Video
5-min walk from Exit B, Whampoa MTR Station
continue reading
Telephone
66761236
Opening Hours
Today
12:00 - 21:30
Mon - Sun
12:00 - 21:30
*截單時間：21:00
Above information is for reference only. Please check details with the restaurant.
🎐熊妹去左旅行半個月，今個月先輪到同瑪姬皇后聚聚。由於瑪姬皇后係趁著小王子的上學空檔🎒來見面小聚，就揀一間小店輕食午餐喇。📌聽講位於紅磡的《日嚐》的日本便當出名平價親民，午餐便當都係$65-$118，唔使加一，追加各款便當沙律都係$3或者$8，絕對係今時今日的稀有街坊價，真係要試下係咪咁抵？📌位於紅磡明安街寶石戲院🎬樓下，以日式木系的門面裝修可謂鶴立雞群🦆。📌雖然店舖小小，但可以間出3-4張四人枱同2-3人二人枱，仲有bar枱位，午餐時段來到仲要坐滿人，可見幾受街坊街里歡迎👏🏻。慢煮美國封門柳，$108配稻庭烏冬，加明太子，+$8封門柳份量都好多，目測係五成熟，粉嫩嘅牛肉冇血水，面頭淋上牛肉醬汁，食落去真係好嫩口，無筋無渣無肥肉，封門柳呢個位置厚實得來啖啖肉，咁嘅價錢真係好抵食。稻庭烏冬叫咗豬骨湯底，細細地一碗份量都好多，稻庭烏冬🍜口感煙靭就算放涼咗都仲係煙煙韌韌，最怕普通烏冬吸收晒啲湯汁變到一劈粉團。面頭加咗明太子，望落去份量唔係好多，但係撈入烏冬入邊已經辣辣地好夠味。慢煮牛仔骨，配洋蔥燒汁， $80配蕎麥麵（冷）牛仔骨都有7-8件，香濃嘅醬汁連洋蔥🧅一齊煮，每一嚿牛仔骨都好熟透，仲有骨頭🦴噀下，好入味。蕎麥麵好掂喎，過咗冷河嘅蕎麥麵口感好實在，加入冷麵豉油，食落去冰冰涼涼鹹餡地，感覺好清新，一點油都無，夏天🌞食真係最好不過！慢煮泰式雞，配泰式辣汁 ，$78配越光米飯加醬油蛋，+$8望落去以為好乾身嘅泰式雞，食落去原來好嫩滑。慢煮嘅方法，沒有過多嘅醬汁已經可以煮到雞肉全熟之餘，仲好軟腍唔鞋口，想加多點醬汁嘅味道就可以點下跟上嘅泰式青辣汁，辣辣地有幾過癮。醬油蛋加落日本米係無得彈，蛋黃汁滲入白米當中，撈上醬油汁，每一啖都充滿香濃的蛋黃醬油味道，咁有味道的米飯好容易三爬兩啖清掉一碗。青蘋果紫薯球，+$3好特別喎，紫薯🍠入邊加咗啲青蘋果粒🍏，本身感覺好飽肚的薯球，入邊有爽口嘅青蘋果，成件事變得好清新。南瓜佃煮，+$3一件南瓜蓉🎃，煮得好熟透，一啖放入口，溶哂。和風茄子，+$3醬汁煮茄子🍆，味道鹹鹹地。話梅漬蕃茄，+$3好有驚喜嘅蕃茄🍅，望落去以為只係一件普通嘅蕃茄切件，放入口係大甜味嘅蕃茄漬，甜得來有少少話梅嘅甜酸味再加埋生蕃茄嘅爽口，呢碟蕃茄能夠再encore！酸忌廉煙肉薯仔沙律，+$8好特別嘅酸忌廉沙律🥗！用上好多薯仔🥔撈起嘅沙律，質感比較濃稠，一啲都唔水，食緊啖啖薯仔肉之餘入邊仲有少少煙肉粒，用酸忌廉撈埋一齊又未至於沙律醬咁酸，呢個配搭做得都好唔錯！黃金菠菜，+$8冷食嘅菠菜🥬上面加了一隻醬油蛋黃，望落去已經好吸睛，一篤蛋黃中間將所有蛋黃汁流了出來，再連埋菠菜一齊食，多一重濃烈蛋黃醬嘅味道，係幾有特式嘅一款蔬菜。Coke Zero ，跟餐價，+$6陳皮檸檬茶，跟餐價，+$10紫蘇梅子梳打，跟餐價，+$15📌《日嚐》小店，無論食物味道、質素、價錢都夠晒大眾化，絕對能成為大家生活的日常。
continue reading
•慢煮美國封門柳 $108 封門柳份量好多🤩煮得啱啱好半生熟，中間仲有啲紅色，所以食落唔會話太過硬👌🏻我仲另外加咗$8要隻醬油蛋🥚超值啊🥰✨撈飯食真係好yumm🤤！另外手工沙律都好值得一試，紫薯青蘋果球🍏🍠 / 和風茄子🍆都唔錯，但日式大根就有啲苦😓•銀鱈魚西京燒 $118成個set份量超足(*°▽°*)，有兩塊銀鱈魚🐟仲額外加咗$38要多兩隻廣島蠔🦪，都幾好食喔✌🏻📍 日嚐 紅磡明安街10號寶石戲院地下F號舖
continue reading
日式小店，舖頭細細帶點溫馨感覺， 7點幾就開始坐滿。好似無印咁，俾你揀2款前菜，紫薯青蘋果沙律：番薯得來帶點清新嘅感覺，南瓜田煮：南瓜煮得好軟腍甜甜地嘅日本南瓜，清爽嘅柚子青瓜同埋和風茄子都好食。主菜我哋還煮美國封門枊（$118）同銀鱈魚西京燒（$138），特別欣賞呢兩個主菜都好好食。銀鱈魚西京燒的外皮煎得好香脆，內裏軟熟帶魚油香。至於風門樓都係驚喜，個肉質好軟腍，咬落唔會好多筋或者煙靭，配埋個柚子胡椒鹽，味道啱啱好。推薦大家加$8加個醬油蛋，因為醬油蛋嘅甜甜鹹鹹配埋飯真係好夾。我哋另外叫咗個千層塔玉子燒都係驚喜之作，睇佢$28有四舊，但係每舊都煎得好香脆加埋甜甜嘅玉子，食完一嚿一嚿。另外加咗$4要咗個蜜瓜大福同埋芝麻大福都好好食。餐廳唔收+1服務費。
continue reading
這次品嚐了一家慢煮日本菜餐廳，點了兩個套餐：一個是燒豬頸肉配烏冬，另一個是慢煮牛肉配醬油飯。牛肉略嫌有些韌，但味道還算不錯；相較之下，豬頸肉飯表現出色，美味值得一試。配套的小菜茄子和青瓜出奇地好吃，尤其是茄子，與白飯搭配絕佳，味噌湯淡淡地味，好啱食完飯慢慢享用。套餐中的蛋黃是點亮整體風味的亮點。然而，小店的環境讓人感到有些擁擠，基本上是將客人安排在貼著隔籬的桌位上。考慮到價格，或許可以期待更好的選擇，整體性價比不算太高。
continue reading
全日套餐 - 慢煮泰式雞 $88 / 蕎麥麵 (冷) / 南瓜佃煮 / 黃金菠菜 (+$8) / coke zero (+$6)慢煮泰式雞有兩層, 雞件的份量大約200g, 配上微辣的青醬, 頗為juicy, 雞扒不錯。蕎麥麵 (冷) 其實是常溫的麵條, 配上日式冷麵汁, 正常水平。南瓜佃煮的南瓜煮得很淋, 口感很綿滑, 但調味較甜, 本身食材已經甜, 令到整件事更加甜, 當甜品吃的話會比較好。黃金菠菜, 沒想到是以生蛋黃放在菠菜上的料理, 除了蛋黃之外還有甜醬油, 還是那句說話, 調味很甜, 小編吃得不太習慣。整頓飯感覺正常水平, 可惜雞扒的溫度不足, 上檯時已經是室溫, 否則會更加好吃。經過、又不用排隊的話是可以一試的一間小店, 但實在不用特地過來。
continue reading