榕記車仔麵 (Closed)

將軍澳寶琳區食肆林立，而大多數的食肆都選址在商場內，因為主要人流都在商場行走，特別是打風落雨或大熱天，人流寧願經天橋由商場過商場，少有的會行露天街道，這都是將軍澳區的一大特色。食肆要選址在向街地舖，就要花多一點心思吸引人流，而且要保持食物水準，周不時轉換菜單，價錢當然也是關鍵。「榕記車仔麵」屬於向街地舖，而且位置不算起眼，但每到食飯時間都會坐滿人。枱上放有點菜紙，不同顏色，除車仔麵外，還有大碗飯、小食、各式飲品。一般的車仔麵，都是清湯底，或者是加沙爹或辣汁，但「榕記車仔麵」除了基本的豬骨&麻辣湯底外，還有金蟲草野菌養生湯、海南胡椒豬肚湯及芫茜皮蛋湯，較特別，亦有驚喜。至於餸方面，選擇非常多，除了一般車仔麵常見的餸如魚蛋、豬紅、豬皮等，亦有較少見的鴨胸、豬軟骨、酸齋。小食種類亦多，竟然有鮑魚 & 花膠，真的好養生啊，而且價錢大眾化。一碗麵填一張紙，圈好選擇，再寫好枱號交給店員便可。我們2個人叫了兩個車仔麵，再加不同的餸，那就可以交換食，試多幾款餸。金蟲草野菌養生湯 + 河粉 + 2餸 $45湯底清甜，火喉十足，而且十分足料，除了額外點的餸外，還有紅蘿蔔、合掌瓜、紅棗、蟲草花等等的湯料。食

今天放工回來，正好約了同事過來試試這間車仔麵🍝上次吃麵中伏之後，就對車仔麵有了陰影，覺得普普通通，甚至不敢去嘗試。在朋友的推薦下，才鼓起勇氣過來試試。讓我對車仔麵重拾信心👍一定要讚一讚👍 我同事也是這樣覺得他們家有五款湯底，我們試了其中兩款，一款清湯，一款胡椒豬肚湯，都是很正宗，很健康！妳可以看到，用料湯底都是上等貨，但是價錢卻是車仔麵的價錢，豬肚很脆，丸子🍡也是很有彈性，最近超級喜歡胡椒湯的我，真是太棒了👏清湯都是很讚的，有花菇還有紅棗，特別養生保健！還有很多小食可以選擇！同事說，要知道湯底好不好，試試豬紅就知道，豬紅吸了湯底的精華，又有自己的鮮味！真是很讚很讚的看到後面的照片牆才知道，原來很多明星都有來光顧！看來真的名不虛傳！

今日放工收晏，成身都好攰諗住求求期期食餐飯先，嚟咗呢間好近地鐵站嘅榕記車仔麵。估唔到本身諗住食簡單嘅一餐，間車仔麵都可以令到我呢一餐唔簡單之餘仲養生。唔同一般嘅車仔麵呢度嘅湯底都幾特別，我就揀咗蟲草花湯底，素食者嘅話都可以揀呢個湯底㗎。蟲草花湯清清淡淡仲有淡淡嘅藥材味，仲有紅棗係入邊添平時屋企唔係成日煲湯估唔到呢度都有一啖湯飲吓。車仔麵嘅餸我就揀咗豬紅，豬手同埋牛腩。三款餸之中我最欣賞朱紅，朱紅唔腥仲好入味。豬手剩係得一舊姐，南乳味唔算太重，牛腩就普普通通啦有啲煮得太硬唔夠淋。另外一定要推介嘅係佢哋嘅雞絲粉皮，好香麻醬，雞絲仲要完全唔慳料落足好多，呢個一定要嗌先$26。

寶琳嘅嘢食唔係太多，今日朋友就介紹我嚟食呢間車仔麵。店舖嘅環境都唔錯算係己有裝修唔係嗰啲污糟邋遢嘅地方。嘢食方面我就叫咗個胡椒豬肚湯，胡椒豬肚湯辣辣地，比較特別冇試過車仔麵食胡椒豬肚湯。嘢食方面我就揀咗紫菜豬紅蘿蔔。蘿蔔就煮得唔算太入味，不過豬紅呢就幾入味，最欣賞佢佢個豬肚湯入邊真係俾咗好多好多好多豬肚我哋。另外呢都叫咗個紅燒鮑魚$25.3粒，估唔到都有啲甜味喎。另外叫呢個車仔麵可以加$6要一個豆漿價錢都幾抵飲凍熱都係$6咋

最近發現左將軍澳有間唔錯嘅車仔麵，榕記車仔麵，就喺新都城，地點方便👍🏻仲要好扺食，$45就有四個餸，配料都好多選擇下，仲有好特別嘅陳皮魚蛋🍢，仲有得揀辣或者唔辣架🌶除左車仔麵，仲有好多特色小食同湯品添🤤我就揀左紫菜，豬紅同辣陳皮魚蛋油麵😋，我湯底就揀左金蟲草野菌養生湯，只係加$10咋🤑，個湯底真心正，就算我食唔哂d麵，但係我都有飲哂d湯呀🥰🥰另外仲叫左鮑汁花膠，鮑汁香濃，好滋補呀🥰

平時覺得好好食，係因為湯裡面冇味精。🤔但今日下午同屋企人去食，我叫咗唔要麵底轉菜底，點知得三條菜心。🤦🏻‍♀️我即是同姐姐講🤨廚房佬就即刻話係得三條菜心，🥴仲要態度唔好，😫所以今日真係令我好失望！😞

芫茜湯底仿如清水，幾乎沒味。 魚肉春卷好似浸了好多個鐘，呀婆唔使咬都食到，霖得過份。 甜酸齋只有甜沒有酸味.....唯一是炸魚皮和豬手ok....完全不知道名氣何來，永不再光顧....

養生湯底絕對足料肥豬腸入味牛腩唔夠入味但口感爽牛丸有肉汁，絕非一百任食貨色最後又最大缺點係地點問題商場外圍位置落雨無遮擋落單叫加底，職員睇單唔小心睇漏店內環境好好，潔癖人士無問題

對車仔麵情有獨鍾！路過見間擺設特別車仔麵店！一心諗住入去試試！當然見order 紙上印有手指公推介！當然唔少得要試試啦！以湯底嚟講！選擇都比較多！都算起新噱頭！諗住實好食！但....老實講！眼見手指公推介款式！印得必定鎮店之選！只可惜！不似預期！魚旦一放入口！好似食緊粒放左成個月霉晒既肉一樣！難以形容！酸齋分開上！但味道真係好一般！冬菇只可講差！唯一蘿蔔算淋！但亦非想像好食！淨係個湯底叫正常！甘就慘啦！我唔係入嚟想飲碗湯！真係一次就夠！

今日又番到將軍澳獨食 開餐時間係大概下午茶時間 😊 岩岩經過呢一間車仔麵 養生湯車仔麵係佢地既主打 我都試過 的確係好味 但其他食物既質素又高晤高呢？ 今日就黎試下佢其他車仔麵啦❣️❣️總共有三款晤同既車仔麵 有平有貴以兩餸黎講由三十至四十五蚊不等 視乎你用邊一款湯底今日一心試養生湯以外既野 所以今次選擇係最平既麻辣湯 少辣 二餸 外加一隻糖心蛋醬爆福州丸用料新鮮 食到好香既豬肉味 但真係會爆汁 要小心啲食呢一個配料選擇左豬軟骨 做得幾入味 但應該煮既時間未夠 部分骨咬晤開糖心蛋係我all time favourite基本上有得叫既鋪頭 我都會試下 呢間有少少失望 上色晤平均 賣相差左少少 內部只做到流心 做晤到糖心 另外侍應對衛生意識有啲不足 食緊麵會拎個地拖吸冷氣機倒汗水 希望多加留意

今天懷着期待的心試試胡椒豬肚湯的車仔麵因為主打健康便放棄試小儀新開的車仔麵來到店裡 很小人在內很快就找到位坐每一枱也有枱號我叫了酸齋及墨丸已經要45元再加了一碟拼盤包括了豬手豬大腸雞翼及紅腸但豬手及雞翼有毛對於見毛就不想吃的我而言立馬負評了豬大腸很大舊 唯紅腸不過不失男朋友叫了柱候牛腩及爆丸爆丸ok 值得一讚 湯底很清如預期般 另有豬肚絲料的量算是足了但餸的質素卻一般酸齋一pat粉 沒什麼特別所以不會再來吃了

今晚好友帶我黎試下呢間非一般車仔麵, 因為呢度既湯底標榜無味精叫左碟"滋味拼盤"同炸魚皮南乳豬手 炆至好腍 好入味 又唔會好咸豬大腸軟身 有咬口雞中翼同紅腸有淡淡既鹵水味胡椒豬肚湯底 - 魚肉春卷, 百葉豆腐, 牛打牛丸, 墨魚丸配烏冬麵, 另加豆漿胡椒湯底好濃郁 胡椒味帶點辣 但之後會有種暖胃既感覺而且湯底裡面仲有唔少爽口豬肚絲 豆漿🥛有淡淡既豆香味, 唔會好甜豬骨湯底 - 豬大腸, 豬軟骨, 魚肉春卷配上油麵另加咸檸七豬骨湯底略嫌較淡但豬軟骨入口軟嫩 不錯!

放假夜，外出晚餐，屋企附近一向選擇不多，又要搭地鐵。在毗鄰地鐵站的商場內揀了一間未曾試過的「榕記車仔麵」，簡簡單單一餐。門口落地玻璃貼了幾張海報。這類型小店最鍾意用明星與老闆合照作為招徠手法，「榕記」也沒有例外，只不過，合照內的明星只是電視台的二、三線明星吧！意料之外的是《人民日報 海外網 旅遊頻道》頒發的「世界美食旅遊優質特色推薦商家」證書，究竟認受性如何？老闆又有什麼手段取得？室內裝潢並非一般車仔麵店。裝修帶輕工業風格，亦沒有開放式廚房或玻璃間隔廚房，見不到員工淥粉麵及剪車仔餸的過程，感覺上就覺得欠缺了車仔麵店的一些重要特色。原始水泥牆上貼了另一批照片，見到年青老闆外貌及造型上的變化，也知道了原來老闆是單車愛好者。怪不得小店內深處的另一堵牆上，掛了兩台單車及一幅《千里耆跡 40天川藏單車籌款旅程》！小店的老闆正是當年這個單車籌款之旅五人小組其中一員，據員工透露，當年的籌款之旅，由找贊助、籌款對象、宣傳完完全全都是由是這五人小組自行安排！犀利！佩服！可能因為這次《川藏單車籌款之旅》十分成功，當地政府贈送了一個「百年靈芝王」給他們（段估老闆不會自己購買吧？），結果，就非常隨便地掛在牆上

本人都幾鐘意食車仔麵 住左坑口3年 係呢區沙漠美食咩都食晒 最近知道寶琳附近有間榕記 今日下午終於由坑口行過去食 環境幾舒服 叫左4餸1粗豬骨湯底麵。德州丸 大腸 豬軟骨 豬手 加凍豆漿 盛惠51元 一上黎賣相麻麻 首先 佢大腸豬軟骨 無分開另上 我見人地啲相另外上幾靚 唔係是否因我叫豬骨湯原因 啲肉沉去 得個咸字既湯 真是好似食緊湯肉 我又特定叫多辣 根住發現個辣又是得個咸字 成碗野咸上加咸 完全中晒伏 豬手得一舊 完全唔抵 反而大腸有5，6舊比想像中多 最後呢間唯一可就是豆漿 唔會話好甜幾順口講真入得呢d裝修店 預左冇4，50出不返黎 但唔會預期所有野係得個咸字 我知胡椒湯比較出名 但試完豬湯後怕怕 感覺己經不用再試 冇下次 係呢個美食沙漠寧願再去食大家樂

朋友相約我放工到他家附近食晚飯, 因太耐沒食嗱喳麵就決定去 ~ 榕記車仔麵。  店裝置好有coffee shop裝潢,地方寬敞舒適,清潔衛生。**榕記有兩款招牌湯底, 分別有胡椒豬肚湯 及姬松茸蟲花湯, 仲有豬骨湯,都是無味精湯底。**用order紙落單的,畫圈哂所需要的食物, 有嗱喳麵外, 仲有飲品,小食及飯呢!**** 【滋味拼盤】$38 好豐富拼盤分別豬大腸、 南乳豬手、 雞中翼、紅腸, 款款都好夠入味不會過咸,特別南乳豬手好腍好食。** 【雞絲粉皮】$26 雞絲粉皮味道清新好味, 將雞絲及粉皮混和花生醬,十分開胃。**【胡椒豬肚湯麵】兩餸 $45 我選了二餸有豬軟骨及蘿蔔, 湯底選胡椒豬肚湯底,麵就選左粗麵。豬肚湯內有好多豬肚具嚼勁爽口, 而蘿蔔爽口清甜。豬軟骨入口軟嫩又腍又軟綿又入味,出乎意料好味!粗麵沒皂水味好咀嚼彈牙掛著最正胡椒豬肚湯, 具胡椒帶微微辣, 功溫中健脾,豐富營養,十分好飲呢!**朋友點【豬骨湯底麵】 兩餸   $35   魚肉春卷、牛腩,而麵底就選擇河粉,配沙爹汁。 我就偷食她的牛腩及魚肉春卷, 牛腩太軟腍夠味,而魚肉春卷餡料十分足。**