Video
Opening Hours
Today
12:00 - 21:30
Mon - Fri
12:00 - 21:30
Sat - Sun
11:30 - 21:30
*Last Order: 21:00
Above information is for reference only. Please check details with the restaurant.
隨住啟德體育園逐步啟用後，啟德終於可以擺脫美食沙漠呢個稱號😆 啟德零售館除咗有美食廣場外，仲有唔少餐廳😋 好鍋日子更喺度開咗佢首間分店😍🍄茸美人鍋 ($148)養生姬松茸湯、美國Prime牛肩胛肉都50g＋牛五花100g🐓濃鶏白鍋 ($118)濃鷄白湯、美國Prime牛肩胛肉150g🥩肉の大盛り ($88)牛五花 150g＋Prime牛肩胛肉 150g🐷日本產豚梅肉 ($30/50g)🍲生烏冬 (+$4)🥘豬油渣雜炊飯 (+$12)餐廳主打一人鍋，設有多款湯底嘅套餐🥘每個套餐都配有蔬菜+鍋物盛合同白飯🍚白飯可以加錢轉炊飯/麵類🍜而唔同嘅湯鍋就配有唔同種類或者重量嘅肉類🥩玩法有啲複雜😂如果想簡單食到自己想要嘅湯底同肉類就最好揀彈性較多嘅自選組合😆不過我哋今次第一次食，就揀咗2個預設組合😇茸美人鍋同濃鶏白鍋，再另加咗個拼盤🤗肉比想像中大碟😲油花色澤同肉質都唔錯😌每枱都擺好醬汁幾方便👍🏻必加炸蒜醬🧄炸蒜加埋芝麻，為醬油更添風味😋食完火鍋後可以叫店員上炊飯😇跟住指示，善用剩餘嘅湯底製作炊飯都幾有趣😛雖然好邪惡😈但冇預期咁咸，值得一試😉
continue reading
啟德呢排好多新商場 今次去趁熱鬧去咗新運動場旁邊嘅啟德零售館視察吓環境🤣 見到呢間日系温暖木紋簡約風嘅涮涮鍋比佢吸引咗 餐廳好乾淨企理 環境好闊落 仲有一人火鍋友善位添😙-🍄🟫茸美人鍋 套餐 $148套餐主打養生姫松茸湯做湯底 除咗有大量姬松茸之外 一開始湯底仲係啫喱狀 慢慢加熱會逐漸溶化 骨膠原好充足 美顏得嚟好啱打卡🤣 另外套餐撘配咗肉味濃啲有咬口嘅Prime牛肩脊肉同油脂香好足嘅牛五花 同蔬菜鍋物盛合 同飯 夠哂豐富🥰-🦪海の宝盛合 $118另外我地仲追加咗一個海鮮set 包咗兩隻大大隻新鮮帶殼扇貝 兩隻半殼蠔 同兩隻鮑魚 淥完個湯底就更加有海鮮嘅鮮甜 層次大提升啊😝-🍚豬油渣雜炊飯 $18打完邊爐仲可以用剩低嘅湯底 自煮炊飯😙 我地㨂咗呢個有辣菜莆 豬油渣同香菜嘅組合 食落少少辣 口感好豐富 平時大食嘅飯桶朋友 一定啱晒心水😗-📍好鍋日子啟德體育園啟德零售館1，2樓M1-206號舖
continue reading
迎接啟德體育園開幕，發現呢間牛角燒肉集團期下既火鍋店都新開張🎉雖然係牛角集團，但就主打一人日式牛肉火鍋套餐，最平都只係$68起👍🏻而且仲可以自由選擇火鍋套餐既配答組合，由湯底、肉類、肉類份量同配料等都有得揀，豐儉由人，選擇彈性高。餐廳裝修行日式木系風格，空間感大，坐位闊落。雖然係一人火鍋，但唔會坐得唔舒服趕人走咁😌Menu 上雖然有推介幾款標明價錢既套餐，但其實亦可以因應自己喜好揀自選套餐，即如果我想食某隻牛，但唔想配餐牌套餐上既湯底，係可以既，而且價錢亦唔係橫一得一個價。肉類既選擇偏向牛肉，同坊間大眾化既牛類選擇差唔多，美國SRF、日本黑毛和牛、牛小排、PRIME牛肩脊等等都有，飛牛女就少啲，暫時就只得梅豚肉同雞肉。另外Menu上比較抵食既仲有海鮮拼盤同牛肉盛盤，例如只需$148就可以有一set包扇貝、虎蝦、墨魚滑同蠔既海鮮拼盤。我地兩個人，叫咗兩個Menu上都有介紹既$68牛五花套餐呢個$68牛五花套餐，係Menu 上係寫配昆布清湯，但其實另外都可以揀配蕃茄湯或藥膳白湯，都係同一價錢👍🏻見天凍，我地就揀咗藥膳白湯黎暖下身。個藥膳白湯係用當歸，杞子得藥材滾成，有濃郁既藥材味，如果本身中意飲藥膳湯既都值得一試。跟餐牛五花份量都算多，同出面既肥牛差不多，肉質幾嫩口，但始終脂肪會多d,怕肥既人可能揀其他少d脂肪既肉類會好d。跟餐仲有蔬菜、配料三實同一份烏冬麵或飯。蔬菜盤有生菜、娃娃菜，蘿蔔、金菇，本菇，份量岩岩好。配料三寶有日式火鍋既黃金配搭：獅子卷、年糕福袋同蜂巢豆腐。呢度嘅獅子卷係帶少少煙韌嘅口感，唔係一咬落去成舊粉咁，我好鍾意食❤️可惜一set得一粒。年糕福袋同豆腐就正常發揮，不過慢慢煮等佢地吸收哂d藥材湯味時好好味！最後仲有一碗飯或生烏冬麵，我揀咗烏冬。烏冬麵要煮稍為耐少少，建議中火煮7-8分鐘，再轉細火煮約5分鐘。烏冬個口感好好，又滑又煙靭，而且食完成個火鍋set之後，個湯底變得濃味咗，加埋d烏冬一齊食，好好味😋因為前期已食哂d牛同碗料，都已經有8成飽，烏冬個份量都幾多，我大概食咗一半都已經好飽😮💨除咗白飯烏冬，呢間火鍋店仲可以upgrade佢地獨家既炊飯set，有蟹肉、豬油渣等口味揀。我地另一set就加咗$18轉咗個豬油渣炊飯。店員會先送上張提示卡，教我地食完成個餐，臨近尾聲，等啲火鍋湯底滾到剩番大概15cm(大概3-4分1），就可叫職員安排上個飯。先將白飯倒落去煮，再加入配上既豬油渣、榨菜同香蔥煮一陣，最後就加入埋生雞蛋煮蛋花，就可完成呢個❗️好好食、真心推介❗️既炊飯🤤感覺就好似食緊粥咁，火鍋湯底既藥材味因為已經出哂黎，加上豬油渣既油香味，我地都食唔停口😋個人覺得d榨菜絲偏咸，可以因應個人喜好先慢慢落，覺得唔夠味再加。真心覺得如果去牛角係為咗成個紫菜拌飯，咁呢到就絕對要推介呢個炊飯🍚我哋食到最後兩個都好飽，真心覺得呢個$68嘅火鍋都算抵食，CP值高，值得再黎（特別係個炊飯😆）買單時仲發現，如果係新會員download 牛角集團會員App “Kabu App”，仲可以即時用到新會員近新coupon，免費贈送一份豬油渣炊飯！即等於我地今餐咁岩就唔洗額外加$18叫呢個炊飯添！又額外著數咗🤣
continue reading
株式会社全新品牌「好鍋日子」正式登陸啟德體育園零售館啦🥰！餐廳主打親民價嘅一人套餐，低至$68己包湯底、蔬菜、鍋物盛合、精選肉品及日本白米飯😍。我當然第一時間就去試下。除咗可以自己選擇組合外，餐廳仲預設咗9️⃣款一人套餐供大家選擇，啱哂我呢啲選擇困難既人。茸美人鍋 $148 養生姬松茸湯+Prime牛肩胛肉+牛五花湯底以珍貴嘅姬松茸🍄🟫為主，渗出香氣與鮮甜嘅味道。湯底以啫喱狀態呈現，加熱會逐漸溶化🔥，夠哂賞心悅目😍，搭配150g嘅Prime牛肩胛肉🐂同埋牛五花🐂，牛味濃郁之餘又帶點鮮甜味道，正😋。濃鶏白鍋 $118鶏白湯+Prime牛肩胛肉鶏白湯味道濃郁🐓，搭配雞肉和蔬菜更能突顯甘香，而肉就撘配150g嘅Prime牛肩胛肉🐂，相對姬松茸湯嘅鮮甜，放係鶏白鍋味道就濃一點😍，但就唔會蓋過牛嘅味道😋。套餐包括蔬菜🥬+鍋物盛合、精選肉品及日本白米飯🍚，仲升級份量或追加海鮮和肉品拼盤！咁DuckGor🦆當然升級啦😆。海の宝盛合 $118半殼扇貝2️⃣件、半殼蠔2️⃣件、鮑魚2️⃣件呢個盛合全部係貝殼類，每款都非常新鮮，又大大隻😋。和牛の至極 $178日本產黑毛和牛肩胛肉 100g、美國SRF和牛肩胛肉眼心 100g日本產黑毛和牛肩胛肉肉質厚實又軟嫩，油花細緻而分佈均勻，滑而不膩，一試愛上🤤。正所謂好戲在後頭，最後記得留返約 1.5cm高嘅湯底，將日本白米飯🍚倒落去以盡吸鍋中精華，再按個人口味自煮熟成嘅炊飯😋。如果想讓味蕾大滿足，不但可升級(L) 米飯，更可選唔同口味，包括：玉子雜炊飯🍳、蟹肉蟹膏雜炊飯🦀及豬油渣雜炊飯🐖。店員推介姬松茸湯🍄🟫配豬油渣雜炊飯🐖，鶏白湯🐓配蟹肉蟹膏雜炊飯🦀，我只可以講，果然好介紹令人一試愛上😍。
continue reading