幸屋

Open Now

Now Closed

呢間小店門面唔算大，都冇好靚嘅裝修，晚餐時間條街都靜英英冇乜人，真係完全唔起眼。但係佢嘅食物真係算幾高質！而且價錢都算平，性價比高👍🏻1. 醬燒牛肉丼 $93呢個我覺得係必食之選🥰個飯係正常份量，但係牛肉真係算幾多！一碗有成六七塊牛，牛肉都有返啲厚度，而且肉質一啲都唔韌，配埋佢嘅醬汁，食落真係有種幸福感🥰仲有溫泉蛋呀！撈埋個飯，滿滿嘅蛋香同牛肉既美味，真係停唔到口😋2. 赤武士辛味拉麵 $108拉麵嘅份量都唔少，有原隻糖心蛋，仲有兩三塊大大叉燒，湯底睇落紅卜卜，好似好辣，但其實還好啦，唔算太辣，味道適中，唔會太鹹，配埋拉麵，就啱啱好！小店來講，呢間真係高質，可以返兜👍🏻利申：並冇任何試食活動/優惠！全部正價！(按餐廳MENU上價格付款)

灣仔呢間日式拉麵嘅小店，之前幫襯過一次，印象中佢嘅拉麵相當唔錯，價錢亦都合理，今次經過又入去幫襯下。黑蒜濃厚山藥豚骨拉麵（$88）- 點餐時可按照自己口味，選擇粗幼、軟硬度、湯底濃淡等等。黑蒜湯底非常濃郁，充滿黑蒜香味、豚肉肥瘦適中，配以溏心蛋、椰菜同雲耳等，味道好正。醬燒牛肉丼（$93）- 牛肉味香濃，質素唔錯。同樣配以糖心蛋同椰菜，丼飯份量足夠，唔食拉麵嘅朋友另一個選擇。蟹籽沙律 - 份量非常之多，青瓜絲、蟹柳同蟹籽，好清新開胃嘅前菜選擇。炸魷魚鬚 - 魷魚鬚炸得香脆可口，點買沙律醬食，非常惹味嘅一個小食。小店裝潢走日本居酒屋風，店員親切友善，食物質素高，價錢亦合理。

呢間拉麵店假期都好多人食。食物不錯，店員服務態度好好，不斷幫我加水。🍜鹿兒島赤鷄沾面鷄肉超級滑溜溜，完全不會鞋。湯底偏濃的，用來點鷄肉就好突出。另外有好多配菜，溏心蛋好正好好味，比一粒真係超好，好多只比一半。🥟和風餃子呢個餃子必叫，樣子非常討好。個底好脆但餃子本身又多汁，豬肉味香濃。餃子點沙律醬同木魚一齊食係好夾。餐廳出面都幾容易揾到。價錢不貴，經過都可以來試下。而家仲有特別menu可以選擇，不錯吃。

拉麵癮起，每次想食拉麵時便會想起位於灣仔的人氣店【幸屋】🍜店中拉麵可選粗幼度、軟硬度、湯底及香油濃度等等，十分細心❤️胡麻王 豚骨拉麵 $80平日比較少嘗試到以胡麻為主調的湯底，黑白芝麻佈滿豚骨湯上，尤其黑芝麻味突出，芝麻香濃郁，拉麵掛湯，每條拉麵都沾上黑芝麻和豚骨湯🐷叉燒肥瘦平均，而且嫩滑🐷櫻花蝦味增拉麵 $88櫻花蝦份量很多，湯底濃郁，叉燒同樣有2大塊，肥瘦適中，櫻花蝦及味增湯底的香氣非常惹味🦐兩款拉麵的溏心蛋火喉剛好，值得加分蟹籽沙律 $48滿滿的青瓜絲做底，再將沙律醬和蟹籽拌勻，味道清爽又清鮮芝麻手羽 $38非常香口的小食🐥芝麻外皮炸得香脆，而且肉質嫩滑Juicy

這晚我們來到灣仔這條機利臣街，找到了這間門口很有日式氣氛🎌的小店，很吸睛📸，主食方面，我們吃了一個黑蒜濃厚生藥豚骨拉麵🍜($88)和醬燒牛肉丼🍚($93)；小食方面，我們吃了和風餃子🥟($38)和芝士🧀年糕($34)。黑蒜濃厚生藥豚骨拉麵🍜，薄薄的兩片豚肉，有紫菜、椰菜、溏心蛋，本身喜歡吃雞蛋的我，最欣賞這裡的半熟流心溏心蛋，看著蛋汁緩緩流出，很吸引😍，湯底有黑蒜味，麵條份量也很多，會吃飽飽！😂醬燒牛肉丼🍚，滿滿牛肉片鋪在米飯，加上一隻切開一半的流心溏心蛋蛋，賣相討好😛，醬汁在米隻底下，記住要拌勻才吃，不然就會很乾的！🫶🏻個人覺得小吃比主食更好吃呢！😋這裡和風餃子🥟賣相好得意😆，圓形羽根，看上去第一眼並不像餃子🤣，喜歡充滿沙律醬汁、蔥粒和木魚的薄脆餃子，每啖都滋味無窮！🤤芝士年糕🧀即炸，熱辣辣🔥，流心軟滑芝士加上煙韌年糕，好吃，絕配！😋值得一讚的是這裡的女店員服務很好，笑容可掬，會主動幫我們加水。👍🏻Info店名：幸屋地址：灣仔機利臣街5-9A號維昌大廈地舖

喺港島要搵一個日式拉麵店唔過$100真係唔係咁容易，今次搵到呢一間拉麵店覺得真係性價比好高 。今次叫咗一個拉麵，一個飯、一個沙律、同埋一個炸蠔 。每人平均$100-200真係成日食嘢嚟講叫做好抵食 。拉麵叫咗櫻花蝦拉麵，10分推介拉麵，湯底好濃郁，但係又唔會話太鹹，配料嚟講都叫做幾多 。另外牛肉飯呢，飯嘅份量都叫做一般份量啦，唔會叫做好多或者好少，另外要提及嘅就係佢嘅牛肉，牛肉燒到一啲都唔會話好韌。建議如果嗌咗拉麵同埋嗌飯嘅話，因為牛肉比起拉麵嚟講叫做冇咁重口味，建議真係食咗飯先 。或者可以分開叫因為佢上菜叫做好快 。另外小食嚟講非常之推薦沙律！份量好夠兩個人食，仲要好好味 。本身我就唔係好喜好要食蠔嘅，但係朋友講到想試吓，就試吓啦，點知嚟到嘅時候一啲都唔會腥，好新鮮 。整體嚟講我覺得係好唔錯 👍🏻另外店舖唔算太大，建議可以早啲去攞位，因為今日去到嘅時候7點幾8點鐘已經坐滿晒人

位於灣仔唔算方便既位置, 呢度勁日本居酒屋風既感覺, 現場都幾打卡able金武士豚骨拉麵呢個個湯底勁香濃, 包括有兩款不一樣既肉, 一個係厚切, 一個薄切, 兩種口味口感都不一樣, 麵質都好彈q, 最鐘意都係個湯底好濃既豚骨味道廣島蠔沾麵呢個沾麵比想像中更好味, 之前係香港食過既沾麵都伏伏地, 呢個係超好味, 麵質唔硬, 撈埋熱辣辣既湯, 拉麵極為掛湯, 整個味道同層次感都勁加分, 而廣島蠔一點腥味都沒有, 超肥美!!芝士年糕炸過既年糕入面係濃濃既芝士, 超好味加彈qq, 芝士味好香好濃滑, 作為小吃真的十分不錯

有次妻子邀請一齊返工嘅時候午餐，於是她就前來這間拉麵店先攞飛等位🙇🏾‍♂️員工都會問你飲水定係飲茶，飲茶嘅話都會俾杯熱水你，然之後有獨立包裝的日本煎茶。👏🏾佢啲前菜都只有芽菜，沒有其他，因此都沒有多吃。結果佢就點咗個湯拉麵，湯底都算濃香，黑蒜的味道不算特別出色，不過麵條浸得耐之後，😯湯底就沒有太過熱燙，麵條份量不算太多，不像沾麵那種極粗麵條，不過起碼不是快熟麵那種沒有誠意嘅麵條， 😀都算煮得帶些咬口。叉燒反而偏瘦 ，因為這是圓形紮起來的叉燒，一般都會肥瘦均勻，想不到竟然有七八成都是偏瘦的肉。😯反而妻子那個角切豚還是什麼肉，比較像中式的東坡肉，肥肉比起瘦肉更加多，真奇怪了😀蛋都煮得相當出色，中間的蛋黃全呈流心狀態，是真正的半熟蛋。湯底配料相當豐富，唔會只係一味有個濃郁嘅湯底，然之後有啲麵條，還有大量醬料，或是其他炸蒜粒作配料反而，芝麻雞翼，外皮香脆，比起麵條好像更加出色，而且外皮香脆，內裏帶大量肉汁，實屬是相當不錯的芝麻雞翼。 🥰想不到， 90多近百元的一碗拉麵，竟然都這麼多人等位有時候甚至唔只係坐喺吧枱位置，好吃得來還是不太廉宜

店名: 幸屋地址: 灣仔機利臣街5-9A號維昌大廈地舖灣仔站 B1 出口，行6分鐘環境: 4/5價錢: 4/5味道: 4/5呢間位於食肆集中既機利臣街拉麵店🍜，CP值高🤩，水準亦唔錯👍🏻！除左有多款拉麵同沾麵揀🍜，仲有丼飯🍚、小食🍢添！招牌湯底係每日用大量豬骨熬煮🐷，味道鮮甜濃郁😋～店員亦非常熱情好客💁🏻‍♀️，一坐低就立即送上熱茶🍵！鹿兒島赤雞沾麵 ❤️❤️❤️❤️$108湯底滾住上🔥！配上軟硬度適中既粗身拉麵🍜，令佢既鹹鮮甜更出🤤！配料方面，赤雞🐔嫩滑軟腍、口感豐富！溏心蛋香軟幼滑🥚、蛋黃流心湧出💛～整體味道唔錯👍🏻！醬燒牛肉丼 ❤️❤️❤️❤️$93醬燒牛肉🥩軟嫩多汁、入口即化！搭配係丼飯上再加蔥花，令口感更豐富🤩～意外地同沾麵一樣配上一整隻溏心蛋分半🥚，更加滋味😋！和風餃子 ❤️❤️❤️❤️❤️$38黃金雪花煎餃賣相好似大板燒🥘，咬落脆口🤤！外層塗上少少沙律醬、木魚🐟，食落甜甜地好開胃😋～同入面充滿日式風味既餃子餡料好夾👍🏻！芝士年糕 ❤️❤️❤️❤️❤️即叫即製！咬落外脆內軟✨，年糕口感軟糯煙韌，入面更有芝心內餡🧀，每一啖都充滿濃濃既邪惡芝味😈～

呢間位於灣仔機利臣街既小店主要食拉麵同飯為主既,入面環境好似去左日本既居酒屋咁,入面都有D吧台位俾客人坐,我地叫左一碗牛肉飯,牛肉飯牛肉份量都幾多,仲配有半生熟既溏心蛋,溏心蛋好滑,牛肉唔會好鞋有口感,另外我地仲叫左一碗櫻花蝦拉麵,入面有圓形既叉燒片,肥瘦岩岩好唔會好似食肥膏咁,咬落好啖啖肉,櫻花蝦湯底都幾鮮甜,小食叫左一份冷豆腐,豆腐上面仲有木魚同埋青瓜食落好FRESH同埋豆腐好香滑,雞軟骨脆卜卜加埋沙律醬好夾。

心血來潮想食拉麵灣仔呢間門面掛著紅燈籠嘅居酒屋評價同口碑唔錯果然無令我失望長長窄窄嘅空間．樓底超高．坐得舒適兩點後下午茶時段仲有優惠除咗拉麵之外．沾麵同丼飯都好吸引✨魚介豚骨沾麵湯底超熱．滾住上加入魚介令味道超香濃 且唔會太鹹粗身拉麵 軟硬度適中玉子香軟幼滑．蛋黃流心般湧出厚厚嘅叉燒好軟腍．口感豐富✨芝士年糕即叫即製．外脆內軟口感軟軟糯糯．芝味十足整體食物有水準．用心製作性價比高唔怪得吸引附近居民同上班族歡迎以後食拉麵又多個選擇啦

🥗蟹籽沙律清新爽口青瓜絲，配搭滿滿蟹籽&蟹柳絲加上沙律醬，係一個開胃既前菜！🦪吉列廣島蠔外脆內嫩，散發出濃郁海水味，口感鮮嫩多汁，沾上醬汁有另一風味🍜櫻花蝦味噌拉麵濃郁既蝦味噌湯底，蝦香味強勁，配料有原隻唐心蛋，櫻花蝦仔，木耳，椰菜，紫菜，最重要有一舊厚切叉燒&薄叉燒，叉燒肥瘦相間，又好淋且入味，麵質爽口彈牙，伴湯汁食好正👍🏻🍲醬燒牛肉丼飯牛肉用醬汁燒過，肉質嫩滑多汁，醬汁香甜，旁邊仲有流心蛋，面頭鋪上大量蔥花，芝麻，層次感好豐富📍幸屋 灣仔機利臣街5-9A號維昌大廈地舖

幾年前已經聽朋友介紹過呢間拉麵店🤣事隔幾年今日放工終於有機會同朋友嚟試吓😆🤍日式冷豆腐滑滑嘅豆腐配上鰹魚汁同木魚絲，非常開胃🍠吉列紫薯栗子餅炸得非常之鬆脆，熱辣辣，紫薯味濃🐷日本黑豚丼朋友無飯不歡🤣所以嗌咗黑豚丼～佢話豬肉肥瘦適中，醬汁亦都好食，甜甜地幾開胃，亦都係用咗珍珠米， 有口感10分好🦐蝦汁帆立貝沾麵有兩隻好大嘅帆立貝，溏心蛋，配上木耳絲，檸檬，櫻花蝦，紫菜，筍等等嘅配料，沾麵食到底亦都見到有蝦汁👍🏻而沾麵汁味道亦都非常濃郁，配上掛汁嘅沾麵，令人非常滿足🤤

住港島區嘅朋友介紹灣仔呢間隱世嘅拉麵店《幸屋》，門口同入邊裝潢感覺置身於日本🇯🇵拉麵🍜店▪️金武士豚骨拉麵🍜拉麵軟硬適中，配料有木耳、紫菜、溏心蛋、椰菜及叉燒叉燒半肥瘦加少量肥膏，食落嫩滑豚骨湯底味道不算濃厚，較清淡我另加左黑蒜油（習慣左呢種味道）▪️和風餃子🥟呢個餃子真係不得了💯大阪燒的味道，冰花皮煎到好香脆，餃子吃皮薄多汁，真係世界級性價比嘅一間小店，坐得舒服，服務有禮，絕對會回頭，下次會叫手羽同沾麵

呢間裝修好有日本風格嘅餐廳🌈佢有沾麵同埋拉麵揀🥰唔同嘅麵條軟硬度同埋湯底濃度都可以自己決定😋叉燒都有三款選擇🍜「赤武士」辛味拉麵佢嘅湯底有一種辛辣嘅味道，但係唔會話好辣，唔食得辣嘅人都應該接受到😌叉燒肉係好滑嫩多汁，入口即化🥰面條本身都好彈牙，夠彈性😆配料方面，仲有埋蔥花同海苔，增添咗啲風味同口感😉🍲魚介豚骨沾麵佢嘅湯底係由魚介同豚骨熬煮而成😍味道濃郁香醇🥰魚介嘅鮮味同豚骨嘅濃厚肉香完美結合，令人回味無窮😌湯底帶有一絲甜味同啲濃郁嘅魚香，令人垂涎欲滴😎沾麵本身都好有彈性，口感滑順。配料方面，豚角煮係非常厚肉，但係都好嫩滑😗配埋一齊食好過癮～🥟和風餃子餃子皮好薄好滑，啖落去好順口😌而且餡料入面加咗啲和風調味料，例如醬油同芥末，帶出一種獨特嘅風味🥰食落口，感受到一陣淡淡嘅醬汁香氣同鮮味，好開胃同滋味😚煎得非常脆口😌食完覺得有啲唔夠喉～🥛冷豆腐豆腐嘅質地好滑嫩，入口即溶🥹冷豆腐會配上啲醬汁或者醬料，蔥花同醬油等等😌增添味道同層次感🥰食落口，可以感受到豆腐嘅原汁原味同埋醬料嘅香氣，令人舌頭都有種清新嘅感覺😎總括而言，如果大家想食拉麵嘅話，我都幾推薦大家試吓個辛味拉麵🍜🥰下次決定要再試試其他湯底