源記喳咋 (Closed)

與友看戲吃過煲仔飯後，來到這裡吃筆者至愛的甜品。既然是源記咋喳，惟有試下個咋喳。可惜令我大失所望。吃咋喳，還是大馬路間鵝記咋喳正得多！

朋友介紹話d渣咋好味~碗渣咋真係好多料~好香好有口感~唔會好似其他果d成碗水咁~

做冬當日一家共8人食飽晚飯,經過源記入去食湯丸(團圓吓). 叫了凍芝麻糊(芝麻味唔香, 一patpat); 熱芝麻糊加湯丸(仲衰, d湯丸個心不熱, 硬實實); 喳咋都0.k.; 紫米露及番薯糖水都食唔曬, 隔離枱自由行都食剩半碗, 你可想而知有幾好食, 一定無下次.

呢間屹立老廟幾十年嘅甜品舖，說來慚愧，真係從未幫襯過。就算從前去對面美都食錦鹵雲吞，坐响窗口位望見呢度，都冇一個衝動去光顧。直至一日與厨藝出色嘅舅仔閒聊，佢話呢度D喳咋一流。大師傅自然有推薦嘅理由，冇乜理由唔幫襯一次....一食，果然不俗。豆煲得好淰，料極多，甜度剛好，加入適量花奶，更香更滑，食得極滿足，太座更係讚口不絕...若椰絲蓉落得多D就真係冇得彈....試一口太座嘅花生糊，太杰身，花生味倒是頗濃...都係喳咋ok好多....太座第二日己經想嚟多次la...值得再一讚係間鋪清潔得極亁淨，跟其他老廟食肆不可同日而語...

噚晚10:30去搵呢間糖水鋪,點知見佢落哂閘無開門,但係又見到"源記喳咋"呢幾個字有燈wor,大大隻字仲閃下閃tim,咁究竟係收落咗工(但係上面寫營業時間:星期一至日:13:00-00:00)定係佢有第二個門口呢???????

記憶中差不多十年未有步入廟街一嘗馳名的喳咋，是日經過彌敦道，老遠已經看到源記的招牌，就迅步過來幫襯！店內沒有人客，正在盤算冷的還是熱的時候阿叔反而建議，會溝成和暖的，不會燙咀來奉客，而熱食比冷食的味道更好及清香云云，果然是照顧週到。喳咋上檯，不冷不燙，溫度剛好；材料足稱不用懷疑之餘，芋頭煲得腍腍香香，夠火候，甜度適中更是我杯茶。在這裡除嚐到甜湯的甜美之外，更嚐到店員的體貼，甜上加甜。

跟幾個來香港旅遊的朋友在廟街吃飽飽，經過街口這家自稱馳名渣咋的糖水店，心想既然馳名就不妨一試。朋友點了個渣咋，結果味道不外如是；我點了個凍合桃露出來竟然是固體狀的，看起來已經很嘔心，吃進去還有股怪味。我問店員為何是固體狀，店員理直氣壯說凍的就是這樣…我之前一天才在滿記吃過同一樣的東西，又不見人家的是固體狀？我說好像有點怪味，店員試都沒試就說是正常的沒問題，哼~ 這樣怪味的凍合桃露我還真是第一次吃到，還膽敢說是正常！到付錢時，我再跟老闆說那個合桃露味道好像有點不對，老闆竟然裝作聽不到然後理直氣壯的收錢~ 可惡！這家源記糖水店，黑店啦~ 千萬不要去！

凍咋渣$13開放式老店, 下午去一個人都無, 走入去坐下點了凍咋渣.老店員在咋渣上加了很多花奶, 不太甜.材料十足, 各類豆和西米, 芋頭也有, 食落口感豐富, 可惜味道一般, 和一般街邊鋪無大分別.在牆上的餐牌, 用舊式街市數字標價錢, 我也不知其他糖水幾多錢.

繼續迷宮之夜。　吃完飯還有十多分鐘才開場，便與龍到了美都對面的源記吃糖水。當時店內沒有人，與廟街人來人往的景象形成有趣對比。　我們都對招標咋喳沒興趣，點了蕃薯糖水及芝麻湯丸，人少關係很快上檯。　以前討厭薑味，不知何時卻轉而愛上了。是晚兩碗糖水都有濃濃薑味，甜味又適中，很合我口味。特別一提，芝麻湯丸外觀欠佳，樣子怪怪的甚像魚蛋，但棉棉糯糯的外皮加上香甜芝麻餡，味道卻是不錯的。　埋單才$20，好抵好滿足，給我們一個好心情繼續去看戲!

喳咋應該係呢間店既selling point~~事實上, 呢度d 喳咋真係幾good!多料~又有蓮子, 芋頭粒~ d料煮到好淋~好味~!而家比起松記的喳咋大碗..我覺得呢度d 喳咋暫時係我食過中最好美既~!^^

行完廟街個身熱辣辣，捐入去涼冷氣及食番碗糖水。兩個人叫兩一碗咋喳及一碗豆腐花芝麻糊，咋喳材料十足，味道不錯，但芋頭有渣(材料問題，唔關味道事)，少食咋喳的我都覺得應是水準以上作品，豆腐花芝麻糊普通，同一般糖水舖食的大致一樣.......

昨日,由尖沙咀行落去旺角,去度油麻地見到電視介紹過的"美都餐廳",打算行去睇下有咩特別..門口只係好舊~個樣都唔係咁特別！(佢地門口寫住"清明節放假兩天)本來打算繼續行落去旺角~見到e間糖水舖~行到腳軟軟~咪入去食碗糖水順便休息一下！哈哈！我叫左凍芝麻糊、朋友叫凍左豆腐花~...我個芝麻糊...好好味！好正！但我朋友個豆腐花就好一般~唔夠滑,而且,仲好鬼甜！食完之後,都幾開心！

源記渣咋幾好啦,話晒招牌貨,夠晒多料,但綠豆沙就唔得,虛hel nel,又唔夠香!

呢日去左食喳咋。之前係馬來西亞都食過，個度真係有好多料，但係呢間都唔弱，有好多豆同好多好軟的芋頭，唔係好似茶樓ｄ咁硬。另外仲叫左個芝麻糊豆腐花，本來係叫熱的，但係個伙記話個豆腐花係凍的，咁即係逼住食凍啦。我從來都未食過凍既芝麻糊，你估真係好似水哥咁鍾意飲凍湯咩？算啦，個口感都唔錯，幾滑幾特別，good一聲吞落喉嚨，但係食食下好似越來越淡咁的？

之前都食過幾次,好鐘意佢d喳咋多料夠冧又夠味點知今日滿懷信心咁入去食時食到碗咁差既雜豆糖水...真係好似煮冧左d雜豆再加糖水咁水還水渣還渣, 食落去成陣糖水味好唔得喎....短期內唔會再幫襯...暫時轉食鵝記先...