雪ノ下 (Closed)

只要喜歡吃pancake，處處有pancake 其實此處我已經來了三次。第一次晚上八時半左右已經排長龍，所以放棄，和朋友去了別處吃甜點。第二次，準時早上10點45分去到排隊，等11點開門，卻發現無人排，以為自己幸運。但原來「試業」營業時間是晩上6點開始，又再次失望而回。第三次終於成功，帶埋小朋友平日下午茶去，但由於每位最底消費$50，只order一個pancake 只是$68，所以order多杯blueberry soda$32。Pancake有4时，口感十分，正合我心意。而且牛油味十足，卻沒有油膩感，反而好「嘢味」食過一口又一囗，連小朋友也喜歡。由於地方較細及迫，所以坐得不能太久，而且有限時。

一早已想試試「雪丿下」的班戟，今次終於有機會😆特登約朋友去銅鑼灣拎野俾佢，順便一齊食個下午茶！yeah! 計劃周到！我4:30已經去到，咦，無人嘅？原來班戟出爐返兩場，5:00pm就會開第二場。都好，我排第一！😆一過了4:30⋯愈來愈多人在我身後排隊了⋯我和朋友叫了兩款班戟一齊食。✨原味：其實一早我都知道，這店的班戟不是疏乎厘那種感覺，而一吃下口，感覺比我想像中還厚實。無錯，蛋味很香很濃郁，配上蜜糖吃，味道很突出！然而，我個人都是較喜歡疏乎厘的感覺。😂上面塊大牛油好邪惡呀😆像厚切了的熱香餅😆✨綠茶：紅豆甜甜的，還有QQ的黑糖珍珠和香滑的忌廉。不過可惜，本人不太好綠茶。因為它的綠茶味都很濃，愛綠茶的朋友（好像我朋友般），應該會喜愛的。✨洋甘菊：味道較淡。不知道是茶太淡還是班戟太濃呢？總算叫試過了，整體來說，不過不失。

Plain Pancake $68香港分店新開左無幾耐 本來都未有計劃又同人潮排隊爭住 只係早排去日本中部原來無分店 經過銅鑼灣見隊前既人又可以一round清得哂 於是都排埋一份是日雨天 週末近下午茶時間 大概排左20分鐘 入去覺得好窄下 當然如果好食我都唔會太介意既餐牌上中文對呢件招牌既原味pancake介紹不可謂不詳細 譬如4cm厚 廣島雞蛋 小池蜂蜜 高千穗牛油咁終於講到食物質素 都幾好食既 鬆餅厚得黎其實幾鬆化 質感有啲似海棉蛋糕 另外蛋味幾濃 加上甜而不膩既蜂蜜 更加容易入口 當然蜂蜜甚至牛油再多D就好 唔係好夠喉食pancake通常我都會先試原味 呢份原味厚鬆餅外表簡約得黎又有幾分簡單美 雖然唔係我最鍾意既疏乎厘類 不過我都表示滿意French Toast $58店裡人人都食比較有名氣既厚鬆餅或刨冰 我叫既呢份法式多士又覺得幾好食 無叫錯首先多士賣相唔算好特出 我覺得一黎顏色偏沉 落左士多啤梨醬就靚 二黎佢既份量實在唔少 大大份咁可能唔容易砌得精緻當然份量多係好事 特別係食物有一定質素 多士整得外脆內軟 用外脆形容french toast好似怪怪的 實情係因為多士面有燒過既

本身我是較偏愛梳乎厘班戟的人，但近期吃了三間日本過江龍梳乎厘班戟店，真的只有一間較滿意，故反而想轉下口味，吃回正常版本。今次試這間厚班戟店，的確沒有讓我失望，首先是外形像模型般漂亮，面層淺啡，側面金黃，又夠厚度。切下時，保持挺身，表層有脆脆的感覺，中間有分佈均勻的氣孔，有點似黃金糕的蜂巢結構。吃入口，最突出是蛋香，班戟是濕潤，質感又滑，不會有粉粒的粗鞋感，有95分，唯一要扣分是蜜糖過份濃郁及甜，不夠清甜，一落便蓋過班戟不易散發出來的蛋香，另外，牛油的香味反而可挑強一點的，因香氣是可帶起班戟的美味。這兒的飲品是不過不失吧，凍綠茶奶，沒苦澀沒草腥，但可更香濃，用雪凍方式，便不用加冰令飲品變淡。

雪丿下 原味pancake佢係sell雞蛋味厚實pancake不過我就真係唔識欣賞喇，似係一個厚切乾身蒸蛋糕，一d都唔好食😫可以唔洗試🤫見佢都有冰食，不過就真係唔知好唔好食喇

間舖得十幾個位，好彩星期日6點鐘去食先等10分鐘就有位。食過幸福pancake想試下呢間既，據說材料係日本直送既，所以對呢個pancake有d期望。我諗住試原味先，原味都好食既就真係好食。點知黎到一咬第一啖，口感同實d既海綿蛋糕一樣，實在好普通，唯獨係面頭層皮好食d。跟住到味道，本來以為加左牛油會香d，但原全發揮唔到牛油既作用，可能蛋香蓋過左陣味。佢有峰蜜俾你淋落去既，但份量太少，食起上黎都唔係話太香太甜。而最後到個pancake, 可取之處係佢有好濃香既蛋味，但真係唔值60幾蚊。

看到朋友在Facebook 説排了個多小時，還有拍了很多靚相，被朋友Facebook 誤導之下，走去排隊了15分鐘試吃這家新開的甜品店。我選了這𥚃最原始 Signature 蛋糕， Mandarin Honey! 感覺令人大失所望🤬！好想大嗌回水！我想我媽媽做的蛋糕都好食過佢！完全沒有蛋香，只是普普通通的雞蛋味，一點也不香濃！點解我要排隊去吃這「實的的」所謂的Pancake（其實只是普通的一個蛋糕）! 而且，要$68一個，價錢也不便宜😡

當初開業排長龍 光境不復返原來是有原因 (又或者只係時間上未到甜品時段)...一家四口一踏進去 Counter就話要先點餐 後就坐... 係counter點餐嘅cafe多不勝數 但唔俾坐低揀 再出去點 就真係要恕我孤陋寡聞... 我地唯有話「你俾兩老坐低先 我同呀妹會係度落單」... 雖然佢一臉難為 但都允許提提大家 每位最低消費$50我地叫咗3樣野 4個人share 啱啱好$204 (我地唔肚餓嘛)... 我拎咗2張$100紙 個coins bag倒曬出黎啱啱好有$4 (1個$2 1個$1 2個$0.5)... 跟住佢話唔收毫子 但係佢地又只收現金喎... 唔收電子貨幣 又唔收毫子 (亦無寫明唔收毫子) 確實讓人不快... 好彩老媽子有...點解不快都堅持要食? 因為我好鍾意食pancake/hotcake... 點知:一咬落去... 「黃金糕?」就係我腦海第一個出現嘅形容... 同我想像嘅有太大出入... 對於呢個出入 我並唔係覺得驚喜 而係超級失望... 我唔喜歡...抹茶味黃金糕 D黑豆唔錯嘅...反而... 蛋治最好食... 厚厚嘅玉子燒唔錯我呢... 就覺得呢間過江龍連

小編好幸運啊，夜晚8:30黎到近期大熱既雪ノ下，竟然可以即刻入座😄之後陸陸續續就多人排隊啦🤣Pancake賣點4cm厚，採用日本廣島雞蛋🥚點左原味pancake，製作時間大約20分鐘，上枱時都有陣陣蛋香😍採用愛媛縣小池養蜂園蜜柑蜂蜜🍯，可以自由淋上，確實係香甜，唔會似一般蜜糖咁死甜👍🏻面層放左一片宮畸縣高千穗發酵牛油，會食到淡淡鹹味，夾埋蜜糖+pancake既甜都真係夾🤤至於件pancake絕對唔會係食空氣，鬆化得黎好有實在感，切開望到最頂層有蜂巢紋咁❣️所以食完都真係幾飽膩下🤣建議餐前唔好食得太飽黎呀！因為有minimum charge，每人最少消費$50，所以係無得share架🙈

今日同友人試試這間日本有名的pancake店"雪之下", 正所謂希望越大，失望越大。環境：非常非常窄，鋪細，帶多少少野的朋友跟本無位放野，迫得有如歡樂滿東華迫入密室，很不舒服，亦因為座位太近，完全聽到隔離枱的中女不斷彈pancake難食，仲要食一啖彈一啖，omg!食物：設有最令人討厭的最低消費每人$50,所以局叫兩個pancake合計$146, 絕對性價比低。1. 蜂蜜pancake $682. 綠茶紅豆pancake $78先講賣相，確係靚，配料的花蜂金香，綠茶pancake上的cream滑溜，可惜pancake很硬，似蛋糕但又沒有蛋糕的鬆軟，蛋味或奶味不足。如果一個pancake配角搶曬主角的戲，確係妹仔大過主人婆，加油呀雪之下香港店，希望你地多多改善，否則難捱過這年！

新開的 pancake 店，竟然不需要排隊！！ .入店後，店員完全沒有笑容，感覺極度差！ 這是一間日本海外店，我期待的服務態度完全沒有。 .店有20個位子，舒適的，但枱與枱的距離就十分近。 要 在入坐前 決定食物和付款（現金）。 店內裝潢就十分普通。.我點了mandarin honey 和 earl grey tea. 等待時聞到濃濃的蛋香，才有點興奮。 送食物來的店員都是十分冷淡的，不過等待的時間比預期中快。 心想快快吃完就走！.Pancake！像一件濃蛋味道的軟蛋糕！相比在日本大阪店中所吃的有所不同。 earl grey tea 是 Dilmah，有一定水準。.不用排隊 都可以、可以一試的。 試過就明白其他pancake店 排長龍的原因！！！.

日本過江龍班戟店Yukinoshita終於進駐香港，現時銅鑼灣經已有不少日本班戟名店，如Flippers, 幸福pancake, gram等，同一條小巷裡，又有本地甜品店I love you dessert，pancake選擇數之不盡，到底Yukinoshita可以如何突圍而出？原來，Yukinoshita回歸最初，將日本傳統的厚身班戟帶來香港，並沒有跟隨souffle pancake的熱潮。一開始，以為厚身班戟會比較硬身，始終未品嚐過日本厚班戟，不知質感如何。怎料，班戟不費力氣地便可以切下去，上面半焦的班戟面上，放置了一小塊牛油增加香滑度，有額外放置了一小瓶蜜糖，讓客人根據個人口味將蜜糖淋上。切開一小塊將班戟放入口中， 十分鬆軟，蛋香豐富，加上蜜糖的香甜，實在讓人難以忘懷。

太為食同太大食原固之下轉場去食甜品，原先想去食"幸X" Dancing Pancake，但要早排隊，冇晒籌派，轉食了這個失望 Pancake。叫了Plain Pancake 原味橘子蜂蜜班戟$68 4cm 厚，蛋香味真係無乜大家都覺得一般，加了蜂蜜之後，只似蜂蜜蛋糕質感，友人失望之下叫我食晒佢，我唔浪費食物之下，結果我食了六份五。Uji Matcha 宇治抹茶 $26只係抹茶粉沖製，要26蚊一杯有點不值。 朋友與我由原先興奮，不停拍照，但食後感到失望地離開。。。只好之後再轉場

食乜嘢：原味 PANCAKE ($68)評分：6.5/10.呢間開咗無耐評論好參差 😗 覺得佢哋嘅班戟其實比較似鬆餅。唔系唔好食嘅純粹簡單啲單調啲。蛋香系有嘅，話晒都用日本雞蛋嚟做賣點。不過牛油香同糖漿都俾得較少。所以食吓食吓就開始寡。雖然班戟本身並唔乾，但整體實在係比較普通。呢個價錢雖然冇加一，但試一次就算了順帶一提，餐廳嘅服務令人感覺麻麻，連嗌野食都要顧客企系出面等，真係令人摸不著頭腦，其實呢個舉動好趕客。明明店內有空間都唔俾客人坐低先或者企入去排隊 (當時只有兩個同行嘅客人俾緊錢)

飯後好食甜品，一行三人就決定一試雪ノ下，見到門口冇人滿心歡喜心諗今次仲食唔到。入到去有2張2人空枱，中間隔位三位食到埋尾嘅客人，店員就建議我地落單後係出面等或坐住等。眼見地方唔太闊落（無謂三人迫到人又迫死自己），而客又好似就食完，於是就係出面等。。。等咗約10mins，個三位客都未走。。。（店員收埋佢地食完嘅餐具都唔走，我其實冇要埋怨個客嘅意思，因為用餐時間50mins或者人地未夠鐘呢）重點係呢段時間內分別有2枱客人係前後相隔唔夠3分鐘內走，而呢依2張枱係相連嘅，但。。。店員就俾左排後面嘅2位客入同時之前個2張枱仲係空住，就當店員計算錯誤，於是我地就提議店員會唔會可以請客人移一移去隔離位（咁佢地咪繼續傾我又有得食），可惜得到嘅回應係佢地覺得要求客人移位有趕客意思所以唔會咁做而同時再建議我地先落單縮短等待Pancake製作時間。我地亦都禮貌拒絕，並表示唔係想趕走你嘅客人（但其實我真係唔明點解佢一心要我地等個3位客枱，如果佢唔走我就一路等？ ）點之。。。喺提出要求之後幾分鐘，店員又入多一枱2位客。。。佢呢個做法就係話我知：你係要等個3位客走嫁啦，佢地唔走我都無辦法其實我只係想問一句，你覺得