源興美食

Open Now

Now Closed

豬扒🐽：兩塊，滋味 😊南瓜同番茄炒蛋🍅🍳：份量都好多，南瓜好甜，番茄炒蛋嘅調味同味道👍呢三個餸～冚住曬啲白飯仲有一杯凍豆漿，唔係好甜😊整體嚟講，CP 值幾高

疫情期間，冇乜去大魚大肉食好西。但，間唔中出下街，簡單食野醫下肚都會既。一家大細，平平地又開心行街，西九龍中心及深水埗街頭就啱晒。要食時，簡單、方便，我們就會選擇西九龍中心的 food court，因為大家選自己當日喜歡的食店，不用局限大家要食同一口味的東西。這一次，我只想食最簡單的東西，而場內就有一間無論什麼時候都充滿人氣的兩餸飯 店《源興美食》。唔駛$30 大大碟飯，既好味又抵食。《源興美食》除了是超便宜外，選擇超多也是令好多人喜歡的原因。每天都有十幾個選擇給大家，喜歡多肉，可。喜歡多菜，也可。甚至，要條魚仔都有。當日，眼見一些低收入人仕，會吃一半，裝一半。也有年老的夫婦，叫一餐兩老分享。感覺得到，《源興》的兩餸飯，造福了不少深水埗居民。每次食都覺得，唔好話像以上的例子當兩餐食或一份兩人分。單身人士吃這一個飯，其實係抵食過自己煮架。當日，我要了三個餸，蒸肉餅、椒鹽豬扒同魚香茄子。份量可以說是好大。細食既話，的確可以兩個人食或分兩餐食。我要了肉餅、豬扒，有兩份肉啊，算是貴價野架啦。雖然是大堆頭的製作，但兩者都好入味，好好味。魚香茄子也是味道正宗，香口帶點辣的出品，只是油好像太多了。此

位於西九龍中心food court嘅一間舖頭每逢lunch都排晒長龍，因為價錢平份量多$33两餸 $38有三餸餸菜款式好多，有超過20種菜式，全部都係即日煮，而且姐姐比超多餸，基本上食完一定好飽，仲有一杯豆漿或者湯送，$40樓下來講真係好抵食

今晚買咗外賣三餸飯,點知食食吓發現有粒白色嘢, 睇真啲原來係煙頭😡 即刻刻都唔敢再食. 真係大整蠱, 真係平嘢冇好嘢😡！以後再冇交易, 大家相幫襯真係要諗清諗楚,太恐怖!

話說同男朋友食food count，佢就選擇左呢間3餸，又平份量又多！一個飯賣35蚊包湯或者豆漿。我地點左咕嚕肉，鯇魚同炒椰菜。咕嚕肉份量係好多，有成10舊，而且吾係得肥膏，真係排骨！鯇魚係成舊魚腩，菜亦吾會淋patpat。。我只係覺得個白飯吾太好食，無飯味既，但好彩係一粒粒吾爛。。一個人食一個飯真係夠抵又夠飽！

深水埗太多平靚正既選擇了。西九龍中心都唔例外，唔想係街度同人迫？入商場搵食啦！頂層係酒樓，落一層就係大大的foodcourt，超多選擇。其中宜間源興美食就成日都有條人龍係度！事關佢大份夾抵食！十幾廿款送擺唒出泥，任君選擇。2送飯好似係$31，3送就$34。其實就無唔揀3送的理由。哈哈三大幾蚊有咁大碟飯，宜個時世真係好難搵仲要真係好大碟的啊！仲有野飲／湯送啊！佢Ｄ飯多到誇張。大概是多男人去食，所以都是習慣了大大碗飯。唔好以為送會少。都滿瀉的。十幾廿款送就日日都係個Ｄ嫁喇，無咩新花款。我嗌開推介的：蒸雞－好滑嫁！蕃茄炒蛋肉餅豆腐

對於中下階層來講, "西九龍中心", 都可以算係佢地一個"美食天堂",由頂層到地下都有不同的食肆, 有價廉物美的, 乜有精品好吃的,我特意連續兩日到此感受一下各種價廉物美的美食,今日就來了這家長期有人排隊的"源興美食", "多款餸+飯", 似乎都算係香港其中之一的特色了, 幾乎每區都存在著, 供應予很多小家庭, 難以一次過買太多餸去煮飯的, 也有些是供應予"早出晚歸"無時間煮飯的上班族,貪心的可選三餸, 踏實求飽的也可選兩餸, 各式其式, 隨君選擇這裡的款式很多, 甚至連"一條魚"也可以當係一款菜, 很抵食吧 !!由於我今晚要留肚食西九龍最出名的"抵食雪糕", 所以只叫了"餐肉+肉餅+冬瓜豆卜", 另外再加 $3 換一罐 +C 罐裝飲品抵食到一個點

8月31日(四)喺我生日，細妹請我食晚餐，我建議去food court, 貪佢選擇多又夠平，啱哂我呢個慳家肥大嬸！同細妹行咗兩個圈，睇到眼都花，心大心細，見到呢間舖大排長龍，原來賣三餸飯，細妹唔要飯，齋要餸，$36大大碟，平均$12一款餸，我同佢都覺得好抵食！腸仔炒蛋味道可以，但我覺得啲蛋唔好炒咁老會更好！腐乳蕹菜炒得好，爽脆亦冇渣！剩返嗰個菜我冇試到，但細妹最後清哂，證明唔會差！(口水雞喺另一間舖買！)細妹加$4換咗罐Zero,成份餐$40，食飽飽！我嗰碗米線都好正(另見食評)！唯獨環境座位最差，地方擠逼櫈又斜，我著西褲屁股成日跣落嚟，坐得好辛苦！

很喜歡香港的自選菜色飯，因為它令我有回到新加坡的感覺。香港是個美食天堂，食物種類應有盡有，可對於來自新加坡的我始終懷念能讓食客自己挑選的雜菜飯。源興的自選餸菜豐富，大概有三十種選擇，而且可能因為人龍絡繹不絕，所以廚房都會不斷端出熱騰騰的菜肴讓食客選擇。一個三餸菜+白飯+湯或飲料，才不過34元。現在香港熱到想死，哪還有閒情和精力在火爐般的廚房煮食。老娘有時都會罷煮，寧願外食給自己一個懶散的一天。當然，食物再新鮮，衹要攤在外面一段時間，就一定不好吃。所以建議一定要確保人龍多的時候才跟著排隊買來吃。如果經過深水埗西九龍中心，不妨上去八樓的食閣吃一頓雜菜飯。

三餸飯其實在香港都有一段歷史，不知道究竟發源地是內地還是本港了。西九龍這一間三餸飯更加是最著名的食店。整個美食廣場好多時都不算太多人，但是這一間三餸飯卻永遠大排長龍。蕃茄炒蛋質素非常之普通，但是最少有幾大件番茄，炒蛋在放在蒸爐上蒸了那麼久，當然是比較熟。豆腐相對不算太熟，還有點兒滑溜，上面的豬肉跟肉餅的差不多，肉不算太多，也不是太乾。但是放在外賣盒內，豉油汁溝番茄汁，認真糟糕，融為一體。三十多元有三個餸，加一大盒白飯，還送豆漿的話，其實還不錯。但是質量來說，這樣的三送飯，只能作充飢之用。

因為屋企人又冇煮飯既關係所以去左西九龍中心搵食八樓一向系最多野食既地方，屋企人話呢間3餸飯夠抵食所以我今次都試一試我叫左蒸魚，豆腐同埋蒸雞。餸既份量好多，已經放埋落飯既上面豆腐好嫩滑，大大舊5會碎曬入面仲有玉子豆腐，好香濃既蛋味，成舊都好實淨5會一夾就散，醬汁都好惹味雞就差小小，食落口雞肉5系鞋既，亦都系熟，不過雞肉就系紅色感覺雪藏得好西利最推介系呢個蒸魚，魚肉夠鮮夠嫩滑，份量都好多，蒸既火候岩岩好，5會老左，亦冇將貨就價最後佢仲送埋個湯，佢亦可以簡跟湯定豆漿整體泥講$35蚊有呢個質素真系5錯阿

店名:源興地址:深水埗欽州街37號西九龍中心8樓美食廣場好味指數:7.4/10價錢：$34三餸飯配湯炸雞翼，椒鹽豬扒，肉碎茄子西九龍中心8樓美食價廉物美，當中這間雙餸，三餸飯為主的店經常大排長龍，原因只有一個：抵！個人認為，價錢除了經濟實惠外，味道也是不錯的，除了圖中的餸外，之前也有吃過蒸魚，炒菜等，也是好吃的。 

今日夜晚想食平啲，就左去源興食三餸飯，真係勁扺32蚊有三個餸仲包埋湯三餸飯我叫左鮸魚，魚香茄子同埋咕嚕肉。碟飯一攞到，我真係嚇親點解可以大碟成咁！味道方面，啲茄子煮得係夠入味，有少少辣，令到茄子好惹味。鮸魚就真係好食，煮得岩岩好，唔會太熟，肉質好嫩，style係好屋企餸果種味道。咕嚕肉就麻麻啦，可能擺得耐，有啲硬，食落唔覺有好多粉，如果熱食既話應該唔差。

最後一站是源興的3餸飯了～每逢午晚或晚飯時段，總會排著長長人龍，排隊之人數不下10人，受歡迎程度應該是全場之最，而當時由於正是下午茶時段，所以只有一兩人在購飯小小的一間店舖為甚麼這裡會這麼受歡迎？是因為這裡的餸菜款式多得驚人，大約有20多款供選擇，菜類、瓜類、肉類、魚類、豆品類，也應有盡有，即使魚類也有3至4款呢～而且價錢不貴，份量極多，兩餸$28，三餸$31，包一杯豆漿或中湯，還可+$3轉成汽水～而且外賣還會把飯餸分成兩盒，分開擺放，一來不怕餸汁把白飯弄濕，二來餸菜份量非常充足，即使分成兩盒，也裝得滿滿的～三餸飯+中湯 （$31）中湯這次的中湯是青紅羅白煲豬骨，味道較為清淡但帶點清甜，所下的味精應該不多豬肉釀豆腐兩件大大的豆腐上釀有兩塊豬肉，豬肉跟豬餅的用料是一樣的，所以點選這個好像比較化算呢，用的是半肥瘦豬肉，食落香口及質感嫩滑，豆腐就是普通的布包豆腐，質感較硬，並不滑溜咕撈肉顏色鮮豔～比一般的雙餸飯的大件，骨肉參半，不會只有炸漿包著骨頭似的，肉質甚有咬口，酸酸甜甜的醬汁送飯一流～十分開胃豉椒炒涼瓜其實不太喜歡涼瓜. . .但因為健康就點了這個，厚厚的涼瓜片味道頗甘. . .覺得有

深水埗，是香港其中一個人平均收入最低的地區，所以區內有許多食肆，食品簡單，售價也不高，20 - 30元一個飯，包湯或包飲品，那些一個人的中老坑，那些收入不高的家庭，有時候，出來這些店舖，開開心心食一聲，隨時平過係屋企自己煮一餐。是日，在西九的 food court，我們點的咖喱未必合小兒子的口味，太太叫我想一想有什麼可以給他吃，本想行一圈看看，但就在我們買咖喱食的小店旁，有一檔食店擁有一個超長人龍，而這一檔就是我所謂的20 - 30元一個飯，中老坑的天堂，名叫《源興美食》。一份肉餅，兩條腸仔，有一個洋蔥汁，是一個很典型的快餐店飯，我的選擇夠好，因為是小兒最喜歡的食品，感覺偶爾來一餐這樣的街外食品，雖不健康，但總要他的腸胃受下不同的食物品質，日後真的要食劣食，腸胃都有經驗。味道，當然不會好好，不過腸仔呢一種食品，真的是老少咸宜，本身帶咸，本身已經香口，小朋友未食飯，已經立即把兩條香腸消滅。肉餅，酒不算多，味道也不算太重，算是合格的，伴飯吃，是極好的一個餸，只是整碟東西，飯質同個汁是一個敗筆。簡單便宜，真的，一個人錢不多，這一個飯可以說是一個享受。當然，是姒頹飯的形式去享受而已。