Video
Read full review
2021-09-12
1151 views
銅鑼灣嘅商廈一向係唔少高質omakase店嘅集中地，耀華街呢度最近就新開咗呢間雪見，一出lift淨係見到好靚嘅日式園藝🎋門口好似好神秘咁，一踏前，前方就有道黑色嘅自動門緩緩打開，先會見到入面富麗堂皇嘅裝潢，好有氣派。今次lunch time試咗壽司9貫套餐🍣包沙律、海鮮蒸蛋、麵豉湯同雪糕，可以坐係席前睇住師傅整。美中不足嘅係最後無得揀雪糕定咖啡，雪糕都係得芝麻一隻味。壽司九貫（蜜柑鯛魚、深海池魚、牡丹蝦、鯖魚、醬油漬吞拿魚、葱配小姬魚、火炙鰈魚邊、醬油漬鮑魚、火炙拖羅、海膽吞拿魚軍艦）壽司每件都好食👍🏻👍🏻無話邊款差啲，飯嘅調味同質感都啱啱好，就咁食件壽司都ok。當中蜜柑鯛魚比較少見，用蜜柑醃過嘅鯛魚帶點酸味。鯖魚唔腥仲有佢獨有香味😋小姬魚（第一次聽，唔知係咪呢個姬🙈😂）好特別，加埋蔥花好香口。火炙嘅油甘魚或左口魚就食得多，火炙鰈魚都係第一次食，燒到好香口，入口即化，好好食😻😻食埋最後兩件之前先食個漬鮑魚間場，醬油味好入味。火炙拖羅都係入口即化好香，但比起鰈魚中間保留返少少爽口，好食。最後嘅軍艦好足料，有甘香嘅海膽仲有鮮甜吞拿魚，好滿足。沙律、海鮮蒸蛋、麵豉湯、芝麻雪糕人均消費：$48
壽司九貫（蜜柑鯛魚、深海池魚、牡丹蝦、鯖魚、醬油漬吞拿魚、葱配小姬魚、火炙鰈魚邊、醬油漬鮑魚、火炙拖羅、海膽吞拿魚軍艦）
壽司每件都好食👍🏻👍🏻無話邊款差啲，飯嘅調味同質感都啱啱好，就咁食件壽司都ok。當中蜜柑鯛魚比較少見，用蜜柑醃過嘅鯛魚帶點酸味。鯖魚唔腥仲有佢獨有香味😋小姬魚（第一次聽，唔知係咪呢個姬🙈😂）好特別，加埋蔥花好香口。火炙嘅油甘魚或左口魚就食得多，火炙鰈魚都係第一次食，燒到好香口，入口即化，好好食😻😻食埋最後兩件之前先食個漬鮑魚間場，醬油味好入味。火炙拖羅都係入口即化好香，但比起鰈魚中間保留返少少爽口，好食。最後嘅軍艦好足料，有甘香嘅海膽仲有鮮甜吞拿魚，好滿足。
沙律、海鮮蒸蛋、麵豉湯、芝麻雪糕
人均消費：$480
推介指數（10分為滿分）：8分
Post
