味佳居越南餐廳 (Closed)

越南菜一向係我既最愛..香港地既越南菜館我都差不多食過哂...連最好味既樂師同樂會結業之後..唯有寄望味佳居..yummy之前都已經食過..印象中上..路經尖沙咀..特登來試真d...果然yummy..牛油雞翼..好香好好味..皮脆但無乜粉..比燕萍既厚粉雞翼好味得好...暫時係我食過最好味既牛油雞翼..good咖哩牛腩加蒜蓉包...好正宗既越南咖哩..多椰汁..好香好creamy..個底仲加左好多檬粉..超好味..麵包香脆..好難得係香港食到咁正宗既越南咖哩....好感動呢..!!牛肉河..無蔡瀾講到咁巴閉..湯底係上等貨色..但香港好味過佢既牛肉湯底..亦唔係無..不過..仍然值得一試..味道真係幾清甜..幾好幾好..烤豬肉蝦餅..好驚喜..呢類蝦餅周街都有..好多都係行貨貨色..無乜特別..但yummy真係做得好好..蝦餅好脆..但唔油..烤豬肉好香又唔肥..加埋少少蔥花同檬粉..真係好突出..好欣賞佢將一樣好普通而周街都係行貨既食物做得咁好..好好味呢...總結:yummy係繼樂師同樂會之後..我呢個越南怪認為最好既越南菜館....地點方便..價錢唔貴..質素好好...連服務都

我第一次喺度寫評語, 因為真係覺得呢間嘢啲嘢食幾好食, 要讚揚吓我同男友喺樓下見到有蔡瀾嘅相喺度,諗住試吓睇吓好冇食啦, 發覺又幾好味喎,食過回味無窮食過第一次都再幫襯過幾次, 今晚會再去。我最鍾意食嘅係牛油雞翼, 好脆, 好惹味仲有佢啲咖喱羊腩, 要加$5要蒜蓉飽喎,因為啲飽點上啲咖喱汁係好好味啲座位就好close, 但係如果唔係太多人都會安排隔一個位坐嘅, 可以放袋囉

lunch時間好多人, 最好12點半前來到都有機會唔駛點等位, 人數多就要人齊先可以入坐, 今日試左個28蚊其中一個set 札肉湯檬+滴滴咖啡(特飲+$6) 札肉夠爽口, 但個味道比較啖口, 攞來時既咖啡柸上有另一個容器, 自動滴出咖啡, 而柸裡已有練奶&花奶, 當完後, 就會攞走上面個容器, 攪拌後第一啖既感覺有一D"唊唊", 但一陣再飲已經冇喇~ Okay可以接受~~

午飯時間去到人山人海,幸好轉流好快一陣就有位點了兩個午餐咖喱牛肉湯河-咖喱好香豬扒撈檬-豬扒好味配餐的凍檸茶夠大杯而且用了青檸,抵讚

3個老友一齊去食番餐, 叫左六隻蒜蓉雞翼, 香茅豬扒檬, 炒金邊粉, 炒什菜同春卷蒜蓉雞翼新鮮熱辣大大隻, 蒜蓉味重個皮重係脆卜卜的, yummy~~~, 香茅豬扒檬唔夠涷, 涷檬唔涷真係罪大惡極~~~好在個生菜絲多, 同埋個檬粉夠彈牙爽口, 放佢一馬~~豬扒太薄身同埋有點過時, 所以咬落就有點硬啦~ 炒金邊粉炒得麻麻,炒到痴埋一pat, 同埋料又少, 只有少許扎肉加蝦仔,no good~ 炒什菜就好一般, 只係炒埋一碟咁啦~春卷新鮮即做的, 炸得過左少少火喉, 色水黑了點, 但8好大條又好粗好多料, 味道都ok~~service ok, 有求必應加水快, 但係坐就認真麻麻, 張椅又細又搖擺不定, no good, 但埋單都係$200唔駛, 抵食~~

尋日見時間尚早~未夠鐘睇戲~~過左黎呢度食野~~因為時間尚早~~我同朋友叫左一碗烤豬肉檬..一碗炸雞腿檬..同埋香煎蟹餅...d檬都唔錯~~清清地~~夏天最好~~..個蟹餅~無味既~~食唔出有味呢~~~~~~~佢地倒水...好耐先倒一次~~~~~~不過甘既價錢ok既~~埋單$98下次未必去lu~~

昨晚辣椒女要到尖沙咀買東西，行過這裏看見單張，辣椒女便話想試試，便上來了。我們叫了一個二人套餐，包括有春卷拼粉卷、炒芥蘭、越南炒粉、蝦片豬肉和甜品。春卷- 外表很脆，味道也不錯，但就比較油，都算幾好。粉卷- 粉皮煙煙韌韌，但札肉比較韌，一般啦。蒜茸炒芥蘭- 芥蘭炒得幾爽嫩，加上很香的蒜茸味，幾好。越南炒粉- 今晚炒得最好味的一碟菜，但如粉條可以再粗一點就更好了。蝦片豬肉- 蝦片很脆，但豬肉明顯唔新鮮，又韌又無味。甜品- 唔知乜名，有點像泰式千層糕，但太煙韌，又沒有什麼味道，得過甜字，可以不要。地方很細，侍應招呼又唔多得，價錢唔算太平，相信未必會再來。

Lunch 5個同事一齊開飯, 叫左4個lunch set share..叫左咖哩牛肉飯--- 牛肉是肥牛, 2舊薯仔, 味道ok..越式炒飯--- 一般, 只不過用了扎肉, 蝦就叫越式.越式炒金邊粉--- 都是一般, 又是有扎肉, 雞肉, 就叫越式蟹肉檬粉--- 有濃的蝦膏味及小許蟹肉, 不太好吃.除了湯類粉麵, 都有牛肉湯及雞絲湯送, 味道都ok架.還有飲品一杯, 特飲要+ $6, 不抵..份量不太大碟, 而且食後有點口喝, 應該是有味精關係…埋單每人要$32左右, 已尖沙咀區lunch 不太抵, 因為係其他店的份量都會大碟d.. 初時以為全層會好大間, 原來地方都頗迫, 人多不太贊成去.

2005年11月11日雖說此店佔據9樓全層，其實面積好細，佈置似快餐店，白檯膠背椅，座位約30多個。聞說這兒的牛肉粉不錯於是來試試。到達時約2:40pm，供應午市套餐(至下午5:00)和下午茶餐。下午茶餐$22起，包飲品，凍飲+$2，選擇有蒜蓉包，牛油雞翼等。午餐$28起，有各式湯河，飯類，亦包飲品。套餐+$6可加春卷，菜，扎肉等等。小頭點了生熟牛肉河粉，凍檸茶和春卷。凍檸茶大大杯，用青檸，味較香也沒那麼酸，但叫了少甜還是頗甜。春卷是肥大型，熱辣皮脆，點魚露吃不錯，不過伴吃的生菜好細，包唔哂成條春卷。生熟牛肉河粉和青檸、辣椒粒一齊上，好(有些店要自己問才有!)。生牛肉幾有肉味幾嫩，不肥，幾好吃。熟牛肉雖腍但仍有咬口，一點也不。粉都幾滑，但係個湯不夠濃味，可是說太清淡了，即使加了青檸汁和辣椒粒也吊不出濃鮮味來。在香港還未遇到一碗滿意的越南牛肉粉，究竟美味牛肉粉何時才出現﹖

overall 都好抵食,份量亦多,但唯一係唔識分"凍飲"同"特飲"lor...可能係tea time去,所以好少人,(女)侍應服務有待改善...

先幾晚, 要同一個朋友補祝生日, 佢\又話要食越南菜~ 咁我聽過我妹講話幾好, 咁咪去試下lor~之前已經book定檯, 但因為遲左幾分鐘到, 服務員就話張檯比左人~ 咁咪等lor~ 都等左幾耐~ 因為地方細, 位唔多, 加上係星期5晚, 所以食客多, 等位o既人都多~叫左一個越南雜錦粉(唔知係唔係就係\'火車頭\'呢?) 味道唔錯~ 料都夠多~ 而且仲好大碗~之後就上左碟小食拼盤~ 有春卷, 扎肉, 燻蹄同蝦片等等~ 分量都夠晒足~ 半隻海南雞, 份量比想像中多~ 要預先訂定~ 都幾鮮~仲有一個椰子大頭蝦煲~ d湯好濃好香, d蝦都幾多糕~ 幾好味, 不過因為已經食飽晒, 所以個煲食剩晒~overall, 都幾好~ 可以再去~

平日行開行埋見佢成日派leaflet, 所以今次走上去食下, 星期二晚上七點, 上到去得2枱人, 地方都幾細下, 我諗三十至四十人都會full啦, 坐位係cheap cheap膠椅, 迫迫地喎坐得唔好, 店內都重有d裝修氣味, 可其實都唔係新開啦, 唔知點解都重有味, order香茅豬扒涷檬$28, 烤牛肉春卷$28, 招牌雞翼$32四隻, 越南炒河, 食品價錢唔貴, 重類都算ok啦. 等左一陣, 烤牛肉春卷到啦, 個賣相都唔錯, 一客有4小卷, 牛肉都多, 唔會un, 有生菜卷埋一條, 感覺清新, 個sauce略為唔夠酸.招牌雞翼其實只係炸雞翼, 無特別, 但由於係即炸熱辣辣之情況下, 食落一定正啦!! 越南炒河都唔錯, 炒得好乾身, 唔會太油同埋個d河粉又唔會炒到一pat pat, 不錯不錯, 香芧豬扒涷檬遲大到, 都係因為waiter落漏單, 豬扒大片但薄身, 咬落都口感欠左d, 但係味道不錯又唔太油, 個檬粉唔夠涷, 但青瓜絲同生菜絲多, 食落好健康, 但個sauce依然係淡過頭唔夠酸.waiter好唔掂, 好似好生手, 例如係d唔應該的位置上菜, 飲晒d水又唔tim, 店