Video
3-min walk from Exit B, Whampoa MTR Station
continue reading
Additional Information
要訂VIP房可電話訂座
Opening Hours
Mon - Sat
11:30 - 15:00
17:30 - 23:00
Sun
17:00 - 00:00
Public Holiday
17:00 - 00:00
Above information is for reference only. Please check details with the restaurant.
見到紅磡開左間火鍋店，裝潢好靚好新淨，今日放工同左朋友黎試下！6點幾入到去仲未有好多人，選了一個卡位坐，每個卡位都有欄欄住，私隱度高。老細介紹了一個小食－泡椒鳳爪泡椒味好入味，腌得好有咬口，唔會太腍，食完之後成個口腔仲有一陣陣泡椒味，一邊等火鍋滾一邊傾計一邊食住鳳爪，幾好幾好。朋友想試下卜卜蜆鍋，自己不太愛食蜆，但這個鍋味道好好，奶白色湯底下其實有好多蒜泥，有少少莞茜調味，望住蜆一個個開，鮮味慢慢滲入湯底！蜆粒粒大隻冇沙，份量多，食到個人都飽飽地了。當然有叫下不同的火鍋料－蔬菜拼盤新鮮，條條菜都好幼嫩，仲有金菇木耳粟米豚肉片基本上渌一陣就食得，好濃豬肉味，靚野，嗌得冇錯。貢丸／蝦丸本身已經飽了，但打邊爐點都要食下丸，所以就叫左呢兩款，食完更加暖粒粒！
continue reading
雖然而家打邊爐家族上晒電視，但其實佢地唔係因為打邊爐而得病，而係打邊爐的氣氛令大家好興奮，口沬橫飛所造成，而呢間黃埔花園的潮館，座位空間好大，環境非常整理同乾淨。美美的醬料盤及醬油壺，讓人很期待。Menu:今次我地點左鮮椰青竹笙雞煲($198):個煲的外型好靚，有宮廷的感覺。竹笙份量都幾多，湯底係純椰青水，成個湯底非常鮮甜，聞起來垂涎三呎。雞件份量約莫為半隻雞，鮮雞滑嫩，雞皮爽彈。吃完雞煲，可淺嚐椰子雞湯水之解甜，不加任何調味，雞湯清爽不油膩。吃完之後，侍應很快就替我們加湯，準備下一輪的大開「食」戒!我們點了好幾個配料:美國雪花牛肉($88)牛肉不肥，倒是很合我心意，最近不喜肥肉脂肪，瘦肉也不會柴口，肉味夠濃，不用醬油也好吃。芥末墨魚丸併鹹蛋蝦丸($98)丸類現製手打，沒有煮過，上菜時仍保持黏稠質感，非常新鮮，看得出店家的誠意! 我們今次就試了比較特別的兩款口味芥末墨魚丸同鹹蛋蝦丸!芥末墨魚丸Q彈滑嫩，一粒粒墨魚粒增加口感，芥末不是很多，挺match 的!鹹蛋蝦丸最近好多食物都用鹹蛋玩fusion，其實不是樣樣加鹹蛋都好吃，過份了就太鹹太濟太膩，少了就沒新意，只管加了鹹味罷了。 這個鹹蛋蝦丸也還OK，流心鹹蛋汁好滋味，配上蝦滑不會搶味!芝士肥牛餃併韭菜餃 ($78)芝士肥牛餃芝士遇熱即溶，化成一「灘」牛肉餃，使口感沒那麼好，倒是挺新鮮，牛肉也好吃。韭菜餃皮薄肉肥的韭菜餃，好滿足。稻庭烏冬($32)$32就有兩餅稻庭烏冬，稻庭的麵條呈扁長形，口感細滑!最後店家送上兩杯抗疫菊花茶，希望今年大家都一齊事事順利!
continue reading
上星期同男友去左依間係屋企附近既火鍋店打邊爐，經常路過又冇試過，加上最近天氣比較凍，成日都感到有寒意，打邊爐癮即起，直接入座唔洗等位平時淨叫湯底打邊爐好似有少少悶，所以叫左個卜卜蜆煲，食完蜆打定底再打邊爐最好不過，隻隻蜆都大粒肉厚多汁，完全無沙，食得出好新鮮，個煲好濃蒜香味，食落唔會覺得有膩感食完個煲，飲返杯金銀花雪莉茶，清甜得黎好潤喉，飲完好暖身，要幫自己增強抵抗力另外叫左個小食涼拌黃金皮蛋，口感爽彈兼帶流心，過下口癮美國雪花肥牛牛味好出，厚薄切得適中，又唔會太肥，唔錯全晚覺得超好味係依個鹹蛋蝦丸，食落好彈牙，鮮蝦味夠哂濃，個饀係鹹蛋，食個時有陣陣濃郁鹹蛋香，依個配搭得好好，值得encore每次打邊爐都好鍾意食爆汁芝心魚卷，唔係度度地方有得叫，見到有即叫左份，烚到脹卜卜，爆汁芝士差少少辣咀，要慢慢小心食，濃郁芝士完全係我至愛點少得韮菜餃拼雲呑，超欣賞個韮菜餃，好大隻之餘，皮薄夠哂滑，勁多韮菜饀， 愈食愈好香，真心好食
continue reading
早幾天同朋友去左紅磡附近見面食飯，見有間火鍋私房菜，特登過黎試下。餐廳環境坐得好闊落同舒服。天氣凍凍地叫左個秘製雞煲。雞夠新鮮滑嫩，而且落左好多配料味道濃，唔會淡茂茂。熟食方面叫左叫椒鹽金磚豆腐粒，外脆內軟，必點熟食! 火鍋配料我地點左安格斯牛肉粒，食落好新鮮好有牛味，食得出唔係雪藏牛肉粒，讚! 仲有點左好特別既芥末墨魚丸，墨魚丸裡面有流心芥末，唔會好辣但又好特別! 如果中意食芝士既話，必推手工芝士牛肉餃，師傅自己新鮮手打，食多幾粒都仲想encore! 呢度既紫菜響鈐都係好特別，唔係間間火鍋都有!飲品點左原個椰青水，食火鍋配椰青水又出奇地夾同解渴。
continue reading
呢排天氣凍冰冰，真係好想去打邊爐。咁啱今日大年初二冇乜幾多間餐廳開門，最後就試咗呢一間火鍋店。呢度首先要講嘅係佢嘅服務好好，招呼我哋嘅女士應該係老闆娘，態度好好，服務亦好足。而佢嘅火鍋亦都好有水準，我哋叫咗牛腩鍋，佢話係熬出嚟嘅湯底 ，味道真係好重，不過我認為本身湯底有少少太鹹，所以都係加咗水打邊爐。而佢嘅食物係好新鮮、肉質亦都好好。啲牛又腍又滑，而丸類同埋餃子都比較特別，唔係出面食開嗰啲。所以應該係自家製嘅！
continue reading