源味開元米線 (Closed)

今晚專登去長沙灣同姐姐，妹妹，小情人食野，經識食嘅姐姐介紹下，我地黎左呢間￥源味開元米線￥。源味開元米線係專食四川嘢，雖然佢餐廳名好似米線專門店甘，但我地一行4大1小係黎食烤魚架🤪。呢度有5款烤魚食，而我地就叫左其中兩款口味，分別是酸菜蒜香烤魚，呢款岩哂唔食得辣嘅妹妹同小朋友食，而另一款是鮮青椒烤魚，而魚都有4款揀，有桂花魚、江團魚、海鱸魚、鯇魚。店員好細心比我地建議，建議我地先撈起部份辣椒，逐啲逐啲加返落條烤魚度就可以調節辣度。一邊食烤魚，一邊落配料落去打邊爐，有店員推介既寬粉，寬粉落左烤魚度，索唔d 汁，真係無得頂。而飲品一定要叫檸茶，檸檬茶有別於其他餐廳既檸茶，茶特別香，甜味適中。另一款推介既五谷雜糧豆漿，非常徤康，好香紫米味。百香果飲品都唔錯呀。全部食物都好新鮮，水準不錯，有機會會再埋佢個雞煲先。

今日第二次食烤魚，第一次係屋企樓下間“碳魚🐟”，今次就係三妹屋企附近的源味開元米線。相比之下，覺得呢間無論環境，服務，味道都勝一籌。環境方面，座位寬敞，5個人比8人卡位我地坐。服務方面，店員姐姐非常親切介紹不同菜式。味道亦比較香濃惹味，魚新鮮嫰滑。姐姐話，呢度的魚都係新鮮劏，而配料的牛肉都是新鮮手切。今晚就點了2條魚，分別是酸菜蒜香烤江團魚同鮮青椒烤海鱸魚。前者酸酸地唔辣，後者微麻微辣。湯底十分惹味，烤魚肉非常滑溜。食物外，我好欣賞這裡的飲品。檸檬茶茶底用上貴茶葉，師傅親手拉茶，茶味香濃與別不同。五谷雜糧豆漿有米香，用上不同穀類，又滑又濃郁。

港越黎越多烤魚食 洗乜特登北上🤘🏻而且香港都有好多靚靚cafe 唔使去深圳咁遠打卡啦~ 支持返本地野好過❤️——————近排試左間食烤魚嘅小店 想推薦比大家魚肉嫩滑肉質紮實 而且又好入味！！湯底係試過咁多間食烤魚最好味嘅😻鮮甜既魚湯配自己炒製既香料食落夠麻夠辣 又食到食物嘅鮮味🙆🏽‍♀️唔係死辣/蓋過食物既味道比重慶xx同成都xx好食🤫🤫配料亦好出色 一定要食埋手工寬粉 寬寬既薯粉掛上麻香既辣汁 真係好過癮!!!!!———————最抵讚係員工既服務態度好好~~~~會不停介紹啲食物製作過程 (冰係用過濾水整 烤魚啲香料係自己炒etc)聽落都放心啲 最驚食埋啲化學野落肚喺香港食烤魚雖然係貴啲 但係品質有保證呢間小店值得再去!!!!!

以前去四川都食過烤魚食到不能忘記你，一路搵緊香港有冇鋪頭做到果種味道，今次黎呢度鄧算搵到呢種感覺。首先黎個小食口水雞先，個汁好口香味，而呢種味又滲到入去雞肉入面，而雞肉都幾滑。麻辣豬耳都幾彈牙，個汁同口水雞既味道差唔多青瓜用左大青瓜黎整，口感就大舊d，水份多，食落清爽。食食下老板冇啦啦拎條魚出黎介紹佢d魚幾新鮮。主菜係酸菜烤魚，魚係江團魚，呢個係四川名魚，多數拎黎做烤魚。條魚都幾多肉，肉質滑而且冇細骨，放心食用。呢個唔辣既，好岩落埋幾多配菜落去，因為唔驚太辣食唔到其他火鍋配料。辣味桂花魚，呢個品種就魚肉滑又多肉，不過就最貴 但係值得一試。如果大家唔係好食得辣就要叫微辣，因為我叫少辣都好辣。火鍋叫左肥牛，麵，同埋豆卜呢個都出奇地好食，冇麵粉味，口感似拉麵。最後記得叫佢地既果汁，堅係新鮮，呢杯熱情芒果汁好多果肉之餘又唔太糖，好過出面d水果茶都唔知用咩汁沖出黎

同朋友之前食親烤魚、四川野都要番深圳，因為比較正宗嘛～但朋友話發現最近有間食烤魚好正宗唔洗番大陸咁遠喎，當然去試試佢！招牌以為係主打米線？但我地嘅目標係烤魚，而且入到去台台都為緊烤魚嘅聽到老闆娘講佢真係正宗四川人，所以佢做嘅係正宗四川烤魚好期待呀一行5人叫左兩條烤魚+3個小食青瓜好味，有啲辣油醬浸住辣辣地好開胃麻辣豬耳好彈牙，份量都唔細，辣油醬配咩都好食口水雞，雞肉幾份味而唔會過辣，唔會得幾件咁少，都幾多，惹味酸菜烤魚-江團魚呢間好均真嘅係佢標明條魚幾重，上台果然幾大條，好多肉！江團魚第一次食，老闆話係四川好出名嘅魚，好滑又多肉，仲冇細骨果然一試真係好多肉又滑然後到桂花魚啦，好大條，仲拎出黎俾你睇一睇，條魚仲跳緊辣味烤桂花魚桂花魚唔洗講一定好滑又啖啖肉而香辣味好惹味，魚係烤過再放湯，好香呀加埋配料加埋入鍋，正呀，入晒味配料方面我最推薦嘅有蓮藕、豆卜、手工麵蓮藕真係好襯辣鍋，煲耐左都唔會過辣豆卜好香又吸晒湯底精華，怕辣就唔好煲咁耐喇手工麵不得了，好彈牙好好味！老闆話真係師傅自己日日拉出黎野飲方面，熱情果芒果汁好正，係鮮果味唔係藥水沖，仲好解辣

終於唔洗北上都搵到間不錯的辣烤魚啦,仲要非常就腳係長沙彎,間野好新淨新開無耐,位置兩邊都舒適,同朋友兩位安排坐卡位叔叔好好招乎,又細心介紹d魚,話非常新鮮即叫即劏$59有四款配料,價錢幾抵食。另外再加左碟肥牛$78,呢個質素既牛就好一般。^_^今晚既選擇,覺得自己揀得幾好鮮青椒烤魚一開頭食清清地,條魚真係好大條好足両我諗,而且係炸過先擺出爐,手工完全睇得出唔馬虎,個味愈食愈出,愈食愈麻辣仲有酸菜既酸,好正！食食下都加左碗白飯配配料。呢個價錢同朋友可以食到辣魚過下口隱真係唔錯,又唔洗去到北上甘遠水路。下次會再試其他辣味既魚！

朋友話長沙灣有間烤魚新開張，趁住早收工當然要約埋試一試～🥢酸菜蒜香烤鱸魚$268🥢滷水牛肚$28🥢手工寬粉$20🥢自選4款配菜$59先上嘅係滷水牛肚，牛肚切薄片滷得好入味，食得辣點埋紅辣粉就更加正。烤魚我地就簡左海鱸魚，魚係即劏即烤即煮，魚皮烤得勁香脆，魚肉亦好鮮好嫩滑，一啲腥味都無，加埋酸菜、生蒜、炸蒜等配料惹味得黎又好開胃，辣度就簡左微辣，由於煮法係比較正宗，微辣嘅辣度已經好夠辣，當然食得辣嘅朋友可以挑戰其他辣度應該會更過癮，而呢度可以加$59簡4款配菜，比較特別嘅係年糕，煮完嘅軟糯口感幾有趣，蟹柳、金菇同腐皮雖然唔係咩頂級食材，但放落去煮吸收晒精華都一樣好滋味😋另外店員推薦嘅手工寬粉亦值得一試，口感Q彈亦十分索汁。

一聽男友說帶我去吃四川菜就反眼，心想四川菜不是水煮魚、水煮牛那些辣到瘋的菜式嗎？原來四川菜有很多種，這次我們吃的是烤魚。首先一進店來就被牆上的手繪畫所吸引，很有特式！而店裡也沒有瀰漫著刺鼻的麻辣味，但每桌都必定會點大一盤烤魚。而店員亦非常細心地講解餐紙上四款魚的獨特之處，最後我們選了微辣的酸菜蒜香烤鯇魚（$268／半條）烤魚一端上桌就已經香氣四溢，原來廚師預先煎了魚的背面，加上配上驚人份量的蒜、炸黃豆、豆腐、菜、西芹、青瓜、酸菜和粟米，真的超好吃！微辣對於我這個平常不吃辣的人來講是完全可以接受的程度，而且很惹味，重點是湯頭很清，不會范油。鯇魚超新鮮，鯇肉爽甜，而且骨&肉能輕鬆分開，魚骨不多很容易進食，兩個人吃這個超夠飽！！不過我們還是想試一試源味口水雞（$38）來得吃四川菜怎能不試正宗口水菜呢？加上品嚐過鯇魚後對他們的菜式實在很有信心。口水雞的確比較辣，但辣得很過癮，除了辣椒辣油外更加入果仁粒，整個口感超讚！完全是自虐狀態，越辣越想再吃！紅油藕丁（$28）很爽脆！雖然是紅油，但不算太辣，本來就很喜歡蓮藕片的我超喜歡這道菜！店員強烈推介凍檸檬茶（$16），一問之下發現原來是手拉茶！色水跟

找尋了很久很久,在九龍週邊都未找到一間味道正宗又好味的烤魚店。但昨天聽同事講話深水埗清山道有間新烤漁店開咗，魚好新鮮幼滑，味道正宗好味，於是乎昨晚拉大隊去試吓，一到門口就有位笑面迎臨的侍應來開門,招乎我們大夥人入塲。我們一坐下來立馬看看有什麼菜先；一看菜單由自可，竟然有多種處理方式，就連深圳都找不到的豆花及青椒味烤魚，這裹都有。最終因大夥兒中有人不吃辣的，故點了一條桂花魚用酸菜蒜香方式做（唔辣的），另外再點了一條江團魚用鮮青椒做的（中辣），另外再點了大份的手打牛丸，墨魚丸，牛肉及健康爽芒。過了十五分鐘左右，兩盤新鮮即殺即造之烤魚熱烘烘的送到面前，香味衝鼻，流口水了。我們想大口吃之際，侍應竟然叫停大家，叫我們待湯沸騰後才進食，因這樣會更入味，如此細心，可見一班。吃到此青椒味江團魚時，有位達人認為仍不夠辣，立馬問及這侍應，侍應回復有靑椒香料湯可加入，増加其辣度，而此靑椒香料跟原來的湯底是同期制作的，故不會影響其源味。有此建議那真可放一試！果然真能提升辣度,又不失其味道。而為何魚質有如此嫩滑,據侍應回復，原來是每日新鮮進魚，即叫即劏，才會如此鮮嫩。但地方比較細，不夠外邊排隊人龍入坐。此店出品

點左重慶酸辣米線，點左小辣，但系老板一見到我好似辣得有d辛苦，就馬上主動幫我拎個湯去減辣😝，態度好好而且d米線都幾有趣--螺旋形, 就唔似平時個d甘難夾來食，見到唔同細節都好細心

最近好興返大陸食烤魚，見屋企附近新開張，就約埋朋友試試啦，如果高質就唔返大陸食咁遠啦，誰知一肚火離場！我地８：００左右坐底，極速點菜後等食，我地叫左前菜皮蛋，主菜酸菜烤盧魚，同健康檸茶。皮蛋沒有很特別，鄰店連鎖式米線店好味得多；健康檸茶，茶味過濃有苦澀味。唔緊要，我黎主要目的係食烤魚。大約等左１５分鐘，侍應話冇盧魚要我地轉鯇魚，唔緊要由佢轉，３０分鐘之後我地追問要等幾耐，侍應一直同我地話「跟緊喇，好快有」。直到我地見到隔離幾台客遲過我地落單都有得食喇，我地再追問侍應，佢答我地３分鐘有。結果，３分鐘後侍應同我地講冇魚，我地足足等左一個鐘有多，依家先黎話冇？我：你唔早講冇？侍應：條魚俾左另一台客所以冇左我：咁姐係點呀？侍應：頭先叫你地轉鯇魚又唔轉（態度極差）我：我地一開始咪轉左囉侍應：咁依家冇晒唔通我依家出去買俾你呀？（態度更差）我：你打開門做生意，自己唔備貨關我咩事？你俾錯另一台客仲鬧我地？侍應：入面仲有２條鯇魚依家整俾你３分鐘有得食（發悔氣）我：仲等？你一時話有一時話冇，我等左成個鐘喇，你依家又同我講３分鐘，你知唔知自己講緊咩？然後我地起身走。期間亦有另一台客都因為等太耐同埋冇魚而