Video
2-min walk from Exit B, Whampoa MTR Station
continue reading
Telephone
84898993
Opening Hours
Today
11:30 - 22:00
Mon - Sun
11:30 - 22:00
Above information is for reference only. Please check details with the restaurant.
紅磡呢條街好多嘢食，雖然流動比較大，次次過嚟都有新發現。我以為台灣人好食字，估唔到香港都有代表作🤣中英都食埋，有創意！餐廳細細但好有驚喜，勁多模型同公仔🥹醬料區design勁特別，對於我呢啲半個動漫迷aka貓奴嚟講，入到嚟都已經覺得好興奮！我地叫咗兩個餃子set，一湯一煎。餃子嘅款式除咗傳統既雲耳椰菜白菜果啲之外，大葉呀香蔥款的確比較少見老公10隻大蔥牛肉拚椰菜豬肉，餃子都好大隻，唔係薄皮果款餃子嚟，係我鍾意個皮煙韌果隻餃子足料，食到好香大蔥味，老公話個湯超好飲！有啲味噌湯kix老火湯既感覺眨下眼就比佢飲曬😳我既大葉雞肉拼香蔥豬肉煎餃煎得超香脆，熱到擺咗陣先食到🤣佢地仲有自家製辣菜脯，超辣超惹味，夾煎餃一流！大葉雞肉口感較實，大葉味唔算濃郁但每一啖都好有存在感，整體幾light香蔥豬肉超like！超多蔥同豬肉好夾，忍唔住一下清曬！麵食我地叫咗個皮蛋醬拌拉麵，雖然係賣餃子但呢個麵係全場冠軍🥹真係好好食，啲芫荽同皮蛋醬加埋辣，真係好夾！老公爭住食下食下食鬼曬🤢忍唔住為咗呢個麵過咗幾日再返去食🤣小食我地再加咗個味噌大根，大根煮透心好鮮甜，如果可以切細啲就好啦😛涼拌菠菜非常特別，一般都係韓式做法加麻油鹽，呢到係柚子菠菜😳😳😳擺入口真係好有驚喜，估唔到又幾夾wor衰鬼無論食物定創意真心做得非常好！老公成日都話想再返嚟食，看來佢係真心鍾意，希望長做長有！
continue reading
同媽媽係附近買完嘢，見到呢間勁餃笑 ，俾店名吸引於是決定入嚟試試。一入到店內，就見到好多貓貓擺設，好得意呀！ 吧枱中間位置仲有自助調味料區，客人可以按照自己口味挑選醬汁，醬料上都有中英對照，好細心呢。坐定定之後店員就送上 qrcode 俾我哋點餐，原來呢度嘅煎餃、湯餃嘅種類有九款可以選擇，點餐個陣我哋都三心兩意，不過如果諗唔到食咩嘅仲可以叫 唔知食咩好 等店員幫手😝我哋想試多幾款，所以分別叫咗兩set 雙拼湯餃同雙拼煎餃，一次過試試四款餃子，下次過嚟就可以試埋另外幾款！✨湯餃套餐🥟 - 香蔥豬肉餃 ＋ 韭菜豬肉餃呢度嘅餃子隻隻都好飽滿，真喺真材實料呀😍而 加咗香蔥同韭菜嘅豬肉餃，同樣出色，鮮美多汁之餘，咬落充滿唔同嘅口感。✨煎餃套餐 - 黑白松露豬肉餃 🌽＋ 鮮蝦帶子餃煎餃嘅黑松露粟米豬肉餃同 鮮蝦帶子餃，前者黑松露味超香濃，加埋粟米餡料，食落香甜有咬口，後者用咗珍珠帶子同爽彈嘅蝦肉，一樣好食，真係忍唔住食完一隻又一隻。✨花膠雞絲湯麵雞絲湯麵嘅份量都幾多，而且夠晒足料無味精，見到隔離枱都有叫到🤭✨紅豆麻薯餃餐牌上最特別嘅係有三款甜品餃子，今日就叫咗紅荳麻薯餃，香脆嘅餃子皮同入口煙煙韌韌麻薯原來係都好夾㗎！✨自家製羅漢果白茶媽媽就好鍾意自家製嘅羅漢果白茶，清甜滋潤之外，食完煎餃飲返啖就啱晒啦～
continue reading
位於紅磡德民街❣︎勁餃笑❣︎係一間主打食手工餃子🥟嘅店鋪，店主堅持✊🏻每朝到紅磡街市訂貨🚌保證用新鮮材料👍🏻每日新鮮製作餃子🥟而家呢類鋪頭買少見少架啦😋鍾意食餃子嘅朋友真係要試下。湯餃套餐$91❣︎鮮蝦帶子餃❣︎內餡有鮮蝦，帶子，豬肉同粟米，餃子好飽滿😋鮮蝦爽彈，粟米鮮甜。❣︎拼椰菜豬肉餃❣︎$48豬肉肥瘦適中，椰菜爽甜，記得跟埋店舖自家制嘅辣菜脯一齊食，香辣鹹鮮，正👍🏻加配❣︎花膠雞絲湯米線❣︎$35雞絲同成大舊花膠跟埋，食落夠晒養顏滋補，加$8可以跟雪碧。煎餃套餐$85❣︎韭菜豬肉餃❣︎煎餃即叫即煎，超香韭菜味😋👍🏻❣︎拼白菜豬肉餃❣︎$40煎得酥脆鮮香，煎餃同湯餃各有特色🤤加配❣︎雞湯米線❣︎$20呢到嘅湯底你真係可以當湯飲😋👍🏻每日以雞殼，雞腳，蔬菜，蜜瓜🍈等熬最少五個鐘👍🏻絕冇加味精🙅🏻♀️我最後成碗飲晒😂加$15可以加配埋蠔油時蔬。加配❣︎羅漢果白茶❣︎$10自家製嘅罐裝飲品👍🏻包裝好可愛 😍味道唔太甜，好岩我。
continue reading
朋友係餃子控，一睇倒有咩新開又吸引既餃子🥟店，一定會拉埋我去陪佢試🥲呢間近期開既餃子店裝修到好日式，無論門面，定係入面都以簡約木系為主，雖然餐廳吾大，但都坐得幾舒服😌除左咸食餃子，仲有小食同埋好特別既甜食餃子，好似朱古力煎餃咁，不過我同朋友每人叫完一個套餐之後，太飽冇肚食🙁早知就咁叫餃子吾配麵🤣唯有下次再戰.👁🗨 鮮蝦帶子餃拼黑松露豬肉餃配湯麵(7.5/10）💲68.➰湯餃套餐基本係$40起，價錢就睇番揀左叫咩餃子🥟湯底麵類同飲品而定😀 鮮蝦帶子餃入面既餡料真係真材實料，咬開會見倒滿滿既蝦肉同埋吾算細粒既帶子😍黑松露豬肉餃都同樣高質，真係食得出有黑松露味，但吾算非常濃果種🤓雞湯湯底幾天然香濃，麵條就算叫左少麵，份量都有好多😂最後仍然食吾哂.👁🗨 煎大蔥牛肉餃拼煎芝士辣雞餃配麻辣雞絲拌麵(7.5/10）💲76.➰雙拼同單款餃子都係一樣價錢，平時雙拼總係會貴啲，又真係幾抵🤫煎大蔥牛肉餃既既蔥味未算太突出，但惹味🥲芝士辣雞餃又真係幾辣，芝士味香濃，呢個配搭幾特別，好少係出面既餃子店搵倒🤨加錢揀既麻辣雞絲拌冷麵，初初以為都係白色既麵條，點知出到離係綠色，吾知係咪菠菜麵🤔不過麻辣既辣度叫左美式小辣，食到中途都已經開始抵吾住🤣要飲下野解辣，不過辣得夠好食🤤.👁🗨 羅漢果白茶 (7/10）💲+10.➰自家製既，羅漢果味夠濃，同白茶平衡岩岩好，又吾甜，解暑一流.🔛 整體評分（7.5/10）
continue reading
喜歡食餃子既我，經常尋找獨特又美味嘅餃子店。今日去紅磡經過 "勁餃笑"，門口以日式風格設計，睇見都想入去一試 ~入到餃子店內感覺唔係傳統設計，係以木系簡約裝修，好有日本風，環境舒適。自家製餃子每日新鮮製造，現包、現煮嘅傳統手工餃，除咗湯餃、煎餃、生餃，亦有湯麵、拌麵、小食、甜品及自家製養生飲品 ; 依度嘅湯底係用新鮮雞每日熬製，非常清甜絕無味精，用心製作。雙拼湯餃套餐 (8隻) $73揀左韮菜豬肉餃同白菜豬肉餃，餃子皮厚薄適中，煙煙韌韌，兩款餡料滿滿，豬肉好新鮮，肉質嫩滑，韮菜香濃，白菜爽脆，有點咬口，與豬肉很配，鮮甜美味，肉汁豐富，配合清甜滋潤嘅雞湯，美味可口。雙拼湯餃套餐 (8隻) $79另一碗白菜豬肉餃拼大葱牛肉餃，餡料爽口，肉質鮮嫩，白菜新鮮，拼大葱牛肉餃，牛味香濃，湯底用上雞湯熬煮，清甜美味。噌係大根 套餐配噌係大根～爽口清甜嘅蘿蔔，食落無渣，加入味噌及自家製湯汁拌勻，美味又開胃嘅小食。涼拌菠菜另一款小食係涼拌菠菜，翠綠鮮爽，調味微鹹，口感清爽，好啱夏天食用。羅漢果白茶 羅漢果嘅自然清甜同白茶嘅清香，飲起嚟回甘潤喉，口感清爽，好解渴。
continue reading