甘味讚岐手打烏冬 (Closed)

溏心蛋 - 滷水既溏心蛋第一次食，表皮有小小脆，入面既蛋黃整得好似啫喱，好味三文魚壽司 - 偏細件，冇咩三文魚味🤔軟骨餃子棒 - 雞軟骨整得幾碎，但係外面煎得唔夠脆。有點失望日式煎餃子 - 同軟骨餃子棒一樣，煎得唔夠脆，可能人多，師傅太趕時間？芝士年糕 - 外脆內軟，咬落去入面既芝士即刻咇出黎好味，但要小心熱軟殼蟹卷 - 握得唔夠實，一夾成舊壽司就散開晒，入面既軟殼蟹唔知係咪擺得耐，已經唔脆鰻魚飯 - 冇論係飯定鰻魚既份量都偏細🤔普通鰻魚飯味道，不過舊鰻魚好韌同好多骨哩杯係xxx雪梨，係特飲黎。不過飲唔到雪梨味，都幾似藥水味🤔涼粉冰 - 冇咩味既涼粉冰，好淡好似水咁同埋已經叫左少冰，唔明點解仲有半杯冰鐵板牛肉粒蕃茄湯烏冬 - 牛肉粒煎得岩岩好，唔會老蕃茄湯底好濃厚，酸酸地好開胃。烏冬用既係日本烏冬，不過浸得有小小稔🤔環境方面，每個位都好窄同埋好似冇咩冷氣，食完都出左微汗🌝有好多菜式選擇，但整得太廣，每一樣都唔突出，就連主打既烏冬既味道都唔係特別吸引，🌝

在沙田個人很喜歡獨個兒去此日式餐廳午飯，今日公公婆婆遠道而來，我就帶佢地去我愛吃的餐廳一嚐雞扒蕃茄烏冬雞扒皮煎得非常香口，肉質嫩滑，為免浸軟，餐廳選擇另上其雞扒，還事先切件，易入口，味道確是不錯，蕃茄湯濃郁，烏冬份量挺多豬軟骨石鍋飯飯係採用紅米飯，感覺健康，石鍋熱辣辣上枱，令鍋中飯突顯飯香，紅米飯較硬，白米飯較軟，整體軟硬適中，帶上芝士香，令飯更滋味，豬軟骨大舊，肉質較香個人覺得食物質素不錯，但等個飯等得比較耐

隨便搵間野食晚飯，經過女友話想食烏冬就入左去。當晚望攞去好full，waitress叫我地等等，唔使10秒就locate到張檯比我地。大部分都係2-4人檯，當然。。。好逼，無搭檯同搭檯無分別。不過正常嘅，fine dining咩而家。餐牌好多選擇，壽司，小食，飯烏冬等等。。。我地淨系叫左兩個烏冬，目標明確。吉列豬排烏冬正路野，湯味道適中，無咩特別野可以講亦無投訴。炸粉唔厚，肉質淋淋地燒雞排番茄湯烏冬呢個有d驚喜，湯好濃，味道適中，唔太酸。比普通湯底出色，下次都會揀番茄湯底。可惜雞排好油，夾起幾乎有油滴出黎咁濟，味道ok。最後，服務同一部連鎖餐廳一樣，舉幾次手都會有人埋黎嘅，茶自動refill左一次。整體感覺，無期望，無失望。

平日夜晚9點鐘喺新城市廣場基本上都唔使等位食飯，入到就揀左張4人枱一開始waiter都有講落單要自己寫紙仔，不過平時慣左叫人落單，最後都係無自己寫紙仔我地叫左蕃茄湯雞扒烏冬同角切魚生飯，呢間雖然主打烏冬，但係都有唔少其他選擇蕃茄湯烏冬同雞扒係分開上的，蕃茄湯茄味濃郁，烏冬就一般貨色啦;塊雞扒係煎的，食落就略嫌乾身，味道就略淡角切魚生飯嘅份量比較少，魚生都無咩鮮味，款式都算少，不過58蚊 (另收加一)跟埋粟米同麵豉湯都可以接受啦 (兩款都係普通野)服務方面要提一提，呢度收左人加一但係又要客人自己寫單 (雖然waiter有幫我地寫，但係佢地就叫隔離枱自己寫); 另外佢地啲茶壺係用茶記透明果隻，同個環境唔太夾啦

今晚點了一個豬軟骨二十殼米釜飯，二十殼米飯咁大個人都係第一次食，見到個賣相已經好特別!!飯香甜且煙韌，有嚼勁！豬軟骨香腍軟滑連著根，不會有乾柴口感，加上香甜適中滷汁，配搭多款酸甜什菜，真係非常醒胃！另外跟左多麵士湯, 同平時飲嗰d差唔多, 不用特別講了...

今晚去左新城市既旅行社問野, 問完都成8點幾即刻搵飯食, 想平平地既選擇唔多, 所以行返去一田果邊食呢間甘味, 地方大又多位, 價錢又唔算貴.睇完餐牌想食飯, 呢度好處係有穀米飯或者珍珠米選擇.要左"蟹籽牛肉鍋燒炒飯"$68, 配珍珠米, 鍋燒熱辣辣, 肥牛份量夠多, 鋪滿晒, 肥瘦平均, 食落唔會起渣. 珍珠米底一粒粒, 不過無汁燒到太乾, 祗係得洋蔥, 蟹籽吊下味. 飯餐有個粟米前菜同麵豉湯, 一般正常野, 好過剩係得個飯, 麵豉湯夠熱既, 唔似洗碗水.

MONKEY BABY仲有3個月就出世啦!真係好多野要買呀>< 今晚收工之後拉左老公去沙田一田睇奶樽﹑奶泵﹑床仔…睇完好肚餓呀，即刻去左食野，今晚阿女想食烏冬~就食手打烏冬啦!「豬軟骨二十穀米釜飯」豬軟骨係豬既彈性軟骨，我好中意0拍0拍聲一啖咬落去既感覺! 呢個豬軟骨可謂非常原汁原味，汁濃又JUICY，肉質酥﹑軟骨脆，骨肉相連一齊放入口，個感覺正呀!反而二十穀米我又覺得無咩特別，同普通珍珠米好似分別不大，口感都差唔多，可能只係心理上健康左XD每個SET都配埋沙律粟米同麵豉湯。沙律粟米本身既粟米唔靚，唔係好甜而且唔夠林，配埋沙律醬我覺得有D怪。麵豉湯淨係得個湯..十分稀，稀過希爾頓既朋友…內里又無料，平日飲我都會見到D豆腐粒，但係呢個無，一句講晒:只係好飲過水…晚市可以以優惠價$14加兩件三文魚壽司，三文魚壽司飯細又少，刺身更加係薄切到無朋友…食落覺得唔係新鮮，似D三文魚唔知放左係度幾耐，無雪落雪櫃..X鮮都好味過佢..因為太薄切所以無乜口感…成晚我欣賞既「滑蛋豬扒撈讚岐手打烏冬」，豬扒有5件，件件都有返咁上下厚，皮唔厚，肉多，通常炸過可能都會覺得「好粉」，但呢個麵粉感唔

原本想食附近的翡翠小籠包，但排差不多100個號碼，所以改去排的比較快的甘味。今次點了豬軟骨烏冬、蕃茄豬扒烏冬同雞軟骨餃子。豬軟骨烏冬的湯底好清甜，豬軟骨亦燘的比較淋，不會有硬到啃不下的情況﹔蕃茄豬扒烏冬的湯底有好濃郁的蕃茄味，豬扒炸的有點乾﹔雞軟骨餃子食落同一般餃子沒有分別，但價格就比一般餃子貴，有點不值。另店家有限進餐時間，如果想聊天的話，可能不太合適。

食物味道唔錯！！ 家人的是汁燒雞扒烏冬 ，比吉野家的雞扒煎得靚，更有口感！ 而我的是野菌烏冬，足料！！！！！ 且味道唔錯，冇咩味精，食完唔會太口渴， 而且清甜湯底，值得推介！ 而主打的烏冬十分之彈牙，有手打的口感 比 所謂的 自家烏冬 出色更多更好！只可惜一入座起，waiter 便說要限時，一掃聖誕氣氛， 整體食物好好！！

正所謂「食得一餐少一餐」，每食一餐，人生裡可享受美食的機會會減一次。一田購物週翌日，整個市中心都寧靜了，人流減少了，活像衝刺過後的休養時間。平時經過這裡，門外總是滿滿等位的人群，今天竟然不用等位，就拜會拜會吧！滑蛋蟹籽巨型蟹柳讚岐手打烏冬（$56 / 轉蕃茄湯底加$10）聽說這裡的蕃茄湯燒牛柳粒讚岐手打烏冬是推介之選，不想吃牛，便點了另一款烏冬然後加錢轉蕃茄湯底。蕃茄湯底果然濃郁好味，加錢轉也值得。滑蛋其實一點也不滑，可以說是overcooked。巨型蟹柳名符其實巨型，賣相搶眼，但肉質太假，口感仿如日式魚蛋，可能用平常的蟹柳會更好味。讚岐手打烏冬，坦白說真懷疑是不是正宗讚岐烏冬，若是正宗，就一定是烹煮問題，根本沒有讚岐烏冬那種爽身彈牙。本來加點了帆立貝壽司，但漏了單，我便算了。反正烏冬已教我感受不到店子對食物的要求和製作的誠意，吃不到也沒損失。這裡是顧客自己填點菜紙，寫上食物編號落單的，就算你叫侍應來，她都會叫你自行填點菜紙。這樣的服務，值得收加一服務費嗎？

是日到一田掃貨掃貨之前梗要填飽個肚仔先拉平時都常去甘味食晚飯今次先第一次寫最近熱氣，生多左幾粒倉倉所以想叫個冷烏冬一直都覺得甘味烏冬好食煙煙un un,又彈牙百吃不厭但去到最後我都叫左樣煎炸野煎餃子係幾油，但唔會過燶肉涵有汁，味道唔算濃同烏冬係良好既配搭

滑蛋蟹籽蟹棒烏冬，滑蛋炒得幾嫩，不過就好似和蟹捧太過分離。蟹籽份量比想像中多，但混入湯就唔太覺。烏冬軟硬適中，不會入口有粉的感覺，以平價烏冬來講算唔錯。如果呢個主食可以改良成「走湯」版本，我諗我會想食多次！一口三角芝士脆脆，炸得外脆內軟，可惜芝士內餡未有拉絲效果，

聽講成日都好多人排隊~今日經過試試佢~呢度真係主打烏冬嗎？嗯…~烏冬軟淋淋 唔彈牙 一夾就斷anway啲牛柳粒同雞扒仲好食牛粒好香口 牛味重 雞扒大大件 外皮脆卜卜同埋啲番茄湯都唔錯 夠香濃

烏冬好好味，照燒雞扒啲皮好脆，味道都唔錯蕃茄牛肉烏冬唔錯，蕃茄湯好濃郁，但係有D酸酸地，十分開胃豬軟骨十二榖斧飯，飯有飯味，豬軟骨夠淋，亦都唔太肥環境大，坐得舒適，光線充足價錢合理，環境乾淨

星期六既中午，一家人黎新城市廣場，到食午飯既時候見到呢間餐廳唔洗等位，又好耐無黎呢到食過，就打算同屋企人入黎食下。餐廳面積都幾大, 裝修都唔錯, 侍應又有禮貌服務態度又好。我地叫左5樣野食: 豪華刺身箱飯配麵豉湯，刺身都算新鮮，飯量好多。什錦剌身飯，有麵豉湯之餘仲有粟米跟，刺身有玉子, 蟹柳, 蝦, 吞拿魚, 三文魚, 蟹子, 三文魚子，同樣地刺身都算新鮮，飯量好多。豬軟骨讚岐手打烏冬 烏冬好食好彈牙煙韌，唔硬又唔太淋, 賣相又唔錯啊!份量亦都不少。紫心香芋丸，15蚊特價小食，味道好特別又唔太漏，值得推介。呢個芝麻三文魚他他手卷係特價小食黎，要14蚊，其實又唔係特別平，三文魚的份量少得可憐, 紫菜又濕又受潮變軟，唔好味，超級市場果D 都好味過佢呀。3個人連加一食左250 蚊左右，除左個手卷之外其他所有野都幾滿意。