日日香鵝肉飯店 (黃埔新邨) (Closed)

日日香鵝肉飯店有幾間分店，呢間黃埔分店裝修好新，感覺幾舒服企理，就約左朋友一齊試下☺️😊鹵水鵝皇飯😊$128呢個飯有鵝肉片，鵝腸，鵝蛋，鵝腎同埋鵝肝特別中意鵝腸，平時好少機會食到，鵝腎就好爽脆😃鵝肉味道濃郁最有驚喜係好貴既鵝肝都有，但唔係煎到全熟，中間有少少粉紅色，同平時見到既煮法有d唔同仲有d菜脯伴飯，所以係勁豐富既一碗飯丫😎😃豬腩肉飯😃$55試完佢既鵝又想食下豬腩肉，呢個鹵得外層好深色，一片腩肉有四層脂肪，唔係好肥個種，肥瘦勻稱，但我自己就中肥多少少，咁先食得滋味一碗有六片腩肉，因為係薄切，所以份量唔算多，但都仲有蛋，菜脯同豆卜做伴菜，如果可以比d汁送飯會更好另外加左支豆漿，佢係成支比你，比較衞生，但就要大力d先開到😂埋單人均$93，中意食鵝既人一定要試下丫☺️

今日放假同阿媽撐枱腳，佢話附近有間馳名滷水，佢又好想試吓啲鵝片、鵝翼，咁我就一於奉陪，試吓呢間裝修乾淨企理的日日香鵝肉飯。金牌滷水鵝片飯 $75室內裝修牆上的鏡畫，說明了這裏的故事。六代傳承，他們的技藝可以說得上是非物質文化遺產，也是香港的情懷。金牌滷水果然有他們獨特的香味，鵝片份量不少，啖啖肉，肥瘦均勻，鵝香肉味非常濃郁，沾上秘製醬汁，配珍珠米飯粒粒飽滿，十分滿足。原盅燉湯 $28花旗參燉竹絲雞除咗味道好飲之外，仲具有滋陰補氣，甯神益智及清熱生津的益處，天氣咁炎熱，降火消暑的雙重功效最好不過。特選滷味飯 $55經典配有豬大腸、 腩肉、紅腸、豆腐及滷水雞蛋，材料豐富而且歷久常新。這裏的豬大腸沒有腥味，肥美的。腩肉肥瘦相隔適中，滷水雞蛋非常入味，紅腸更加係我細個成日都好鍾意食嘅滷水配料，好有回憶的一碗滷味飯。滷水鵝翼 $40三五知己聚在一起，滷水鵝翼必定係佐酒佳品。鵝翼味道鮮香，口味純正，賣相色澤紅亮，推介一定要試吓。中午12點到三點仲送飲品添，熱鴛鴦 凍奶茶，香濃幼滑，有茶餐廳的水準。

據聞專做鵝肉餐廳日日香是由潮汕來的過江龍，位置雖近，但之前由於疫情關係，一直沒有外出用餐，襯着最近0本地感染，今晚放工約老公一同用膳后才番屋企。飯店裝潢簡潔明亮，最能顯出老字號的是一個個 牌匾寫着歷史用料。我們叫了兩個鵝肉雙併飯，鵝肉實在太美味，又 忍俊不住，再單叫一份鵝片，大滿足。我叫了鵝肉墨魚飯配凍奶茶，老公點了鵝肉豬耳配燉湯。燉湯是花旗參湯， 清熱生津，甘甘甜甜，用料十足，加$28都抵。鵝肉軟嫩，加上獨特鹵水汁，味道不濃郁但有甘草香， 每碗飯配有半粒蛋，酸菜，炸豆腐，不自覺便吃畢一整碗,太邪惡。因為老公係鵝肉愛好者，所以饞咀，再叫了一份鵝片，鵝片比鵝肉貴，每一片都連鵝皮，放得非常工整，片跟肉中間的油脂完整地呈現出嚟，底舖了豆腐，非常美味，$80是很值得。完滿的一餐，下次會買一些回娘家加料。

今日想簡簡單單食個飯，最近疫情都開始緩和，多了戈到餐廳用餐。行經呢間日日香飯店，見到門面乾淨，又有探熱同提供搓手液，便跟朋友進去試試。呢間餐廳主要以食滷味為主，而且仲有好多唔同鵝的部位可以試到。餐牌也十分簡易明白，一眼就清楚睇到餐廳有什麼王牌菜式。又有獅頭鵝和簡單的鵝肉拼盤，都很滋味。不過今晚我只得跟朋友二人進食晚餐，所以我們並沒有多叫獅頭鵝。下次有機會跟多個朋友來晚餐，相信我都會必點一隻獅頭鵝。最後我跟朋友決定每人點了一個飯和一份小食。餐廳還會提供熱茶。這個茶很滋味，用來配滷水食物一流，因能夠減卻口中的肥膩感，令人感到很清新。朋友所點的滷水拼盤飯。有很多不同的配料鋪滿整個飯面很豐盛。材料有豬大腸、腩肉、紅腸、鹵蛋、豆卜。正。滷水鹵得很入味，而且我也很喜歡吃這裏的豬大腸，口感十分爽口，而且味道很好。飯量也不少，而且我真是很欣賞這裏的餸菜很多。另外我點了一款雙拼滷水飯，可以從餐牌上自行挑選想吃的鹵水食材，所以感到十分有彈性及個人化。我點了鵝肉和墨魚。鵝肉很入味，真的很滋味。因為肉質很林，滷水味很香，而且啖啖肉啱晒食肉獸。另外墨魚汁有另一種口感，十分爽口煙韌很惹味口感很好。除了主食的兩款食

今日相約朋友黃埔shopping入貨買家品，她平時屋企好少食鹵水，佢想食好耐，今次一於陪佢吃餐鹵水鵝，朋友心心眼望咗我好耐。點解環境好舒適，鹵水鵝專門店，最啱一家大細，叫埋老人家都得，這店有圓枱。店員細心奉上中式茶款待客人，鹵水鵝可以有好多拼，三拼四拼五拼都有，我們點了一個三拼餸及一個雙拼飯。鵝三珍~ 包括鵝、掌、翼，鵝翼大大隻， 師傅會一開二，方便入口，最喜歡既入味又滑的鵝翼皮。鵝掌會軟淋，鵝身就啖啖肉，這店的鹵水味道非常合我哋嘅心意。這個三拼的份量都相當足夠，鹵水雙拼飯~ 鵝腸拼墨魚，鵝腸絕對夠肥美，也非常爽口彈牙，墨魚一樣有口感，正呀。雙拼飯連鹵水蛋及豆卜，好豐富。臨走時埋單見到仲有好多美味潮州特色美食，下次要約多幾個朋友一齊開心食番餐。外賣組合的優惠也很吸引。

日日香鵝肉飯店是鮮有進駐紅磡的滷味店。另設有中環及銅鑼灣分店。有別於一般飯店，餐廳有豪華裝修，每張枱有吊燈裝飾，更有廣告牌介紹鵝肉的食法。而且座椅餐枱十分闊落，完全是高級餐廳的格局。$65 雙併滷水飯，招牌鵝肉鮮嫩極致，不肥不瘦，鵝腸沒有肥膏，豬腸亦很有口感。每碟飯伴有滷水豆卜、半隻滷蛋、炸扎肉一片及酸菜。豬手小食切片大小適宜，滷水味道十足但不會太過鹹。午市12點至三點更免費送贈冷熱飲，全日不設+1。加$28點了原忠燉湯，花旗參烏雞湯，熱度十足，清甜湯頭非一般例湯可比

近黃埔舊區附近好多新興食店。地鐵A出口民泰街行過，有間同潮汕一樣名的日日香鵝肉。疫情期間多數外賣，但今次經過實在想試一試堂食。入座前探熱，酒精洗手液，都有提供。坐下之後服務員先再擺餐具，再摞茶水。給客人一定安全衛生的感覺。是相對裝修新淨簡約的餐廳。幾個樓面服務員應該都係習慣招呼街坊客人，親切有禮。坐下期間都不少電話落單外賣。|鹵水鵝皇飯^同媽咪一起用餐，由於她喜歡雜食，點了一個什麼都齊全的鵝皇飯。裡面包含鵝片，鵝肝，鵝蛋，鵝腸，鵝腎。集合五款的雜拼，豐富多彩。不過如果鵝皇飯有特別的餐碟擺設會更特別。我不喜內臟，所以只點一個鵝片|鵝片^飯。現在才知道鵝片同鵝肉不一樣。鵝片直接食用沒有骨。我比較懶，又中意撈蒜汁，所以選擇了75元的鵝片。爽口滑嫩，鵝肉片口感沾少少蒜汁。撈飯撈汁真係一流。原來食鵝肉都有食的不同方法，望聞沾食咁。可能太肚餓，感覺自己狼吞虎嚥

經過紅磡這間日日香鵝肉飯店，被門口挂著的大大隻的鹵水鵝吸引住了。現在疫情早已放緩，進入餐廳時，侍㒣也會為客人量測體溫。至於枱與枱之間的距離，餐廳也有按政府的規例。鹵水雙拼飯 鵝腸拼鵝肉飯飯跟配有半隻蛋、豆卜及酸菜。酸菜甜中帶的，甜甜酸酸的，非常好味，可解去食鵝的膩。鵝腸有少少煙韌咬口，帶有鵝膏，咬落很香，滷得非常入味。鹵水鵝掌廚師將鹵水鵝掌切開一隻一隻腳趾，易咬又易食，食到有五香八角的調味，也是鹵得入味，夠腍夠軟滑。鹵水鵝髀飯鹵水鵝髀飯，也跟配有半隻蛋、豆卜及酸菜。鹵水鵝髀食落可謂啖啖肉，腍滑度剛剛好，有鵝肉味，夠腍夠軟滑。由店內牆上介紹看到，此店鹵味乃獨門秘方，六代傳承，食完感覺味道及材料不錯，還會再來食。

每張桌都有一壺茶任裝任飲，不像外面的餐廳只給水，幾有誠意。金牌滷水鵝片飯：鵝片肉很香，沒有羶味，肉質很嫰，肉汁超級豐富，滷水不會死咸，還帶點甜味，幾十元有如此質素真是超值。飯是用珍珠米，粒粒分明不黏，配澳汁可以吃幾碗飯。燉湯：每個飯可以加$10換湯，一定不可以錯過。我喝的是蟲草烏雞湯，雞骨燉到軟掉可以吃，湯非常清甜，比起外面賣幾十元一盅湯便宜太多了。特選滷味飯：豬大腸很有彈性，紅腸和雞蛋都滷得入味。

這間專賣滷水鵝的日日香是汕頭名店，店舖光猛乾淨企理，門口櫥窗掛滿一隻隻的獅頭鵝，聽說除了鵝肉及滷水汁，就連配菜及白米都是由汕頭來的。這裡的餐牌全部都是鵝，連全鵝併盤都有提供，一共十個部位，十分豐富，有些部位更是坊間比較少有食到的。價錢合理。鍾意啖啖肉的我點了滷水鵝片飯，只需$68，份量足，鵝片薄切，油香肉嫩，充滿肉汁，甘香的滷水汁又不會蓋過鵝肉味，很好送飯。而鍾意吮骨的朋友就點了鵝肉併鵝腸$60，鵝肉肥瘦均勻，鵝腸爽口，帶有少少肥膏。每碗飯都有酸菜，花生，豆卜作配菜，還可沾上枱上提供的白醋或鵝汁，更惹味。另外只需加$10 就有精選燉湯一壺，十分足料，讚。

放假去了住在黃埔的朋友的家裏玩晚餐時間朋友說突然好想食潮州菜滷水鵝於是推薦了這一間在附近的 — 日日香鵝肉飯店便來了試一試主要菜式也是潮州滷水鵝的不同部位正合我們的胃口鵝三拼包括鵝肉、鵝翼和鵝掌 滷水滷得入味滿滿的一大盤 十分豐富點上醬油和酸辣蒜汁惹味又開胃 和朋友吃得好滋味鵝片吃鵝朋友說必點鵝片 一份五片 沒有骨的鵝片 啖啖肉享受墨魚黑魚片片肉質細滑 吃下去鮮嫩 不錯不錯是日靚湯 - 蟲草烏雞湯蟲草花和烏雞份量也不少喝下去清清甜甜 加$10就有一碗 正

琴晚去了黃埔找朋友交收，在附近搵餐廳食埋飯；佢帶左我去－日日香鵝肉飯店，見好多食客外賣，相信食物質素有所保證！餐牌中有set和自選滷水雙拼飯，個人好喜歡有自選形式，可以選擇自己中意既滷水食品，而且價錢吾算貴。自選滷水雙拼飯(墨魚，鵝肉)：墨魚片份量幾多，每片厚薄適中，所以食起黎口感會較軟口；另外，鵝肉雖然每舊好細舊，但每舊也去除了骨，食落啖啖肉，個人喜歡配合酸酸地既白醋食，令自己更加開胃！而飯方面，份量同樣地剛好，飯粒吾會太乾，食起黎帶軟。配料仲有花生，酸菜，鵝蛋半隻，豆卜，令整個雙拼飯變得更加多料又大大增加口感之餘，仲有吾同味道層次啊！自選滷水雙拼飯(豬大腸，鵝肉)：朋友就揀左配豬大腸，佢讚豬大腸好林，而且好有滷水入味既味道，佢說也是個不錯的選擇啊！鵝腎：鵝腎既口感當然比食雞腎既冇甘硬同難咀嚼，鵝腎實中口感帶少少軟身，當中有淡淡既滷水味，每片既厚度剛好，份量雖然是單人，但二人當小食也很足夠！鵝腸：起初好怕鵝腸會好多肥膏痴住難以掉走，但估吾到依度既鵝腸雖然有幾條帶少少肥膏，但易於掉走；最重要的是口感帶點兒爽口，味道更有滷水味而不是淨烚既味道。兩款小食底部同樣有豆卜，即是一份小食其實內裹

女兒上網買左嘢，今日我陪佢去黃埔交收，近年黃埔因有地鐵站，開了不少食店，女兒話食埋晚餐先回家，地鐵附近有一間日日香鵝肉飯店。門口招牌燈光下顯得特別搶眼，再望到廚窗掛滿大大隻鹵水鵝，女兒話好耐冇食過，今晚就選食鹵水鵝，探熱後，店員就安排我們入座，並送上清茶。餐牌除了鹵水鵝，還有很多鹵水小食，飯類加10蚊就有精選燉湯。鹵水鵝片飯：鹵水鵝是用農場散養120日的澄海獅頭鵝，再用獨門秘方18種草本鹵料每日鹵製，鵝片肉質鮮嫩多汁，鹹淡適中，甘香不膩。點少許蒜泥白醋汁，更添美味！每款飯都會添加自家醃製的酸菜、花生和半隻鹵水蛋，都好入味，不錯！鹵水雙拼飯：有多款選擇，選了其中豬手和鵝肉，豬手外表像燻蹄，鹵製得入味，林度適中，配肉味香濃的鵝肉，令人回味無窮。蟲草花燉竹絲雞：燉湯足料夠火喉，啖啖精華好鮮甜。鹵水鵝腸：女兒食潮州鹵水最喜歡食鵝腸，鵝腸洗得乾淨，口感爽脆入味，留有少許鵝脂，甘香可口。

每次進入黃埔花園之前，都會路經這裏，今晚發現有間新開的滷水專門店，據聞是大陸出名食肆，在香港開的分店，便入內一試。特級滷水鵝皇飯$128 ，有鵝片、鵝腎、鵝肝、鵝腸和鵝蛋，鵝片故知然好味，其他內臟味道亦都很惹味，其中以鵝腸最為爽脆入味。精選燉湯$28，是蟲草花燉烏雞，這個燉湯只需招牌靚飯及雙拼飯，可以以優惠價換取加$10，而湯底味道清甜，材料豐富，喝得出是用幾小時以上熬製的，是非常值得推薦的。小食：大腸$30，沒有羶臭味，軟腍中帶點嚼勁，份量都算不少。

原本報團去潮州玩幾日, 食下當地美食, 結果因為內地封城, 旅行planning又再無了期押後。早排同屋企人路經見到一間餐廳名叫"日日香", 餐廳名很熟悉, 原來是潮州旅行必食之一, 潮州旅遊cancel了, 雖然未知是否過江龍開分店, 但還是想試試!!我倆揀左最抵食既自選【鹵水雙併飯】HK$60鵝肉+豬大腸鵝肉雖然好似肥左少少, 但肉質很嫩而且肉汁豐富。 豬大腸算係林中帶爽, 個飯加左少少鹵水汁同埋甜酸菜, 食落唔會太寡, 兼有層次。屋企人就揀左鵝肉+墨魚,墨魚甜甜地, 爽得黎唔會硬到咬唔開, 食到墨魚原汁原味另外仲order左散叫小食share,【鵝腎】HK$30腎幾林, 不是死硬口感。食到少少鵝腎本身甜味【鵝腸】HK$50有鵝香味, 非常爽口, 不過部份鵝腸有肥油連帶, 唔想食咁肥就要自行清走