源興美食

Open Now

Now Closed

係燒鵝可以叫做好食其他都只是一般豬手無去毛叉燒太咸每位268$食物份量太小一般燒味餐廳。。。。。。。。。。。。。。。。。。。。。。。。。。。。。。

心血來潮想食叉燒，之前聽朋友介紹過源興，今日決定外賣源興的鎮店叉燒皇。花了點時候才能找到源興，因為店面不是開在大街上，而是在一條橫巷面，地方是頗難找到的，未去過的話，根本不知道有間食店在裡面，真有點尋找隱世高人的感覺。叉燒總體不錯夠入味，而且最緊要夠鬆化唔會嚡漝漝。叉燒(例牌)，60幾70

呢間鰂魚涌嘅「源興美食」真係令人超失望。😩食物水準只是不過不失，最令人沮喪的是，訂了座、訂了餸、仲落埋强制性訂金$500，準時入座，但食物卻遲遲未有，只是勉強送來湯和蒜蓉炒菜。等了50分鐘只得碗白飯、酸梅醬和淮鹽，問你死未。😡追了多次卻仍然只是不斷叫你等吓。明明人哋遲過我哋入座、又遲落單過我哋，仲要係無訂枱臨時walk-in，竟然啲餸仲快過我哋訂咗嘅上😠 真係剷到佢哋上天花板。同佢投訴話坐咁耐得碟菜，佢仲眼碌碌答我「係咩」，真係吹脹。最後終於在一個多鐘頭極速食完呢餐火滾飯。其實食物又不算超級美味、又唔係平、服務態度又差，都唔明點解咁多人去。😵 真係無下次。😡

今晚經朋友介紹話去鰂魚涌源興美食，朋友同我講佢老闆好用心去煮食物，咁我今晚就決定去試吓當我去到個鋪頭嘅時候發現好多人係門口等候，原來鋪頭入邊只有六七張枱所以唔怪得要等好耐囉！但係唔知係唔係個樓面係新人佢安排座位嘅時候都有啲混亂。呢個豬手個味道都唔錯嘅份量都好多添不過可能時間唔夠豬手唔夠冧如果佢再煮冧啲就更加好味啦！嗰個杏汁豬肺湯就唔覺有豬肺全部都係豬骨但係個湯就真係唔夠熱只不過係和暖咋！嗰半肥瘦嘅叉燒就真係唔錯啦佢啲肉仲好冧潻！個生炒骨個味道都好好不過佢個汁就比較多咗少少啦！

原本老闆話booking要去到4月了但朋友生日 誠意打動老闆特別招待非常感謝各款心機菜式 有heart煮野食既小店唔係度度有全人手制作 淨係拆骨都值回$38半肥瘦叉燒 本身叫埋冰燒肉 但老闆兼顧不下 成舊燒得唔靚所以掉左 講真邊間鋪頭仲會有咁有要求既廚師而唔係廚房佬？叉燒甜度適中 一舊肥一舊瘦連住 不得了養班 蒸到至高境界 一點紅蒸魚要蒸得好 確係有學問要剛剛熟 滑而有魚味 值回碼價燒鱔 有魚味 脆而食到肥美既味道豬手比舊店遜色 但足料雞足多層次 有酒香青瓜 新鮮 入味總結6個人每人$200幾 唔食魚$200內去邊食飯可以咁就價？本人第一次寫食評 就因為欣賞老闆既堅持同努力油麻地到鰂魚涌 支持！

第三次賣外賣 亦都是最後一次第一次見新開 去趁熱鬧 原來係試業 無外賣杯無熱飲無凍飲 無餐具 但唔緊要 男職員好好禮貌招呼 道晒歉咁 所以都唔緊要 同埋個叉燒真心好食 但個飯太淋 底嗰啲變晒做一pat第二次去係佢開張正日 叉燒燒肉飯 叉燒依舊美味 燒肉唔算差但有點比下去 飯有改善 亦有返外賣杯同餐具 但係職員不耐煩同無咩禮貌第三次 門口個職員第一次見 佢好似未瞓醒咁 呆下呆下 完全唔知自己做緊乜 應該要在門口安排座位同落外賣單 完全無做到 要另一個樓面出黎做 搞到廚房就冧檔 勁多人等外賣 堂食啲人當玩電話無野食樓面叫佢收錢 佢話$49 但佢唔找錢 揸住我張100蚊 但又要收其他人錢 兩隻手揸住兩條數 但又唔找錢 唔知佢想點 叫佢找錢 佢問返我食咩 完全係金魚 企正佢面前無走過都唔記得 $49係佢話我知的！叫外賣就想快 而且係燒味 但一個叉燒燒肉飯 我要天寒地凍在門口等25分鐘 摧左幾次都未有 其中一次竟然同我講無得快！咁我就講到退錢過隔離買 飯盒就出現了 但係今次又無返外賣杯 變左維他檸檬茶講返食物 叉燒都係好食 但燒肉係好大陣豬臭味 食到我想嘔 燒肉同埋佢地墊底啲飯全部唔食得 無下次

星期五睇左蘋果動新聞，專誠去拜會下。去到1點左右，入面爆多人。想食燒腩,豬手⋯⋯⋯售完...基本上差5多咩都賣曬，好彩仲叫到一碟叉燒飯同海南雞。推介食叉燒飯，肥瘦均勻，味道一流。👍👍👍海南雞一般般，可不食。題外話：由於太多捧埸客，d姐姐五熟手，叫寫野，叫4-5次先應，派餐先後次序混亂，搞到好多客人黑面。有d趕客。不過都有好多好體諒。希望改善一下。

看了今日報紙介紹所以專登下午茶嚟試。點了自稱拿手的燒鰻魚和糯米雞翼。鰻魚燒得太硬身。老人家不建議吃。糯米雞翼合格但店铺內掛上林鄭玉照的確令人將店铺觀感downgrade

以為是比錯了白切雞飯我，但女職員確認是海南雞飯。雞超油，肉鞋過白切雞，同個 “滑“ 字一點關係都冇，飯又爛，不是一粒粒，條菜心硬到咬唔入。只跟一碟薑蔥，跟一般海南雞飯跟三款醬汁 (醬油，辣汁，薑蔥) 不同。隨碟仲跟了一小碟 甜酸 紅/白 蘿蔔，甜到吞糖咁。完全食唔出這碟是海南雞飯，如圖，仲話 “招牌“，“限量供應“ 及 HKD68。夥計們不熟手不醒目，同一杯飲品，睇住佢遞了比同一枱客3次。及，跟餐飲品只有奶茶/熱檸水/熱檸茶，冇咖啡提供。等了起碼 15 mins 才上菜。舖內張貼了老闆以往受訪的雜誌，話老闆做過 陶O 及 利O。另一枱在投訴：叫咗 8 次想落單都冇人理。一句，冇下次。

很久之前在佐敦舊店吃過後,都時刻想念店主源哥既食品,得悉佢於鰂魚涌太古坊附近開了間新店,當然要回味佢既美食啦~無可否認,一間食店既成功除了靠美味既食物外,店舖裝橫也是很重要。新店裝修比舊店好,坐得較為舒適。加上新店既面積比舊店較多空間,老闆真係落了很多心血於門面裝修上。相信廚房係比舊店大的關係,食物既總類比舊店選擇為多,午市有提供炒飯,椒鹽豬扒飯之類,當然主打既晚市私房菜也加入了新菜式,不過由於我今天來是午飯時間,晚市既大部份菜式要預訂緣故,所以我只點了一碟燒味雙併飯~燒味雙併飯( $ 48 ) ,真係幸運,雙併可以比到脾既位置我吃,雞脾既肉質好滑,燒鴨也是肉汁豐富,最喜歡佢既咖哩羊腩汁佐飯簡直一流。雖然只吃了一碟雙併飯,但味道和舊店一樣都是咁出色,這些小店真的要多多支持~