和味館 (Closed)

有幾個月沒黎旺角行街,難得今日同仔仔老婆放假行下街,經過兆萬門,幾個阿姐爭住俾D傳單同優惠劵,見佢地住落D推銷我咪求其試一間.見張傳單咁多食,最終揀左呢和味館.可能我地早食間埸唔係咁多人,上菜好快.佢D刺身都幾新鮮,唔會話有雪味,壽司有好多選擇,我個仔都未食到熟食就話差唔多飽重點要講幾樣熟食:燒牛舌(一流夠野味) 燒雞翼(食得係自家製,唔同其他放題) 炒蜆 燒波羅 天婦羅蝦(夠大隻)食到差唔多諗咁叫埋單,有位疑似部長男士俾張甜品我,問我地仲有沒野食要加,不過我都食到飽哂了,仔仔同老婆就叫左個木糠蛋糕同意大利芝士蛋糕佢都話好好味!賣單有張優惠劵每人減$20,都係$133一個頭,算係抵食總括黎呢餐係唔錯,值得再黎多次

係呢度食到一肚氣!!!!!!! 點都唔會再唻個人最忌座位呢個問題, 坐得衰食都食得唔安樂, 而且間餐廳位係點安排就反映左佢想比客人點樣既服務!!一早預約左5:30PM個ROUND既位, 遲左少少到, 上到去, 講哂資料就比個waiter串, 你遲D唻個位就比左人啦, 呆左, 邊有人係度等位? 邊度有人走出唻要我地個位? 算啦, 本身想問有冇卡位都費事問點知入到去, 坐左係廚房門口全場最中間個D位= = 唔係呀, 咁早去到, 成個場5分1人都冇你比個咁既位我? 仲要係8人大桌分4張隔都冇隔開, 並排坐好似相親咁, 我都知放題呢D場塞得越多人就賺得越多越好, 都唔係連條間尺位都唔比呀? 完全冇私隱. 隔多兩張枱發生咩事我都知. 後來知道原來所有2人1人都係咁樣安排= = 最過份我見到佢竟然仲SET左張二人枱係廁所對出個通道位..................喂, 依家比錢食放題呀, 你估街邊後巷大排檔呀, 洗唔洗咁唔專重客人呀 (就算街邊後巷大排檔都坐得舒服過佢!!!!!!)到食啦, 得XX燒牛肉&XX燒豚肉好味值得一叫再叫, 其他, 唔好提................ 試左一次大部

呢晚約左兩老食飯，之前見到團購平平地，就諗住帶兩老黎食下日本菜同泰國菜啦! 點知....又一次證明團購無好既定律! 一坐低，叫左好多野，跟住一邊等一邊吹水啦! 過左15分鐘度，都剩係黎左少部份既野! 跟住又再寫字啦! 如是者，呢個程序重覆左好幾次，跟住佢突然走埋黎話: 先生，last order喇! 仲有無野需要??? 我即刻呆左... 咪狂催佢d野食囉! 最後都係黎唔齊，總之一肚氣啦!!!....食物方面，d壽司唔係太新鮮... d三文魚凍到好似冰咁!串燒正正常常蝦多士勁多油...d金邊粉無味既...服務方面，除左瘋狂漏單之外，成日叫d侍應都唔理! 有時我已經係當佢正正係我面前行過個陣叫佢，佢都可以扮聽唔到既....個一刻真係想衝埋去拉住佢....唔通我下次黎要交張單前影張相?? 等我可以每次計住漏幾多野?? 食餐飯食到一肚氣，下次請我都唔會再黎!!

前幾日, 朋友和我預祝生日, 因我個人一向鍾意平靚正的, 所以佢哋就帶我去我去咗一間3樣都齊全的"和味館"了 ~~~ 食物包羅萬有, 你想食幾多件就寫幾多件, 即點點做, 又熱又快送到你面前, 可能在門口等的人客多, 所以佢哋才不會怠慢, 以快來快走的方式, 在不足兩小時便食飽了, 但放心, 招呼不錯 ^^ 唯一不夠完美的是, 不可坐耐一些傾計啫 ^^

朋友生日會: 幾日前收到朋友信息,第一次去旺角和味館食飯攪生日! 心諗放題好食得去邊,點知食完又覺得唔差啵 值得推介既係燒牛利(幾野味)辣椒炒青口(聽個名好似好辣,其實係唔辣)九層塔炒蜆(一流.不過份量太少)串燒雞翼(good)我地5:50去到,唔洗等位食放題當然要點左刺身先啦,d 刺身幾新鮮,不過冇我鍾意食既螺片,有d失望上菜速度好快,我地點菜後15分鐘度已經成檯野食,值得一讚

好耐冇食和味館~ 以前成日食, 覺得多嘢食又好味~~依家再食真係唔掂...book咗枱, 17:30就上咗去食~平d又唔洗等位, 一上到去就安排座位~首先食三文魚同其他刺身, 唔係好新鮮...馬拉盞通菜... 好老好難食~ 以前我叫兩碟架new牛油雞翼幾好食~金菇牛肉卷ok la~串燒不過不失...飲品... 除咗汽水, 其他都好淡~~其他d嘢食, 都比以前難食咗...蛋糕依舊, 可以不吃~~值得一讚木糠布甸依然好味但最最最最最難食嘅, 竟然係我以前最愛食嘅!!!蝦多士同蔗蝦!!! 蝦多士好似油浸, 超油, 得油味!蔗蝦好似咬擦膠咁, 難食到即吐出黎!!!唔怪得一直漏我單, 原來難食到唔敢比人食?? 因為我入第三次單至黎~亦以後都唔去食!!!

我講過我一定會寫出黎比大家知呢間餐廳既惡行!相信大家食放題或食buffet既經驗唔少,但有無試過真係會比餐廳收浪費食物既service charge!?我咁大個人都未試過!我唔係餓鬼投胎,食buffet要食到盡怕蝕底既人.至少知咩叫table manner,但呢間餐廳真係禁住黎搶!話說我地一行4個人.我地食到中段,枱上有好多已清既碟之外,仲有2碟未食哂既壽司,同時,我地想叫另外2樣小食.第一次,我比左單佢只係上左碟菜.但我地點左金邊粉同蝦多士佢都無上.跟住我再比多次單佢,提佢你地溜左單.佢就同我地講,你清左枱上既野,我先再幫你落,ok.個時我地都係每碟仲有一2舊.有5碟左右係十分正常.跟住到食淨2碟壽司喇,咁就落番個2樣食物啦.佢就派個senior同我地講,你地咁樣,我地唔會幫你落單,你地枱上仲有壽司,要食埋先同你落到.真係奇怪 !浪費食物既service charge我地都知.你話我地到埋單時成枱都係野食,你再收我覺得無問題.但係我地仲食梗,想點另外既2樣都唔比.我真係火都黎同佢講,你照落啦,我地又唔係食唔哂,你唔駛講咁多次.跟住黑色衫既唔知男人定女人既senior就話:我唔係唔想幫

和味館，當晚我哋好早去，所以咪有咩人，老細親自過黎向我地介紹菜式， 首先上係北海道魷魚圈、但問老細魷魚圈係唔係要點芥辣食，魷魚圈已帶有淡淡芥辣味及魷魚嘅鮮味，老細話魷魚圈灼熟後加了芥辣油調味雪凍，食到魷魚嘅鮮。而一夜情其實係用鹽餣一晚再用雞油蒸，這個味道唔算出眾。至於頭抽雞不愧係招牌菜，頭抽帶出雞嘅鮮味，而肉質好嫩滑，原來係用新鮮雞煮嘅，真係好好食，所以好快清唒。仲有碟和味龍、竹蟲、蜂蛹，見到個樣，大家都唔敢輕舉妄動，尤其和味龍貌似曱甴，經過一陣爭扎，試食下幼身嘅竹蟲似炸薯條, 粗身嘅蜂蛹似魚春, 黑色似曱甴嘅和味龍就硬少少無咩味，用嚟送酒都幾好!鐵板薑蔥魚卜離遠已經聞到香味，魚卜食落好似花膠，但較薄身入哂薑蔥嘅香味。

「懲人節」出街晚飯，唔揀高級西餐，懲罰至少一樣──等位食飯，唔係大時大節都等餐懵的旺角日本料理，今年就揀咗佢「和味館」放題。訂21:30，我和老公21:20到， 21:35左右有位喇。嚟呢間前睇咗食評先嚟幫襯，有評論話漏單情況嚴重，所以我哋一坐低嗱嗱聲入咗十幾款食物。第一輪上枱食物──刺身+熟食唔夠5分鐘到；但不夠10分鐘追加的第二輪，要有心理準備幾個字後先再嚟。對策係─再填再落單，以刺身為例，2人食每次三文魚點8（片），總共入了超過4次。最後陸陸續續都應該嚟齊。結論──如果真係再喺旺角食同類，第一次大膽點多啲吧！寧可俾多幾廿蚊，食灣仔的某酒店的日式放題。

今日心血來潮想食放題，而且時間都成9點幾，剛剛好可以食最平時段講真兆萬間間一樣錢所以就點指兵兵左le間首先上菜都ok快唔係hea做果d感覺讚食物都唔錯，剌身都新鮮，熱野食都ok全晚都只係飲左荔枝同巨峰而且眼見都係叫最多人叫既甜品就一般，無咩味全單9折即係唔收加一，所以一個人係$139就可以走人，放題黎講le度都唔錯

今日突然心血來潮又去左食放題..聽人講話兆萬10樓果間都唔錯..米上去睇下囉..上去睇佢menu..見佢真係好似有幾多野食..係泰國越南日本菜..我地霖住食9點半..時間未到..所以BOOK位先..果日星期2..但係佢都好FULL到左9點半...都仲好多人..好彩我地BOOK左位..唔洗等入到去第一時間就叫左好多野食..我地叫左D係出面放題少食D嘅野.一開始D野食黎得好快..但係後尾就黎得慢D..D野都幾夠熱...賣相都幾吸引熱盤:越南生牛肉河,青口,越式雞奕..青寧雞..等等..仲有好多甜品有好幾款,黑森林蛋糕..藍莓芝士蛋糕..芝士蛋糕..馬豆糕.等等..但係甜品蛋糕翻黑森林蛋糕..總括黎講都幾好..下次都會再黎

呢日一班人嚟到旺角, 於兆萬中心芸芸食肆中揀咗呢間. 我地無訂位, 6個人等咗大約45分鐘先有得入去. 入去見到呢間和味館都幾逼狹下, 中間條通道好窄, D枱同凳擺得又密. 本來已經坐得唔太舒服, 之後侍應仲駁長咗隔離枱, 加咗兩個位俾其他客人, 搞到我同佢地幾乎全程膊撞膊. 雖然環境都幾幹凈企理, 但就點都稱唔上舒適, 呢方面要扣下分.好, 講番食物, 2個鐘任食, 我地叫咗:魚生: 都係例牌三文吞拿果D, 質素俾我預期中好少少, 起碼新鮮度OK, 無雪味. 三文魚幾肥美, 其他既就平平無奇. 甜蝦/火灸帆立貝壽司: 呢兩樣都唔錯. 甜蝦夠鮮甜, 火灸帆立貝切得薄咗D, 但貨係新鮮既, 食得出帆立貝既鮮香.三文魚/立魚/北寄貝壽司: 呢碟就唔多掂. D魚生乾爭爭到好似整好後吹足兩個鐘西北風咁--事實上以呢間鋪既忙碌程度嚟睇, 預先做好絕對唔出奇. 好在我地6個人食後都安然無恙, 舊壽司飯都握得可以, 未至於一挾即散.鰻魚/赤貝壽司: 鰻魚咪大路鰻魚味囉, 赤貝就無任何鮮味, 得個爽爽韌韌既口感.冬蔭公: 唔係我地叫, 係侍應哥哥神不知鬼不覺o係我手肘位隊上嚟既. 既然隊到上嚟我地咪飲

已經第3次黎了, 雖然加左價, 但keep到水準~今次慶祝生日, book了7:45pm, 去到都要等一陣, 8:10入座食品冇咩變, 都係果d我地點左好多, 食物好快到, 但刺身就order10件比6件咁~野食都新鮮, 熱辣辣, 雖然係放題, 但d野食都幾好味推介: 辣味三文魚壽司, 希靈魚刺身, 喇沙

一向都很喜歡和朋友們到處尋找哪裡有好吃的Buffet/放題，但今次真的中伏了。我甚至認為需要申請一個帳號來告訴大家請勿再試……在用餐日期的上個星期剛來到兆萬中心的其中一家放題，感覺不錯，便來試試第二間。各位說的漏單情況倒是不太嚴重，可能是我們到的時間尚早，在晚上六時去的。一去到便詢問是否需要訂位（因為有次路過時人潮湧湧……）服務生說不用，環境基本上是合格的，燈光、裝潢的氣氛不錯；只是後來吃的時候人越來越多，也就越來越嘈吵……一開始看到有火鍋，便覺得滿心歡喜，我們都很喜歡吃火鍋朋友不能吃辣，便不選冬陰功湯，而擇清湯。怎料”清湯”真的是清湯……淡而無味，後來跟朋友在服務生看不見的情況下，才偷偷倒了一點醬油下去，這才算吃得下去。火鍋的配料幾乎都漏單了（其實我們也只點了兩次，有一次漏單了，我們也就算了……反正這是放題很常見的情況）不過侍應常常來趕著收我們的火鍋，我們根本還沒有吃完啊……但是我想是桌子太小的關係，他們怕沒有位置放才收的。有些是服務生在附近，不好意思拍照，所以沒有拍很多。刺身：我認為是剛剛好合格而已，而且只有三文魚和甜蝦，雖然甜蝦的個子很小，但味道還是在的。一口炸豆腐：我和朋友一向

睇左好多食評 去過幾間放題試但係今次一定要寫食評 ^___^真係睇唔過d人去食呢間和味館 入去中伏 :S !5點幾無啦啦想食放題 就bk左位7點半 去到要等10分中都冇咩野既睇openrice食評唔太差 以為都有番咁上下點知 ..... sorry 相我冇咩點影* 魚生. 三文魚可以再細塊d ^___^得意到有埋薄切三文魚 真可愛 ^___^一d都唔新鮮 我第1次係食三文魚食到唔想食.. 甜蝦係我唯一算滿意既魚生 都okay既. 之後有d八爪魚呀 吞拿魚呀 好難入口 好腥 :S* 壽司 卷物.火燄三文魚麻麻地.卷物 我更加唔知係咩來 d飯搞到好似趕住收工咁散既 爛既 真係好難食P.S. 圖入面係我未食過既 本身巳經係咁 * 牛油炒雜菜 應該係牛油炒伴菜至岩 ^___^得耶菜同蘿蔔絲..呀 我好采 搵到條菇 )不過真係好似炒梗做伴碟既菜份量可以再少d ^____^一隻碟 佢可以將d菜放到平既 甚至'lup'左入去真係過分左d*串燒牛 好un雞軟骨 冇味豚肉 接受到*天婦羅好厚粉 但係都熱既*蟹子沙律 麻麻 冇特別*甜品 .木糠布丁 睇d食評話好好味 一定要試點知 同普通一間西餅店既味道