源味開元米線 (Closed)

一心入去諗住食米線，但係實在太多嘢太吸引，除咗米線之外， 結果點了口水雞、涼拌皮蛋，茄子豆角同埋蒜泥白肉。米線拌上牛丸、大腸和炸魚皮， 魚皮吸咗酸辣湯份外好食，牛丸係手打所以特別彈牙。 值得一讚還有個湯底， 酸辣湯帶點四川味道，又不會搶喉。涼拌皮蛋滿有醬油味道， 口水雞辣度剛好，脂肪不會太多。 蒜泥白肉肥瘦肉三七比例， 個人覺得瘦一點更加好。不得不讚百香果凍飲， 飲到好多鮮果肉， 夏天消暑之選。走米線路線附上烤魚雞煲的店舖不多， 座位亦算舒服， 牆上的圖畫增添了不少趣味， 店舖不太顯眼， 朋友說不錯就去試試，下次要試試烤魚呢！

豆花烤魚 - 鯇魚 💰268 8⃣️分 食完想再光顧的一家烤魚店。小編和友人們一齊去左依間新開既烤魚鋪頭，雖然話就話叫米線，誰不知入面食烤魚既人多的是。首先想講小編選擇依款鯇魚先，外面係烘過，所以魚既外層好酥脆，而魚肉就好鮮嫩，加上醬汁，好入味。/4種自選配菜 💰59 7⃣️分配菜冇話好特別，但係每款個分類都好足夠，兩個人食已經會好飽肚。而且菜都好新鮮同爽口，放入d湯入面一齊煮好容易就索曬d味。/口水雞 💰128 7⃣️點5⃣️分依款口水雞唔會話特別辣，所以食唔到辣既朋友仔都可以點。雞既口感鮮嫩，而且夠曬滑，每一舊都切到啱啱好，而且全部都係雞髀位，真係啖啖肉。因為太入味，食得太多d辣就會慢慢滲出黎，食得辣既朋友仔就必點啦。/霸氣百香果 💰28 7⃣️點5⃣️分首先係佢個size大大杯，夠曬霸氣！再者飲落去唔會太酸太甜，中庸之道得非常好，飲完講真會想再叫多一杯。其次聽到老細講，佢地個冰機係私伙嘢，可以消毒埋，飲既水都健康d。真係識為街坊著想。果然霸氣十足。

之前有住附近嘅朋友介紹過呢間四川餐廳，話佢嘅辣野幾正宗，於是小妹就慕名而來啦。7:00嚟到已經有好多台喺度食緊佢啲最出名嘅烤魚啦。除咗烤魚之外，呢間野仲有米線同埋好多唔同種類嘅川味小菜可以選擇。由於小妹我唔食魚，近排有減緊肥，夜晚唔食澱粉質，於是我揀咗好多唔同嘅小食醫肚啦~健康爽芒：呢杯野認真抵飲，佢係用啤酒杯裝架！入邊仲有好多嘅芒果肉添呀！飲落唔會太甜，夾雜住少少熱情果嘅酸味，好啱夏天飲呀！老闆超級推薦嘅檸檬茶，老闆話佢哋嘅茶底係用錫蘭茶葉沖出嚟之後再人手拉㗎。果然，杯檸檬茶真係有好香嘅錫蘭茶葉味，同坊間一般嘅檸檬茶真係好唔同，建議大家篤檸檬之前飲一飲佢個茶底先，如果唔係篤左檸檬就有溝淡左個茶底啦。源味口水雞：食四川野點可以唔食口水雞呢～呢度嘅口水雞一個特色就係啲雞切得好好好好好薄！！食嗰個位係雞髀位，但每一舊雞都切得好薄，完完全全入晒啲辣味。佢隻麻辣係越食越辣嗰種，不過真係好入味，所以一路食一路飲嘢止辣～過癮過癮～滷水牛肚&滷水豬肚：呢間野嘅師傅刀工好犀利，佢將所有嘅嘢都切得好薄，一絲絲咁，令啲滷水汁入晒啲肉度，正！滷水牛肉： 呢個牛肉同一般嘅牛肉唔一樣，似風乾左嘅牛肉咁嘅口感，同

餐廳裝修簡簡單單，夠晒光猛，牆壁壁畫帶點復古，夜晚人流較多。一共有4種魚類選擇，價錢中等，經過一輪選擇我地揀咗海鱸魚！香辣烤海鱸魚叫左微辣，因為唔係太食得辣。魚唔算好大條，不過都够食。上枱時魚已開邊，唔算有太多細骨，魚嘅肉質算嫩滑，其他嘅配料亦吸收了湯底的精華。一開頭食唔算太辣，但真係越食越辣！另外仲叫左四款配菜，手工麵、金針菇、寬粉同豆卜。只需加$59，有齊四款唔算特別貴。值得推薦嘅係手工麵，食落唔易斷，彈牙。霸氣百香果感覺清新，唔會太甜，飲落幾舒服，可舒緩一下辣味。

聽聞長沙灣有一間烤魚口碑幾唔錯，好多附近嘅街坊都推薦，鐘意食辣嘅我收到風，就梗係黎試一試。呢間烤魚唔算難搵，原來唔係淨做烤魚，午市嘅時候都有米線可以食下。坐咗落檯，老細就好熱情咁話試下皖魚或海鱸魚，15分鐘之前岩岩到貨，包保新鮮好味，咁我就撿咗偏滑啲嘅海鱸魚做烤魚，味道亦都係聽老細推介，撿咗最受歡迎嘅青椒味，微辣微麻，再加小小配菜，夠曬。老細果然唔係吹水，要烤魚認真比我好大驚喜。首先條魚夠重多肉，肉質滑溜就自然唔細多講，最梗要係嚮一條用好多香料去煮嘅烤魚身上食到魚嘅鮮甜味就真係唔係咁易，再加上個青椒醬汁，保留咗麻辣香辣嘅野味之餘，仲多咗青椒一種獨特嘅鮮辣味道，令味道更加豐富，真係好正😍😍😍😍。其他配菜如年糕，薯仔片吸曬醬汁都好野味，好好送飯，食到我越食越辣但就係停唔到口。我都忍唔住問老細，點解你啲烤魚咁好味，佢就同我講佢地堅持一直原汁原味，唔單指選材方面選用最新鮮嘅魚，希望保留翻魚本身已經好正嘅鮮味，係味道上亦都係從來唔靠味精黎調味，而係用幾十種香料去煮出呢個咁好食嘅醬汁。老細講嘅又真係啵，我食完其他烤魚，因為太多調味料醬汁而會覺得有啲鹹，條利好鞋，但呢間就完全無，感覺比一般烤魚健康，

今日同朋友嚟到呢一間小店 睇落就幾新淨問返老闆原來間鋪只係開業開咗兩個月今日黎就冇試到佢嘅招牌烤魚 希望下次可以黎補番我哋一坐低老闆就好熱情咁招待我哋仲介紹咗好多嘢食，好多招牌俾我哋慢慢揀手打牛丸 墨魚丸 雞翼 手打麵(雞湯微辣)咁老闆就介紹佢哋嗰d牛丸墨丸都係佢哋自己手打嘅，所以食得出好彈牙多汁 至於個湯底就好似may姐話齋:食雞有雞味因為佢哋d雞湯都係自己熬製炸魚皮 雞翼 手打麵(牛骨湯底)雞翼就煮得好淋，好入味順帶一提手打麵係特登請拉麵師傅過嚟幫手做嘅，所以食落口都幾順口湯底方面亦都食得出好清嘅牛骨湯另外就叫咗一碟口水雞算係招牌之一麻香辣俱全，而且雞無雪藏味實在係太惹味值得一試最後就加咗一份川菜就係水煮牛肉牛肉就食得出好新鮮，完全無醃肉粉味香料味十足，又麻又香，而且食到最尾都仲係熱辣辣鍾意食川菜嘅不妨一試飲品方面我都覺得好出色上面嗰杯係霸氣百香果，下面係健康爽芒老闆都話買兩杯都係用新鮮嘅水果榨汁，唔似出邊淨係加d化學野溝出嚟所以飲得出新鮮嘅水果味道整體來講，食物方面水準唔錯老闆同埋員工亦都好耐心咁介紹唔同嘅食物亦都睇得出老闆對飲食嘅誠意呢間鋪頭除咗麵食之外仲有烤魚同埋雞煲希望下次

做完嘢經過，見價錢幾抵，又幾多人食就入咗去！7點半度，已經接近full, 得翻一兩張二人枱！鋪頭裝修好簡單，燈飾好復古！有4隻烤魚揀，同香港同類鋪頭比較，價錢較平，最尾我地揀咗海鱸魚！唔中意食烤魚都可以食米線小食！香辣烤海鱸魚：都幾大條，幫手開咗邊，易入味d，無咩細骨，啱晒懶揀骨嘅人！初時食唔係太辣，千祈唔好心急加辣，因為會越煮越辣！🌶🌶🌶揀咗最熟悉嘅香辣，後尾有同老闆娘傾咗陣，佢最推薦鮮青椒味！btw, 老闆娘係四川人！追加手打墨丸: 兩個人食完條魚唔係太飽，追加手打墨丸，超有驚喜，真係墨丸黎，唔係蝦膠魚蓉，食得岀好足料！一份有成十幾粒，多人share 會再好d！口水雞&皮蛋: 汁整得好味，無得輸！總括黎講，超滿足一餐，價錢唔貴，味道十分ok，值得幫襯！食到後尾，同個店員傾謁推薦我下次食江團魚，仲拎岀黎畀我地睇，原來佢入面有魚池，即嗌即劏，所以係好新鮮！

去深水埗行街，天氣又熱烘烘，都係去左醫肚先！去左食源味開元米線食個米線先！黎到我都好struggle 㨂咩湯底，因為我唔太食得辣，但都係唔抵得忍唔住㨂左老公㨂嘅’重慶酸辣湯‘🤯當然仔仔就㨂左雞湯底，仲學人食公仔麵😆碗米線黎到經已聞到香噴噴嘅湯味，開頭食都唔覺得太辣，好似都接受到個辣度，但不知不覺間食到咁上下我頂唔到😅😅食晒啲餸我食唔晒啲米線🍜而老公就話想食埋個涼拌皮蛋，我唔食皮蛋都知隻蛋靚，起晒花，好有藝術美！佢話個汁調較得好好，夠野味 ！而不得不介紹係佢杯茶！☕️老闆介紹話個茶唔係用茶精沖，係用茶葉煲出黎，仲會拉茶拉夠20次以上，所以茶味濃、夠滑、唔會有澀味或苦！如果茶有淨都唔會留，第二朝會重新煲過、拉過茶！睇得出老闆除左對茶嘅味道有堅持，湯底更加唔好講係食得出「用心」嘅味道！下次我要飲我至愛嘅奶茶，今次因爲辣，我要飲可樂🤣走前見人地食烤魚，太吸引，聞到香味！原來佢地可提供4款魚，係用新鮮嘅魚，加5種煮法！家中嘅2位大叔係唔喜歡食魚，咁我只好下次約鐘意食魚嘅朋友陪我再去過！

老友帶我到一間新開的烤魚店吃，他說吃過一次後就想再吃。店員即席取出新鮮鯇魚仍然生猛跳動。老友推薦吃微辣酸菜蒜香烤魚。蒜頭很新鮮，咬下去蒜香湧上鼻腔，更有豆腐、粟米等多重蔬菜很健康。新鮮魚的確不同，起初都擔心淡水魚會否有腥味，吃下去卻非常鮮甜而且肉質結實，果然生猛跳動與別不同。由於選微辣的關係，湯底味道不算太濃烈反而更吃到魚的鮮味。食魚最佳配搭健康檸檬茶，茶味清純與其他茶餐廳的茶味很不同，令人一飲再飲，結果還是忍不住再叫多一杯。至於老友最近學習養生，點了一杯五穀雜糧熱豆漿。糙米、薏仁、小米、麥片、燕麥，糙米含有很高的維他命B群、礦物質等。蕎麥含有對心血管保護效果的成份，也有養顏美容的作用。薏仁亦可幫助降低膽固醇。味道不太甜更有香味。老友說有點像紫薯奶，豆香味很重好好飲，即磨很新鮮。烤魚配菜選了海帶、娃娃菜、手工麵及鴨血。手工麵彈牙鴨血不錯，口感有彈性而且沒有腥味娃娃菜很新鮮，店員說蔬菜每日採購所以賣光當日就沒有。海帶很腍。

今日黎試新開既餐廳 主打烤魚一入黎 感覺有別於其他烤魚食肆 呢度無油煙 座位寬敞 夠光 幾舒服。岩晒一班朋友黎 或者一家人黎都得呢張menu show晒邊類魚同邊種食法。我就揀左新鮮入貨既鯇魚 無咩骨 同埋用豆花烤魚整 呢隻味第一次試。又岩晒食少辣既我 一上爐 就見倒好大條魚呀🤭仲驚食啊晒添 佢本身少少生生地 外面烤過。半熟的狀態。所以我滾起條魚就熄火 慢慢食。先再食其他配料， 如豬紅、寬條麵、娃娃菜等本身叫左小辣。不過如果唔想太辣 可以因應自己口味。拎走d辣椒🌶️架。因為佢上爐時 d辣椒都仲係面 唔會全部浸晒係湯底。自由選擇。 d豆腐好滑 就拎黎索晒魚既精華。正丫。仲要師傅已切好魚身，𠝹左幾下 放便夾黎食。仲叫左個口水雞。呢個雞切得比較薄。辣味十足 肉質有別於一般口水雞。口感幾新鮮仲叫左寬條麵 呢個要滾耐d. 待腍身後 先食就正別。口感軟而滑。有台灣食品QQ的感覺。侍應仲話呢d麵係自己整架 唔係入貨 所以同出面餐廳唔同。最後 試埋呢杯極力推薦既手拉檸茶 d茶拉左十幾次 先甘滑 一d苦澀味都無。值得一試 仲要浸住檸檬甘耐 都唔澀 無得嘆丫 必試之選

有時簡單幾句細心說話，特別喺呢個時勢環境，真係有暖心嘅感覺，一入到嚟坐低，餐廳姐姐就主動走埋嚟推薦各種魚，會問問你嘅喜好，再加以介紹，最後就揀咗鯇魚嘅酸菜蒜香味份量好足，鯇魚走油外皮帶脆口，肉質夠滑，好吸湯汁，魚身上嘅炸蒜粒入口唔會辣到嗆喉，仲帶啲甜味，成個烤魚已經有洋蔥，蓮藕做底，其實成盤都好夠食，呀，差啲未講個酸菜湯底，湯底係微酸帶甜，味道唔算太濃，可能因為其他菜底帶出嘅甜味，所以一路煮住一路食唔會愈食愈咸其他配料可以59蚊揀4款，好抵呀，有樣係餐廳極力推薦嘅就係呢款火鍋寬粉，佢係厚身寬薯粉，煮嘅時間會長少少，而且無咁易爛，但係佢可以好充分吸收哂湯底精華，係必食㗎

唔知有冇朋友仔鍾意食烤魚呢😎其實喺香港都可以搵到正宗嘅四川烤魚❣️前排朋友就話長沙灣開咗間新嘅烤魚店 所以夜晚就去左食💜店員好好招呼 仲會同我地講解每種魚嘅分別🤔烤魚我地就揀左海鱸魚$268魚係即劏即烤即煮 魚肉幾嫩滑 最緊要係唔算太多骨😀加埋酸菜、生蒜、炸黃豆、豆腐、青瓜、薯仔和粟米等配料惹味得黎又好開胃辣度就簡左微辣 店員亦都有提及因為係採用左四川正宗煮法 所以辣到會比平時食嘅烤魚較為辣 個人認為微辣已經好足夠而且佢係會越食越辣❣️食完烤魚可以加配料同湯底一齊煮 我哋就揀咗手工寬粉$16 放埋落去同辣湯一齊煮寬粉係吸晒D味 所以食落去係好滿足😆嘢飲方面我哋就叫咗佢嘅推介健康檸檬茶$16同霸氣百香果$28 裡面有滿滿熱情果😝夏天嘅時候飲完好清涼❣️

自從食過深圳既烤魚，對烤魚一直念念不忘。香港都愈來愈多呢類型既烤魚，今晚行過長沙灣見呢間新開，睇下有無深圳果d咁好食🤤入面裝修都有用心畫左d壁畫座位都闊落。店員都好熱心，會介紹邊款魚適合咩味道。我們點左酸菜蒜香烤魚 (配桂花魚) 微辣份量幾大，個酸菜湯底幾濃，唔係好酸，蒜香味較突出呢度既辣比較辣，微辣對我們岩岩好。桂花魚好滑好厚肉😍店員仲拎左條魚出黎比我們睇真係好大條，好新鮮生猛💦個魚肉食左成餐都好滑，完全唔老。另一個鍋點左 香辣烤魚（配江團魚）小辣呢個望落都覺得火辣🌶開頭唔係太辣，點知愈食愈有味，真係好香辣😍正🌶 呢個魚雖然都係煎過，但配呢個香辣個惹味程度更高個皮好香，真心好食，而呢隻江團魚對比下肉冇咁厚。配料方面火鍋寬粉，呢個麵真係萬能key ，配乜湯底都好夾，好爽口彈牙。手工麵呢個要推薦👍🏾👍🏾👍🏾好好食，麵質好彈牙。原來店主自己整😯真係必點📝小食方面源味口水雞🐓個汁好正宗既感覺，雞都入味同滑👍🏾飲品方面健康爽芒好fresh 💦芒果味好濃，唔會太甜，飲落好舒服🍃

今晚去左長沙灣睇牙，睇之前食定野，求其喺附近搵下有咩食，竟然搵到間新開嘅米線舖。佢晚市做緊烤魚餐，但我地時間有限，就食米線算。環境勁乾淨。湯底一定要試牛骨湯，夠濃味！我地分別揀左紅薯粉同手工麵，好特別～食落唔似有味精，加左勁多餸，最好味莫過於豬紅，手工牛丸都正！另外仲試左好多小食，必試源味口水雞，雞質滑而且辣。夫妻肺片就夠哂入味，都係好辣的。而皮蛋都好食！而滷水豬耳同牛柏葉就唔辣嘅，好好味。川百涼粉本身無味，靠個辣汁先好食。而擂椒茄子係激辣，完全食唔到～但味道好香。

我本身就好喜歡食魚，但又想食火鍋，所以今日就同朋友去食烤魚，今次我就選擇食海鱸魚，因為比較熟悉，海爐魚$268比想像中細條，所以另叫左肥牛$78份量都係少，但好有牛味，再叫左寬粉$16，好好食而且好有口感，用黎吸哂湯汁食，味道一流