Video
Exit B, Causeway Bay MTR Station
continue reading
Opening Hours
Mon - Sat
12:00 - 22:30
Sun
Closed
Above information is for reference only. Please check details with the restaurant.
Seafood Risotto有鮮蝦同蜆，感覺似福建炒飯濕炒，每啖飯都有飯同海鮮配上醬汁入到口。而且海鮮冇腥味同雪藏味，蝦都係彈牙嘅，可見新鮮。BBQ ribs薯條外層炸得脆卜卜，入面就比較粉，完全聞到同食到薯仔獨有嘅薯香。而且大大條，好有口感。豬仔骨意外哋好食，肉質鮮嫩，配埋微甜嘅醬汁，真係幾好味。如果份量更多會更佳。Monkey woods酒精成份比較少，獨特嘅味道好易入口，令人不知不覺就飲哂。。
continue reading
尤於我覺得餐廳裝修不錯,我影了一張供大家參考,是比較有情調氣氛~意粉主要係我常說的圓頭意,如果是偏意粉更為出色~味道濃, 油份比較多,可以見到相片都有反光~ 用油多,自然會比較香身~整體不錯.4色cheese pizza,佢有4種不同的cheese 味道在內有人覺得好似好空咁,,但對於食開cheese 既人來講就唔錯,因為食既人有時會比較講究邊隻搭落去比較好食!cocktail 反而我覺得唔錯,酒精成份我個杯比較高,味道甜甜地酸酸地,調整得不錯, 唔會過份突出某一種味道而係每種味道都淡淡地散出來.
continue reading
今日到銅鑼灣逛街，我們到永光中心晚饍。我第一次到這裡，食肆的數量多得驚人。我們到了9樓嘗嘗意大利菜。Four cheese pizza - 4種芝士製成的，芝士味特別濃郁，我特別喜歡feta的口感，芝士不算鹹，feta的質感很特別，鬆散，但感覺綿滑。pizza皮是薄的，外圍烤得脆脆的，不肥膩。份量頗多，若果2人分享，一份pizza就足夠了。Seafood risotto - 第一眼見到這個飯是有點失望的，我以為上面會鋪上滿滿的海鮮。但原來海鮮都切成小塊，己跟意大利飯混合一起，所以啖啖飯都會食到海鮮。意大利飯口感比較硬。朋友覺得飯煮唔熟，但正宗的意大利飯是會這樣的，我倒是喜歡這種口感。醬汁包裹着整個飯粒，很美味。飲品方面，我點了一杯baileys milkshake。外表似十足牛奶，而味道方面跟baileys 雪糕一模一樣，好好味。質地跟一般milkshake 相同，很順滑。本來baileys 就是易入口的，baileys milkshake 更合我口味而且雪白的奶昔很美，亦好好味。朋友點的Monkey Woods。薄荷味檸檬茶，薄荷味濃，喜歡薄荷葉的人一定十分喜歡。飲品價錢有點貴，但店員不會見我地食完就趕我地走，可以讓我們慢慢傾，而且女仔傾計一定要飲野不然怎麼可以談心談數小時！
continue reading
意大利菜喺眾多菜系中頗喜愛嘅菜系之一，可能對香草情有獨鍾，有時晌屋企炒蛋或做蛋治都會加少少香草碎，所以，引伸出對常以香草入饌嘅意大利菜就討好啲。賣意大利菜嘅Basilico，自不然喺對啱胃口嘅餐廳！餐廳位處銅鑼灣永光中心食廈，都非第一次到訪呢座食廈，預計到餐廳地方唔會太大。踏入餐廳，一字長形一眼望晒，裝修平實，木啡主調，走輕鬆路線，是夜客人唔多，所以，環境靜局。不過，餐廳亦以酒吧定位，所以，飲品餐牌內提供多款酒精類飲品，餐酒、烈酒、啤酒、雞尾酒……等等一應俱全，可惜我同朋友都唔好酒，而非酒精飲品嘅選擇就極之少。此外，為配合酒吧嘅風格吧，中段音樂明顯加強咗好多，有嘈吵嘅感覺，想三五知己傾吓偈就唔太適合。飲品餐牌尾頁喺一眾小食，唔使多講，就知點解啦。主餐牌設計精美，羅列出多款美食，類別由沙律、湯品、前菜、意大利粉、意大利飯、薄餅、主菜，以至甜品，粗略估計都有超過50多款。Seared Scallops Salad $119餐前來一客沙律，絕對喺可以開開腸胃，沙律共有7款，揀依一款炸帶子都喺隨心。沙律底有沙律菜、火箭菜及紫洋蔥，配橙汁醋，都幾開胃，稍嫌下橄欖油重手咗啲。帶子唔算好大粒，但都稱得上爽口，外層亦炸得甘脆，趁快食，否則變腍。Mix Antipasto $139反而前菜方面，一早有打算試依個什錦意式前菜，因為百零蚊，就可以一次過試多款意式風味嘅食材，包括風乾火腿、橄欖、莎樂美腸、意大利辣肉腸、鵝肝、蒜蓉包。不過，店員話部份食材無貨，會改以其他食材代替，其實，我哋都無乜所謂。結果，個前菜拼盤有風乾火腿、黑橄欖、青橄欖、意大利辣肉腸、意大利乾蕃茄、鮮蘑菇及蒜蓉包，但份量十足，讓我哋慢慢食，慢慢傾。啲火腿好正，睇樣都知唔錯，有光澤，入口油潤鹹香，甚具質素。辣肉腸一口一片，鹹鹹辣辣，夠晒惹味，如果飲酒嘅朋友就啱晒，用嚟餸啤酒一流。小弟就最鍾意佢啲乾蕃茄，經橄欖油浸過，油香而蕃茄味濃。不過，啲蒜蓉包個蒜味好淡口，所以，索性夾啲蘑菇、火腿、辣肉腸一齊食，過癮好味。Prosciutto de Parma $159好多意大利餐廳都會餐前供應麵包，配點油醋，不過，呢度就唔興。對我哋嚟講都無乜所謂，因為都打算點一客薄餅食。5款薄餅，都喺配巴馬火腿最合我哋心水。批底做得薄脆，尤其啲邊位，如果烘燶少少就仲正；批面除眼見嘅巴馬火腿、火箭菜、莫沙里拉芝士外，仲塗咗層蛋漿，所以，入口細嚼慢慢你會發覺有陣陣蛋香味，當然，睇佢哋加咁多芝士，芝士嘅香氣又一定走唔甩；配搭上油潤嘅火腿，雖然整個薄餅唔花巧，卻喺好好食，鹹香細膩。Unbaked Cheesecake $119原意喺意屬意大利芝士餅，不過，竟然喺無貨，朋友話唔食甜點感覺好似差咗啲，結果就試試依個「無焗」嘅芝士餅。都等咗近15分鐘先上枱，原來件芝士餅喺即點即製作，再加少少藍莓及士多啤梨作點綴，賣相精簡。以消化餅乾底，配搭由馬卡風芝士打成嘅芝士餡，由於馬卡風芝士本身芝士味唔喺好濃，但就挺柔滑，加上混入雲呢嗱籽嚟做，嗒到少少雲呢嗱香！整體味道算唔錯，但就稱唔上有驚喜，再者定價小弟就覺得有少少偏高。全店店員都喺外藉人士，但非常有禮，招呼唔錯，不時幫忙換碟、添水，故對Basilico整體感覺不俗。如果唔介紹環境有少許嘈，都喺因為啲節拍強勁嘅音樂，嚟飲吓嘢，食吓飯都唔錯嘅。
continue reading
難得聽日放假，所以今晚就約fd食好餐好嘅！之前都聽過啲朋友介紹過呢間餐廳，佢地話環境同嘢食都好正，所以我就決定試一試。一入到去，就覺得餐廳環境好正，而且有個mini bar，因為間嘢有即order即整嘅cocktail，絕對適合人一邊飲住cocktail一邊傾計同埋食飯。我哋叫咗一個Spanish black pork chop同埋一個black truffle spaghetti carbonara。個pork chop嘅肉味好濃，而且好厚身，熟嘅程度都啱啱好，調味都好適中，再加埋佢個source，成件事都好惹味，再加埋個薯蓉，簡直係一流。至於個carbonara，識落一啲都唔會膩，每條意粉都有嗰啲醬汁，仲要啲意粉嘅軟硬適中，再加上好香嘅黑松露同埋乾身嘅煙肉粒，成個口感好Rich。我地叫左cucumber&basil Collins 同埋after storm，前者個味道好Fresh，而且個酒味唔會太重，好啱啲相飲少少酒但又唔想要太濃酒味嘅人飲，後者呢，就因為係vodka做base，所以酒味會出啲，同埋果味好濃，咁就睇下自己鍾意咩口味啦。值得一提嘅係，餐廳入邊嘅都係由外籍人士serve你嘅，所以都要講少少英文，但佢哋真係好Nice，所以都唔使怕。總括來講，呢間餐廳嘅嘢食高質，又有feel👍🏼
continue reading