走青

Open Now

Now Closed

今日星期日11am左右去到康怡廣場想搵一間食肆食個早午合併餐，但又唔想去港式茶餐廳。本來還在猶豫選擇那一間食肆，見到走青門口放出來的餐牌有粥麵及點心套餐，最平都要$98覺得有些貴，但最後被它優雅舒適的環境及比較寬敞的座位吸引，於是決定一試。 11.30am食肆剛開門未有客人等位，我們2人被安排坐寬敞卡位(應可坐6人)。而我們點了2個$98的套餐，包括古法牛筋撈麵加鮮竹卷，及古法牛腩湯麵加蝦餃，另額外點了一客$15炸魚皮，而每個套餐均包一杯飲品。 除了欣賞這食肆的優雅環境，我們覺得店內一人套餐提供3個彈性選擇，由$98(粥或麵加點心)，到$118(粥或麵加小食)，及$158(粥或麵加點心加小食)。而今次我們雖未試過$288的二人套餐，但見套餐有小食(炸鯪魚或墨魚餅)，加2款主食，2款點心及油菜，也覺得提供了不錯的選擇。其次欣賞它套餐份量算合理，質素亦唔錯。每桌有一壺茶更滿足了很多喜歡去酒樓飲茶的食客，比起由服務員添茶的安排勝了一籌。店內亦有充足的服務員提供服務。今次光顧的體驗很不錯，會再去亦會推介給朋友。

是次與台灣朋友聚餐，特意選了一家港式點心來做晚餐，晚餐有提供點心的食店不太多，剛好從OpenRice 找到走青，加上食物每樣都很不錯有驚喜，而且服務態度也滿好，值得推薦給大家。

“二人套餐”($288)太古康怡其實都幾多餐廳選擇最近就去咗呢間走青食晚飯雖然餐廳裝修帶點文青風但其實係一間新派港式粥麵+點心餐廳仲不繼播住啲懷舊金曲😆我地點咗個2人套餐包咗鯪魚球/墨魚餅,2款主食,2款點心,油菜其實都幾豐富😚小食我地就揀咗炸手打墨魚餅墨魚餅炸到金金黃黃,食落帶點咬口主食就點咗鮮蝦雲吞撈麵,鳳爪排骨盅飯撈麵份量算多,不過雲吞偏細粒鳳爪排骨飯味道正正常常點心就揀咗筍尖鮮蝦餃,桂林陳皮牛肉腸粉點心表現相對比較出色😝油菜可選油麥菜/菜心/芥蘭🥬大大碟配上蠔油,不錯👍🏻

第一次試食呢間、有新裝修、裝修有日本格調，原來係食中式點心，非常有創新，味道非常好，地點方便又就腳，價錢合理，有套餐都抵食，值得一試，但係間食店播歌有啲奇怪，影響全間餐廳嘅氣氛，始終食點心給人感覺係靜靜地、傾下計

［傳統點心，新派格局］#太古#走青#中式點心#mrshktastingmenu1️⃣賣相：⭐️⭐️⭐️⭐️2️⃣質量 : ⭐️⭐️⭐️⭐️3️⃣服務：⭐️⭐️⭐️4️⃣價格：⭐️⭐️⭐️5️⃣環境：⭐️⭐️⭐️⭐️6️⃣回頭率：80%走青，名字先聲奪人👏🏻我都好想知點解餐廳名叫做走青。呢度出哂名播80年代廣東話舊歌，張學友、劉美君、陳百強、彭家麗，首首歌曲耳熟能詳。舊款幼碌單車、舊式絞盤電話，玩味極濃，但你係想賣美味？玩味？人情味？大家自己解讀。⭐️⭐️⭐️潮洲水晶果水晶果外貌晶瑩剔透，皮光肉滑，粒粒飽滿。薄薄的水晶皮包裹著滿滿的涵料，水晶被彷彿吹彈得破！翠綠的青蔥差啲破皮而出，仲有爽脆的沙葛，味道層次皆豐富，必食推介👍🏻🦐脆皮鮮蝦腸粉驚艷😍另一必食推介👍🏻內在核心鮮蝦爽口彈牙，中間夾心脆漿炸得甘香鬆脆，最外層腸粉不算透薄但米香撲鼻，醮上自家調製甜豉油，獨吞又有何恐懼？🐔北菇滑雞盅飯冬菇大而厚實，雞肉帶有酒香，癖去雞的腥臭味。其實，冇左佢自家製嘅甜豉油，呢個北菇滑雞中飯，就乜嘢都唔係。冇誇張，order 1個試吓。#hkig #ilovefood #hkfoodie #foodie #hkfood #hkfoodstagram #hkfoodblo

好多次，行經太古城康山呢間 ’走青‘，見到其簡單啲裝修，淡淡啲色調，感覺此店舖總係安安靜靜，冷冷清清～曾行近觀望，其外牆上公開啲menu，不過係一啲傳統的粥粉麵飯，價格也不吸引哦！今日，與屋企人就近搵晚飯，發現openrice上對呢間 ‘走青’ 啲好評如潮！咁，唯有試一下囉😍果然，其內部擺放好文雅, 好似書店，也想起一篇古文：陋室銘😅6點左右冇乜客人，我啲有卡位，寬鬆舒適✌️落單時才知：17:00pm後唔供應香口嘢（煎炸食物），健康原因嗎？少咗啲選擇喔！好吧，來來來，再撿過～1）蜆蚧鯪魚餅 HKD78.-/ 6 件！與坊街啲魚肉餅唔同，呢度鯪魚冇魚腥味，口感鬆軟，食材內容豐富，還另配一碟沾料，但食完都唔知果碟係咩料😅！唯一希望改進啲係：唔加價，大件滴😂2）練奶桂花白糖糕 HKD42.-/ 4 件可能係練奶沾多咗，蓋過了桂花香！白糖糕很鬆軟，但可能係碟中有水，浸爛咗白糖糕底部，影響咗口感，可惜😅3）鴛鴦臘腸卷 HKD55.-/2卷（斷成4卷）👍有心製作！雖然潤腸唔啱我，但有臘腸吸引，我還是照常食咗1/4😆4）韭黃鮮蝦腸粉 HKD62.-/6件 ⭐️⭐️⭐️蝦肉Q彈，韭黃鮮香，腸粉滑糯！淋上少少豉

An easygoing cantonese Chinese bistro offering Cantonese Chinese dim sum and noodle dishes. Friendly staff and responsive service. Good for a casual get together here. The old Hong Kong songs played here gave you some nostalgia feeling.

基本上一星期都有幾晚都係出街食，屋企附近一有新野就會試。哩間叫「走青」個名都幾得意，裝修唔錯，用靚木色襯托大毛筆同大字畫，好有特色。而且播返羅文/陳百強/梅艷芳既歌，眼見客人平均年齡都五十或以上（當然除左我地），一定要介紹亞媽黎。❤️晚市二人餐 $288😋炸墨魚餅 哩個迷你版細細件都有五六件，配埋個辣椒豉油又幾好味。墨魚餅最緊要係爽，好怕食太粉果d。哩個岩岩好，味道都有墨魚味，唔會太咸，好味。😋蟹籽燒賣皇哩個好食過好多酒樓，最緊要唔會食緊舊好肥既豬肉。正。😋潮州水晶果去親酒樓我都叫粉果既，食過無數間酒樓，哩個外觀成個波咁，已經覺得特別。仲要好足料同埋個皮完全唔厚。超好味，哩個必食。😋本地油麥菜通常出街有油麥菜叫我都會叫，因為自己好難整得好味，可能我廚藝唔夠好。哩個都煮得好嫩，而且唔會好油。配上蠔油，超match。 哩隻蠔油唔會係死咸，應該係高上貨。😋豬手撈粗本來想食牛筋，不過二人餐冇得揀，所以叫左個豬手，佢有四五舊細既，都算唔錯。唔會太肥，只係太飽好多野食，個面都食唔晒。😋鮮蝦雲吞撈麵雲吞係迷你版果隻，都好精緻 皮薄。又係果句唔肥，唔係cheap雲吞得d肥豬肉。😋炸魚皮 +$15另加錢都

餐廳位置偏僻，住甘耐都冇發現過佢既存在，屋企人今日叫我一齊去食先知道。入去冇人招呼，我以為會有侍應帶位，等咗一陣都冇侍應上前，我地自己搵位坐。再等咗一陣，有位似係經理既男人有禮貌問掃咗安心未？有冇餐牌？我答乜都冇喎。佢立即親身去拎menu、熱水壺、杯。的確其他後生仔女侍應係冇甘主動幫手既，其他人既評論話服務麻麻地係岩。我叫牛腩飯$78。好貴呀～～食頭兩啖，依！d飯好好食喎！！！夾黎望真啲，d米又肥又短，絕對唔會係cheap雞絲苗米。屋企人指住menu，果度有寫南方槄米，但冇講明咩品種波。我估係蓬萊米。好食喎～～我好少可會讚香港餐廳用既米。牛腩係炆得淋既，個汁岩岩好，冇出面果種特別咸。有驚喜有驚喜～～～當堂覺得$78唔貴，好彩我係叫飯。屋企人叫豬手麵，佢話骨多過肉，麵普普通通啦。

好味，抵食，啲飯粒粒分明，好似假嘅咁即整嘅味道，夠熱夠脆，小朋友好鍾意食雪糕紅豆冰，啲紅豆好大粒，啲花奶太多😩😩還可以環境幾靜，可能早去，走嘅時間坐滿一半，啲職員好有禮貌

我地2個人中午12:00入座， 約一半入座率。 所以樓面係唔忙的。 我地叫左一個158 的餐（麵加 2個點心） 再叫一個腸粉同粉果， 埋單288。 野係好食的， 腸粉夠滑， 粉果唔油， 墨魚片有咬勁同好味。 撈麵冇皂水，夠爽口。 環境都係好乾淨同埋有空間的。令到我炆憎嘅只係因為兩次三次好簡短咁同一兩個員工嘅對話。 ( 利申： 都有機會係因為我見到個環境而令我嘅Expectation過高） 第一次實係一入門口侍應同我講「等等我帶你入咗」 ，但係就有令我覺得好機械式同埋晦氣嘅感覺。 另外就係同我落單嘅個位男仔， 講完要咩俾佢聽佢係冇反應， 我就要Double check佢係咪聽緊。 到了最後， 食完所有野， 我哋先醒起叫餐飲， 同返之前個男仔講， 同又係一副冇氣冇反應咁樣。 最後為咗公平起見，我喺埋單嘅時候就叫咗另外一個瘦嘅哥哥仔幫我， 佢好爽快有朝氣咁樣回應「好」 。一個咁簡單嘅字就會令到我覺得成件事好返晒。 成件事冇錯㗎， 冇人出過錯， 但硬係令我忟忟地。

餐廳裝潢別緻，有好多東方特色嘅裝飾，座位寬敞，坐得幾舒服，用嘅餐具、燈光佈置都好仔細，賞心悅目😌-套餐包括1款小食、2款主食、2款點心、1款油菜同2杯豆漿，本身覺得以粥粉麵飯嚟講都算偏貴🧐不過原來餐點都幾大份，兩個人食絕對會好飽，細食嘅三個都夠食😋-🐙炸墨魚餅一客有6大塊，份量非常豪爽😳上枱想當然都係熱辣辣，墨魚餅爽滑彈牙，仲咬到小量墨魚粒粒，油炸但不乏鮮味，唔會好粉👍🏻🚤荔灣艇仔粥粥底好綿有腐竹香，配料勁多，不過魷魚絲未及水魷爽脆同埋冇咗米粉牛肉🍜鮮蝦雲吞麵雲吞大小適中，皮薄滑溜🦐蝦肉鮮甜新鮮，餡料調味剛好👍🏻麵質爽口唔會一舊舊，湯頭同麵嘅鹹水味唔太重啱晒我😋🍤香茅蝦春卷🦀蟹籽燒賣皇🥬本地油麥菜-🫖走青🏡地址: 太古康山道1號康怡廣場地下G9-G11號舖☎️電話: 28383306🕙營業時間: 11:30-22:00 (Mon-Sun)———————————————

琴日同朋友食生日飯，喺網上搵咗呢間幾有文青vibe嘅港式點心店❤️位置好近地鐵站出口，好易搵👍🏼店內裝修真係好有feel🥰毛筆裝飾夠晒文青！朋友都好滿意💯連枱面上嘅配料都好可愛😍另外我哋喺呢個單車位影咗好多港女相📸加埋啲懷舊報紙，絕對係打卡位！👍🏼有位年輕男職員主動嚟問我哋洗唔洗幫手影合照，好nice💛👍🏼食物方面，我見已經好多客人讚過，我就唔多講啦😆不過我自己最最最鍾意嘅係蝦多士🍤！如果我哋幾個女仔唔係怕肥，絕對會嗌多幾碟🥹最後要讚吓服務態度！門面幾個職員都好nice🥰我哋倒瀉咗嘢飲，實在太好唔意思，要人哋清潔要做多啲嘢。但職員們不但冇黑我哋面，仲主動拎紙巾嚟問我哋需唔需要！🥹之後可能因為聽到我哋同壽星女唱生日歌，有位過嚟收嘢嘅男同事仲同壽星講咗句「生日快樂」，好細心！💛

第一次寫食評，麻煩你地管理層要跟進下，食物我覺得中上，有驚喜，食物睇得出樣樣都有heart，連個河粉都滑過人, 但你d Service 係完全唔得，完全冇客人底下都漏單，發緊夢咁，D staff 講野又無禮貌，冇喎，冇落單喎，我聽錯姐，（hello, ok, byebye,多謝曬，我一次都未聽到過）我好明顯係完全冇train過，夜晚計埋唔知有冇5枱客人，成棚人圍埋一齊做咩？D 客舉曬手都冇人理，係咪要人大叫先有人應？我以上寫既野唔係一次過發生，係我去過好多次綜合既experience. 而家生意咁難做，你班後生仔員工自律下啦！

餐廳位於太古康怡廣場,地鐵站A出口旁,裝修好用心,打造出一個簡約舒服既地方比食客去享受點心飲茶!牆上掛住既字句「留白」「放下」更係令人平靜😚晚夜2人套餐都只係$288,有咁既享受,性價比好高😎時令臘味飯套餐 $78份量一個人剛剛好,臘味肥瘦比例3:7,一咬肉汁四溢,蒸煮時肉汁留在飯上,拌著豉油食,令人回味無窮😍即炸蝦多士餐 $48呢個懷舊之選用上鬆脆麵包糠,令表面金黃酥脆,咬落都算小油👍🏻另外佢地點心都好出式,特別推介以下兩款:筍尖鮮蝦餃 $58 - 晶瑩剔透,蝦肉鮮甜脆皮鮮蝦腸粉 $68 - 脆脆的口感,蘸上甜醬油更惹味🤤