日日香鵝肉飯店 (黃埔新邨) (Closed)

有位潮州藉老同事，佢對食滷水鵝好有心得，無論任何地方有潮州滷水鵝賣就一定會去試，昨晚佢就知道黃埔有間日日香鵝肉飯店，是國內有名的食店來港開設分店，放工就立刻拉我陪佢去食。去到飯店，已經見有不少人在等待，因為肺炎疫情影響，店內坐位少左，有些等位，有些等外賣。經過店員為我們量度體温後就可以入座了。滷水雙拼飯：鵝肉和豬手，店家自家製的滷水味道調較得濃淡適中，用上等的獅頭鵝滷製，鵝香味特別濃又入味，鵝肉十分鮮嫩。豬手已經起肉切片。滷得入味又好味，滷水蛋入味有蛋香。特選滷味飯：豬大腸、腩肉、紅腸、滷雞蛋、豆卜。全部都是用滷水烹調的。腩肉肉質細嫩，肥瘦適中，油脂和肉香夾埋滷汁的味道在口腔內打滾，令人齒頰留香，回味再三。加10蚊有是日精選燉湯，今次係淮山杞子燉烏雞，真材實料的老火湯，味道鮮甜，滋補養生，不要錯過。滷水鵝肉，欲罷不能，老同事說滷水鵝肉越食越好味，再來一份滿足食慾！

知道屋企附近開了一間食潮州滷水鵝，媽媽最喜歡食所以今日就到呢間新店試下店內裝修簡潔舒服😌牆上面有幅食鵝指南，非常細心及有趣👍餐牌上的價錢合理，多款選擇亦有雙拼店員亦為我們擺放三碟醬料，有豉油、辣椒醋和辣椒油，可以按照個人喜好加入飯裏面👍滷水雙拼飯（鵝肉拼腩肉)雙拼飯賣相一流，配料亦非常豐富，除了鵝肉及腩肉之外還有潮州榨菜、豆腐卜和滷水蛋。鵝肉食落非常入味，腩肉肥瘦適中😋滷水鵝片鵝片切得好薄容易入口加入小小白醋巳經提升鵝味道。例湯（蟲草花烏雞燉湯）這個燉湯真材實料，火候十足，鮮甜沒有任何添加味精，非常健康，而且很優惠只需跟套餐加$10就可以飲到還有一杯飲品👍👍👍

今天去了潮州飯店日日香，因為我很愛吃滷水鵝。一坐下，店員奉上靚茶一壺，仲係免費添，服務。很好。餐廳座位寬敞，點了招牌的滷水鵝脾飯$88，都好經濟，好大隻鵝脾，鵝油味香，肉質滑嫩。配菜還有酸菜、炸花生、豆卜。另一碗叫了滷水雙併-鵝肉墨魚片飯，墨魚片夠爽口，鵝肉都好似鵝片咁，每片都啖啖肉，真材實料，還可蘸滷水汁和醋，充滿潮式味道。加了中湯每盅$10。足料，以燉方式好入味，夠滋保，材料有烏雞、瘦肉、南北杏等。覺得未夠喉，見到滷水豬腩肉$28，超抵食，叫埋先，腩肉肥瘦均勻夠淋，保留豬肉鮮味，又唔會太咸，底下還有豆卜，好大碗。還有甜品售賣，綠豆餅可試食，味道似太陽餅，因太飽太滿足了，下次一定要試下。

如果真係食過汕頭玉潭路的日日香總店，你就會同意我話呢間的鵝肝及鵝腸，味道與總店真的差太遠太遠了。其實這店不是不好吃，其鵝肉是不錯的，鹵水亦可以，不過如果你點鵝肝和鵝腸，味道不是不好，不過跟香港其他地區的潮州打冷店吃到的就是差不多，只是打著「日日香」的鼎鼎大名，落差實在太大了，吃完之後立即非常懷念汕頭的總店。我個人認為如果你想坐得舒適，店舖門面乾乾淨淨，好安樂咁食鹵水鵝，呢間店絕對勝任，因為出面好多類似的食店，其衛生情況都是比較一般。希望此店可保持衛生，而鵝的味道則加緊追上總店的水平。

返左娘家買外賣返屋企食，由於係社交平台入左個Group係介紹紅磡、黃埔所有野，我同老公都見到有人推介一間國內名牌專食滷水鵝既飯店，而老公一向都好鐘意食鵝，佢又點會放過唔試呀！我地去到，因為疫情關係，好少人係店內食，反而就買外賣既人就多，而且佢仲做緊抗疫價，我係門外，已經有一位好熱情既姐姐係度派傳單，仲介紹我地有乜好食，咁我地諗到後，佢就幫我地落單，我地就去收錯度比錢就可以，我地係門外等時，都有望下店內裝修同環境，可能新既關係，而家都叫做好乾脆，好企理，坐位都闊落，裝修簡單舒服。地點：紅磡店鋪：日日香鵝肉飯店金牌滷水鵝片飯鵝片冇油香，鵝肉結實，冇油脂，鵝肉冇乜味，鵝片份量適中，都有7片，滷水味唔算濃，好輕微，唔突出，佢既潮州鹹茶偏鹹(有名你叫鹹菜呀)，菜甫好食，花生一般，豆卜又係超咸。佢仲配有三種醬汁，其中一種係佢既鵝汁，問心，係好咸既，其他兩種係白醋蒜蓉辣椒汁同埋辣椒油，呢兩種大家都會心裡有數佢地既味道。凍檸茶(走甜)返到屋企食，竟然係有甜，仲要好甜果隻，我地整到D檸檬好爛先飲，但出奇地，佢既茶底又幾好飲，冇苦澀味。鵝腎(額外追加)呢個門外姐姐介紹好好食，咁就試下啦！一個都唔平嫁，食茖

曾經食過潮州的日日香，一試難忘。知道香港都有日日香，急不及待要去試它的滷水鵝。裝修新穎清新，座位闊落。 感覺企理乾淨。🔸️鵝皇飯$128有幾塊鵝片、鵝腎、酸菜、鵝蛋半隻、鵝腸、炸花生、豆卜。鵝片切得很均稱，每塊帶有少許皮，一起咬下帶有油脂甘香。鹅腎夠爽口，鹅腸真材實料，非坊間以雞腸代替。特別一讚酸菜，醃味適中，酸酸甜甜好開胃，中和吃肉的膩感。🔸️鵝片$78一人份，約有六片。枱上放了鹅汁和醋。醋的調味特別好，用來醮鹅片，完全提升了整個口感。🔸️陳腎湯 每盅$10。是燉的，滾熱辣地上枱，正啊！熱才好喝! 一打開盅蓋就飄出濃郁的燉湯香味，材料有烏雞、瘦肉、腎、蟲草花等。這個湯味道好濃，真材實料。通常滷味底下都有配料墊底，這間餐廳以豆卜墊底。如果以滷豆腐或滷花生墊底就好了，更加能吸滷汁的精華。

早已得知紅磡有間滷水鵝店開張不久，一直心癢癢想品嚐，趁著今天有幾小時空檔時間，便決定來到這間飯店滿足一番。到達餐廳便馬上看見門口掛滿眾多滷水鵝，入內裝潢簡約堂皇，乾淨整潔，座位亦寬闊舒適，這間飯店其實早已在內地從業十多年，在當地以滷水獅頭鵝成名，獅頭鵝的各個部位都一應俱全。招牌滷水鵝肉飯配菜有主角鵝肉、還有花生、豆卜、鹹菜及滷蛋，鵝肉皮香肉滑，充滿肉汁，帶有油香，配上醬汁進食，味道濃鬱，但不會蓋過鵝肉的味道，花生酥脆香口，豆卜煙韌入味，嚼勁十足，鹹菜可口清脆，鹹酸適中，滷蛋香彈濃鬱，飯粒甘甜彈牙，粒粒分明。凍檸茶凍檸茶冰涼解膩，茶香突出，檸檬味道濃鬱，茶、糖以及檸檬份量恰到好處，口感清新，不會有苦澀的味道。整體而言，環境舒適乾淨，食材新鮮，鵝肉滷得出色入味，推薦滷水鵝迷到此一試。

今日落左去黃埔見完客，返返去地鐵站附近食個飯，見到間新滷水鵝店就去試試。因為疫情問題，間間鋪都無乜人，包括呢間。入到間鋪好乾淨，坐位闊落，幾舒服。先講配菜，呢到啲配菜都真係麻麻地。啲花生就唔太脆，啲鹹菜一種太鹹一種無味，個豆卜就好乾，蛋都幾鹹，整體麻麻。至於啲鵝肉就幾好食，無皮都幾滑，有油香。鵝肉都好入味，有汁，食落有咬口，有彈性，幾好食。另外，有枝鵝汁係枱比人用，係幾方便，但唔夠熱就唔太好。墨魚片呢，就真係唔好食，好似食擦膠咁，好難咬。如果經過，或者附近街坊就可以，專程食就唔需要。

今晚本來想去紅磡的xxx吃飯，可惜原來七點半都未開門，路過附近，看到有一間新開的滷水鵝專門店，便入內一試。聽店員解釋，是國內的名店品牌，可惜質素和想像之中有點落差。😅😅滷水鵝肉$128，很幸運地，有滷水鵝腿，份量都算不少，可惜鵝肉結實，沒有太多脂肪。滷水味道不算濃郁，可以添加些滷水鵝汁在鵝肉上，來增加味道。西洋菜燉瘦肉$55，味道不錯，材料豐富，可惜價錢不算便宜。白飯$10，煙煙靭靭，帶點嚼勁。吃滿$200 ，有綠豆蓉餅送，味道尚算不錯。