味佳居越南餐廳 (Closed)

Tried it for lunch during weekends, ordered a large 牛肉河 (shared by two) and 粉卷.The size of large 牛肉河 is good for the price but the taste is just so so, anyway it is better than it's branch at Tai Koo Shing food court. The fillings in the 粉卷 is too little, and the taste is also not outstanding. The shop is small and the seats are not comfortable for big guys.

要去附近辦貨，之前正好來個速食 lunch + tea。人多擠迫，不宜久留，正合要速戰速決的我。目標早鎖定生牛肉河，分兩種size，其實小的也不小了，除非真的非常極度肚餓，否則不建議叫大份。可能事前有少許期望，老實說，我覺得湯底和牛肉只屬一般，反而河粉的質感帶少許煙韌，不像一般的軟弱無力，頗對我的口味。另有一點奇怪的，是生牛肉河只附青檸和辣椒粒，其他不知哪種粉麵，才附上一小碟芽菜和金不換。我觀察了很久，證實服務員並非忘了給我，其他客人的order也是如此。生牛肉河沒有驚喜，但邊吃邊看其他客人點的食物，有些如越式拼盤、雞腿、椰汁咖哩雞麵之類的，好像比較吸引。不過店子小又生意旺，要有等位的心理準備才好再來。離開時才在店子門外，看到蔡瀾介紹該店的報導，匆匆瞄了一小段，原來他對那碗生牛河的評語，亦不過爾爾。

真係不能小覬蔡潺的影響力.....前排佢係三色台的節目中介紹過此店....每逢上親去都大排長龍.....今日有幸唔洗等......証明D人都係貪新鮮的多..........兩個人....食左:烤豬肉湯金邊粉.......湯粉真係唔錯.....烤豬肉唔係好夠味....整體 OK....烤牛肉濱海.....烤牛肉好一般.....味淡.....濱海不過不失...粉卷.....唔夠熱....味淡....睇黎只有湯粉比較吸引人......走果陣勁口渴......唔通有味精???????埋單 $102 都算抵食....

尋日又再去食火車頭，都係一樣咁好食(好多俾食家介紹完就冇咁好食)，有芽菜九層塔呀，仲食完再問伙計攞都好歡迎，原來火車頭就跟芽菜九層塔，不過生牛肉粉就唔跟，祇要問伙計攞，多多都俾，我2種都有食，下次要再去睇問口蔡生個poster好似唔係咁~~~~，見光頭老板得閒爹2 句，佢話之前蔡生微服出巡，留咗啲金石化良言，經光頭老板鑽研再改良，就變咗今日唔止150間餐廳其中一間，仲主力推介添，光頭老闆你係得嘅

看了蔡瀾介紹，慕名而去。5至6點為員工晚膳時間，餐廳關門。我們在門外等到差不多6點15分，才有位高瘦侍應出來mark人數，可能年代有別，總覺得那年輕人的態度有點。。。‘有趣’。店鋪細小，座位是排排坐，頗爲擠逼。而且店内冷氣通風不足，坐下良久，還彌漫着香煙味。食物方面，春卷 ($27) 味道不錯，炸得香脆鬆化，加上魚露和爽脆生菜，確實好味。不過那個咖哩雞 ($65) 就明顯失色。報道說那兒的咖哩是用了四種香料煮制而成，但吃落味道欠缺層次，竟然跟平時在茶餐廳吃到的分別不大，只是較辣而已。而且雞件全是小雞槌的頂部，肉少骨頭大，口感欠佳。咖哩煲可以配白飯或麵包，我們要了後者，麵包烘得香脆，但咖哩的味道太一般，食趣味道都已打上折扣，也就沒有興致再添麵包伴汁來吃。飲品方面，要了個鹹青檸蘇打 ($19)，頗爲可口，可以一試。

食過幾次都係都係咁好味個湯真係唔錯牛就唔係呢間最有牛味, 但都ok個湯就係食過之中最ok喇而河粉亦都係我鐘意果隻 幼得黎又滑又唔易斷的回下面mr choi係果篇文章係話佢地麻麻地不過後來店主聽mr choi既方向去放 (好似係咋)之後做出黎既湯就very good喇証1係mr choi既介紹食肆書有呢間份 (好似係100間之一)証2最近mr choi個電視有介紹呢間 而且話係"o係香港最好既越南粉(主要係話個湯啦)"但係間o野有様唔係咁好囉mr choi介紹時又有 芽菜九層塔我地平時叫係冇咖等mr choi仲突登介紹點食個芽菜九層塔side左 mr choi一番心機

早幾日喺呢區行開, 晚上八點未夠, 師傅已經餓到半死, 於是拿拿臨喺呢區搵野食, 左諗右諗都未諗到, 但師傅好想食d濕濕地嘅食物, 忽然間想起呢間食店, 加上又有一斷時間冇黎過, 決定去馬!去到門口人山人海, 都要等成六七張枱先可以入坐; 未坐底師傅已經決定要食火車頭; 坐底後, 地方依舊唔算寬敞, 但都唔會太逼, 皆因兩個人佢都會比多半張枱, 可以用黎放食物, 所以隔離係冇人坐, 得幾舒服啦, 值得一讚! 睇左一陣最後柯打左炸蝦餅, 炸春卷, 一碗火車頭, 牛肉粒紅飯同埋蒜蓉包!最先登場嘅係炸蝦餅, 炸蝦餅係熱辣辣即刻炸起, 炸得唔會過燶過油, 蝦餅又唔會太硬, 加上好有蝦味, 香脆爽口, 再點埋d酸辣醬, 勁正; 炸春卷一客有四條, 一樣係熱辣辣, 十分脆口, 加埋生菜同魚露一齊食, 好好味! 火車頭就要左河粉, 有好多餸, 牛丸, 牛柏葉, 牛筋, 牛肉同埋牛腩! 火車頭即係火車頭, 又大又堅, 份量唔少; 先講下個湯底, 湯底係用牛骨熬, 好清甜冇味精, 好正; 而河粉都幾滑身, 份量又夠, 掂呀; 牛丸好鬆好香, 加上好爽口, 正呀; 牛柏葉一d 都唔韌, 非常爽口; 牛筋都

朋友推介之下,到了此店一嘗越南風味!我吃了一碗生牛粉,味道真不錯呢,湯底有濃厚的牛肉味,另外仲有很豐富而複雜的越南香料味,好似下了一些香茅之類,其實我不太識..另外加了青檸汁來吃,成碗粉既味道截然不同了,變成了香葉味濃的湯底,我可以形容成薄荷的味道幾重!牛肉份量不太多,但反而好吃,多不一定是好,牛肉浸了一會由紅變啡,吃起上來不會靭,很好!

實在不明白，蔡瀾來過當然可以是一種「祝福」，但這裡貼出來他老人家的文章，標明只屬「可以接受」，為甚麼還可用來大作宣傳呢?蔡潺在專欄說過，到店裡吃飯，人家少不免要拍照。如果不好吃又不好意思推卻，於是拍照時就不笑了，見過幾間都真是不笑的，是fans的下次可以留意。蔡潺點睇唔多關我事，是日叫了火車頭，材料很豐富，有柏葉牛丸肥牛牛腩牛筋。肥牛算有牛味，牛腩爽口，牛筋很白很肥美，河粉也滑，唯獨湯卻不算impressive。芝士焗大頭蝦，蝦本身很多羔，但芝士咸得很很很，漿喉之餘更漿口，吃著吃著突然之間感覺口腔內的水份被一下子抽乾了，很可怕。越南薄餅，釀著綠豆蓉蝦魷洋蔥，是很有特色的一款，不過味道就一般了。整體來說不算獨特，加上樓上舖仍是迫迫狹的，但都真是「可以接受」的…

之前幾日...男朋友過來TST同我食LUNCH*帶左我上來食...都幾多人等位....LUCKILY...我地 2 人...一去到無幾耐就有位....叫左生牛河+生熟牛河*飲左杯青LEMON SODA~~不過不失啦...最怪就係我杯SODA...好似係7UP咁 = =

先談食物, 個人認為ok, 坐我們身邊的係世衛陳太同丈夫, 俾我們早到, 聽到佢地都話ok. Anyway, 佢0既服務真係唔多掂, 我指的係個高瘦的男侍應. 我地一左低就倒瀉水, 整濕陳先生條褲. 除了向陳先生apologise 外, 我地都同負責拖地的高瘦的男侍應講左幾次"唔好意思", 後來佢舖翻張檯時我地又講左幾次"唔該曬", 不過佢一路望都唔望下我地, 感覺有點難受. 到我地點菜時, $138的set menu上有'時菜', 我話要生菜, 高瘦的男侍應黑口黑面地回答: "點煮呀?" 整個點菜過程佢都無望過我地一眼, 態度真係唔得!!反而另外有個女侍應就幾好. 我地見門口有6-7個人等位, 想快D食埋甜品快D俾翻張檯佢. 同個女侍應講話上甜品, 佢即刻話: "好呀我即刻拎俾你!" 然後言出必行, 20秒內甜品到檯.

一家三口食完.....食了1) 牛油雞亦2) 牛柳粒紅飯3) 雞絲湯河4) 蒜蓉包5) 青檸梳打6) 趁多冰同一般越南餐廳冇咩分別.....最大分別莫過於waiter的態度......差到離奇, 唉~ 我係老闆就唔會請d咁伙計, 究竟個老闆本身知知有問題?? 唔知以為得罪左佢咁黎消費, 唔洗咁......都係食餐飯, 以後唔會再去

先小人，小弟並不是曬野或打算挑起罵戰，只是以事論事！小弟曾在美國居住數年，亦曾在越南工幹多於一年，不要說那裏的食物比不上越南，連我在美國食開的那數間越南餐館亦比不上。在美國，我住的那裏有很多越南人聚集 (主要因為當時美國政付收容難民並把他們安置在那裏)，但始終由於在美國的關係，一些食物並沒有售賣 (如鴨仔蛋)，而食物亦有小小 localized，但較起這間味佳居，食物還是好很多。食越南野，第一樣當然係佢個火車頭，湯底濃，牛肉薄且滑，可惜在這裏，湯底淡如水，味道只是一般，牛肉也尚算可以，但只有牛肉算ＯＫ而沒有湯既話，就好似失掉靈魂，其餘小食也平平無奇。假若跟在越南的越南食物比較，相信這裏的食物味道可以以SHXT去形容，因為越南的牛肉河又要再較小弟在美國吃的高一個層次，這間餐廳給我的影像只是像美國裏福州佬開的中國雜水餐，求其掛個牌出黎話正宗香港菜，呃本地人未食過，所以各位話這裏的食物　ＦＡＩＲ　或幾好的 "食家"，希望你地有機會試到真正既越南菜，咁你地就會知小弟所言非虛。態度無謂講，大家係之前既都講過！

睇完海港城既相片展，我地黎左晚飯。裝修簡約，樓上舖，所以定價唔會太高，服務亦係匆匆忙忙。 蒜蓉牛油雞翼 - 我地揀左細份有四隻，雞翼大大隻，香口，炸得岩岩好，牛油食多會漏，但可接受。同清亭．燕萍一樣好。 火車頭河粉 - 老婆鍾意既，牛湯底加入金不換，之前試過金邊粉但還是河粉較滑。生熟牛肉，牛根，牛腩，牛丸，同埋老婆要食晒既牛柏葉和芽菜！湯底黎講我地都比較鍾意美國同加拿大食到既，但這裡都算有水準。 蔡瀾推介，可以一試，但要預左食物有味精，之後我地都口渴，所以要去食雪糕先

有晚放工約咗老豆媽咪同男友响尖沙咀食飯. 媽咪無厘頭地話要試呢間嘢, 話蔡瀾食過,話好食喎. 咁上到去都好早,無乜人,唔駛等位. 叫嘢食之際, d所為Waiter就面黑黑咁問, "食咩呀?". 之後我地一家4口叫嘢食, 嗰Waiter就話, "你地遂個遂個叫喇, 我点寫呀.". 我當然係呆咗啦. 之後再叫個, 落完單, 乜都無講,佢就閃咗. 差差差. d嘢食到咗, 就求求其其咁掉低, 走咗去. 全程我地食野佢地d所為Waiter就啤啤吓, 得閒就望住我地張枱細聲講大聲笑. 都唔知有咩咁好笑. 差唔多食完, 我阿媽話要甜品, 点咗個唔知咩糕. 嚟到我地唔知係乜, 多口問句, "咩嚟, 送架?".個 Waiter就話, "咩呀? 你講咩呀, 你地自已叫o架嘛." 之後我地話,"哦, 但係我叫咗兩客, 係咪重有1個未來呀?" 個 Waiter又話, "咩呀?呢度咪兩客囉, 点呀?" 我當然又呆咗啦. 我地又点知一隻細碟兩件細到見唔到嘅嘢就係兩客. 駛唔駛咁惡呀? 我地依家乞你嘅咩. 之後叫咗紫糯米, d Waiter 又細聲講大聲笑, 都唔知有無加料添呀. 總之服務態度就係10個差喇...