正宗雲貴川 (蘇杭街) (Closed)

見到朋友IG Story影出咗呢度既野食，無辣不歡的我都好想試一試佢。咁啱有朋友係附近返工，所以就約佢放工食個快飯啱哂。放工時間7點半左右，去到餐廳都唔洗等位，直接入去，同朋友叫咗兩個餐同一碟菜。竟然一人餐都可以有水煮魚揀！所以就揀咗口水雞拼綠豆撈粉，水煮魚拼撈紅薯粉。兩個餸都叫咗少少辣，味道真係少少辣如果食得辣既可以叫少辣會更野味。撈粉好特別，平時食辣野通常係湯粉，所以兩個撈麵都比Like總括如果鍾意食辣野又想食個快飯，呢到絕對抵食又好食！

我好喜歡食辣唔係嗆喉果隻而係好香好惹味 忍唔住一啖又一啖鼻水一直流都唔想停小店黎講呢度既辣做得非常好連續去左三四日試左湯面，涼面兩樣既辣都做得好好價錢又相宜，係愛辣朋友既好選擇

Ordered some takeaway from here, this place is quite local style. I used to order takeaway from here with colleagues when working nearby before from time to time. Coz they love 🌶 foodMy favorite dish - 涼泮土豆絲、口水雞、青椒皮蛋, love their vinegar sauce loads which goes really well with bean sprouts and 🍚 You can choose different level of spiciness! I would order takeaway from here againit taste ok and bring back some memories...

據說，吃辣能減壓！辣得舌尖疼痛，頭皮發麻，壓力也隨之揮發。午時時段，這家店便擠滿了各行各業的上班族，我有時也是其中一位。口水雞配湯米線 $50 菜與麵的辣度都可以任君選擇，雖然有時也根據廚師心情而略有不同。口水雞我選的是中辣，而米線小辣。由於隨著辣度上升，油度也會增加，所以建議大家麵不要選太辣。口水雞配上剁椒與特調醬汁，夠滋味！雞夠滑，肉也熟透了，就是骨比較多，但已經算是這一區比較出色的口水雞了！口水雞底下有豆芽，可以當涼拌吃，味道不錯的！米線份量有點少，下午很快肚餓，不過這可能是我個人問題啦XD! 口水雞配三絲涼麵 $60口水雞說過就不在重複了！三絲涼麵拌有蘿蔔絲，木耳絲和豆芽，再拌上醬汁，夏天吃很開胃！ 就是口水雞那麼多醬汁的食物再配上又澆了醬汁的三絲涼麵，好像有點太多醬汁了，所以個人希望涼麵可以再清淡一點。麻辣豬扒配涼拌粉皮 $60 豬扒炸得鬆脆，可是上頭的辣椒吃著有一點點苦味。粉皮很爽滑，夏天吃，真是開胃又消暑，就是份量不多，吃完很快餓。在這頭上班或居住的人們，突然冒起想吃辣的念頭，這店是不錯的選擇啦！

已經食左好多年既一間小店，係一間只要順路就會不斷幫襯既小店。佢位置唔算好便利，鋪面亦都唔係好起眼，鋪仔冇咩裝修，望落唔算光鮮，衛生情況其實OK，佢係舊，但枱面地下都有清潔過，服務方面當然就冇啦。其實講穿左佢係冇咩外在因素加分既，羸既係保持水準既食物質素。實而不華就係佢既賣點，相信食得辣既朋友都會好中意。甘因為已經食左好幾年，口水雞、水煮牛肉、水煮魚等等幾樣主菜式都食過，但我最鐘情都係口水雞，百吃不厭﹗佢都有套餐，一個主食伴飯/薯粉/粉皮/米線，可涼拌可湯，當然幾種都食過，最愛都係涼拌薯粉。食開都係口水雞中辣，涼拌薯粉小辣。先講涼拌薯粉會有酸菜同大豆芽伴住，偏酸辣，薯粉夠凍又彈牙，吸收左辣汁，好岩夏天食。而雞佢會用雞脾，記得早期係雞唔同部位，但呢幾年都係用雞脾，雞夠凍，入味得黎又好滑，底會墊住大豆芽，大豆芽都好好食，爽口入味。了解後知道佢有間總店係大角咀，去過一次，發現都係上環呢間好食D。誠意推介俾中意食辣既人﹗

今天在朋友介紹下食這間川菜的麻辣米線，雖然店內環境一般，但發現有驚喜。平時食開的麻辣米線的餸菜都係離不開普通的款式，但發現呢間幾特別：有魚片、魚腩！我叫了魚片、豬紅、炸醬、豬皮。魚片好滑，豬紅也夠味道，炸醬都夠味，但略嫌有小小的肥肉粒，豬皮都乾淨，沒有豬毛藏於皮內，只是口感OK,略嫌沒有什麼味道！整體都不錯，下次會再幫趁

究竟咁多間雲貴川，邊一間先係始祖呢？今日嚟到上環嘅雲貴川，一入去當堂呆咗，因為一個人都無，不過都好可以靜靜地食。招牌口水雞叫咗中辣，雖然睇落好似好紅，不過對我嚟講都係唔夠辣。口水汁帶酸，少少麻，好開胃；雞身都算嫩滑，而且份量好多，我食完個麵都仲有雞剩落嚟，但係啲雞骨略嫌斬得太碎，我食落口有碎骨，建議師傅換過把刀好啲喎。湯紅薯粉都係平時食開嘅味道，我用口水汁浸住嚟食好食好多！下次應該叫麻辣薯粉先啱！

平日最愛食譚仔三哥既三哥酸辣，可惜上環冇三哥，咁啱好想食米線喎，點算好呢，見到有間叫正宗雲貴川，應該都係食米線架啦，就入去試下啦。正宗雲貴川唔只有湯米線，仲有撈米線，好似幾特別咁喎，就要一份口水雞配涼拌米線啦。涼拌米線我叫左小小辣，所以唔係好辣，對我呢個唔係好食得辣既人黎講完全可以接受，食得辣既朋友一定要試下，因為佢既辣好惹味，加埋大豆牙、紅蘿蔔絲一齊食，口感一流。口水雞好好味呀，見到雞上面既辣椒粒都已經流哂口水，佢既口水汁有少少酸，加上麻辣，辣得好過癮。

上環工作四維搵野食之，所以今次就我同事食辣野。不過我比舊同事荼毒得多，都開始鐘意食辣XD。第一次食無影野食但有影飲(唔慣相機食先)，叫麻辣豬扒小辣加上海面小辣，飲脆爆華田。麻辣豬扒有麻味好正，但一D都唔辣，其實我唔算食得辣既人，都覺得唔辣。我諗除咗完全唔食辣既人外，應該都頂得順，唔以見佢咁紅，但真心唔覺辣。(希望唔係我比荼毒得多勁咗XD)上海面感覺唔太夾，應該係我選面既問題。脆爆華田就一般，但我同事話脆爆奶茶好正。返到公司感覺到喉唔到肺咁，決定再試。第二次再戰，叫咗口水雞中辣加湯薯粉中辣，飲脆爆奶茶。口水雞無得頂，上面超紅見到有D怕，諗住今次死緊，唔應該叫中辣，點知食落口只係一般小辣，好正。而脆爆奶茶真係好飲過脆爆華田，因為D脆爆本身係華田味，加入華田就無特別，但加奶茶就好正。今次叫湯薯粉好味過上海面好多。

見到平日要等位既雲貴川今日唔使等位,梗係即衝入去啦.今日持續熱氣持續咳,決定食清啲,所以只係叫左口水雞飯,但係小辣就算喇,真係忍得口!點完飯4,5分鐘後先話飯要等,咁就逼著轉米線啦.不過食口水雞但係無飯撈就嘥晒啲汁囉.依度幾好既係,面同雞既辣度係可以分開選擇.即係可以中辣既面配小辣既口水雞.但我都面同雞都係叫左小辣啫.小辣既面真係完全唔辣咁滯,面條少少煙靭,唔錯.有好多芝麻同埋辣椒粒舖係口水雞上面,而碟底都有唔少芽菜同鹹酸菜墊底,賣相非常吸引.夾起雞肉時已經覺得好冧,食落果然無錯,雞肉冧得過火,而且都幾嚡,撈埋汁食還可以,但如果當係白切雞咁食就難啲入口喇.而且就因為選咗小辣,連麻味都相對減少咗,如果可以連麻味都有得分開選擇就好喇.順帶一提,依度伙計都幾有人情味,見到落大雨,會叫食客唔好走著坐多陣,等到細雨先離開.

由於係上環返工，而附近又冇咩食辣野又好味既地方，所以呢間雲貴川都一直好受係附近返工朋友既歡迎，貪佢d野夠麻辣，而且麻辣得黎都好夠味，不過本人就覺得近期佢d質素就有所下降識食一定就唔好揀普通既湯粉湯米線，一定要叫涼拌薯粉，一試就會鍾意今日order左口水雞涼拌薯粉，中辣，口水雞面頭已經舖滿晒辣椒粒，見到都流口水，不過份量就明顯比以前少左，雞得幾件，而且價錢都越黎越貴涼拌薯粉，薯粉有時會淋有時又會太韌，今日都算煮得啱啱好，辣味啱啱好，好惹味雖然比起以前差左少少，不過味道都尚算合格，鍾意食辣都會鍾意

雲貴x呢d名差唔多區區都有，當然唔係間間都好食。呢間正宗雲桂川係蘇杭街最愛，我同過好多朋友來食佢地都話口水雞好正。口水雞套餐49蚊一份雞，一碗粉，凍飲加兩蚊。推介薯粉唔辣，因為佢個清雞湯都十分惹味，唔係史雲生。套餐一份雞都好大碟，而且佢嘅麻同酸恰到好處。lunch時間人多可能要坐到入面，環境差少少。51蚊（凍飲）唔可以話超抵。但絕對值。

今日付近翻工，見到佢店話係正宗！所以同同事試下。入到去態度已經好差。睇唔起我地啲裝修佬都算！我叫左酸辣墨丸米線。米線同墨丸都有怪味。同埋食唔到酸辣味。同佢講話墨丸有腥味。佢話咁多年都係呢隻味！結果好後悔食左呢間所謂正宗嘅雲貴川

口水雞雖然只係四十幾蚊，但有成大半隻雞，雞肉唔可以話雞味好濃，但就冇咩雪藏味，蒜頭辣蕉蓋住左成碟雞，搞到佢非常惹味，幾抵食酸辣木薯粉酸辣比例控制得好好，而且木薯粉色澤透明，好煙韌好有咬口，份糧亦都夠多

店名： 正宗雲貴川地址 : 上環蘇杭街123號地舖好味指數：7.5／10價錢：$48 配凍飲+$3水煮魚薯粉（中辣）之前每次去都會叫口水雞，今次轉下口味試新野。以為水煮魚同薯粉會分開上，點知原來係一碗過咁上，不過就多左少少芽菜。薯粉依舊煙韌彈牙，水煮魚份量都幾多，有成8-10件，而且size都唔細，味道又幾滑，值得再encore。