店。此場所有店舖皆走高檔路線，裝潢不會太差，此店當然亦不例外，大門裝修佈置不俗，右手面有個「魚湯小妹」圓燈，都頗趣緻。門外餐牌顯示六時前還有特價下午茶，而且還有米線、撈麪及飯餐選擇，價錢全不過三十五元，甚是經濟抵食。甫入門口，店員阿太禮貌招待，請我坐近全店中間的四人枱位置。由於此店客人不少，今次無緣坐到卡位了。為免過了下午茶時間，由於今天想吃飯，於是第一時間點了「香濃番茄汁豬扒飯」餐，配一杯餐茶飲品。我習慣只喝熱飲，於是阿太推薦了一杯「熱檸蜜」，熱檸蜜竟然不用加錢，出乎我意料之外！點了菜後才有時間看看餐牌，品嚐一下環境。此店是集團式經營，食物的選擇亦很多，有大碗套餐系列、健康餐系列、魚家皇宴等等。再看看收銀櫃檯旁裱著一幅牌匾及奬牌，上寫「香港第一魚湯米線」及「米線之王」，原來此店標榜的魚湯米線曾榮獲「中國金馬奬香港No.1魚湯米線餐飲名店」！心想「金馬奬」不是電影之奬項殊榮嗎？又幾有趣！這時發現無論此店的餐牌座及座椅皆刻有其店名，天花用上酒樓常用之圓鼓型大吊燈，牆上亦見有介紹「泡飯」、「魚腐」、「魚

見佢下午茶餐好似幾抵食咪入黎試下, 點知... 碗仔翅, 吉列魚柳, 炸春卷 (配咖啡) - 如圖, 隻碟夠晒大, 但呢塊魚柳係細到吹得郁囉! 春卷又炸到勁油... 碗仔翅算過得去啦..

今晚去奧海城魚米家食一肚氣. 叫個(王子炒飯.) (大蝦魚湯米線). 竟然落錯單. 來左(大蝦魚湯飯.). 個伙記都知落錯單. 想去改. 點知個收銀肥女人話…..米線賣晒無得改.. 點知隔離檯叫..(魚肉腐皮米線.)就有.. 所以唔好再去呢間(奧海城魚米家) …同收銀個肥女人…呢間野超難食，唔好幫襯

週五晚到奧海城看電影，散場到商場魚米家吃晚飯。約晚上八時許，已有很多食物售罄，選定食物後，又遲遲未來，眼見店內食客不多，不明白效率為何這麼慢？！先來餐飲，華田變好立克，告知店員來錯，他第一反應竟表示啱喎？！隔多兩秒先知弄錯。及後粉麵又和鄰枱弄錯，感覺上各店員在遊魂。一碗蕃茄湯魚肉春卷米線，蕃茄湯無乜蕃茄香味，魚肉春卷略乾硬，米線則太腍，味道一般。另加油菜一碟，葉色翠綠，口味清甜，OK。

黎到魚米家, 試了它的順德魚腐米線。好大碗, 裡面有好多件魚腐。除了爽滑既米線之外, 仲有少少榨菜, 粟米, 生菜為佐料。我幾鐘意湯裡面既魚腐, 食落好新鮮,口感腍腍地, 比起我之前食過其他既魚腐, 那些係比較硬。那些無咁好食, 應該係冰過, 然後就咁用滾水整返熱。所以 I am pretty impressed with the 魚腐 at 魚米家。雖然不太了解製作過程, 但食落幾好。下午茶我仲點了一些小食。雖然那個墨魚丸既醬食落覺得怪怪地, 但都 okay 既....擺喺貝殼蝶上面, 幾特別。奶茶都好香好滑, 味道唔錯。

去睇戲,順便食埋飯,清清地去左魚米家食,好耐冇食過了!6點幾時段冇乜人,叫左個紫菜五寶丸米線!熱奶茶,普通啦!最近鐘意左紫菜,好正喱,碗湯米線有魚皮餃,墨魚丸,鯊魚丸,魚蛋等...味道不果不失咁啦!上得好快呀d野食,太好了,至驚就係要等因為趕住去睇戲,so feel喱間都唔錯呀!

接近未到六點, 在魚米家買了個外賣歸家, 可能是下午茶的價錢, 所以也是下午茶應有的份量, 卻剛剛好. 嘗一口魚湯, 發覺都算能保持應有水準, 有魚味, 而且飲大半碗也不會即時口渴, 不過, 可能是外賣的關係, 浸久了些, 米線沒有咬感！魚湯配上的鯊魚丸, 雖說爆醬, 咬入口卻是”乾爭爭”, 絲毫沒有什麼爆醬感覺!隨餐附送餐飲不另加錢, 要杯熱奶茶，質素卻算是不差，起碼飲落覺得茶沖得滑，只是甜了一點！

這篇食評之所以會以「第一次在這間魚米家吃早餐」為名，是因為早在數年前它未搬來一樓，仍在地下一層營業的時候，自己曾經有一段時間經常幫襯，在周末或周日早上前去吃早餐。但自從它搬上一樓後，我就一次也沒有幫襯過。而之所以沒有幫襯的原因呢，就是因為覺得它的食物水準平平，讓自己再提不起意欲去吃東西。不過這一天，在前往新界之前，老婆仔建議來這兒先吃個早餐，於是便來到這間久違了的「魚米家」再次吃東西了。老婆仔的早餐，吃的是「椰香奶酥厚多士」，多士確是夠厚的，塗在多士面上的奶油也皮多，但椰香不足，水準普通而已。至於我的早餐，吃的是「蕃茄牛腩米粉」，水準則還不錯，比預期中好吃，蕃茄湯底不會太酸，但仍然開胃，牛腩不會韌和乾，肥瘦平均，米粉雖是普通貨色，但以味道而言，這一大碗份量不小的「蕃茄牛腩米粉」可是絕對及格有餘了。

行過見到佢下午茶室都係20幾蚊, 幾抵食, 於是走入去試下叫左個餐係有碗仔翅, 粟米, 火腿奄列, 餐茶, $29碗仔翅好多料, 有瘦肉絲, 冬姑絲, 支竹絲, 雲耳絲, 不過煮得太”傑”, d豆粉水一patpat咁, 唔好食......粟米好大碌, 不過乾晒水咁, 又唔甜火腿奄列又係好乾, 冇乜蛋汁整體黎講, d野係唔好食服務方面, 唔知點解, 個亞姐突然拎條好長既毛巾黎抹枱上既豉油樽等等, 塊布長到幾乎浸左落我個碗仔翅到.....

兩點幾諗住tea一tea,係奧海城行行下行到魚米家諗住有蜜螗雞翼又唔洗等位咪入去囉到座低先發現冇雞翼個下真係灰咗叫咗個豬排米但係塊豬排係凍嘅呢樣都唔算問題不過杯凍奶茶唔知點解好若同未搬之前個陣真係冇得俾

方魚肉碎泡飯，天熱冇乜胃口我會選這個，魚湯清甜可口，冇乜大魚大肉想清淡的一餐，是最佳選擇。豬軟骨魚湯米線，肉汁夠入味，濃度適中，又不會太韌。環境舒適，標準式服務， 衛生良好！

今日同朋友傾買樓既野,我又係奧運見完客,咁就同佢去左呢度食啦好似食過灣仔店好耐以前,唔知係咪同一間呢我就食雞翼米線,跟餃子,再叫左D小食呀咩咩骨,花枝丸咁呢個湯底都可以既,白雪雪,魚味唔算濃,唔太咸!好過X湯寶個餃子一般貨仔,咩咩骨就甜甜酸酸,幾開胃,肉質都軟花枝丸都係O個D味,但係唔算有花枝既鮮味喔價錢OK!

今晚同阿媽去魚米家食嘢，7：40左右到，竟然5洗等位？一入到去，侍應全是新臉孔，而且全是年輕人。我地就甘行入去都冇人招呼我地。坐低看菜單，又加價？順德魚腐米線由$29加到$30！ok，叫左個順德魚腐米線。我7：42落單，到8：00都未到，隔離比我地遲落單叫同一樣嘢，他都食緊la。我地催一催，先發覺落漏單，最後個米線8：10先到。成餐都食得5開心。服務甘差，5怪之得客量甘少。我同阿媽看著魚米家的服務慢慢變差，都覺得魚米家已經5系我地食飯的首選。但食物的水準仍然保持。卻值得一讚。