和味館 (Closed)

食過三四次..都唔係話好差..再差既都有。呢次我係星期五 5點半食，所以要俾每人 $10 附加費，埋單個陣每都要$148。可能因為多人既關係，而且有其他客人BOOK左位，所以我食左個半鐘２佢就立即要我LAST ORDER，夠２小時立即叫我地走。就算未食晒佢都唔理你。＊食物　食物種類都算多，但刺身比之前少左，可能因為日本冇貨。　刺身都新鮮，而且無雪味。　但點左既食物，成日都會上少左！！　有D點左２－３次佢先上俾我，我就當佢好忙，算啦。＊環境　環境唔差，幾靚。　唯行人通道只可容納一人行，對面有人行埋黎都唔會行得到。　再講，由於地方都唔太大，所以帶袋既都幾唔方便。　店內有洗手間，但我冇去到。＊服務員　服務員態度一般。我唔駛你笑到４萬咁口對住我，但都唔好死老豆咁樣丫。　叫佢幫我落單，成日都唔記得！！＊其他　－　訂位服務　　　有訂位服務，所以等候既時間都唔會話好耐。等待時間都視乎你咩時間食。　　　我同朋友食都係５點半，所以唔駛等就可以入坐。　　　我都試過冇BOOK位就walk in，佢都同我講冇晒位。　－　生日蛋糕服務　　　呢個服務需要訂位，而且要夠一定人數。　　　　　　我試一次，蛋糕一般。　　

我好自責. 我睇完"飲食男女"搵左好多間上OPENRICE比較邊間好. 挑選左呢一間同朋友聚舊. 得到咁既服務真係未食過一間, 俾左錢都唔知自己食左D乜囉~ BLACKLIST 一星期前訂左位一行十幾人晚上10點食宵夜時段. 9點半諗住早D到睇下有無位, 點知櫃面小姐話最遲10點先有, 無問題, 我地等到10點再上去.佢話已經有人埋緊單. 點知我地坐到10點半先有位 (D員工埋單速度超慢囉) 間野收12:30囉. 又話11:45pm Last Order. 咁係呢D咁既環境, 一入去咪係咁點野食. 我地十三人, 刺身, 串燒點10-20件好正常囉. 點知壽司就係咁黎...好似想塞飽我地咁~ 我地約等左15分鐘, 就追D刺身點解未到~竟然係無"三文魚囉" 個WAITER話10點已經賣晒三文魚. 點解我地等位時唔出聲?一間日式放題. 竟然連最基本既刺身三文魚都無貨? 清酒煮蜆又無...咁仲乜開咩宵夜時段 食左半個鐘, 淨係黎左3碟壽司, 2碟泰式炒通菜, 1碟牛肉粒, 之後乜都無黎過. 梗係開始心情燥啦. 限時架大佬. 我地係消費者喎.最搞笑. 黎完對上個3碟壽司之後. 佢竟然同我地講連整

己經係第三次食和味館喇今次入座時間係五點八左右, 又係星期四啵,所以每人都係$138加一, 抵到爛啦冇book到位, 但因為時間尚早又係平日, 唔洗等位就入得,一埋位梗係拎晒紙出離點野食啦,不過今次冇牛肉粒, 有啲失望,畢竟上兩次離食都覺得好好食牛油炒什菜: 正阿, 好香牛油味, 如埋食到滯滯地食下菜會舒服啲日式炸豆腐: 推介, 好好食, 出面層粉唔係太太太厚, 同埋食落口完全唔覺係粉haha三文魚&甜蝦刺身: 我唔食生野, 但朋友都係好好食木糠布甸: 可以話係招牌之作haha 好食!藍莓芝士蛋糕: 細細件, 唔係太漏但好好食!桂花糕: 唔錯!可以一試雪糕: 係雀巢既杯裝雪糕, 唔錯秋刀魚: 我地食戈日啲魚好好好苦, 就連平日愛食秋刀魚既朋友都接受唔倒荔枝蜜糖特飲: 類似咁既名,唔好飲,好似凍水咁雞肉串燒:有幾串唔係咁熟, 不過都係咁岩姐壽司:全部壽司飯都熱熱地, 好似怪怪地咁總括而言, 咁既價錢其實都算係咁,服務都唔係差, 我一定會再食過haha今次掛住食, 冇乜點影相阿

食過好多次，都覺得佢好好食！因為訂左位，所以完全唔洗等~野食黎得好快，侍應態度都好好，無溜單，好好呀！有樣缺點就係如果兩個人去食，個位會細啲，帶大袋唔係咁方便！

同朋友慶祝生日，想食ｂｕｆｆｅｔ，壽星揀左尼間～大家都未試過就黎試下啦～　一早ｂｏｏｋ左位，準時入座！環境不錯！座得都幾舒服！名不虛傳，果然嚴重漏單！畫左十萬樣食物，每次黎的都幾乎只有刺身！刺身都尚算可以，只係三文魚每片大小不一，甜蝦全部都小得像蝦毛！不過串燒做得不錯！尤其是串燒雞翼～讚！若要食甜品的話要早一點ｏｒｄｅｒ，因為好快冇哂！　木糠布甸：得個樣，太軟身，試一試便可。　藍莓芝士蛋糕：幾好，幾夠實，口感不錯。仲有牛奶公司雪糕杯！ｂｏｏｋ位時講明有朋友生日～送蛋糕～仲有３種口味揀～我地揀左黑森林。只可以說，用來拍拍照開心下就ｏｋ了～若對食物有要求的，試過一次就應該不會再來了。一次便夠。

早幾日去完郎田~今日同親愛的又身癢想去食放題~記得兆萬有好幾間都係放題~上OPENRICE見到呢間野都好似唔錯~我地驚晏D出門塞車~就早左出去食~5點50到就行到去喇~呢個鐘點都係得幾台客~入面原來好迫= =佢地一排8個位都要分4台坐....2位佢地叫我地坐人地中間...真係有入就最好咪行出GA SIZE空間...點行埋去呀....我問佢地無其他位咩(其實好多吉位)~佢地唔出聲...咁我同親愛的都唔知講乜好....咁我唯有再問...佢好晦氣咁話...咁你坐呢度囉(指岩岩個8人位後面半卡位)仲要講完就走...我地坐左一陣又有一對情侶來又係叫佢坐迫SIZE~同樣情況~不過今次就無叫佢地坐第2度~又係唔出聲~人地咪走囉~真係唔留人架~好似真係唔憂做~食就食唔係就算GA服務....唉食物方面~刺身都算幾新鮮~3文魚~章紅魚~甜蝦都好正~卷物推薦什錦魚生卷~好好味~我地都叫左幾次....最快到係佢串燒真係中伏....= =全部都濕上...都唔似係燒...好似白芍完再係鐵板煎2下咁.....親愛的叫左個青口~都幾好~唔錯~泰式蝦餅都好好食~好彈牙~天婦羅就真係唔係好得~應該係叫炸蝦.....仲好鬼

由於一早留左位~ 去到唔洗等~不過二個鐘真係唔係好夠時間食...如果想傾計... 真係食完搵地方坐比較好~不過食身水準OK ~ 魚生新鮮~ 無雪味~而且上得快 ~ 流單情況小~ 唯一壞印象係夠鐘就係咁叫人埋單走...同埋洗手間衛生差~ 其他都係GOOD!!

個曰係同GF既紀念日，咁佢話想食放題咪同佢去試下low，我訂左8點，點知道要8：20先有位比我，都算啦！咁我一坐低就叫左d剌身同熟食，熟食就好快到，但是刺身要我追左三次，先比一次！我上網睇到人地話個一口牛肉好味！都係好普通！不過d串燒又真係ok！不過佢岀名多甜品我個日要咩都冇！仲有侍應好冇禮貌咁講（有就來左啦！冇到咪係冇low）跟住就走左去！

同家人黎當團年飯..第二次黎了!! 仍然好正..刺身壽司黎得好快!!軟殼蟹卷好好味!!!!其他泰式/韓式仍然好好味啊!!有個避風塘三文魚好推介大家試..好特別..又唔太辣的!!其實最鍾意呢度係d野黎得好快~~放題兩個鐘總係好快過架ma~~

一行6個朋友仔難得gathering,點知食到一肚氣唔打番個食評都唔得呀 因為一早訂左位,所有唔使等~~呢方面無問題野食方面種類都ok多,見到order紙個下都覺得無揀錯地方,點知......點左既食物入面只係到左1/3,食物質素都係ok的漏單情況問侍應態度都ok,都係跟下or叫你再填過之類其實都預左架喇,任食好多時都有咁既情況之後last order,我地話無野加,但有好多食物未黎佢就問邊d,其實我地7人個人,大家都寫左咁多又唔同既,你想我點答你咁我就拎番d order紙,recall下再講左幾樣寫左好多次都無黎既野啦原來刺身個d只係得4樣係有既,而一直無人話我地知講真雖然我地食21:30時段,但都會$155位呀,點解可以咁多刺身無架呢?算啦,叫自己唔好expect咁多追左單,大部份食物陸續黎左,隨之而到既就係我地張單即係食物到左,而我地都係時候要走人....咁就急急食埋d野,諗住最後黎個甜品啦寫完之後,有一位黑衫黑褲中性打扮既職員話所有甜品都無,然後俾番張order紙我下........之後我問其他侍應,佢話仲有雪糕之後嬲嬲地就問番黑衫黑褲果個到底有d咩同無d咩甜品,佢就係我點左既

我地一班10個人去食咁食物都ok啦不過D員工態度真係完全不能接受第1:開頭食物來得好快,但黎左幾轉之後,D野要係咁催先到,d 待應仲要好唔耐煩..第2:我地點左10個木槺蛋糕,1人1個(之後點了1次,今次第2次點)之後個呀姐居然走埋來話,你地點咁多我地俾唔到你喎,其他人會食唔到我地聽到O晒嘴,放題唔係應該任食既咩,竟然限數量第3:我地8點5先夠鐘,但個waiter 7點9就走埋黎話last order好,咁我地就快快手寫埋d野俾佢地啦跟住佢地出菜出得勁慢,小小地咁輪住出催左幾次到8點3先黎天婦羅好喇到8點4 喇 呢個時間已經埋緊單,因為差唔多夠鐘但我地叫左1人1杯雪糕,(1杯杯雀巢個d),張單埋左,雪糕先到,咁我地梗係食唔切啦 而我地其中1個fd 已經將杯雪糕倒左佢地個碗度,因為佢俾漏左支雪糕匙更,方便食丫嘛依個時候waiter竟然叫我地拎住走,出來食,出面好多人等位, 咁我地問佢可唔可以食埋先,唔差在啦, 個waiter竟然話,拎埋隻碗走喇,出去出面食,1套餐具最多20零蚊,出面d客成千幾蚊1枱 等緊佢態度真係勁差,有乜理由可以咁樣俾說話我地聽,係度趕我地走,我地10個人都成$15x

食團年飯, 又唔想食中菜~~咁就食和味館~(都係一家人一齊開開心心坐低食餐飯啫~)已經係第2次幫襯~ (上一次係8月)質素依然keep到, 冇失望~但已經加左兩次價~刺身 - 有三文魚, 甜蝦, 赤貝, 北寄貝, 立魚, 飽魚片, tuna魚 (前5個都好新鮮,好味)熱食 - 天婦羅, 炸物, 串燒, 炒飯, 小菜... (都有幾多不能盡錄) - 大部份都好夠熱好好味sushi, 沙律 >> 唔算太多款, 不過火焰芝士鰻魚sushi同付皮都幾好味~ 醋飯也夠味~甜品 - 木康布甸, 藍莓cheese cake, 雪糕都幾好, 紅豆糕同馬豆糕就一般, 生日有旦糕送, 不過唔好味, 又唔可以攞走~飲品 - 成晚都係飲咸檸7, 夠爽, 見爸爸飲既啤酒係藍冰(罐裝)我地一行8人, 雖然坐位比較迫, 但都可以開開心心一路食一路傾計, 好溫馨~服務一般, 人手尚可~不過上菜很快, 值得一讚~總括而吝, 個個都棒住個肚, 食足兩個鐘, 很開心~祝大家merry christmas~~

今日同D FD 行街,個個都想食唔同既野~咁有個FD提議食放提...開頭我好反感,因為之前同GF食過2000円,(嘩,比錢食垃圾,仲要一肚氣...)但個個都話去,咁我又費事再堅持啦~但呢間野好多款,D刺身都幾新鮮;可能個天又凍凍地,今日我又食左好多野喎~推介:串燒,刺身,一口牛肉

正一令我最失望的自助餐，慳皮到死!事源係咁既，我約左班好耐無見既好朋友去一餐自助餐，搵一個地方可以慢慢食、慢慢傾計既地方，於是我地就去呢間野食，原因就係聽我有個舊同事話呢間野款式多，而且，都幾低食，味道仲ok，咁我心諗之前去過"青葉"食，都想轉一轉口味，試下幾間，點知...衰左!首先，我地入左去，真係感到好興奮，原因就係因為可以食到野，同埋我地有良好既期望，我地希望可以食多唔同款既食物同埋sushi!目的就係咁，但點知，一坐落...好興奮咁拎起d菜單，睇左又睇，下，原來款式少到死，簡直未食就知道來錯左，咁好啦，book左、入左來無理由走人嫁...之後，雖然款式少左d，但都希望味道會好返d，點知...........衰向有條路咁..........首先，我地叫左d sushi!....一入口，就知道d食物不夠新鮮，之在仲未掉入垃圾桶炸...唉!!又失望!，我地點其他野食，好似泰款食物，出名個d"冬陰功"點知，味道唔入味之餘，仲要都幾難食，"酒青口"又係咁.........真係流到死...........仲要食到激死!!我地仲叫左個鰻魚飯....點知係普通既炒飯，完全無鰻魚同鰻魚味!超級失

9月3日，係我男朋友生日，就諗住幾個朋友一齊去食放題啦，點知就食到成肚火，最後不歡而走，話說前一晚就訂左8點鐘位，我地7點55分去到，門口果位小姐就話無咁快有位喎，而家先叫到7點半既訂位，你地等多半個鐘啦，佢當時既語氣我已經唔係咁滿意，我心諗算數啦，可能佢太忙姐，一等就等到8點18分，入到去坐....哇~~勁迫.....地下又唔係咁乾淨.....跟住叫野食啦，其中一張點菜紙就寫住，每款每次限叫三客，我地就係度諗...即係點呢...何謂每款限叫三客呢....咁就問其中一個待應，點知...九唔撘八，佢答我，ER....我諗唔限幾多件掛....我話，吓...你諗?不如你叫一個可以答到我問題既人黎啦，跟住另一個待應就解釋得好清楚，每次三款但係就唔限件數，咁我地就入紙叫野食同野飲啦....點知.....同一張單就黎一D野就無黎一D野....幾次都係咁.....甩左好多次單，D待應態度又勁差，特別係其中一個待應，勁無禮貌，行埋黎拾枱，喂我地叫我地拎D野比佢拾，係咁喂喂喂喂，唔該都無聲，D野又唔好食，好多野都勁鹹.....刺生又勁唔新鮮.....最過份就係D牛油粟米......一上枱，我地就話大吉利